2016年5月19日 星期四

南美洲4國新奇探險之旅2016-02-16第四天Part 3(晴天及後雨天)

華~我幾乖~連續兩日出blog~~~唔知點解~~今日多野做過噚日~~~不過心情還好呀~~~~可能旅行d開心感覺仲係度~~~~同埋又同Chlo子一更卦~~~~~~~~~再加上....旅行完番黎.....番3日工之嘛~~~~~~你睇下~~~聽日又星期五喇~~~~~~~~~~~~



2016-02-16
Day 4---Part 3(秘魯,奧揚泰坦博 Peru,Ollantaytambo->秘魯,熱水鎮 Peru,Aquas Calientes)

攞左房放低野又出去逛逛喇~~河既兩邊都係由橋連接...但橋上會噴水係有咩用架?




連分類既垃圾筒都咁有印加風味~~~~~~




我地酒店係斜路上面~所以依家要落山搵野玩搵野吃~





好喇~其實第一件事我地係要買左聽日上馬丘比丘(Machu Picchu)既車飛先既~成人來回US$24=186.7hkd....佢都可以俾秘魯錢...但如果俾秘魯錢係S/.84.048=194.2hkd....咁貴d嘛~所以我地俾美金~~~~~~~咁就無限你時間既......你個站度排隊上車就ok架喇~因為佢d車好密架!呢班坐滿下一班又除即開出~第一班上馬丘比丘既車好似係05:00開出...我地諗住搭最早哥班~因為我地想上去睇日出~車飛建議你買來回喇...因為之前angela諗住試下上山坐車落山試下行....點知...本身d人同佢講45分鐘就可以行到落去......點知佢行左兩個幾鐘先行到落去............隻腳仲要痛左3日..................(其實坐車都要25分鐘架...你諗下用腳行要幾耐~~)





佢行過少少仲有架巴士既模型擺係度~話你知你就係要上呢d車喇~~




hehe~好緊張呀~聽日我地就要去馬丘比丘了~




咁我地就沿路行番落去頭先落車既火車站周圍行下影下相咁啦~






真係幾靚架~唔知點解令我有少少諗起千與千尋d場景~







俾個動態版熱水鎮大家睇睇~~d水流好猛好急架~



有d攰~咁就搵間餐廳坐下啦~咁岩線有火車經過~~



係呢間野等左超耐...真係超耐....其實我地無叫咩野食.....都等左20幾分鐘...一黎到....wow




紫色哥杯係Typical Drink.....白色哥杯我叫既係Lemon Frozon....各S/.15=34.7hkd.......wow~色已經夠恐怖......飲落仲要甜到出哂汁..................................




另外叫左個Fruit Salad...S/.25=57.8hkd.....其實得d蕉同埋罐頭桃...唔知點解要搞咁耐~係咪因為要搞個蘋果雕花?呢個下午茶都係得啖笑~




諗住飲完野去逛下d手信檔仔~行過見到隻金毛仔.....好可愛呀你!!!!!!!!!!!!!!!!!!!!!!!!!!真係好得意呀~~~~~






不得不說~小金毛同毛寶都好可愛~~~~~你睇下隻金毛仔個樣幾疏肝~~~~~~~~~~~~~~~~




我對住d好細隻既貓狗抵抗力係零....你真係好得意!!




又巧遇另一對喵喵~




係火車站對住既呢條樓梯行上去會有好多手信檔仔架~不過行得越上越平~而且價錢其實都幾平下....仲有...提提大家....我發現.....我去既4個國家.....秘魯d手信係最平最靚的....但當時怕搭內陸機有行李重量限制....所以我禁止自己買咁多...要留番後面d國家先開始買手信..........事實上係後悔的.....佢地d地毯係超出色!!





聽日諗住上出睇日出嘛~咪諗住早d食飯番去訓囉~揀左火車站對住既呢間酒店食~Casa Andina Classic Machu Picchu




餐廳在B1層...一落去......超靚!對住條急流!!!大家一齊說:我諗起力保健...衝刺每一刻~(誤)






得我地一枱客...但起碼等左半個鐘先有得食~我地叫左Ensalada de Pollo Crocante...S/.35=80.85hkd....果然係酒店價呀下~呢個雞肉沙律...極度好味!!!個汁甜甜酸酸的~~最正係d炸雞條....炸得夠脆又香!!仲要有肉汁!!好好味!




Ceviche.....S/.45=104hkd.....我地唔死心...再叫一次醃生魚~~~~~~~~~~~今次係間幾靚既酒店叫..有d信心保證喇卦~結論係呢味Ceviche真係幾正!!!不過要在對的地方叫~




Consome de Ave......S/.30=69.3hkd....雞湯~唔錯~酒店價~




主食叫左Pizza Intihuatana.....S/.40=92.4hkd.....不錯吃~不過幾細個下~




Lomo Saltado....S/.50=115.5hkd........呢個幾咸..一定要送飯食~~~~個薯條難吃





食完落雨.....大雨到要即刻去買雨衣著~~~(即棄哥種)......番到酒店......上網睇天氣....聽日會有雷雨......下.....咁.......唔使咁早上馬丘比丘啦......大雨都影唔到日出....咁晏d先起身上去lu~熱水鎮呢個地方既海拔比起我地前兩個城市要低....所以我呢日訓得好舒服~唔會話頭痛到要起身做吸氧操~而且有落雨聲加上出面條河流d水聲....是晚真係好訓到一個點~訓前睇下買左d咩先~~~我買左件衫俾我親愛的舅父呀~~~~仲有買左d靚靚磁石~










2016/05/19的開心事:
有人請我食好好吃的薯片!!!!從日本來的!!!!!!!!
係日式燒牛肉味!!!!!好好味!!!!!!!!!!!
(明明我自己也剛從日本回來~~但我見唔到呢d口味既薯片~)



報時:距離"七公子"帥帥出使東京之旅2016仲有---134日~
報時:距離冰島環島自駕遊之旅2016仲有---169日~~~~~~
報時:距離合家歡台北聖誕之旅2016仲有---223日~

32 則留言:

  1. 果個草泥馬磁石好得意呀 ^^
    垃圾桶都好得意 仲有真係幾似千與千尋呢

    回覆刪除
    回覆
    1. 係呀我都覺得好可愛~~
      係呀~~~~~~~秘魯都有分類垃圾筒~~仲要咁得意~~

      刪除
  2. 初時以為是小溪,原來水是咁急,好特別火車在身邊咁近經過﹗

    回覆刪除
    回覆
    1. 哈哈~~我覺得哥個地方好特別呢~~~

      刪除
  3. 有雨?好緊張明天順利去馬丘比丘嗎?
    我都覺得有D似千尋景

    回覆刪除
    回覆
    1. 個電話個天氣預測係話雷雨添呀...嚇到本小姐個心離一離呀
      係呀好千尋~

      刪除
  4. 回覆
    1. 好啦~~大家都咁大粒又可愛啦~~~~

      刪除
  5. ♦・゚✬好友★。゚☆晚安☁☾
    ❥*¨❣╠╣aΡpy星期五❤¨*ღ

    回覆刪除
    回覆
    1. 周末好開心呢~~你玩得開心無~~~

      刪除
  6. 好彩有飯食
    巧遇貓貓狗狗

    回覆刪除
  7. Fruit Salad個賣相係幾搞笑 ^^
    我估唔到南美啲餐廳咁時尚, 好掂呀呢間

    回覆刪除
    回覆
    1. 好似番左以前氹小朋友咁~~
      呢間真係幾靚~~~~~

      刪除
  8. 個蘋果鵰花好有強國風味

    回覆刪除
  9. 小金毛真是勁可愛
    可惜落雨睇唔到日出.....
    將來會唔會再去秘魯買手信呢?
    咁佢地普遍煮餸都幾慢手腳喎,定還是佢地生活節奏係咁慢,只係我地慣咗心急?

    回覆刪除
    回覆
    1. 真係勁可愛~~~~~~
      係啦.....唔知係咪好難睇既呢?
      特登去買就唔會喇~~~~但如果去開咪會買囉~~~~
      我都唔知...真係有團友訓著左~

      刪除
  10. 呢個熱水鎮又幾好feel 喎,有日本温泉feel 見到條鉄路又覺得似台湾十份咁!
    間餐廳好正呀.......d 景!!
    請問飯上面一粒粒果d 係乜?

    回覆刪除
    回覆
    1. 係囉~~~我覺得哥度雖然係旅遊區但係幾靚~
      力保健美~~
      都係大粒粟米仔~

      刪除
  11. 餐飯好正喎~~~ 我好期待你下一篇呀。
    啲磁石好正呀~

    回覆刪除
    回覆
    1. 咁呀~~~快d去睇啦人地出左喇~~~
      真係幾靚~

      刪除
  12. 四個帶帽的旅人,好帥喎~~~
    紫色哥杯好恐怖!
    小金毛又真係好可愛。

    回覆刪除
    回覆
    1. 帥帥的我們~~~
      哥杯色恐怖....白色就味恐怖
      係呀好得意呀~~~

      刪除
  13. 見到呢條急流就驚⋯
    喂! 乜你食得咁豐富架,流晒口水添。仲有,我覺得南美多國,秘魯野最抵最豐富最抵食,你覺得呢?

    回覆刪除
    回覆
    1. 最抵食係真既....但講性價比高同好食我認為係阿根廷~~~~~~~~~~~~~~~~~我到依家仲係好掛住阿根廷

      刪除
  14. 返緊工睇條流水片, 水流聲令人聽得巧舒泰

    回覆刪除