2016年5月9日 星期一

南美洲4國新奇探險之旅2016-02-15第三天Part 1(晴天)

華~~~這是一個多野做的星期一呢~~~一諗起今個禮拜要番足5日工就打左個冷震~~~~星期五我放左自己假搞d野~真開心搞掂左~爽哂~做完之後去左TFT呢~~好開心閒日都去到~佢真係幾勁~閒日都咁多人去~~夜晚食左日與夜咖啡室~星期六中午我終於去試左珍榮哥個瓦煲牛腩腸粉~~真係好好味~~之後又去左Garment Park...好似每個禮拜都要去一去先安樂咁~下午毛寶又幫我剪頭先準備下個星期出發喇~~夜晚有屋企人生日食左日麗~星期日中午去左食譽路八....下午在家睇大阪地圖...晚上同屋企人慶祝母親節食左海灣~又過左3日假~點解放假d時間特別飛快~



2016-02-15
Day 3---Part 1(秘魯,庫斯科 Peru,Cuzco->秘魯,奧揚泰坦博 Peru,Ollantaytambo)

早晨!!!!!前篇先講完訓訓下俾毛寶拍醒話我成塊面紫哂驚我已往生再訓番.....其實我地都係訓到5點幾咁上下就起左身...可能時差又已經訓夠卦~唯有坐係床玩下又做吸氧操~吸氣~呼氣~




呢張唔係想話俾你知我有幾帥或者幾靚!....係想講呢~~hehe~毛寶呢個時候去左沖涼呀~~但我就堅持唔沖住喇..因為我仲係會頭痛~~~唔想加劇高山反應所以唔沖~呢張相係想話俾大家知~我已經有3日多無洗頭喇~~~個髮型仲係唔錯呀可~毛寶話都真係唔錯~(平時一日唔洗頭已經話頂唔順..不過港澳地區潮濕嘛~)..眼就唔開俾你睇喇...橫掂都係紫色...




一早起身咁好太陽但都有d凍凍地!!見唔見到佢地屋企有兩隻野咁呀?





唔通好似我地中國屋企哥d?如果係佢地呢個傳統又同我地幾似喎~




呀~點解你硬係影得靚d既~好似童話樂園咁~




睇落好單薄呀可?其實不~佢個麵包真係好好好好好好好食架!!!唔知點解?個型似澳門豬仔包..但味道不同!!佢地d包係好味d架喎!又整杯Coca tea補補身先~橄欖也好吃!芝士也好吃~(即係全部好吃)




哈哈..哈哈~其實仲有~佢會問我地想食咩類型既蛋~基本上一隻太陽蛋我已極度開心!仲要有埋好味麵包已經超豐富早餐~滿足!




餐廳隻窗望出去真係..好好天.......重點我想到的是我沒有行李在身....所以我沒有防曬...而部皮膚感到很不安.......




食飽飽早餐等車~由於噚日個司機見佢好好咁係機場等左我地好耐搞行李d野....噚日到左酒店時問佢有無興趣今日車多我地一程......佢又表示開心同ok....但點知我地約左佢時間之後佢竟然無出現...見過左15分鐘都無黎請酒店既人打俾佢問下佢係咪唔記得左...點知佢答...佢話唔得閒..唔黎喇喎.............................咁都得~~~~~~~~~打個電話黎講聲都得卦~~好彩唔係趕搭機je~~~~~呢幾幅相係等緊佢車時係酒店門口影~



我覺我佢地d窗台幾靚喎!



好喇~咁酒店就再幫我地call普通的士啦~講好價其實係短程黎既..好似S/.10=23.1hkd....除4個人.....俾佢啦...好曬呀(懶)




佢地d路都...好窄下喎...............連阿Sam都驚:之前d人話難揸會叫佢去澳門試下先~~~點知依家要改口黎Cuzco試下先啦~~~~~~




好衰架~~人地今日一早出黎有正經野做架~~~就係~~~~登登登櫈:要陪唯一無葡國護照既團友阿Sam去做玻利維亞維亞簽證~~~~由於我地要去馬丘彼丘~所以我地順路就係Cuzco度搞埋簽證喇~地址:Av. Oswaldo Baca,N.101, Primer Piso, Urbanizacion Magisterio, Primera Etapa Cusco Peru.....其實Puno都有玻利維亞領事館...就自己行程啦~一落車就知呢區應該係高尚d既住宅區~梗係啦~地勢仲要低過我地酒店少少~~~不過個門口有d難搵~~因為唔望真d都唔知佢係一間領事館~




辨公時間...記得留意時間喇~一拍門...就有人出黎開門~原來係領事黎開門...真係隨和~一入門口就覺得居家既感覺~~有張類似辨公枱..另一邊係飯廳.....佢問我地邊個要搞簽證...佢知得一個人搞但都無趕我地出去等...示意叫我地幾個飯廳等......領事睇過阿Sam資料....知佢有上網預先登記...大叫一聲:GOOD!........




領事俾張紙佢...叫佢去隔一個街口既銀行交簽證費...不過佢地話個銀行名唔岩架喎...又唔知點解佢地會咁醒搵到喎咁~~~我d團友都好醒目~~簽證費US$30=233.4hkd..咁佢地去交錢~我同毛寶係客廳坐坐~同席仲有一對香港的男女..和一對日本男女....香港男女個樣有點緊張~(點解知佢地係香港人...其實係直覺...wakakkakakaa~)...佢地好快交完錢就番黎~坐係度一齊等~




呢本係阿Sam既針薄...因為上網寫準備資料話要打黃熱病預防針......點知阿領事頭先一開始檢本資訊時連打開都無即即刻俾番阿Sam~~~~~(佢唔睇一件事..佢又真係有寫明要你打~不過之前上網睇其他人寫話如果同領事講唔去亞馬遜其實都唔使打...不過唔知真唔真~)




其實我地坐低講左笑10分鐘左右.....領事就落黎....我地諗住佢叫阿Sam上去再問問題...點知佢俾番本證俾阿Sam.....原來已經簽好證!!!!!!!!!(但奇怪我地仲快過早過我地黎既哥兩個香港人既?)..............成件事好順利~~~~前後不過20分鐘~~~我地仲諗住要用成日去做呢件事的~~~快到我地一齊擴一擴鼻孔~





之後行過有個聖母....成班人一齊停低多謝天主同聖母保佑咁順利攞到個玻利維亞簽證(撒紙碎歡呼起音樂)...之前聽人講好難簽架特區護照~好彩依家可能放寬左卦~




咁開心去行個地道超市慶祝下先~(咩慨念?!)





我就最鐘意行地道既超市架喇~~~如果唔係我都無得睇黑色既粟米啦~真係第一次見~但幾唔靚仔~




好多色既水果~睇過唔太貴~




薄荷朱古力我平時食得多呀~~未見過薄荷餡既威化餅~~~一定要買黎試試啦~~~~一包S/.2.3=5.3hkd...華..幾抵喎~我地之後開左黎食....................好好味!!!!!!!!!如果唔係之後仲有地方去...我好可能買番黎當手信~




印加Chips...唔知會唔會有印加味呢~




我見到呢個火柴...真係覺得好靚喎.................草泥馬造型~~S/.2=4.6hkd..有成10盒....買番去做手信都好~我地諗左好耐...火柴唔上得機喎...寄倉都唔得....噢~仲要有秘魯國旗架





哈哈~~我地今日唔再蛇ghere喇~折架的士~去庫斯科大教堂(Cusco Cathedral)個廣場附近行下囉~好靚呀~





送多個全景你看~今日天氣好好呀...嗚嗚我塊面呀~




呀!點解你硬係影得咁有味道!!個像指住d你個大名好似好有希望...構圖好好~~~~~




咁呢~呢個時候已經係正午喇~太陽都.....慢慢開始好熱喇.....咁樣望個山城好靚呢~





不過最重要既事係.......走埋一邊先.....女仔就梗係買呀買呀買啦~~~~~~~~~~~~~~~~~~~~真係好好買~好平~個女仔係流動式咁樣擺賣...阿Sam叫我地慢慢揀......然後偷拍我地.............(防小偷招式身一式:隨街揀野好易揀到失去防賊意識....靠牆揀最安全~呢招好有可能係第一式...亦有可能係最後一式~~~~~~~~~~~~)




買完又再周圍行下囉~圍住個廣場咁行~我睇人地個blog個教堂可以俾錢入場參觀~不過我個人興趣不大~依家人大左大自然野我就超鐘意睇~~我對人起既建築物既興趣一般不大~隨了西班牙Gaudi設計的~因為真係...我唔知係咩風格...但真係同其他的很不同~突然好想再去西班牙~






係咁意留影一張~見到毛寶隻手d小小草泥馬匙扣嘛??就係頭先我地圍埋一齊揀哥d~~只係S/.1=2.31hkd咋!!!!線都買唔到條啦~~~~~仲要咁得意~~~大手買入做手信~~~




我覺得秘魯人d著衫style好靚!!!!一般上左年紀d姨姨婆婆都係咁著!!!唔通係傳統印加衣著????好靚!!!而且一定有一條好長好長既孖bean(唔識打哥個中文字)...毛寶又係構圖得好靚呀~構圖王!...我覺得古城加埋姨姨d衣著好有70年代味道...好正~




然後行入一間紀念品店(好涼有冷氣~)....入面有d好靚好靚唔同款既朱古力賣~~~~但個價錢十分不宜人~~~~~~




佢地d窗台真係靚靚!讚!




都係行入橫街靚d~~~~佢有條街係有好多旅行社的!未買火車飛去馬丘彼丘可考慮黎大教堂廣場附近呢條街望下有無團岩join~呢條街好尋幽探秘feel~(不過我地會確定有人氣..我地先會入....怕會危險~可能你地覺得我地好細膽~不過安全為上~)




再轉一條街行下....毛寶影完事後才發現....影番同一個姨姨既背影~~~~~又會咁岩既~個背影好可愛~








2016/05/09的開心事:
感冒終於好番d...但都係好眼訓~~



報時:距離日本大阪之旅2016仲有---4日~
報時:距離"七公子"帥帥出使東京之旅2016仲有---144日~
報時:距離冰島環島自駕遊之旅2016仲有---179日~~~~~~
報時:距離合家歡台北聖誕之旅2016仲有---233日~
就黎要去玩喇~~~~加油番埋今個禮拜工啦~~~~

26 則留言:

  1. 嘩~~~~仲有四日妳又去旅行真happy啦、但妳要小心旅行前病喎、唔好食煎炸野啦

    回覆刪除
  2. 頂,今日屋企個上網有問題,唯有用電話上住先!
    好勁喎,三日無洗頭仲咁清爽,我都係惯咗日日先頭果類人,隔日就會覺得好'立'
    個早餐其實都好飽肚,個包咁大個
    嘩,d 黒栗米好恐怖,我以為係虫><
    睇黎果日出街後,你無晒高山反應喎!

    回覆刪除
    回覆
    1. 我屋企成日上上繼線.....唔知做咩~~~
      我都要日日洗架!!唔使會臭架嘛....港澳地區一定唔得啦咁濕~~~
      哈哈..我仲食左兩個包....真係好好味~~~
      其實我想試下係咩質感同味道~~不過無買~感覺上好污糟...佢又無左出面層衣~
      都唔係呀~~~行行下街都有扯蝦~

      刪除
  3. 我覺得啲橫街有點似澳門的巷子?話咁快你又去旅行啦﹗

    回覆刪除
    回覆
    1. 係呀~其實都似架~~~~
      好開心~~想快d去旅行~~

      刪除
  4. 我係度禁緊機票呀~~~~我原本搶到架, 最後LOAD唔到~~~好傷心

    我覺得婆婆個背影好似宮崎俊果套哈爾移動城堡果個婆婆呀~~~我係咪太好想像力~~哈哈
    你個頭真係唔似咁耐冇洗頭XDD

    回覆刪除
    回覆
    1. 好可憐!!!!!!!!搶平機票真係要鬥智鬥力的~~~~
      呀!!!你咁講我都覺得好似呀!!!!!!
      係啦~~~聞落都唔臭哥下神奇~~

      刪除
  5. 好友★。゚☾快樂時間過得好快
    又瞓覺豬喇喂☁¨*☆好夢♦・゚✬晚安
    ❥°¨º❣週二❤ღ╠╣aΡpy喇喂♥¤*¨♡

    回覆刪除
  6. 嘩...原來你無上網是感冒
    夏天我就冇問題,小病好多呢
    距離日本大阪之旅2016仲有---4日~快好番呢

    回覆刪除
    回覆
    1. 係呀...前幾日個身吉下吉下~
      咁就好喇~我係春夏交接好似易病d~
      知道~我會努力快d好番架喇~

      刪除
  7. 秘魯真係好靚.
    大板之旅話咁快就係,剩番四日咋!

    回覆刪除
    回覆
    1. 係~我都覺得秘魯真係唔錯~~~
      好緊張呀~~我要食好多野~~

      刪除
  8. 小t, 多謝你一直以來咁有心機寫blog, 好鐘意睇你嘅旅遊blog, 努力加油寫落去!

    回覆刪除
    回覆
    1. 好多謝你既支持呢~~~~~我會盡力寫的~~~

      刪除
  9. 以前入玻利維亞最煩係個簽證,依家看來好容易,恭喜晒~ 攪到我想再去多次,當然我個港女未去過更加想去啦~
    其實我地香港澳門人認香港人好易認,wakaka~~~ 好似係冰島,一睇衣著就知,香港人好多人好似你咁著香港嘅連鎖品牌架~

    回覆刪除
    回覆
    1. 我覺得依家真係易左好多~比起之前d人寫書時講既情況好似無左~呀~港女未去過要同佢去下喇~~~~~
      毛寶分辯亞洲人都好叻架~從佢地外貌同埋衣著就估到~~我就成日都估唔中~

      刪除
  10. 其實話時話,我覺得有啲小街影出來都幾似澳門喎,可能同西班牙葡萄牙風格接近有關^^
    旅行最開心就係一切順順利利,快趣搞掂簽證就無後顧之憂,行街都份外開心啲....
    行完街返酒店,咁件行李返到未?

    回覆刪除
    回覆
    1. 都可能係呀~其實都幾似~
      係呀~~~估唔到咁快搞掂~真係好開心~~~~~~~
      未呀...............嗚嗚...

      刪除
  11. 3日多無洗頭,無晒公子 feel 囉~~~
    黑色既粟米,好想試。
    山城風景好靚。

    回覆刪除
    回覆
    1. 哈哈~~都唔臭~~~
      我都想試~~~
      無錯~好靚~

      刪除
  12. 好正喎, 個度紙水好低呀, 啲野好平, 係驚危險啫~~
    真係唔沖涼都得?? 唔會覺得好油咩?
    有冇抹下身架?

    回覆刪除
  13. 我女女畢業旅行都有去秘魯,佢冇買野回來呀,我都覺啲手工藝好靚

    回覆刪除
  14. 對於你們澳門友, 這些南歐主體的建築特色, 又真係無乜新鮮, 西牙班的就會大和宏偉好多, 這些小規模了. 你見到個姨姨幾次, 佢又攞個大袋, 主要因為佢係度拾荒, 尤其遊客飲完的膠樽.

    回覆刪除
  15. 沒有防曬我都有D不安,秘魯D景好靚,個天好藍色

    回覆刪除