2016年4月28日 星期四

南美洲4國新奇探險之旅2016-02-13第一天(大霧)

我唔掂呀....星期二我同同事出街食完飯就堅虧左.....其實我星期一晚已經周身俾針吉咁樣.....仲疑似發燒........星期三一起身又極頭痛...好難搞.....5.1黃金周喇...快d好番啦...我娘親就黎生日喇...但我個胃勁反~~明天努力番工!!!!然後放3日5.1勞動節假!!加油!!!!!!(原諒我呃左你地話噚日出blog~噚日真。虧左)



2016-02-13
Day 1(澳門 Macau->香港 Hong Kong->美國,達拉斯 USA,Dallas)

好喇好喇~~~~要出發了~~~~~~~~一出發就有突發事~我地出發哥日係搭中午一點機既~我地本身揀左09:15呢班機場船過香港既(呢班係一日裏面既第二班)....點知之前一晚極度大霧!!大霧到好多普通船都delay或取消...嚇到我地賴哂屎!!!有諗過之前一晚一放工執好行李就過去....但夜晚應該比朝早大霧....所以.......問左各方意見....我地決定....早d出碼頭博一博希望搭到頭一班機場船!!不過都係博下...要睇下仲有無位俾我地早d落....諗住如果第一班都delay(我地第二班)....我地就搵其他普通船過香港...再去香港機場~所以我地呢日超早出到碼頭呢~~~第一班船係07:15...我地06:00就出到碼頭集合~~(我想補充...由於我地一個月太貪心怕無下次黎南美~所以要去好多地方....仲有...我地唔係慳錢團....亦唔係豪使團...所以....著量參考啦下~)



4個人的行李~~~~~~其實算好少囉可~~得3個gip同4個包包~因為我地為左去到南美如果搭的士既話..想儘量同一部的士會安全d...所以要係行李方面入手..因為怕架車裝唔哂~大比同阿Sam就用一個大gip和每人一個背包..中gip是我的再加一個包包....毛寶最偉大~一個小gip再加一個包包........(我覺得好勁...去一個月就一個小gip加一個包包就搞掂!)...所以計起黎我係攞得最多.....野.......................................

好彩打哂蛇餅排緊隊埋去有個職員幫我地去counter check下仲有無位俾我地落....好好彩....仲有4位!!!!!!!!




真係出發喇~~~~~~~~上船喇~~~~看看毛寶帥帥的背影!!(書包就黎大過佢..)




因為大霧所以哥日應該係行得慢左好多...成1小時45分鐘先到.....到香港機場之後因為個counter太早仲未開~我地坐埋一邊等...咁上下網啦....跟住貞就話我地知...我地本身哥班09:15晚機場船係09:21仲係顯示"待航"..........




點知去到09:50佢都仲係"待通報"......真係感謝天主!!!!!




然後個check in counter開左之後...我地就去check in啦...因為我地都好肚餓未食早餐....諗住check in完就去食.......點知個check in counter個女仔由毛寶問佢係咪counter開喇可以check in開始就已經係極!度!無!禮!貌!.......不過本住我都出發咯~開心玩~咁先無開佢拖.............點知佢唔知又亂答一樣我問佢既問題......令到我地好慘....至於係咩慘野...去到哥個位先講



野~check好in搭無人駕駛列車~~~~梗係去19號閘口附近個food court搵食啦~~(另一個food court我覺得好難食)......好野~~~~~~~~~~為左"因為會有32日無飯食無日本野食"而去左食好熱氣既勝博殿~~~~~~~~~仲要係我最鐘意哥個餐~~有豬扒有蠔~~~~~~~~(哥時係早上10點幾左右...我已經食重飯~~~)......好開心呀~~~~食飽飽覺得特別開心~~~




食飽飽就慢慢行過去我地個閘口啦~(今次終於唔係36號閘口).....雖然香港機場係世界排名已經唔係第一....但係我仲係最鐘意香港個機場~




係喎~~~~~仲未同大家介紹有咩填友添~~~有我啦~~毛寶啦~~大比啦~~阿Sam啦~~唔好漏左阿寶呀~~~呢幾位冰島鐵腳既填友要衝去南美喇!!!!!!!!!!!!!!!!!!!!!!




出發既時候係年初六~新年既裝飾都未除~~其實我都唔捨得新年都未過哂就"dum"低媽媽一個係澳門架...不過.....我唔想佢年紀再大d需要我留係佢身邊照顧佢時我先走左去玩...所以呢種旅行~都係襯佢仲精精神神我快d出發~




呢張相等上機中影~~~毛寶整得真搞鬼~我地呢個旅程有4個重點check point要達成~有我fb的朋友都應該知道了~相中是其中一個~~唉呀.....右邊個女仔好白好靚呀...邊位黎架?可否介紹我識??????(我好掛住咁白既我.......)




神奇的葡國護照~~當想去南美的人都關心玻利維亞如果取得簽證時...佢就係帥氣的告訴你:我們整個南美洲都不用簽證~




好喇~我地呢日係搭American Airline既AA138係13:40由香港飛去美國達拉斯(USA,Dallas)轉機....要留意的是...就算只係轉機.....葡國護照都係要做網上的美國簽證!而港澳的特區護照都需要到香港的美國領事館做簽證!!點解咁麻煩都要揀去美國轉機?因為佢d時間靚d同埋American Airline平d囉~




上機了~隻機幾新幾大~係3-4-3哥種坐法~好彩有中間4位網上揀到位je~可以一齊坐~~~毛寶小朋友個樣做咩咁可憐架~真係想啜佢一啖~~~阿Sam個樣係點樣可以做到架.............




知唔知我有幾開心??因為....佢有USB差電位~~(紅箭咀)...好方便~~~仲有呀~~佢有好多套戲我上次去冰島所以睇唔到佢都有~~我可以睇番~~~而且d戲都幾新喎~~~~~~~~個mon又夠大~~~~~~包括我想睇既火星任務(The Matian)同埋命懸一線(The Walk).......火星任務不過不失...反而講行鋼線既命懸一線比較刺激~





呢班有個黑人空姐姨姨好有禮貌~~我地同佢講thank you so much佢會超開心....唔通...平時好少客會跟你說謝謝??(其實我地都係咁...雖然係服務業我地俾好既服務你係應該既...但同服務人員說聲謝謝其實已經好開心~起碼我會好開心~)個餐係curry tofu!!好新鮮未係飛機上食過~~~個咖哩幾好味喎~~~~~~~~而且完全無肉我覺得幾好食~沙律同左上既冷麵都唔錯~係個甜品甜左d~好乖呀~我做咩會飲橙汁架~(呀~我記得喇因為我哥日起飛頭痛~)




睇下戲~又訓下醒下~去廁所見到.....華~~廁所隔離個pantry有好多零食飲品任攞呀~~~~~~~~~~~~~~~~~~(其實使唔使咁開心?)...無王管唔使問空姐攞哥種心情你知唔知我有幾開心~~~~~~我好似未見過咁樣...係咪我太耐無坐去美國既航班?其實我真係好耐未去過美國...




wakakakaka~~~~一路食野一路睇戲~~~~~~~~~除左旺旺雪餅仲要有好好味既mini pretzels~~~~~~~~~~~




食左兩包pretzel同埋一包雪餅之後好驚嚇咁發現仲要有Lay's薯片!!!!呢隻好好味~~~~~一路食一路睇The Walk~~~食左兩包~~~~




中場派小食餐~~個卷個味....er....係中東味既豆.....er..........我食左個皮......同埋d提子.....




一班機既藏戲量真係對長途機好重要架~我睇完哥兩套戲我就再睇見習無限耆(The Intern)....我覺得羅拔迪尼路同埋安夏菲維都做得好好喎~值得一看的電影!睇到我眼濕濕又再派餐~~~!(你們吃夠了沒?).....食早餐喇~~~~個芝士火腿牛角極度好吃!!!!!!




落機前再睇多半套普羅米修斯(又睇..因為有冰島Dettifoss所以我極度鐘意睇).....咦~又比我想像中快完成呢14小時又40分的機程~我們終於到美國了~~~~~~~~~~~~~要進行入境又再出境既手續......首先...要自助形式....係d自助機scan護照影相答幾條簡單問題......之後有張紙俾你....去排隊過海關...我同毛寶一齊過......我真係好驚海關會問我好多問題(尤其美國海關...我上次一個人去佢問我超過10條問題).....我成個人會硬哂...(但明明無做衰野)......搞掂呢part....仲要再過一個海關(類似檢疫哥d)....又問一大堆野.....終於出到黎.....




由於禁區外都無咩野行....其實我係旅途中上網查一查先知...原來達拉斯係位於德克薩斯州....事前我完全唔知自己轉去美國邊度...wakakaka.....好啦...咁又除即做出境手續...又再重新過x-ray之類之類.......不過入到都係無咩行......唯有坐下上下網刷下牙洗下面......等轉機要8個鐘......




臨上機前兩個幾鐘.....搵左間餐廳食野....叫做打發下時間





Spaghetti and Meatball...$11.99=93.3hkd(美金兌港幣我都用7.78計算).......唔......可以入口...但唔可以話好食囉...




叫左個Wild Mushroom Pizza($12.99=101.1hkd)同埋Veggie Pizza($11.99=93.3hkd)....兩個都ok~不過差唔多味~





食飽一陣又再上機~都係American Airline既AA980班機係22:20由美國達拉斯直飛秘魯利馬(Peru,Lima).....一上機就派餐......齋既芝士通粉..幾好食...沙律也好吃...甜品是甜到死的brownie....可惜座位無獨立電視....好悶....呢程機要6小時59分........張櫈好難坐......完全訓唔到...








2016/04/28的開心事:
呢幾日都冤冤作作....
抖左一日之後...好番d.....
希望全速好番!!!!我要放假!!!
唔要成日放假先黎病!!!!!!!!!!!!



報時:距離日本大阪之旅2016仲有---15日~
報時:距離"七公子"帥帥出使東京之旅2016仲有---155日~
報時:距離冰島環島自駕遊之旅2016仲有---190日~~~~~~
悄悄加多個報時先下...
報時:距離合家歡台北聖誕之旅2016仲有---239日~
我都...加得好低調下既..
不過...我好開心~~
所謂合家歡...其實係我黏住人地屋企合家歡~

39 則留言:

  1. 好彩搭早一班船,唔駛提心吊膽,始終搭飛機都係預鬆少少好....
    如果Dallas個機場附近有個outlet行下就好,可以消遣下果8個鐘
    個check in counter女仔搞錯乜?莫非唔記得幫你地D行李轉機?
    聖誕出遊好happy^^

    回覆刪除
    回覆
    1. 係呀係呀!!哥次真係好險!!
      如果同機場相連會更好~~wakakakak~
      今日哥篇有講~~~
      係呀~~~

      刪除
  2. 咪扮野喎,咁樣點叫靜靜地,真好又去玩,帶埋我啦🙏🏼

    回覆刪除
    回覆
    1. hehe~好呀~~快d跟我一齊出發~~

      刪除
  3. 好彩搭早一班船,就所有嘢都順順利利地出發,原來機上有小食任攞真好,嘩﹗好開心呢,話咁快又多一個報時器,四個啦,小T好開心,今年去5次旅行,你份工真好有咁多假期,話時話你有幾多人大假呢^_^

    回覆刪除
    回覆
    1. 係呀..算係有驚無險~~係囉我都係第一次小食任攞可能太耐無飛美國
      其實......我有兩個旅行都係用公眾假期去~無請過假~

      刪除
  4. 你地好慘,經常要搭多程船嚟搭飛機⋯
    同上篇留言一樣,重申一次好葡萄你本葡萄牙護照!
    American Airline,經達拉斯轉機? 同我去加勒比海旅行結婚時一樣呀! AA我覺得好唔錯~ 達拉斯機場果間愛爾蘭吧据扒幾正,有無試?

    回覆刪除
    回覆
    1. 係呀le係呀le!!!唉...無計啦....鬼叫澳門個機場咁咩...加上都無香港咁多人搭機..
      hehe~~無咁啦~~我都葡萄你地去旅行搭機咁方便架~
      我覺得aa係香港-美國段隻機係幾唔錯...但係來回南美哥d完全唔掂...
      唉呀!!!原來好好食架??第一次無食..回程係朝早未開..兩次都食唔到!!

      刪除
    2. 多謝你係垃圾桶摷返我出嚟。。。

      刪除
  5. 傻妹, 病就抖吓啦, 好番先慢慢寫。
    好在搭早一班船咋!
    睇你哋食嘅嘢就知你哋係年輕人 ^.*

    回覆刪除
    回覆
    1. 依家又感冒中...
      係呀~好彩咋~
      係咩係咩~~點解呀??因為鐘意食炸野?

      刪除
  6. 有冇投訴冇禮貌嗰條女先?唔好放生
    好彩你哋機警提早去等第1班船咋......不過如果第1班船唔係去機場而係去上環嘅話應該會冇位,記得好似好爆

    回覆刪除
    回覆
    1. 你睇落去就知架喇..佢齋無禮貌我都可以忍下佢
      唔係....第一班既意思係機場船既第一班

      刪除
  7. 妳今日好啲嗎?唔好食啲生冷野呀。

    回覆刪除
  8. 回覆
    1. 唔使驚~唔見左話我知我會放番出黎~

      刪除
  9. 有冇食藥呀? 睇左醫生未呀?
    有病要去睇醫生架

    綠色個個背包好靚呀, 邊個咁識揀呀~~ 你地要搭咁長途真係諗都辛苦喇~

    好彩你地搭早一班呀~~真係超醒!

    回覆刪除
    回覆
    1. 無睇呀自己去藥房買藥食...
      哈哈~~哥個係大比架~~~係呀..真係好攰的~
      最叻叻係阿Sam大比~

      刪除
  10. 小心身體啦!
    一個小gip再加一個包包一個月,毛寶好偉大。
    我都覺得非洲裔的女士(not teenage)對真心尊重她們的人特別nice。
    14小時又40分的機程,等轉機又要8個鐘,好耐呀!

    回覆刪除
    回覆
    1. 係呀佢真係好叻叻!
      都ok呀~大家有禮貌就ok~
      攰到癲

      刪除
  11. 仲咩搭長途機唔訓下呀 你仲要上機前頭痛 :(
    轉機又要等八個鐘 真係好累咁
    聖誕再去台北 好好呀 我都想再去多次台北玩呀 ;p

    回覆刪除
    回覆
    1. 係囉..明明去玩好開心但唔知點解頭痛...有時長途機好難訓
      超攰~~~~~我坐係機場張櫈度訓著左
      台北d野好好食~~

      刪除
  12. 轉機等8個鐘.....好難捱
    我都係唔適合去遠既地方^^

    回覆刪除
    回覆
    1. 係呀..我坐係機場張櫈度訓著左
      未試過..總想試一次

      刪除
  13. 南美blog好好睇~好有劇情丫~有追看感👍
    頭痛又冤冤作作。。。係米黎n?

    回覆刪除
    回覆
    1. 朵謝~
      又未喎...原來我作病....前幾日仲發燒

      刪除
  14. 越優秀嘅人,越係會放假先黎病,咁諗會開心啲!

    回覆刪除
    回覆
    1. 下~~真係架~~
      不過我唔使咁優秀架喇~~~

      刪除
  15. 我從未想過, 由香港去 DALLAS 只要14小時40分, 我係香港去多倫多都要14個鐘多少少, 但DALLAS 應該遠好多咖.

    可以看出, 來回香港美國的航機, 競爭好大, 服務/機總/食物都要最好, 去南美就無人同美國人競爭, 所以就差咁多.

    祝你快D好番啦, 後生女來咖喎, 乖乖豬好好地休息下, 就會身體痊癒咖啦.

    回覆刪除
    回覆
    1. 我都唔知呢~我好耐未去過美國~唔識d地方~~~
      下!!咁架!!唔怪得來回美國南美段d機都係好差好差!!!!!香港哥d就好ok!仲好新淨添!
      多謝多謝~我都想快d好番去旅行~

      刪除
  16. Hi Hi,我返嚟探你喇,剛去完名古屋自駕遊,每日早起夜瞓,返到屋企散晒,瞓咗兩日先補得番!!
    好開心呀,南美篇開始咗喇,個準備篇好詳細呀,俾個like 你先!
    嘩,咁多個鐘頭機程連等轉機,你都好似唔使瞓咁嘅,佩服佩服!
    咦,仲有一個星期又到你去日本喇,日本真係好正!!

    回覆刪除
    回覆
    1. wow~~~係你fb睇到啦~好正呀~~攰都唔緊要啦~最緊要玩得開心~
      多謝~~~~
      我坐係機場張櫈度訓著左...哈哈~~~真係好眼訓...但窮人如我只能在經濟位...個位好唔舒服
      我都好鐘意去日本~d野好好味~

      刪除
  17. 啊, 又無左我個回覆了...

    希望小T你快快舒服番, 精神好,

    但你身體要緊, 出BLOG 就隨你意, 不用太勞累你自己呀.

    回覆刪除
    回覆
    1. 唔使驚~你話我知我會去整番佢出黎~~
      多謝~依家開始感冒了~~
      唉....依家開始有d唔享受寫blog了

      刪除
  18. Hi!
    有冇打黃熱病預防針?

    回覆刪除
    回覆
    1. 我無打呀~要簽證既團友有打~
      但我地入阿馬遜..
      玻利維亞領使連本針簿都唔望就俾番我團友喇~

      刪除