2016年12月15日 星期四

南美洲4國新奇探險之旅2016-03-10第二十七天Part 1(陰天微雨)

星期二....唔....都多野做既..但公道d講..係少過星期一既......星期三....唉....我已經攰到個膊頭就黎爛開....交左出年張假紙......即將抽假...緊張.....星期四....今晚我婆婆哥邊食飯呀..因為係英國既表弟番左黎~我幾乖呀~一放工就跑番黎出blog~讚下我先~~~~~~好咯...終於都星期五喇(雖然聽日要ot).......但最開心係:放兩日.....星期一番一日....然後又放兩日~~~~~~~~(回歸+冬至嘛)~~.....然後番兩日又放4日去台灣~~~~~~~真係好開心~~~~~去完旅行番黎番3日然後又放3日~~~~~一到12月就好開心~~~~~~~~~~~~~~~



2016-03-10
Day 27---Part 1(阿根廷,烏斯懷亞 Argentina,Ushuaia->布宜諾斯艾利斯 Buenos Aries)

好喇~又晨早起身出發~天都未光齊~




又係call的士去機場~~~~唔記得幾錢~但記得唔貴~




係禁區入面買左唯一的Ushuaia手信~就係呢個世界盡頭燈塔既水晶球~~~




呢日係搭LAN Airlines 4443號班機係上午09:15由烏斯懷亞 (Ushuaia)直飛去阿根廷既首都布宜諾斯艾利斯(Buenos Aries)~~~~~~一上機有餐派喎竟然~~~但....早餐吃薯片未免太.........雖然我鐘意食je~




大約飛3小時多d~12:35就到了~hi~Buenos Aries~~~~首都d建築物真係好密密麻麻~布宜諾斯艾利斯係南美洲人既眼中...等於歐洲既巴黎一樣~所以佢地去布宜諾斯艾利斯旅行就等於我地要去巴黎一樣~野~好期待添~






到左喇到左喇~到左南美既巴黎喇~~~攞行李哥度超多的人~果然係首都~~~不過記得呢個機場係內陸機既機場(AEP)...如果走既時候係國際線記係去國際機場(EZE)~~




攞左行李出黎...我地都唔知點去酒店架~不過呢間機場其實近市區架~咁呀~搭的士去酒店咪得囉~~~~~~(好懶呀我地~~).....的士站上車時驚覺...個的士司機係勁靚仔!!!!!!!!!!!狂望佢...真係好靚仔...好似荷里活做戲d明星咁....但係開講有話.....靚仔就點呀?無本心囉!!!佢無禁個跳錶呀...問佢幾錢..佢開頭話$200ARS=102hkd...點知佢古古惑惑話係$200ARS/each....你都痴筋既!....短短10幾分鐘路程你收我$800ARS=408.2hkd????你當我真係淨係掛住望你個樣失去理智呀???經我地發火質問..佢先收番$200ARS=102hkd.....其實呢個數我地後尾問番酒店佢地都話係有多....不過算啦~鬼叫自己留意唔到佢無禁錶咩~




我地係南美既最後住宿...要住幾晚架~~最後一間希望有個好印象啦~~就係呢間Syrah Apart Hotel~地址:Humboldt 1885, Buenos Aires, 1414......個門面一般~但入到去係覺得整潔簡約既個reception~個心都定d~




大比訂就點呀~佢辦事我放心囉~~~~~~~一入去~華~幾大下咁喎~~訂左兩間房~~住3晚~~總數$344.86=2689hkd....每人每晚224.1hkd....好震撼呀!!!!!平到!!!!!!!!!!!!!!!!!!!!!仲要係新式裝修喎!!!!!雖然係Service apartment....但係似有廚房既酒店多d!!!!!!!又乾淨又大又舒服仲要係首都每晚才224.1hkd一個人???玻利維亞既x毛酒店好似貴過佢喎!!!!大比..你係得既~







然後我地安頓好就跑出黎搵野食喇~仲未食中午飯~~聽講呢區係soho區咁既~華~咁勁~首先亂行咁樣行到黎呢間....唉呀~我地又想食亞洲野喇~揀左呢間日本餐廳~~叫Dashi Sushi...地址:Fitz Roy 1613, 1414 CABA, Argentina




過左午飯時間黎~所以無咩人~幾好~





全西班牙文餐牌~不過都估到~叫左兩個湯~Misoshiru...$70ARS=35.7hkd.....正常不過的麵豉湯~~~好感動~~同係澳門飲既一樣味~~比復活島的那個好多了~~~又有豆腐又有海帶~正~又夠熱喎~




另外叫左個Mixto Tempura...$253ARS=129.1hkd.....以外國黎講呢個天婦羅算係做得唔錯架喇~仲跟碗白飯~不過點天婦羅個汁唔得~




然後叫左個壽司盆Sendai...$669ARS=341.3hkd(33件)...我本身真係掛住壽司飯點wasabi豉油架咋..對配料無期待...點知佢d料配得超正常超好味~最左邊啡色哥個入面係包住醬汁魚乾...好好味!!!!!




呢餐食左$1192ARS=608.2hkd..每人152hkd....幾抵呀~




食飽飽周圍行下~你知啦~我地依家係南美洲既巴黎街頭架嘛~感覺悠閒輕鬆~真係幾似係歐洲街頭的感覺~




附近既鋪頭裝飾得好靚好有特色~唔理賣咩都好~



咁...行一陣...又覺得要坐下啦~大比用Instagram搵左附近人氣咖啡店Decata~地址:Honduras 6100, 1425 CABA, Argentina





裝修不錯~幾舒服~





由於係番工時間~所以人流唔算多~堅舒服~想起其他人在努力上班~自己可以印印腳~真係覺得好~開心~





我叫左Capuccino...$70ARS=35.7hkd....我其實想不起我去cafe時會飲咖啡...學壞呀!跟咖啡既蛋白曲奇好好味~




阿Sam又叫了Submarino...$66ARS=33.7hkd....佢話呢個幾好飲~呢舊餅就麻麻喇~好甜~




毛寶的Capuccino a la Italiana...$83ARS=42.3hkd...佢地每杯飲品都會自動波跟一杯細既水~唔錯~




咁就過左一個悠閒時光~好正~俾錢個錢盒好靚~








2016/12/15的開心事:
中午食左1x隻小上海既煎餃~我係世界上最肚餓既國王~



報時:距離合家歡台北聖誕之旅2016仲有---8日~
呀~我mark大左個口喇~~~~
咦...係喎諗諗下我仲有公子日本之旅...
仲有冰島.....
依家就黎加埋台灣篇都未寫...
我諗我真係要好好努力先得喇...........................

44 則留言:

  1. 妳近排寫得咁慢........
    得閒去按摩啦.........

    回覆刪除
    回覆
    1. 提..提..提早祝妳冬節、聖誕及2017新年快樂

      刪除
    2. 妳又如何呀?病左呀?.......定.......???

      刪除
    3. 哈哈~~我都覺得自己寫得好慢~
      我都想搵人按下個膊

      刪除
    4. 冬至快樂~~~聖誕快樂~~
      唔使咁快祝我新一年快樂~~因為我會番左黎~~到時再祝啦~

      刪除
  2. 間壽司店好平呀, 酒店又平, 呢度好似平得黎幾好玩喎!!
    見到你又倒數旅行, 好鬼羨慕呀!!

    回覆刪除
    回覆
    1. 壽司唔錯呀幾好食~酒店勁抵~
      但暫時得番呢個咋~~~

      刪除
  3. 嘻嘻﹗你點都寫得快過我,我寫得好似蝸牛咁慢架^_<

    回覆刪除
    回覆
    1. 哈哈~~~好啦~~我勤力過你少少咁多多啦~~

      刪除
  4. 好友🌟・゚🌛晚晚甜夢安睡囉☁*¨*🌙
    ╭~╮
    ╰╭╯
     O
       o
     .∧_∧。゚💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    ╔╗╔╗╔╗╔╣◇*¨*✨
    ╚╣╚╝╚╝╚╝º°¨*¤。。゚⊹
    ╚╝.___☆╔╗─╦─╔╗─╦╦─╔╦╗*
    ____★__║║─║─║╗─╠╣──║
    __✬____╩╚─╩─╚╝─╩╩──╩❉
    💙大家💞*¨💜╠╣aΡpy💛週五💚。゚💕

    回覆刪除
  5. 辛苦埋這星期...可去吃喝玩樂了...哈哈

    回覆刪除
  6. 期待七公之旅呀 !加油!支持你
    我都好鍾意年尾
    同埋我下年年尾會拎大假 好期待第一個長旅行呀 :)

    回覆刪除
    回覆
    1. 我開始寫緊喇~~都好想快d出~~~
      以前我鐘意聖誕多d..依家聖誕新年都咁鐘意~
      係啦~~一定好正好好玩~

      刪除
  7. 真係好想做澳門人,假期多又有錢派,恨死隔籬:P
    p.s.仲有葡國passport!!!
    咁的士哥靚仔啲定Ozil靚仔啲?~~~我知你一定係話O....XXXD
    2百幾蚊又企埋又大又市中心區,抵到爛!
    國王可唔可以寫快手少少,好想睇喎^^

    回覆刪除
    回覆
    1. 係年尾多d假放je~~恨左成年~~
      葡護又真係唔錯既..不過年期太短~
      仲使問既~~~~~~~~~
      係呀!!真係好抵!!估唔到!!
      哈哈~~~肚餓哥時先係國王~寫blog時是小t公主~~(害羞逃~~)

      刪除
  8. 哈哈哈,當靚仔黑的遇上靚模!(很好的愛情小說橋段)
    個間酒店和午餐正~~~

    回覆刪除
    回覆
    1. 咦~~咁你不如寫下愛情小說咯~~~~
      係呀酒店真係唔錯~

      刪除
  9. 好耐無留言喇,其實我有準時睇你架,不過每當我睇緊你嘅blog嘅同時我嘅豬事八封谷又會同時間嘈緊,回應得佢地又唔得閒留言,哈哈哈,咁嘅藉口都講得出!!
    吓,個的哥咁衰格,好彩你地人多,一人一把聲都鬧死佢。
    酒店正呀,又平又大,唯一係張床細咗少少
    我都係咖啡精,之前都係會㨂特色咖啡,但飲飲吓都係揀返啲純咖啡
    咁你努力啲寫喇!!

    回覆刪除
    回覆
    1. 唉呀~~~同學唔合格呀~~下次作個好d既藉口~~~~
      哈哈~~呢d人真係唔出聲當我地傻既~
      我覺得還好啦~~~我訓埋毛寶哥半張好大架喇~~~
      我唔飲得純咖啡~太勁~

      刪除
  10. 早餐食薯片真係唔太頂得順(我都係薯片迷)。
    去旅行能夠坐係間cafe hea 已經係人生一大樂事,relax~~

    回覆刪除
    回覆
    1. 咪囉..咁樣好熱氣架嘛~(薯片控學人講熱氣)
      係呀!!!我都覺得咁樣好正~

      刪除
  11. 一放工就跑番黎出blog,真係好勤力噃,讚你啦~
    阿根廷多靚仔就出晒名啦,以前有無睇踢波? 個個長金髮滿場飛又靚仔,列當度係當時真係一絕!

    回覆刪除
    回覆
    1. 多謝~~~~其實今年已經懶左好多~~~
      以前無睇呀~~~係之前哥次睇世界盃留意到ozil bb先開始睇~

      刪除
  12. 阿根廷呢個地方真係好鬼靚,唔怪得王家衛都要嚟呢度取景,好期待睇妳嘅台灣之旅啊!一定好歡樂!😆👍

    回覆刪除
    回覆
    1. 係呀...我覺得阿根廷好正呀~~~
      哈哈~~同毛寶d屋企人一齊去~

      刪除
  13. 你真乖了, 出BLOG先, 才去見親戚.

    我真係好怕去旅行時, 同人D的士司機嗌交, 破壞左我旅行的心情.

    回覆刪除
    回覆
    1. 係呀le~~~乖呀le~~
      係呀...佢真係破壞左少少我對首都既好印象!!

      刪除
  14.   祝妳冬至團圓快樂😊

    回覆刪除
  15. 🌈好友⛅・゚☀我的早晨☕你的午安好☁*`☼
    💛*¨*💞・゚。💚。・゚゚💗・。。゚💝
    ╔╗╔╦══╦═╦═╦╗╔╗💘星期二
    ║╚╝║══║═║═║╚╝║💕冬至
    ║╔╗║╔╗║╔╣╔╩╗╔╝💜聖誕節
    ╚╝╚╩╝╚╩╝╚╝═╚╝。⊹*。
    💟*¨◇💖∴º°¨💙¤*¨∵💓

    回覆刪除
  16. 唔見咗留言呀,我唔制呀><
    明明話要努力出blog架喎,你又偷懶!!

    回覆刪除
    回覆
    1. 攞番個留言出黎喇~~
      哈哈~我要人鼓勵我先會出架~~~

      刪除
  17. 台北聖誕之旅,祝你們旅途愉快!

    回覆刪除
    回覆
    1. 多謝你呀~~~~~~也祝你聖誕快樂~

      刪除