2016年12月22日 星期四

南美洲4國新奇探險之旅2016-03-10第二十七天Part 2(陰天微雨)

星期五...ot一小時...累....夜晚同左屋企人食做冬飯...平時出街食既..依家某d原因係屋企食...但咁樣食仲溫馨~姑媽整既雞好好味~之後約左公子去飲野~去左St. Regis~星期六中午又去左文華東方食中午飯~~~因為我想帶我媽去試下~下午去左睇一部由Diana做監製既微電影慈善首映!!!!好勁!!!我有朋友做監製~~~仲要搵左楊潮凱同埋雪雪bb做~~~如果大家有興可以睇睇~~套微電影叫"有一種戀人叫...".....夜晚去左威尼斯人食北方館同埋行左陣街~星期日中午去左食宏安~又去食墨魚翼~~下午就同左公子們去試Ritz Carlton 51樓個lounge既tea set...遲d講~再去Garment Park~然後再去800伴~晚飯食左權昌~星期一多野做就唔使講啦....仲抽埋出年d假添...但唔好提喇....哼.....................番埋今日又放兩日呀嘛~~~夜晚同左公子去開百元哭福袋派對嘛~咁咪無時間寫blog囉~~hehe~~華...笑到我呀....公子既威力真係非同小可~~星期二回歸放假嘛~~中午去左觀光塔既C4FE on 4食...因為要揀d唔會加二加三既地方食~~呢日無折...都還好~下午盡情休息~夜晚同左媽媽食日與夜咖啡室~星期三冬至假期~好爽..呢日訓左成10.5小時先醒~~首先去左買個新gip先~(係呀..之前去冰島個gip裂左~)...之後食左玫瑰咖啡室~好耐無食~又唔係話好好食既不過幾鐘意佢舊舊的風味~同埋d人好有禮貌~下午在家睇左北京遇上西雅圖2之不二情書..我覺得第一集好睇d~夜晚做冬嘛~同左我媽媽去左新故里食日本餐~~~好開心好好味~~~~~~至於今日...放左兩日假嘛~預左多野做~~~~~~唔緊要啦~番埋聽日就放聖誕節假啦~要去旅行玩啦~



2016-03-10
Day 27---Part 2(阿根廷,烏斯懷亞 Argentina,Ushuaia->布宜諾斯艾利斯 Buenos Aries)

好囉~食飽飽咁咪行下囉~亂行左一陣決定勇敢d~離開我地住既呢區~~~~搭地鐵行下第二區先~~~~~係手提度搵下地鐵係邊先~




華大佬~~~~~附近最近都要成行成廿分鐘先有個地鐵站呀~~~~~~~仲要落住少少雨咁~




如果唔識係d機度買飛...唔好怕醜~好似我地咁樣埋counter買就ok喇~




佢地個地鐵圖~華~~咁大個首都d線又唔算多喎~唔難睇~但唔怪得行咁遠先有個站啦~~~~~~~




完全唔識睇價目表..........好彩見到有細細粒字寫住1 trip $5.00.....即係2.6hkd一程...又幾抵搭喎..唔係計幾多站喎..係1 trip喎~




張飛係咁樣既~




第二程我地再買哥時我地4人嘛..佢直接俾兩張2 trips既飛我地....一個入完俾張飛第二個再入~~~~~




咁我地係1 trip既飛...咁直接入落藍色底色箭咀指住哥個口度就ok喇~




阿根廷首都的地鐵~






個站同埋車廂都舊舊的~好似舊過智利哥d~(咦...巴黎d地鐵都係又臭又舊架喎~)




我地個目的地係位於七月九日大道(Avenida 9 de Julio)上的方尖碑(Obelisco)....係1936為左慶祝建國400周年而起的~搭到去地鐵C線的Avenida de Mayo或Independencia站下車都得~反正你一出地鐵站~就會看到這個高高的地標~




睇下班人....d膚色黑到!!!還我白皮膚!!





呀~又俾你搵到飛機合照~




仲有仲有....呢度七月九日大道仲係全世界最闊既馬路~~有16條行車線~~~~如果你要過呢條馬路....相信係唔可以一口氣過哂....我諗都要過兩三個紅綠燈位~堅闊~但唔可以一口氣影到16條行車線啦....要係高d既地方先影到~






影完方尖碑影完馬路~就行下附近...點知d鋪頭d野完全唔岩買...呢區除左方尖碑幾悶~(個人認為)




好喇~又搭番地鐵番我地酒店附近個地鐵站~晚飯就係酒店附近食啦~因為我地酒店附近都有d不錯吃既餐廳~今晚揀左呢間Miranda.....地址:Costa Rica y Fitz Roy, Palermo Hollywood




我地係第一枱黎到既...好彩早黎...因為越夜越多人!!無訂枱遲黎可能真係會無~同埋我發展佢地都幾夜下先食飯喎.....成枱人最早到哥個係8點...然後等其他人到....等到齊人都過左8點半再開始叫野食....而且好多枱都係咁~





好吃麵包籃~




我的Mojito~$90ARS=45.9hkd....我最鐘意飲既cocktail~成個南美旅程都在飲~這杯不錯~




毛寶的Lemonade with Mint and Ginger...$52ARS=26.3hkd...呢杯無酒既又幾抵喎~基本上薄荷飲料我都愛~




叫左個可以自選3種料既沙律...$95ARS=48.5hkd....我地揀左紅菜頭~粟米同埋蕃茄~幾好~呢幾日食得太多肉~




主菜叫左The Salmon....$240ARS=122.4hkd....幾好味喎個魚~~唔怕乾同柴~仲有Grill Vegetable~




Special Roast Prime Ribs(1kg)....$365ARS=186.2hkd.....牛肋骨話~幾大堆頭~咁先200hkd有找~幾重牛味的~但可惜的是過熟~~~~




呢度我地會4人共享~通常我地會叫d前菜...兩個主菜咁樣share黎食~因為叫4個主菜會食唔哂~好彩係整個南美旅程都無話俾人白眼要一人一個主菜~~因為叫多左食唔哂會好浪費~




甜品叫左個Banana Pie....$90ARS=45.9hkd....唔錯喎~香蕉味濃~唔假味~不過好彩4個人一齊食~因為幾漏~




呢餐食左$1,034ARS=527.6hkd.....每人食左131.9hkd...對我來說是抵!








2016/12/22的開心事:
華~毛寶今日請我食野呀~~~
係好甜好甜既椒呀~~~~
仲有仲有~~另外收到兩盒巧克力蛙呢~~~~~
好開心呀~~~~~謝謝~~~
可惜兩張巫師卡我都有了~~~希望下次抽到金色版的鄧不利多~



報時:距離合家歡台北聖誕之旅2016仲有---1日~
番埋聽日工!!出發!!!!!!!!!!!!!!!!!!!!!!!!!!!!!!!!
係喎係喎~~拿拿拿~
我係度祝大家聖誕節快樂~~~
你知啦~人地去旅行嘛~
所以下個禮拜一仲係旅行中寫唔到blog架~
下個禮拜四再見啦~~
不要太想我也不要不想我~(矛盾的人)

38 則留言:

  1. 果然好有歐洲feel 呢~~
    祝你台灣玩又開心,食又開心~~
    聖誕快樂呀~~

    回覆刪除
  2. 吓,回歸日食嘢要加二加三㗎?真係有被搶嘅感覺!!
    牛肋骨,正呀,我都好鍾意食,佰零蚊好抵吃呀,不過得個沙律同兩個主菜四個人食,夠了嗎?
    其實我唔係去過好多地方,但只叫一個主菜會受人白眼嘅地方,我只記起韓國囉,兩個人叫一人份,果啲阿豬媽會一輪咀講講講,哈哈

    回覆刪除
    回覆
    1. 又起程去玩,好開心呀,其實我都好想聖誕响歐洲過,可惜太貴,唔係咁惜得!
      玩得開心啲,merry Christmas 呀

      刪除
    2. 係呀...d法定假期都會咁~~
      其實又真係夠..你知我地幾大食架啦~但我地日日都食到好飽~但不會叫一人一個主菜~
      有d地方文化係咁~無計~去人地地方我地就要融入lu~雖然我地無一人一主菜..但點都叫4樣野既~叫盡左力啦~我地係驚食唔哂浪費野~所以會兩前菜兩主菜咁叫~
      大家咁話~

      刪除
    3. 但係如果歐洲正日過聖誕咩都會唔開喎~~~聖誕前係歐洲好了~~~~~起碼可以行下市集~

      刪除
  3. 嘢,又留言太長,失蹤了!!

    回覆刪除
  4. 想你想你想你啦~好衰架~迫人講嘅~
    旅途耳塊~~
    親愛的版主,自私想插哭福2016可以嗎?

    回覆刪除
    回覆
    1. 迫你說愛我~
      不自私~我都想出~但我未排過相又未過相~我諗有排~或者遲下出埋日本先~

      刪除
  5. 祝妳旅遊愉快、聖誕節快樂.......平安回來

    回覆刪除
  6. 16條行車線真係好誇張喎~~
    都唔係好黑姐...依家都應該白返唔少^^

    回覆刪除
    回覆
    1. 係呀~過對面要過兩至三個燈位先過到~~
      依家白番喇~但都係無出發前咁白~

      刪除
  7. 好友🌟。・゚゚✨晚晚甜夢安睡
    ✬*¨*🌛💤⊹¨*☆。。゚★☁*¨*🌙
    💙╔══╗╔══╗░╔╗╔╗💖齊齊💞
    💗╠══║╠══║░║║║║╔╗聖誕節
    💛║══╝╚══║░║║║║╚╝萬事得
    💜║░═╦╦═░║░║║║╚═══╔╗╔╗
    💚║░═╬╬═░║░╚╝╚═════╝╚╝
    🎅🏡🎄💒⛄🎉🎁🎀•*¨💕

    回覆刪除
  8. 嘩喇喇...小t超快出發去吃喝玩樂喇喂

    回覆刪除
    回覆
    1. ❤開心停不了♥窩心❣幸福滿瀉每一刻喇喂❤
      っˆヮˆ)っ*窩心錫錫又快樂抱抱聖誕節嚟
      ▀██▀ 。⊹°Merry Christmas。♪.♬:♫.♩¤
      ─██─── ██▀██ ▀██─██▀ ██▀██º°¨Ϡ₡
      ▄██▄▄█ ██▄██─ ─█▄█── ███▄▄ღೋ
      ▄▅▆▇███▇▆▆▅▅▄▃▃▂▂▃▃▄▄

      刪除
  9. Have fun have fun !!
    Merry Christmas !

    回覆刪除
  10. 我會很想你的~玩得開心點, 吃得多一點~~
    聖誕快樂~baby

    回覆刪除
    回覆
    1. 今次食得唔夠多~下次要再食多d~
      多謝baby*3*~唔知你今年聖誕開心無~~~

      刪除
  11. 哭福袋派對......嘩!!!!咁快又一年@@想知今年又有啲咩正嘢出現XXD
    楊潮凱啲戲ok喎,希望佢好運啲遇到好角色,多啲演出機會!!
    澳門人好靈活嘅,我諗無牌派仲可以有好多工做嘅
    去台北記得show下個新篋來睇睇wakakaka....

    回覆刪除
    回覆
    1. 係呀又一年呀!!!今年都好多正野呀~~~~
      係啦~~希望好演員可以遇上好的角色~~
      不過澳門靠旅遊業又真係發展窄左d既....
      有有有~~我有記得影俾你睇~~~

      刪除
  12. 小t聖誕節快樂,好快又一年過去,出年去邊度玩呀?

    回覆刪除
    回覆
    1. 多謝你呀*3*~我都希望你有一個快樂的聖誕~~
      有概念~但仲未落實~一落實會同大家分享~~~~~

      刪除
  13. 黑左要做美白MASK^_^聖誕快樂﹗過一個愉快的假期﹗

    回覆刪除
    回覆
    1. 我塊面成日敏感~~~唔可以full mask~~我唔敢full好耐~~~
      多謝~我都祝你有個快樂聖誕~~

      刪除
  14. Diana找宇文公子拍微電影,我就看囉!
    小t唔算黑,亞Sam的才算。
    咿~~~~您們都會吃不完,呵呵呵
    期待回歸!

    回覆刪除
    回覆
    1. 我不是演員的材料~~找專業的才行呢~~~
      係咩~~咁佢要full美白mask喇~~~
      黑洞胃也有飽肚時~~
      多謝你的期待~~

      刪除
  15. 牛肋骨好鬼正咁喎,不過阿根廷食牛都係最抵架啦~
    爆Gip? 可能我少用gip,買左好耐都未爛~

    回覆刪除
  16. 抽假唔好, 唔好失望吓, 話哂都有時間去旅行.

    我一個去旅行, 有度唔好, 就係時時係餐館裡, 食唔哂叫來D野

    回覆刪除