2016年12月1日 星期四

南美洲4國新奇探險之旅2016-03-07第二十四天(陰天)

星期二...一樣都係咁多野做~~~好開心~~~不過去左醫院覆診~~所以呢日無咁攰~星期三...好感動呀!!!朝早竟然少左人黎~~~~但個早餐就激到我札札跳~~我平時食麥皮既...但近排凍我就出街買早餐食...竟然揀中左間我叫吞拿魚蛋豬仔包...d吞拿魚係少到我從來都未見過咁少既...佢揸到薄如紗紙~仲要收$19...下次咪使旨意我再幫襯~~~(咁小事都要上黎講~~)..............唉...都話小器架啦...噚日一講完話星期三少左少少野做....今日就即刻多野做到瀉哂...................好不容易終於聽日就係星期五喇!!!!!!!!!!!!!我要活著viva呀!!!!!!!!!!!!!



2016-03-07
Day 24(阿根廷,埃爾卡拉法特 Argentina,El Calafate->烏斯懷亞 Ushuaia)

早晨~呢日中午機~飛去另一個城市~烏斯懷亞(Ushuaia)~所以輕輕鬆鬆咁樣食飽飽早餐~再番房執野~再慢慢check out~華~今日仲有煎蛋食~~~~~~正~~~我都幾鐘意埃爾卡拉法特架~呢個旅遊區幾舒服~





我地叫左酒店幫我地call的士~唔貴的~以4個人黎講~就係為左呢程機....我地唔敢帶太多野唔敢買太多野....因為呢間Aerolineas Argentinas得15kg咋大佬!!!!我地已經去左成24日喇....15kg基本上係無可能架!!!!本身想出發前上網買定行李磅數....點知係無得上網買的...即係話...你只可以係現場俾佢斬到你一頸血...毒呀!!!!!!.....我上網睇重要話呢間航空公司係捉得超嚴架d行李!!!!!........懷住戰戰兢兢既心情去check in.........超就一定超重架喇.....................................點知過到喎....我地到底做左咩好事?!~唔知佢今日係咪心情好呢~




check完in輕輕鬆鬆的行左陣紀念品店~買左少少野~然後就入閘了~過左安檢一上去又有餐廳又有紀念品店...其中一間餐廳張梳化驚見?!有貓呀!!!!!!!有隻黑貓呀~~黑到眼都見唔到呀~~~第一次見機場有貓~(之後仲有隻雀飛過~)





華~呢兩姊妹又非禮人喇~




我覺得呢個機場唔錯~d設計幾新~新得黎又簡約~




呢日我地係搭Aerolineas Argentinas既AR1690號12:10班機由埃爾卡拉法特(El Calafate)直飛烏斯懷亞(Ushuaia)~不過呢日有d delay~




一飛衝天~~~拜拜喇Calafate~~~~~~~我會再回來看你和冰川的~~~~~




第一次搭呢個航空~但無野食的~訓下覺好過~




飛行時間1小時15分到了!!!!到左世界盡頭既城市烏斯懷亞(Ushuaia)!!!!!個天氣好烏斯懷亞呀~~~~~~陰陰天~想落想落雨咁~





我地坐的士去酒店~個機場都幾近市區的~應該坐的士係10多分鐘車程就到~車費係$115ARS=58.7hkd...每人都係10鬆蚊hkd...抵搭啦~我地今晚既酒店~叫Hotel Austral Ushuaia...住3晚~$676.8ARS=5265.5hkd...每人每晚438.8hkd~早餐包埋~同埋酒店職員有now我地換錢呀....我地見個匯率唔錯...(呢度係兌美金係14.5...之前係Calafate係13)....而且佢話如果我地去銀行有排排...加上之前換d錢又洗得七七八八~好啦~換盡d啦~~~~~換左新匯率既錢...以下落黎講錢既部份都會有調整~





你地係咪覺得400幾hkd一晚一個人有少少貴呢?但一入房見到....唔錯喎!!簡潔舒適~床單顏色對辦~就會令人忘記400幾hkd一晚架喇~我都話大比搵的酒店是最好的~永遠搵既都價錢公道又好既~就算係x毛酒店都只會係因為哥頭已經無一間比佢好既迫於無奈~!!!呢幾晚都超好訓!!




插頭個樣好冏呀~~~~~




酒店位於斜路上面~事實上呢區係超多斜路的~不過都還好~行到最落既碼頭哥邊到番酒店既路程都係5分鐘多d~好喇~放但野跑出街行下呢個世界盡頭既城市先~~~~~~




果然跟南極已經好近~連路牌都有企鵝呢~~~~~~~唔記得講~去南極既郵輪都係烏斯懷亞上船架~所以一黎到呢個城市..我都覺得自己同南極好近喇~(但我係無份去南極架今次)..呢日我地無預到自己有野做~所以依家安排一齊行下市面有咩睇~




係喎~今朝淨係食左早餐咋喎~未食中午飯添~不過依家都成4點架喇~當食下午茶啦~行過見到呢間係酒店入面有間餐廳有開~就入去食啦~




呀~嘆番個啡先~




我叫左個Frozzen Coffee...$68ARS=34.7hkd....一般般啦~




另外叫左個De Siempre既三文治食~其實係普通野芝士火腿多士~$95ARS=48.5hkd......望落好燶咁呀可?但食落又幾好食無燶味~因為入面芝士熔哂~我地商量緊好無係呢度食晚餐~因為呢~烏斯懷亞最出名食咩呀???係"KING CRAB"呀!!!!!!!!!!!!!!!睇過呢度夜晚都有d食king crab既菜式又唔算貴...打算試試~不過睇下其他餐廳再打算~




食飽周圍行下啦~行到海邊~有支超大的阿根廷國旗呢!!有氣勢!!(我番黎先知相中後面哥個information原來有印仔可以吸架!!!!!!!我係睇Venus個blog先知...嗚嗚嗚...我地無入去所以唔知....無得吸落護照喇...嗚嗚嗚)




海邊有超多的旅行社...我地諗住報團出海~所以依家去格下價先~




間間都好似好有自己特色咁~~~(個裝修)





格左幾間價之後.....發現有d無我地想去的...有d就貴d.....終於有一間係岩我地行程又岩價既~就係呢間~Rumbo Sur~我地報左聽日既團~係出海睇一個好多雀既島(唔知咩雀)...跟住就去睇我地黎烏斯懷亞唯一想睇既..就係春光乍洩最尾有出現過既世界盡頭既燈塔~仲有就係去睇企鵝島~但重點係我無記低個tour幾錢(誤)...好似係幾百蚊..唔算太貴哥隻........好多間旅行社佢都有d係last minute既優惠...之前行過哥間旅行社又now我地join last minute既團...大約會平三份之一~都幾吸引~但見今日天氣一般..驚大浪..加上唔想咁趕~




報完團又周圍行下~望見碼頭出面隻船...我知喇!!!你一定係去南極既!!!一定係!!!下次我黎烏斯懷亞你記得要帶我到南極去!!!


周圍行時發現有個空地好似有d攝影展睇~幾唔錯~





仲有周街好多塗鴉~又俾playmo搵到個位依附~~~


information對開有雙層巴士既city tour呀~~~好靚~可惜我地時間唔岩~~~俾埋時間大家參考下~





轉個彎又見到另一個city train~~~又唔同造型~都幾搞鬼~





我地睇左好多間餐廳....最後決定將呢晚既晚餐....交俾你!!!El Viejo Marino....地址:Maipu 227/229, Ushuaia, Tierra del Fuego, Argentina....電話:(02901)1541-8000.....我地係出面偷睇左好耐架喇~~~~因為佢實在太出位所以一定要入去試試佢!!佢係碼頭對面馬路的




你見到佢地未?!?!?!好氣焰!!!




送埋營業時間俾你睇




一入去...格局係家庭式經營的~但...我極喜歡~~~~食得更自在~~~





都幾多酒揀~~~






今晚既主題係海鮮...梗係點番支白酒襯襯佢啦~叫左支阿根廷既Benjamin Nieto Senetiner...$140ARS=71.4hkd....平到...........由於阿sam同大比都唔飲酒的...好啦好啦~我同毛寶就飲少少啦~~~~~(事實上我呢晚飲左差不多3份2支...我認我呢晚超過微醺狀態..番酒店要沖茶飲~)...令我飲咁多既原因只有一個...就係呢支白酒好對我口味~




好喇!!重頭戲要來了~疑似老闆將我地點既KING CRAB攞出黎俾我地睇喇~~~~~~好有氣勢呀~~~~





冷靜d先~~食少少麵包先~~~~配麵包食既醬好似沙律醬~但幾襯幾好食~~~~




黎個湯濕濕個口先~~~Crab Soup....$100ARS=51hkd....一黎到...我無言




痴筋架!!!d蟹肉多到!!!!!!!!!!!!!!!!!!!!!!!!!!!!!!!!佢個湯係有少少似菜乾湯咁架喎.....但有勁鮮既蟹味!!!!!勁好味呢個湯...只係$50hkd咋!!!!!!!!!!!!!!!!!!!!!!!




呢個係如果你叫一隻蟹..你就可以跟哥隻蟹另加$100ARS=51hkd黎叫呢個Miced Seafood.....痴線...隻碟唔算好大...但d料超充實!!!!!!雖然得3種海鮮(帶子..蝦..青口).....但3樣都勁好食!!!!d蝦成10幾隻超彈牙!!!!!!!!帶子細細但嫩嫩的很鮮!!!青口肉質也是嫩嫩的!!!!!!佢個汁好好味但不搶海鮮鮮味!!!神級!!!!!大佬....$51我係澳門淨係叫到個飯盒加個例湯咋..(嗚嗚)




黎喇~~~~~千呼!!萬喚!!始!出!來!!!!!!!!!!!Whole Crab for 2 Persons......$600ARS=306hkd!!!!!!!!!!!!!!!!!!!!!!!!!!平到!!!!阿sam話之前去北海道食咁上下大細既都要900幾hkd!!!!!!!佢仲要唔係計幾重幾錢一kg咁架...唔磅架明碼實價就係一隻$600ARS!!!!!




真係好震撼!!真係好震撼!!真係好震撼!!......一定要講3次!!!無錯...平到我地叫左兩隻!!!!






勁好味~~~~勁鮮味~~~~真係好新鮮!!!!!!!比起智利哥隻...好味好多添~仲要平佢$260幾hkd!!係智利食一隻等如呢度食兩隻~(我d手指又係睇落又肥美又好味咁)




成晚食左咁多正野.....都係$1,620ARS=826.2hkd!!!!每人206.6hkd!!!!!!!!!!!!!!!!!!!!!!!!!瘋了...................我地係估計佢地係有自己船出海捉蟹..所以先咁平~




食飽飽行番酒店啦~呢d係今朝係Calafate機場買既紀念品~




我勁鐘意呢隻杯...係市區放過左佢..點知勁後悔...發誓再見到我一定買..點知真係係機場再見佢~









2016/12/01的開心事:
下!!!!咁就到12月喇!!!!
今年過得好快呀!!!!可能2月去左成個月旅行....
所以我覺得今年d時間過得好快~
希望快d諗到出年去邊啦~旅行真係我既快樂原動力~



報時:距離合家歡台北聖誕之旅2016仲有---22日~

37 則留言:

  1. 1111111111
    個插蘇樣真係好攪笑
    又食到平海鮮,梗係尖叫啦.....咁大隻又咁大碟,果然無揀錯~~叻叻

    回覆刪除
    回覆
    1. 哈哈~係我先咁無聊留意到~
      真係堅平堅正~

      刪除
  2. 正..正..正...呀...有貓貓玩🐈咁大隻蟹食

    回覆刪除
  3. 🌟・゚✨好友★。゚✬晚晚甜夢安睡囉☁*¨*🌙☆
     .∧__∧・。。゚🌛💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄•*¤💤
    ╔══╗────╔╗╔═╦╦╗─╔╗╔╗💞
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝💜•*💕
    💙*¨*💓大家週五╠╣aΡpy💚°¨°💛

    回覆刪除
  4. 隻黑貓對眼好sharp好靚....
    枕頭同床有蟲咬最驚!!
    第二晚仲有冇去encore喱個抵食king crab餐?

    回覆刪除
    回覆
    1. 係呀~~~佢好可愛~
      係啦....我都好鬼驚~~
      有呀~~不過蟹哥部份觸左蕉~

      刪除
  5. 又係開心星期五啦,週末有冇特別節目呀?
    啲蟹與海鮮真係好靚好味道。<3 <3

    回覆刪除
    回覆
    1. 哈哈~~我周末既特別節目都在吃~
      係呀好正~~

      刪除
  6. $19元,自己整都得啦!
    隻黑猫等轉機,呵呵呵
    間酒店都好ok,晚餐超級ok~~~~~(哈哈哈)

    回覆刪除
    回覆
    1. 可能係~~~~~哈哈~~
      晚餐簡直超正~

      刪除
  7. ╭~╮
    ╰╭╯
     O
       o
     .∧_∧。゚💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    🌟・゚✨好友★。゚✬🌛瞓覺豬囉☁*¨*🌙☆
    💞大家💛⊹¨*💜週末💚╠╣aΡpy💙。゚💕

    回覆刪除
  8. 啊, 點解我留言不見了. 再講多次,

    那裡運費貴, 所以當那當造而又運不到出去時, 就會勁減價, 我這裡龍蝦都係一樣.

    回覆刪除
    回覆
    1. 你地興唔興食龍蝦刺身架其實?

      刪除
    2. 我地買的龍蝦店, 無講明可以生食, 所以, 我地無用來生食.

      刪除
  9. 🌈好友♦・゚ ☼我的早晨⛅你的午安好☁*`☀
    .∵┌─┐∴ ─┐・。。゚💗
     │▒│ /▒/💙
     │▒│/▒/💚
     │▒ /▒/─┬─┐💜
     │▒│▒|▒│▒│
    ┌┴─┴─┐-┘─┘
    │▒┌──┘▒▒▒│*¨*💞
    └┐▒▒▒▒▒▒┌┘💛
    ❤└┐▒▒▒▒┌\・*。💕
    █░▐█ ▄▀▄ █▀▄ █▀▄ ▀▄─▄▀
    ████ █▀█ █─█ █─█ ──█
    █░▐█ ▀─▀ █▀─ █▀─ ──▀週日

    回覆刪除
    回覆
    1. 今日先星期二~~~真係好攰呀~~~

      刪除
  10. 我未食過咁大隻蟹.
    你儲左幾多隻杯?我都儲,有四隻。

    回覆刪除
    回覆
    1. 呢隻真係幾好食~~
      依家有好多~~~~無數~~不過淨係starbucks有4隻~

      刪除
  11. 正呀,呢餐好抵食呀,二佰蚊响港澳點可能 食到!
    叧外呢間酒店好舒服喎,四佰幾蚊晚,我決對接受,瞓得好係好緊要架!

    回覆刪除
    回覆
    1. 無錯!!!200蚊係澳門可能只係食左d好普通既野已經要!!
      係呀~~我地晚晚都訓到傻左~~~

      刪除
  12. 呢餐蟹宴好抵食.3佰幾~~~
    我食都要成千蚊呀

    回覆刪除
    回覆
    1. 勁抵~~好好食~~
      係啦...澳門都要千幾~

      刪除
  13. 抵呀抵呀 !
    藍色巴士好靚呀 !
    不如下年就去南極啦~hahaha
    我下年既旅行諗好哂啦~~ :) 好期待

    回覆刪除
    回覆
    1. 好正呀~~
      係呀我都覺得巴士幾靚~~~
      唔得啦~無咁多假~~~雖然我都好想~~~
      你就好啦...我地仲未定到任何一個~

      刪除
  14. 好浮誇兩隻大長腳蟹,大到咁...
    仲咁平㖭,平過日本幾倍,
    我以為妳有去埋南極...😊😊
    好寫咁長唔喺又被失踪😂😕

    回覆刪除
    回覆
    1. 哩間酒店啲房唔貴$800/晚,質素幾好,我好同意妳去旅行唔好為咗平少少辛苦難委自己,又唔喺話好嘆,妳平實去玩下,見識下..幾好。
      我見好多blog爭相話要窮遊中南美,
      用2萬玩幾個月,好似做苦工咁..

      刪除
    2. 係呀~~~
      最驚係個價錢~~我地開頭以為睇錯~~~~~
      我都想呀....但無咁多假...

      刪除
    3. 係呀...我覺得如果住既地方差我番到酒店個心情都會好差~~~不過我地去得短就可以灑脫d俾多少少...如果去成幾個月可能我都會唔捨得~~~~但最緊要乾淨酒店一定要~同埋盡可能唔想同人share浴室~
      其實窮遊唔係唔好~但唔使標榜係窮遊中南美既.......應使則使是最好的~最多番原居地慳既je

      刪除
  15. 嘩~隻蟹仲大過兩個人頭,好掂呀!👍個插蘇真係好似胡冏冏!哈哈哈哈哈哈~😂😂😂😂

    回覆刪除
  16. 🌟・゚✨好友★。゚🌙瞓覺豬囉☆*¨✬晚晚甜夢安睡☁¨🌛💤
    💙█░▐█ ▄▀▄ █▀▄ █▀▄ ▀▄─▄▀💕
    💛████ █▀█ █─█ █─█ ──█・*。💚
    💜█░▐█ ▀─▀ █▀─ █▀─ ──▀週二*¨*💞

    回覆刪除
    回覆
    1. 噚晚訓得唔好呀我...希望今晚涼涼地好訓d啦~

      刪除