2016年10月27日 星期四

玥龍軒@新濠影滙

星期二....番晏本身無咁攰的~但公司又有新野玩~係個心覺得攰~星期三...得知星期四要ot......呢個禮拜就算番晏...d時間都好似好難過咁~星期四..就係ot好攰呀~~~~~今個禮拜過得好不容易~~聽日終於星期五了~~~好彩聽晚有約到公子血吃!!!!!!!!!!!!!!!!!!!!



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今日講下我幾鐘意既飲茶~~係呀..其實我幾鐘意飲茶~以前細個好憎..因為食飽就想走~~去玩~~都唔知d大人傾咩~~家陣老喇~超鐘意飲茶~~我變成想傾計既大人喇~~~今日講既係玥龍軒~地址:新濠影滙酒店巨星滙二樓2112號...電話:8865 6560...要留意既係逢星期一至三休息(我都係寫blog哥刻先知)....記得訂位~呢次係3月份時食既...是次係6個人飲茶~





酒店中餐應既氣派~~~





我真係好鐘意欣賞d餐具~~




連筷子座都有龍架~~幾有氣勢~




叫完野食同茶佢首先會上一個咁樣既杯仔~




將個杯仔攞開d茶就會倒出~呢個茶係佢地自己溝茶葉沖既....呢日既係粉紅貴人~(個名靚到)....佢會建議你聞下頭先隻杯仔入面既茶香味..先再品嚐...呢隻茶係佢地個茶類餐牌入面都有既~如果你鐘意既可以叫~




試完茶就上我地自己叫既茶~我好鐘意飲荔枝紅茶~$48(位)...好鐘意佢既香氣~加茶加得好勤力~




佢d醬料都不錯吃~有一個類似XO醬咁既~入面有蝦米~辣辣地幾好食~~應該係佢地自家制既~因為我見到有得賣~




送的小前菜~真的好小~~~左的是紫菜卷...右的是醃蘿蔔~兩個都好味~




布拉鮮蝦腸粉..$68.......睇下豉油樽都靚過人!!!!有金魚魚魚架~蝦腸不錯~




燒汁和牛腸粉...$78...呢個和牛腸粉好好味呀!!!!!好有牛味~~睇d色水都知係好野~(這位blogger什麼形容詞呢~)..但真的好食~大推薦~




蒸花素餃..$38...入面d菇好香~皮也做得不錯~




玥龍軒水晶鮮蝦餃..$58....幾大粒下..入面超多蝦~~




蘿蔔絲酥餅..$58.....這個也是大推薦呢!!!做得好好!!個外皮一條條的做得鬆脆~~~內裏全是多汁的蘿蔔絲~~配的天衣無縫~~~~~~~~~呢個我有成日掛住!





香菇蔬菜包..$38....呢個一般




蜜汁叉燒包..$48...不嬲對叉燒包無咩好感~略過不說~




上海生煎包..$58.....無得講...在我心中...生煎包一定係$20有4個的上海生煎王完勝!




野菌松露芋盒..$58....不錯吃唷~~




鮑魚燒賣皇..$38(件)....華!!!幾有氣勢呀~~~有自己一張枱行出黎架~~~~味道都幾唔錯既~不過我細個鐘意食燒賣多d~大個反而無咁鐘意~舊鮑魚梗係好味啦he~~




秘制魚翅灌湯餃..$78(每位).....呢個我無食~聽食既人說不錯吃~




蜜汁黑豚叉燒..$298.....呢個絕對係主角!!!話實在我咁大個女...我都未食過咁貴一碟叉燒....仲要$298得8舊...即係$37.3一小舊....




但我哥以講..佢收得咁貴真係值囉~~~~~肥瘦適中(就像我)...一入口軟軟的!!!!黑豚個味仲要特別濃郁....我個人黎講絕對唔贊成食瘦叉...完全兩回事~d蜜糖仲要同黑豚特別夾!!!!我個人認為...最好食既酒店叉燒是這間!!麗軒都唔夠佢黎!




白灼時蔬...忘了記下幾錢...個名都可能唔係呢個~~~~但係菜很新鮮很嫩嫩的~




迷你酥皮蛋撻..$38......需時15分鐘~上枱時真的熱辣辣辣辣~真的幾好食~




精選炸貓山皇榴槤雪糕..$88.....炸雪糕~~外熱脆內凍軟~哥陣貓山皇香味真係齒頰留香~~~~好好味~推~





杭菊桂花糕..$58...推~好香桂花味~我鐘意~




點心上齊~就上牙簽~wakakka~連個牙簽盒都要有氣勢~




到最後最後~還有個Petit Four送你~呀~依家d酒店中餐都好興咁樣~佢地個小煎堆做得很好~~~~~糖就極甜..我不喜歡~呢度人均係比較高消費.....不過偶然飲一次高質素茶也是不錯的~而且呢度好好坐~服務也很好~還有幾樣我認為很好食的東西留住我的胃~那就夠了~問過佢話一年會轉兩次餐牌~食唔食到一樣既野就要睇大家當時餐牌了~




唉呀~我又痴茶飲喇~今次係阿Sam同大比請飲茶呢~多謝~除左平時大家見開既天團之外~仲有毛寶爸同毛寶媽登場~~~~但我係唔會俾佢地個樣你地睇的~佢地太可愛~怕你地會搶走兩個活寶~(講笑咋~老人家怕醜呀嘛~)...咁你即係話你自己阿媽唔怕醜啦..(走先~)...呢間有時有某d卡有折的...呢次就係有澳門身份證有折...有次就關注微訊有折..有次就中銀卡有折~(唉呀..唔小心話左俾你知我去過幾多次添)




飯後仲去行下~哥次係我第一次去新濠影滙~痴埋毛寶一家一齊看看~有個用Lego砌的酒店模型!!真係幾靚!!我睇左好耐~尤其個8字型摩天輪真係整得好似~






呢個飛船幾得意~




除左有人請飲茶~仲有人請我坐摩天輪~多謝~當時澳門身份證有折~$85一人....不過依家賭場經濟環境差...好多時都有飛送~




係幾特別既~~





8字型摩天輪內留影~





但重點係:8字型係幾特別既!無咩景好睇....因為路氹景咪就係起緊既爛地囉.....正如巴黎人個鐵塔我係唔會俾錢上去睇....上咁高做咩?咪又係睇爛地........又唔似真哥個鐵塔咁望花園景~





不過幾過癮可以睇下佢酒店泳池景~





仲有一隔透明架~~~夠膽你試下企係度影張~~~










2016/10/27的開心事:
今日收到毛寶送我的生日禮物~~~~
多謝~~~~~~~*3**3*~~好鐘意~~~~
前幾日我舊曆生日時仲收到kapo寄給我的生日卡呢~~~
好開心~~雖然我地只係見過一次~
但係成日都有傾計互通近況~覺得好開心~
我真的是一個被愛的寶寶呢~
謝謝大家對我的好~~~~



報時:距離冰島環島自駕遊之旅2016仲有---8日~~~~~~
報時:距離合家歡台北聖誕之旅2016仲有---63日~
今個禮拜要好好準備先!!要去超市入貨~

26 則留言:

  1. 好想知毛寶送左咩比你呀 !
    好開心竟然係你係舊曆生日收到張卡呀 :)
    下年我會預早一星期 哈哈
    我也很開心 雖然只見面一次 但像認識了很久很久
    事實我地應該都識左好多年啦 ! !

    去超市會入咩類型貨去冰島呀?

    仲有玥龍軒真係好高級呀 ! 我今星期都打算去飲茶 !
    有樣好特別的點心吸引我去呀 ! 到時你睇我IG分享呀 !HAHA
    我都好鍾意飲茶
    我地又有樣野一樣 ! YEAH

    回覆刪除
    回覆
    1. 哈哈~~哥日話左俾你知啦~~~~
      係呀~~好神奇~~你都好似話舊年舊曆生日收到我張postcard架~~
      傻豬~
      無錯~其實我地係yahoo blog年代已識~好開心識到你~多謝yahoo blog~

      梗係善腸啦~又方便又好食~

      呢間真係幾好食~~~~
      好呀~~~~~~~~~~
      真係勁鐘意~~~

      刪除
  2. 8字型摩天輪 的 LEGO 係邉度?

    D甜品盤好靚

    回覆刪除
  3. 呢間嘅嘢嘅餐具、牙籤盒都一set,再次令強迫症患者覺得睇得好賞心悅目呀(心心眼)。
    飲茶愛好者(舉手),但從來未去過酒店入面飲茶呀。見你食完咁正,即刻要喺香港搵間嚟試下。

    回覆刪除
    回覆
    1. wakakakakaka~~~即係好統一呀~~~~
      係呀...我年紀大喇~鐘意飲茶呀~~~
      要啦~~我都好想試下香港d酒店入面既飲茶呀~~~你飲完寫下blog參考下~

      刪除
  4. 嘩喇喇...今餐飲茶吃點心,最合我心水嚟

    回覆刪除
  5. 又要...嘩喇喇...下星期你又可以去玩呢

    回覆刪除
    回覆
    1. 係呀係呀~~~~我依家好期待呀~~

      刪除
  6. っˆヮˆ)っ好友★。゚☾我回家你以瞓覺嚟☁*¨*☆晚安♦・゚✬
    💘大家💚*¨*💜週五💛╠╣aΡpy💙。゚💕我又唔上網了

    回覆刪除
  7. 星期五啦星期五啦,今晚食多啲影多啲俾我哋睇呀。

    回覆刪除
    回覆
    1. 哈哈~~我地食左好多野~~~但無影相添~~~

      刪除
  8. 鮑魚燒賣有埋果張枱仔真係幾靚幾特別,其他樣樣都好精緻
    個lego酒店模型都好靚好細緻,仲有燈添喎
    仲有一個禮拜就出發係咪好興奮?

    回覆刪除
    回覆
    1. 係呀係呀~~~其實呢間真係幾好食~~
      係呀有燈~~同埋我覺得個摩天輪好得意~~~
      係呀!!!!!!!!!!!!!!依家超期待的~

      刪除
  9. 食物好吸引,但份量少了點。
    小t 好大膽,我就怕怕囉!

    回覆刪除
    回覆
    1. 都還好啦~3個人去飲茶是最好的~
      都唔怕太驚~

      刪除
  10. 有Lego睇好靚呀!比我唔敢企係玻璃上,腳軟!

    回覆刪除
    回覆
    1. 我覺得唔算太驚~如果成個都係玻璃就會好驚~~~

      刪除
  11. 呢間D點心巧貴呀~~~~尤其是腸粉好貴呀......鮑魚燒賣最低食......
    提早祝妳去冰島愉快、睇到靚靚北極光.......
    妳今次應該睇得最靚.....因為報紙寫冰島居民會提早息燈、唔會影響旅行人仕睇北極光.......
    朋友星期六過澳門.我介紹左妳講個間食瓦鍋牛腩腸粉、她同講好食但太少呀..........

    回覆刪除
    回覆
    1. 但真係好好食呀~~~~~~~~~
      野~~人地星期四出blog再祝福人呀嘛~~~~~~~
      下~~~~好緊張呀~~真架~~~~~~
      我同毛寶通常係每人叫一個麵~然後再叫一個腸粉兩份食既~所以唔會唔夠飽~~~wakaakakak~

      刪除
  12. 平平貴貴都食下,唔係叫你追求享受,拓闊食界,都會長知識架。

    回覆刪除
    回覆
    1. 完全同意~但食好多餐平的才一餐好一點的~

      刪除