冰島格陵蘭自由行之旅2015-10-09第十三天(晴天)

2016年第一blog!!!!!!落少少就有我既泳裝照睇~~~~~~~~~係咪好喜慶呢~~~~~~~新一年祝大家身體健康~~事事順利~~團團圓圓~~家肥屋潤~~~~~我噚晚番到澳門都成12點...係夜晚喎....兩點鐘先撻落床....今日又番工...真係好眼訓.............雖然今次去台北無咩特別野做過(有!有一樣既!).....但係都覺得好開心~~~因為食左d好味野~~~呢d都係等遲d同大家分享~~~今日超多野做~~~~~好攰~~~今晚要早d訓先~~~~依家欣賞下我既泳裝照先啦~~~~等大家醒醒神~



2015-10-09
Day 13(冰島,米湖 Iceland,Myvatn->黛蒂瀑布 Dettifoss->米湖溫泉 Myvatn Naturebath)
早安<3~為各位準備早餐係我既榮幸~炒滑蛋係毛寶傑作~食個左個好既早餐~真係會開心一整天~




出發~~~今日天氣唔錯喎~~~~但天氣報告明明話有雨架~





我唔明~~~明明上次黎冰島一棵樹都無~~點解今次會咁多樹~~~




普通的一個發電廠旁邊既一個水池都咁藍咁靚~想點~




巧喇~~到左我地今日既第一個景點~~~黛蒂瀑布(Dettofoss)...係咪好似好荒涼咁咩都無~~~





Dettofoss~跟箭咀走走啦~好原始咁整左條路出黎俾你跟住行~





喂!你咁心急既!呢度真係極度空曠~




華!!呢3個魔豆型仔到不得了!




yeah~~~行到黎喇~~~~~~~~~好好天好好天!!!仲要有彩虹~~係呢次旅程第二次睇瀑布有彩虹!!!好靚!其實今次算係容易左行黎架喇~~因為今次條路無積雪~





你好野!影到咁靚!Dettifoss係全冰島..亦係全歐洲最大既瀑布~~~




上次條樓梯封左無得行落去~~~今次終於可以行落去喇~~~一落到去影~~發現又有雙彩虹喇~~~~





我其實幾鐘意Dettifoss~因為普羅米修斯一開始哥幕就係呢度拍~





好有氣勢的Dettifoss~

行番上黎又搵左堆石自拍~團友~你地好有型呀~~




我地諗住出番去攞車時發現原來行多10幾分鐘有另一條瀑布叫Selfoss喎~咦~又唔錯喎~




佢係Dettifoss上游既一條瀑布~d地型又係一級級咁樣好得意~




你就是這樣勇...........




呢張就係你坐係上面舊石影既相.....好似就黎要玩緊極限運動之前影既相咁....驚驚...




頂~~~~呢個女仔好靚~~~~~影得好好呀~~~~毛寶同埋魔豆都做得好好~~~~巧靚我巧鐘意~~~




我仲有去行近佢睇下喎~~~~(其實d無人既景點我地就最鐘意慢慢行架喇~~~我地行呢度哥時一個人都無~~)




一路行哥時發現左d得意野....




我地發現近水流既泥地踩落去會彈番上黎....入面好似有好多水咁...又踩唔爛架喎??求解!

越行越近~行到佢喉嚨(ding)度睇~~~~~跟住就拜拜喇~




我地本身想試下揸大約一個鐘頭車去前幾日睇唔到哥個馬蹄型既峽谷~~~開頭幾分鐘路況係咁既....




同一條公路行行下無啦啦可以咁成咁既~~~~~這就是冰島~~~由於路況太差~決定折返~




拿~景點同景點之間好有可能周圍係咁架~




帶定d野食做午餐最實際~~




下一個行程其實就係去番噚日食中午飯既米湖溫泉(Myvatn Naturebath)度浸溫泉~~~~~




睇睇票價先~~~原來分冬夏價錢~但點解夏天貴過冬天既?我地哥時已經係冬天價ISK3,200=200hkd........收錢既時候....佢竟然問毛寶幾歲.....唔通你真係咁似10歲?..............價錢比首都既藍湖平好多~平成一半~~~~同埋藍湖好多游客~米湖少d~




因為米湖唔似藍湖有個室內溫泉通道浸住出室外溫泉~所以我地用左ISK1,500=93.8hkd黎租左條浴袍......但可以話你知.....其實係無用.....................................可以唔租...因為出到去你要搵張櫈放你條浴袍.....然後一上水你係凍到飛起根本你唔會企定定著浴袍你只想快快跑回室內........我係攬住條袍根本身都包唔到就衝番入去~早知唔租~




入場時佢會俾個銀你入去係Locker度用




Locker~我終於明白點解藍湖收得貴d喇~咁佢既設施的確係好d既~




放好野入個銀落去先鎖到櫃拔鎖匙出黎~你插鎖匙走個銀又會落番黎...個銀就留係流落黎哥個位就ok!...我建議大家帶對拖鞋去著....因為佢係更衣室外就已經要除鞋....咁唔緊要因為都入去浸咯....但出黎時沖好涼你又要赤腳行番出去先有得著鞋....段路仲要幾污糟下.................(我地諗住呢晚係度浸完沖完涼就番到去唔使沖架嘛~~~~我最後番去都係有洗一洗對腳....)





圖中睇最左邊哥個池就係更衣室一出黎哥個池...呢個比較熱既~中間哥個凍d既......右邊哥個過唔到去既~




超失禮~~我同大比一除浴袍就we嘩鬼叫咁衝落溫泉~~~真係叫得好大聲....周圍既人都望字我地.....hehe...下次唔會啦...好凍嘛忍唔到~~~~華~~有香肩睇呀~~~~d水好藍藍~




不過浸左一陣發現.....最熱既水.....係更衣室一行落黎哥個小水池~~~~哥度真係夠熱~~另外兩個....一個一陣陣熱....另一個應該係過冷河用~~(我真係浸左過冷河哥個5分鐘以上..我真係好強~)




沖完涼舒服回程~原來我地民宿入口有冰島馬喎~hi~




今晚浸完溫泉個個都攰~黎個簡單晚餐~湯係噚晚飲淨的~




食飽飽坐一陣之後我同阿Sam作最後努力~出去企企~呢晚係我地最後一晚係米湖~一出去~咦~~~~又有喎~~~我的第五晚!




雖然今晚有雲!但我覺得咁樣影又有另一番風味~~~~~我好鐘意呢兩張~





wow~扭哂麻花咁~




阿Sam的作品~






我覺得呢張好靚喎~~第五晚的極光夢~完成~







係咪好嬲呀?睇完成篇blog...
說好的泳裝照呢?
我又確係著住泳裝影架喎~~~~
d溫泉水太藍影唔到je~~~~~~~~(好喇~其實無人想睇~)
好似整蠱左大家咁...
但係我覺得...好~~開~~心~~~(其實我真係好痴線~~)



2016/01/04的開心事：
好乖呀好乖呀!!!
今日有兩個乖人放工黎探我呀!!!
我好開心~~~
你地兩個應該見到我真心的笑容吧~~:]
多謝貞今日送我小禮物~~~~~~~~
(你知唔知你大拿拿送左$60俾我???wakakaka)



報時：距離南美洲4國新奇探險之旅2016仲有---44日~
報時：距離"七公子"帥帥出使東京之旅2016仲有---270日~
得番兩個報時......有d空虛
好恐怖....仲有一個月多d...就會去南美..
一個全新既角落...從未踏足既洲!!
有機會夢想成真了~~但係又有d擔憂.............