2015年12月22日 星期二

冰島格陵蘭自由行之旅2015-10-07第十一天Part 2(晴天)

有時d野你又估我唔到既~我又會咁懶都會放假出Blog喎~星期五晚放工去左公司聖誕聯歡..有成四五年無去..之前去過幾次一次都無中過獎......點知今年一去就抽到28獎~~花菇一盒(好過無~)...都幾開心~~星期六中午食左少少野~就等同其中3位公子茶聚~~~再去血拼(近排血拼指數好高呀我~~)...唔小心又買左少少野~~~再衝埋去威尼斯人~~夜晚食篤篤..好難食~~星期日嘛~回歸日~唯一一樣做過同回歸有關既係:無係餐廳或茶餐廳食過野~~因為會加三嘛~咁梗係晚飯都係屋企煮啦~呢晚菜單係蕃茄薯仔湯..燙生菜和洋蔥炒蛋~我真係好家嫂既不二人選~~星期一中午食左北海道個午餐set...足料之餘仲要服務超好!!有下次~夜晚約左Diana食飯...食左新開既漁人碼頭上海菜玉蘭苑....貪佢依家新張期內BNU卡有半價...但.....極難食.......唔係唔好食咁簡單..係極難食....星期二冬至就同左屋企人出去食飯做冬喇~冬大過年嘛~(雖然我媽身處日本中).....聽日番一日工..然後又放4日聖誕假~~加油~



2015-10-07
Day 11---Part 2(冰島,胡斯維克 Iceland,Husavik->米湖 Myvatn)

觀完鯨都成兩點幾三點~未食中午飯嘛~出發前食下野先啦~又係碼頭附近既~難得有開~試試~叫Salka~




餐廳採用自然光~感覺幾舒服~依左食餐飯得我地一枱客~




Shellfishsoup.....ISK1,890=118.1hkd....極大碗~~兩個人share一碗~好飲~




叫左個Langoustine做頭盤~~~ISK2,990=186.9hkd....腦蒜蓉炒龍蝦尾的方式味道是不錯的~~但蝦既質地就Hofn哥d有彈性d!!....還配上蒜蓉包~個汁搞笑地配上桑莓汁~




Shrimps Served with Garlic Sauce and Rice....ISK2,550=159.4hkd.....類似中式既炒飯咁但濕濕地既~其實我覺得幾好食~(可能做法有少少似中式而我又好耐無食到中式野本能下覺得好食)




Pasta Humar.....ISK3,250=203.1hkd....龍蝦肉既意粉~~味道其實唔錯~但一個人食哂會好漏~




仲叫左兩個甜品食~各ISK1,300=81.3hkd.....一個雪糕一個Creme Brulee~不過一般~





食飽飽一班女人去餐廳對面哥間超市掃貨~~諗住係呢晚既民宿煮下飯仔~~~~~揸車到左民宿check in時...民宿主人同我地講...話極光指數去到8!!!!!!!!!我地今朝check明明仲係6架!!!!無啦啦跳左去8既!!!!!!!!!!!!!!!!!!!!!仲話:I've never seen this before.............然後仲篤篤個電腦顯示既極光指數~~



我地呢晚既民宿係透過Booking.com預訂....係米湖(Myvatn)既Stong Cottages~我地會係呢住3晚....3晚共€450=3,915hkd.....每人每晚326.3hkd~成間屋我地住哂~佢呢度好似有5間屋~~~但我地發現....呢幾晚淨係得我地租左~~~另外幾間都無人的~好驚喜呀~~上次黎要帶口罩先可以落車架~~~點知毛寶真係講得岩秋天無蚊~~~~今次一隻蚊都無~~~~~~




一入去一邊係廳一邊係廚房~





廁所隻窗無遮無擋~人地少女黎架嘛~~~~(夠喇....無其他人入住呀~~~)




極度好訓既房間~唔知點解佢今次俾左間3房屋我地~好正~有一間當行李房~




好喇~我開哂gip之後就開始我既工作喇~因為我唔識揸車真係好廢~~~~~~所以我唯有乖乖地去準備晚餐俾各位大大啦~~~~~~~~我地係胡斯維克(Husavik)間超市入左呢隻貨~~係荷芬(Hofn)食哥隻龍蝦仔呢~~~~咁大盒咁大隻....有成16隻蝦尾才400hkd~~~~都幾抵~~~~~~





好喇~洗好哂d菜~煲落個雜菜湯~幫大廚準備好陣間晚餐要煮既材料~到我坐低上下網喇~~~~一坐低我決定上去睇極光預測網度cap番張指數有8既圖認認叻同寫下blog....點知.....我已經cap唔切指數8張圖認叻喇.......佢又變左..................佢變左最高指數去到9!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!好恐怖呀!!!!!!!!!!!!!!!!!!!!!!!!!!!!!!!!!!!極光爆標!!!!!!!!!!!!!!!Extreme!!!!!!!!!!!!!!!!!知唔知我當時心情係點?!?!?梗係即刻周圍同團友講啦!!!!!!!!!!!!!!!!!!!!!!!!!!!!!!!!!!!!!!!!!!!!!!我地係紅圈地方....極光強!!!仲要咁岩線無雲!!!!!!!!!!!!!!!!!!!!!!!




hehe~帶住興奮既心情食飯~大約8點度開飯~~~~~毛寶整既牛油洋蔥煎龍蝦尾~(超好食~諗起都想食~邊有一個女仔咁叻架~又有藝術天份~煮野食又叻~)....伴碟沙律同埋湯就我整既~~~~~




好開心咁樣傾住計食飯時無啦啦有人衝埋我地間屋對門激動拍門(係格仔玻璃門).......超驚因為佢既表現係話俾人知佢係俾人追殺緊咁樣...個畫面好西片鬼片feel.....望真d係我地民宿主人.........以為我地做錯咩事之下打開門......佢話:My Dear Guest!! Come out and look at the sky!!! The Aurora is out there!! I have never seen the Aurora like that!!!

瘋的嗎?才8時多呢!!!我以為無咁早出現.....諗住要等到半夜......當成班傻仔專心吃飯時......極光已悄悄出動!!!!!!!!!!!!



好開心另外4間民宿都無人住!!!得我地同埋民宿主人!!完全無光害!!!!!!我部傻瓜機都可以影到咁!!!!!!!唔好理咩光圈ISO快門喇~~~~~ISO推到3200快門較15秒玩下先啦~~~~好靚呀救命!!!!!!!襯埋隔離間屋仔好靚!!!!!!




真係好誇張!!!!成個天都係~~~~~~~包圍住我地上面個天空!!






係呢個時候用肉眼睇係清楚到.........其實我唔識形容.............我望住個天.....一大片用肉眼都可以非常清楚見到既綠色紫色極光.............我想除了天主給的恩賜外.....諗唔到其他....其實我無宗教信仰....但呢個時候唯一一個解釋係神蹟!!!!!!(雖然呢個係可用科學解釋的自然現象...但未必可以俾你有緣見到...所有我才說是天主給我的恩賜)








今晚除了有點綠...有點紫...還有點黃....上網睇過極光既顏色係取決於天氣同埋地理環境之類之類的~無論咩色~我都感恩~





開始大爆發!!!!!!!一次有成4條極光係我地民宿屋企!!!!!!!!!








阿Sam相機影的~




大比哥部唔使講啦~~~~~心心眼~








影飽之後再番入去飲湯~~出面太凍~~~飲番個熱湯真係好正~~~~~之後大家就沖涼訓覺覺~~~~~~~當大家好夢正濃時...阿Sam有再起身睇睇出面...佢話半夜12點仲係咁樣!!!!就咁係屋入面望出去都咁樣!!!!





仲走左出去用大比部機再影多張~真係好靚~唔怪得我哥晚訓得咁香甜~原來極光係我地頭上陪我地一齊訓~

第四晚極光夢....完成!!一連兩晚都睇到...仲要唔弱...感恩!!記得除左不停的影影影~也要用肉眼好好感受呢~






用指數"9"既極光來預祝大家聖誕快樂~~~~~
我真的夠心思~~~~~~~
再次預祝大家聖誕快樂!!!!!!!!!!!!
(我聽到Blog友既兩次呼喚~~下一篇將暫停冰島篇插隊出一篇食評~不便之處~敬請原諒~)



2015/12/的開心事:
星期一收到兩份聖誕禮物~~~
第一樣係Kapo baby寄來的聖誕卡~~~
多謝甜心~~~~~*3*
第二樣係同Diana食飯時送我的布袋聖誕禮物~~~
多謝甜心~~~~~*3*
多謝朋友的"記得我"....謝謝~



報時:距離台北跨年倒數之旅2015仲有---8日~
報時:距離南美洲4國新奇探險之旅2016仲有---57日~
報時:距離"七公子"帥帥出使東京之旅2016仲有---283日~
好恐怖...數數下原來下個禮物就去台灣....
仲恐怖既係...數數下原來唔夠兩個月我就要出發南美...
真係....未有準備..
心驚........

54 則留言:

  1. 因為會加三嘛,吾係呀?咁樣去搶>_<伯友好開心呀,又去日本玩,咁得你一個人暫時做住宅女幾日啦^_^阿Sam的相片畫質無咁粗,讚呀﹗睇到咁勁的極光,真的開心興奮再興奮﹗

    回覆刪除
    回覆
    1. 係呀...我初頭以為港澳都係咁....最近先知原來香港唔會~
      哈哈~同你一樣啦~你都最近去左兩次日本~~
      ok呀~放假宅我又覺得幾好喎~
      係呀~人家是比我好的機嘛~
      真係好開心~

      刪除
  2. 好友★。゚☾瞓覺豬了♦・゚☆甜夢晚安☁¨✬
    齊齊窩心又╠╣aΡpy冬節&聖誕節喇喂。゚*Ѽ
    ❥*¨❣大家都繼續❤開心萬事得喇喂ღ・。。゚♥

    回覆刪除
    回覆
    1. 冬至同聖誕都過得好開心呢~~~
      希望你都過得好開心~

      刪除
  3. 妳好勤力無偷懶喎......比10個like妳
    北極光真係好靚呀~~~有機會返加拿大yellowknife睇下先
    祝妳聖誕節及新年快樂

    回覆刪除
    回覆
    1. 真係勁乖~你就偷懶囉~~~
      我諗黃刀鎮都好勁啦~~真係要番去睇睇~
      多謝你~我都祝你新年快樂~

      刪除
  4. 民宿主人真係好關心你地,驚錯你地錯過左
    又光又星星....你地真係好好彩,係民宿都睇到就無咁凍^^

    回覆刪除
    回覆
    1. 佢真係好愛我地~~嚇到我地呢~
      係呀我真係覺得好好彩~~如果係第二個地區可能無咁靚添!!!

      刪除
  5. 公司聖誕聯歡.有得吃喝玩樂你都無去成四五年...真傻呢
    其實無中過獎也開心呢...今年去就抽到28獎~~花菇一盒...叻女

    回覆刪除
    回覆
    1. 大家Merry Christmas
      ഐHappy New Year•ೋ♥
      記得齊齊嘻嘻哈哈開心又一day
      __★★★★★★
      _★★★.....★★★
      ★★★........★★★★★★
      ★★★.........★★★...★★★
      _★★★.........★★.....★★★
      __★★★.................★★★
      ____.★★★...........★★★
      ______★★★.....★★★
      _______★★★★
      _______★★
         *゚*°•♩¤。♪.♬。•:。⊹♫*。.
      ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

      刪除
    2. 哈哈~因為成日抽唔中獎咪唔去囉~
      真係咁多年黎第一次~

      刪除
  6. 廁所隻窗無遮無擋~我係女人都唔得
    你地還是少女黎架嘛~無其他人入住~個心也不太確定

    回覆刪除
    回覆
    1. 超快...就是距離台北跨年倒數之旅2015仲有---8日

      刪除
    2. 哈哈~~~周圍無人都還好既~~~
      可能都無人想睇我~~~

      刪除
    3. 真係過得好快~~~~就黎去食野喇~

      刪除
  7. 天丫~~~~你好叻丫~一定係你地人太好所以比你地睇到咁靚咁難得咁強嘅極光~~
    屋主拍門哥part笑左出聲!
    多謝你放假都送給我地一篇極光blog~多謝祝福~我今晚相信也會訓得好香甜的呢~:)

    回覆刪除
    回覆
    1. 我真係覺得係上天既恩賜~真係不遲亦不早~時間岩岩好~
      佢咁樣真係嚇到我地四個呢~~~
      不客氣~希望極光都會祝福大家好運連連~

      刪除
  8. 小T, 在你未放假前, 先跟你說聲聖誕節快樂, 新年進步.

    這些極光真是好靚好誇張, 我聖誕節有些極光相陪著, 就不會再有情緒低落了.

    引得我又心癢想去了, 我這裡從不會有這樣的極光, 不過來年的極光不會像今年般的強呀.

    多謝你, 讓我有個快樂的聖誕節, 祝願你也一樣係咁, 而且晚晚睏得香甜.

    回覆刪除
    回覆
    1. 多謝jj呢~~~我都預祝你新年快樂先~
      無錯...成世人大鄉里都未見過~~~有我d極光相陪住你先~唔好唔開心啦~
      係咪位置唔近北極圈?所以無冰島咁強?不過其實冰島都無入北極圈~但又真喎~係2014同埋2015比較強d喎~
      多謝你~我都祝你晚晚好訓~

      刪除
    2. 是呀, 因為2014-2015年裡, 太陽光子最強, 所以極光會最強.

      我這裡只是北緯45度北一點, 未及冰島的北, 極光不會咁強咖

      刪除
  9. 再一次睇到你哋影到嘅極光,我衹能嘩、wow、嘩、wow、嘩!其實連肉眼都睇到,真係唔駛理啲setting㗎喇。
    想請問下你哋租自動波定棍波車㗎?因為聽人講,歐洲難租自動波嘅車。
    嘻嘻,多謝你聽取民意呀,肯出8 1/2嗰篇先,衷心多謝!不過下次就咁話有個blog友就得㗎喇,唔好開名,我怕醜㗎。

    回覆刪除
    回覆
    1. 真係好靚靚~我真係好大鄉里~可能北歐d人根本唔當係一回事~
      我地係自動波架~~其他歐洲地方我未租過~但冰島唔難呀~都係出發前上網預約揀定要咩車~去到就有~
      不客氣~咁怕醜呀~好啦~咁我係呢篇blog收番你個名啦~

      刪除
  10. 仲以為民宿主人見慣晒啲極光唔會激動拍門似被追殺XXXD
    夏天來要帶口罩===>又真係幾恐怖喎

    回覆刪除
    回覆
    1. 我都以為係~~~~但佢又講到佢未見過咁強~~真係每人開心到飄飄然~
      真係好驚架~~d蚊仔係周圍亂衝去你眼耳口鼻總之有窿既地方~~

      刪除
  11. 小t, 聖誕快樂呀!
    多謝妳俾我見識到9度o既極光, 就算透過blog睇, 唔係親眼睇, 到都覺得好興奮!

    回覆刪除
    回覆
    1. venus聖誕快樂~~~
      我其實寫blog時都覺得好興奮~~~~~竟然咁好彩俾我遇上咁強既極光~~

      刪除
  12. 嘩~點解可以靚成咁?聖誕快樂!

    回覆刪除
    回覆
    1. 我其實寫blog時都覺得好興奮~~~~~竟然咁好彩俾我遇上咁強既極光~~
      聖誕快樂~~~

      刪除
  13. 花菇一盒,都是意頭,暗示您出年有運行lu~~~(以前要安排公司大獎,好多時都是一定要老闆愛將抽到。這技巧難過中獎架!)
    嘩,嘩,嘩,開始下廚囉!(您唔好太完美啦!哈哈哈)
    祝聖誕快樂!

    回覆刪除
    回覆
    1. 真係既~~係就好喇~~~我估我地又無既~因為張飛無mark名既~自己抽要邊張架~
      唉呀!!!你講得岩呀點解我會咁完美架...幣啦~~~~~~~~~~wakakakakakak
      聖誕快樂~~~

      刪除
  14. 真係好好彩呀 極光9都經歷到 好幸福
    想像到民宿主年拍門既情景 真係好好笑
    我應該會嚇親囉 hehe
    好乖呀 放假都出blog 開心 ^_^

    回覆刪除
    回覆
    1. 真係最岩時機~不遲也不早~
      我地哥時真係好驚~~~~
      錫錫~我好乖~

      刪除
  15. 祝妳...聖誕節快樂!
    好家嫂要有好人家,
    我無抽獎運...,
    自家煮一定好滿意,
    極光真喺好靚,好夢幻。

    回覆刪除
    回覆
    1. 我都祝路霸聖誕快樂~~
      wakakaka~無錯~我係好家嫂~~
      其實我都不嬲無抽獎運~係唔知點解今年會抽中~
      真係好靚~多謝天主俾我睇到..好幸運~

      刪除
  16. 嘩, 真係超靚...又唔洗捱眼訓, 又有得睇, 真係好正!!!
    個龍蝦好似好正, 仲一人有咁多隻, 我都好想要一隻呀!!!

    回覆刪除
    回覆
    1. 我都覺得係~唔使捱眼訓係重點~
      wakakakak~毛寶整得好正架~

      刪除
  17. 小t 祝你聖誕快樂 假期過得開開心心~~~

    回覆刪除
    回覆
    1. 我都祝你同埋你既家人~~包括kylie都要健健康康開開心心~

      刪除
  18. 真的很魔幻,很迷離
    祝聖誕快樂,你男神盡快破助攻記綠,永遠與你同在

    回覆刪除
    回覆
    1. 我自覺幸運!有幸睇到~
      仲爭5次je~佢一定好快破到~~佢依家已經與我同在啦~

      刪除
  19. 聖誕快樂!
    極光超強,睇到我都心心眼呀!<--學吓你講野先
    邊個話極光一定要半夜,如強到咁下能晚霞時份已經有了,羨慕⋯

    回覆刪除
    回覆
    1. 聖誕快樂銀仔~~~
      wakakakaka~~真係好靚~感恩我能遇上~
      無錯無錯~真係如果夠強一入黑就睇到~

      刪除
  20. 我今年都好好彩,抽到$800。仲有老人獎唉風6S。

    回覆刪除
  21. hihi 小T, 睇呢篇睇到我個心跳得好快, 哈哈, 想像唔到如果係我親身經歷會點?哈
    BTW,想問chlo子有冇寫遊記?因為我PLAN緊4月去,想睇吓有冇差不多時間的遊記參考,同埋見佢準備都好充足咁.Thks

    回覆刪除
    回覆
    1. hi~
      當晚簡直想窒息~~~~~~希望你都睇到!!
      chlo仔好懶架~無寫遊記~我班fd中得我一個有寫blog~
      係呀佢真係準備得好好~俾左好多資訊我~佢仲要係第一次去~~~~佢都係上網爬人地d blog~

      刪除