2015年12月16日 星期三

冰島格陵蘭自由行之旅2015-10-07第十一天Part 1(晴天)

有時d野就係咁反高潮~~你以為平時星期三好多野做?佢中午又真係幾多野做既...但下午番去可以差天共地~~~好想聽日同後日都係咁呀~~~~



2015-10-07
Day 11---Part 1(冰島,胡斯維克 Iceland,Husavik->米湖 Myvatn)

今日約左觀鯨活動~不過唔趕的~12:30先出發~起身慢慢食個早餐先~點知呢個Fosshotel超唔掂......佢見差唔多夠鐘停供應早餐(其實仲有一個鐘而且仲有好多人落黎食)...佢就唔再出新野食....搞到得d碎濕濕既紅黃椒同埋麵包...好彩我攞得早...唔係火腿都無.........而且呢間真係連食早餐既地方都超舊...見到張枱布都唔開胃~:P........我地住咁多間最唔掂就係呢間Fosshotel Husavik!




食飽飽上房坐一陣同埋執好行李~我地今日將會去米湖區住3晚!!!!!!於是我又上網查下極光指數~呢晚我地係紅圈位置~~下~~~無雲~~~仲要係6~~~仲要係very high~~~好緊張呀~~噚晚5都爆到咁..咁今晚咪....唔好講出口~(其實好期待~因為我地住番之前住過既Stong~哥度係一大片平地~成個地區都係民宿主人~無其他人~)




好囉~check out左出黎行下先~咦~幾好天喎~




成個Husavik我淨係見到呢間手信鋪.....不過d貨品一般~唔吸引我買~~淨係買左呢個價值ISK995=62.2hkd既Puffin磁石~真係唔平呢~





個出海tour係12:30出發~我地12:25到碼頭~首先報到先~發覺我地係最遲到..個個已經換好哂衫~~好驚~~~記得人地約你12:30...其實係要準備好哂所有野已經出發~~~~~唔好好似我地咁呀~~~最好提早15分鐘到啦~~~




然後佢目測大家既身材搵一件岩我地著既衫~~已經著到XS~~但仍然很大件~(難得的是我都著得落~)....我地本身裏面已經好多衫~





呢班人係咪仲以為自己好醒?其實係外國人眼中我地4個可能好似侏儒XD




好野~今次終於坐到橡皮艇喇~~~~~我無記錯...好似係我第一次坐橡皮艇呢~~~~唔好話我唔提大家.....搭呢種船....食定暈浪丸出發是必需的必需的必需的!!!!!!!!!!!!!!!!!!!!!!!!(因為很重要所以必定要重覆說3次!!)




咦~架船竟然坐唔滿~我地最尾上船~所以我地坐係船尾好鬆動~兩個人坐3個位~




上左船之後靚女導遊就向我地解釋要注意既事項~例如開船中就唔可以站立同埋行走~




好~出發~~~~~~~~~開緊好快哥時幾好玩~因為佢首先要坐10幾分鐘出到去深海~




坐左好一陣~就迎來第一條鯨魚~其實船長去到深海就停低~再用佢驚人既視力一見到就即開快艇行到最近鯨魚既位置停低~~~~~都幾近呀可~~





通常一見到佢都係見到佢噴水啦~背鰭啦~尾巴啦~重覆一兩次咁樣上黎抖氣之後佢又再深潛落深海架喇~









你點先知佢已深潛?就係當係見到水面有一大撻好平...好似撻油污咁樣~咁代表佢已深潛落海暫時唔上黎住喇~~大約6至7分鐘後先會再上黎~(但唔知佢已經游左去邊個點上番黎~)




之前坐大船就回程時派好似洗碗水咁既熱朱古力俾大家飲~今次俾多d錢坐橡皮艇飲既野都高級d~~~有傳統冰島酒飲~~幾好飲喎~~~~~甜甜地的~但酒精濃度都幾高~~~




4個入面得我一個飲....佢地兩個唔飲唔奇~因為佢地平時都唔飲酒....毛寶都唔飲喎......事後佢話:我當時好想嘔~...........其實隻船一無野睇時會關引擎靜止係海...都幾拋下...(大浪嘛)......有哥時先開引擎去追~~好彩有食止暈丸~~唔係就慘喇~..我就係唔舒服既...但你知啦~食左呢d藥就會好眼訓....我同大比兩個常常在靜止時伸直隻腳訓左~.....阿Sam說:唔怪得望過黎你兩個個姿勢咁怪啦~~~~




同公司的另一艘大船~




俾個短片大家睇睇~~~鯨魚真係好可愛~




原來有幾次我地係睇緊同一條鯨魚架~







點解佢地會知係同一條?因為原來佢地既尾巴就好似人既指模一樣~所以睇尾巴就知道佢地係邊條~每年佢地都會統計有邊幾隻會番黎呢個海域~有幾多條係新黎既~~張相影得巧近~




阿Sam影得條魚尾好粗壯~~




好咯~睇埋最尾呢次上水喇~(其實我覺得佢地既噴水好可愛~<3)





回程喇~我同大比終於醒喇~




原來頭先我地睇既都係同一品種既鯨魚~叫Humpback Whale......同上次黎睇既都係同一品種~~~~好想下次睇d大隻d既品種~(貪心)






噚晚我已寫好公子哭福袋篇唷~
聽日會準時出哭福袋大派笑彈送禮物俾大家唷~

大家記得來看~



2015/12/16的開心事:
今日見到毛寶~好開心~
然後我依家同佢一路講緊電話..一路打緊blog
佢係電話話我:你好大隻!
好多謝你今日對我既稱讚<3



報時:距離台北跨年倒數之旅2015仲有---14日~
報時:距離南美洲4國新奇探險之旅2016仲有---63日~
報時:距離"七公子"帥帥出使東京之旅2016仲有---289日~

28 則留言:

  1. 呢日天色好靚, 好緊張, 妳地仲睇唔睇到極光呢?

    回覆刪除
    回覆
    1. heheheheh~唔講住~~下篇blog告訴你~~

      刪除
  2. 加XS碼妳都著得落妳瘦左喎~~~~hehehe
    全程只係睇到鯨魚尾.......

    回覆刪除
    回覆
    1. 其實.....阿sam都係著加細碼................
      係呀其實你要見到佢全條跳起係好難架~
      我去兩次都係魚尾~

      刪除
  3. 係囉﹗食暈浪丸多數都好眼瞓,食左我覺得重辛苦﹗

    回覆刪除
    回覆
    1. 真係好眼訓...我係船上面訓著左~

      刪除
  4. 終於有條片唔只十零秒
    坐橡皮艇,點解要著成咁?

    回覆刪除
    回覆
    1. 哈哈~呢條片係毛寶架~
      因為好凍嘛....擋風架

      刪除
  5. 做咩用侏儒嚟形容自己架??攪到我笑左出嚟
    同一條都好吖,無佢出現會唔會一條都睇唔到??

    回覆刪除
    回覆
    1. 因為著左哥件衫個人會好無自信~
      都唔會既~都有另一條出現~

      刪除
  6. ✬*¨★好友☁。*`⊹晚安☾.•✫
     .∧_∧¸.·¤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    Zzz*❉´天天甜夢安睡•*◇Zzz
    ❥・❣`*ღ╠╣aΡpy星期四喇喂♥*¨❤
    天氣轉凍冰冰。。゚齊齊穿上厚衣寶暖呢

    回覆刪除
  7. 我在香港買大或加大碼衫, 嗚嗚,.... 回來這裡後就買細或加細碼.....

    我諗如果我去, 都係著加細衫了.

    其實, 鯨魚係有地域性, 頂多在同一地區睇到1-2種鯨魚.

    回覆刪除
    回覆
    1. 因為外國既碼真係偏大~
      梗係~~~阿sam都係xs~
      我見佢話佢地海域有好多種鯨魚...因為佢有本書仔咁樣介紹..但呢兩次去都係睇緊同一種~

      刪除
  8. 我諗我食暈浪藥都會暈 XDDDD

    回覆刪除
  9. 好開心呀!!!你哋可以咁近距離見到鯨魚.唔知點解 連我都興奮埋一份 一路睇 一路嘩^^
    十分極之期待睇哭福袋篇ah!!!!!!我會準時出現的 :)

    回覆刪除
    回覆
    1. 今次坐橡皮艇的確興奮過上次坐大船哥時~~~
      已經出左喇~~~~

      刪除
  10. 嘩,您份早餐超級大~~~~~
    宇文公子穿起那套服裝超超級型喎!

    回覆刪除
    回覆
    1. 哈哈~~我成日都係食最多哥個~
      唔係卦~~~

      刪除
  11. 我知你講边本雜誌,我都有睇:),咁其實如果係自駕遊就唔需要參加極光團啦^^
    觀鯨活動,唔.........呢個活動我就普通,我又怕暈船浪...........,我都係鍾意行吓山、睇吓湖、看吓海、瀑佈多d
    你著咗果套衫之後你應該唔會再覺得自己肥喇^^

    回覆刪除
    回覆
    1. 無錯~只要自己上網睇下極光指數個網~然後自己去一個空地就可以了~根本唔使join團架~或者你住既地方夠空曠夠黑咁就得左架喇~
      哈哈~我ok~不過今次坐細船真係幾暈~
      哈哈哈~~但會覺得自己好矮~

      刪除
  12. 我有一次去台灣本來觀鯨但睇唔到只睇到海豚....
    見你著咁大件衫仲以為你會落海游^^
    如果飲埋酒會唔會真嘔?

    回覆刪除
    回覆
    1. 冰島哥d通常有97%機會睇到的~我去過兩次...一次6月一次10月都睇到~
      唔係呀哥件係擋風架~因為個海好凍~
      我無野喎~隻酒好好味~

      刪除
  13. 坐橡皮艇個d我實嘔&暈,你影到咁多相好叻啦。
    哭福袋篇好期待呀!

    回覆刪除
    回覆
    1. 哈哈最幣我有段時間等緊鯨魚哥時訓著左~
      多謝~已經出左喇~

      刪除
  14. 有得睇鯨魚, 好令人羨慕呀!!! 淨睇相都興奮到尖叫好多次嘩嘩嘩 XD

    回覆刪除
  15. 嘩! 睇到鯨魚喎~
    反而期待你下一篇超強極光

    回覆刪除