2015年12月14日 星期一

冰島格陵蘭自由行之旅2015-10-06第十天Part 1(陰天及後轉晴)

星期一~多野做就梗架啦~最衰係噚日飲左杯咖啡後噚晚訓唔著~~~~~~~星期五極多極多野做~~~放工走左去開心開心食左日本野達摩食堂~~好味~~星期六成個下午都係玩電話d game~~真係好無聊呀我~~~夜晚開左公子的哭福派對~~~星期日又去左食牛仔屋~真係好好味~跟住買左我近期很愛很愛的Time after Time既原味蛋卷仲有個個公子都話好味既焦糖咖啡做下午茶~今次試埋羊角包真係大愛~~~~~~下午好乖無打機~乖乖咁整理好台灣的行程~~好開心搞掂哂~之後出去同公子血拼!!!因為屈人寺做緊特價!!!係好抵!!!!!多得格價專員貞公子!!痴住數學叻既你買野我完全唔使用腦!!買左好多我成日用既日用品折上折~~~買下買下我竟然係屈人寺用左1000蚊.................................夜晚食左一鍋風~因為我真係好鐘意佢地個湯底~料就其實好一般~



2015-10-06
Day 10---Part 1(冰島,東部峽灣 Iceland,Eastfjords->胡斯維克 Husavik)

早晨~~~呢間Fosshotel d早餐幾唔錯~~~有小牛角包添~~最鐘意係佢有好多新鮮紅黃椒~




這是我在冰島每朝要食既三文治~~~咁厚先夠飽架嘛~




好喇~去番主樓哥邊check out先~之前咪話佢係法國醫院改建既~~~其實開左無耐~~所以裝修好新~~~




只要你企係上圖哥個位向左望.....其實你都已經見到一埋蠟像既....應該係模仿之前醫院既環境~呢d就唔算恐怖既~




但仲有一個....係樓下.................................隻手好神秘....




個入口望入去....華~~~~~好黑呀~~~~~~係模仿緊個好黑既船倉呀..........仲要有好幾個蠟像係度~~~~~~好恐怖呀~~~~~記得同伴一齊先好入去呀~~~我好驚呀~~~咩介紹都無睇就直行直過咁樣几過左喇~~(勇敢的表現)...我記得阿Sam仲係樓上影緊相....我同毛寶同大比企係呢個門口唔敢入去....裝裝下期間我一手推毛寶入去~~~嚇到佢飛起~~~~~~~蠟像大哥~~~唔好捉我呀唔關我事架~~~~




又出發~又落雨~我地岩岩好經過某一個幾大下既鎮~~~個油站有得洗車~咁咪洗下囉~(因為還車之前都要洗番車還俾佢..唔好積埋一次過先洗~好辛苦架嘛~)....一開水...個刷就會有水噴出~好方便~睇下小朋友幾乖自己去洗車~




咦~~路經郵局喎~~~~睇下有無咩特別郵票再寄埋之前寫既哥d信先~~~





又真係有喎~~~好靚~~~地衣哥個好靚~~~右下哥個係首都街頭跳舞哥個又好可愛~




再出發~~~個天又好似晴番少少~無落雨~




跟住又無啦啦咁樣去到一個好高既地方~~有哂雲咁~




之後行過有四葉草圖案提示有景點....但我唔記得係咩...唔通呢度望過去又係火山??????我真係好想下一次有機會坐直升機睇佢火山爆發~





之後就經過米湖(Myvatn)區~~在冰島語中....係解蚊湖~~~~~上次夏天黎領教過....勁恐怖!!!!!!!d蚊滋係多到要戴帽戴墨鏡戴口罩!!!!今次又點呢?未知住~我地依家係經過je~




米湖區既天氣果然係穩定d~睇下~天氣又突然放晴~藍天白雲~





好喇好喇~~~我地經過米湖後到左胡斯維克(Husavik)喇~~~~由於我地去到當晚既下塌既酒店佢話無房~所以我地又出去行下先~~~~~呢度係一個沿海既城市~~~不過唔算好大~~~係一個睇鯨魚既熱門城市~係我地酒店行3分鐘已經係碼頭~好天~好靚~




我地諗住睇下碼頭附近哥兩間睇鯨魚既公司聽日有幾多點出發啦~~本身我地想坐橡樣艇哥隻架.....但係我地上一次黎已經睇哂時間表已經知佢10月係唔會有橡皮艇架....加上係首都哥時我地都係旅客中心叫佢幫我地問過無..........我地係諗住join番上次哥d大船tour架咋........點知行過一睇...............呢間唔係我地上次坐哥間黎架!!!!但佢聽日12:30有橡皮艇哥個Big Whale Safari呀!!!!!!!!!!!!




唔諗喇~~~衝入去喇~~~呢間叫Gentle Giants...地址:Harbour Side, 640 Husavik, Iceland




2.5小時成人每人ISK16,300=1018.8hkd~好貴~但好開心喎~~~有得搭~因為呢個係我地上次既一個遺憾黎架~我地上次就係因為呢個tour full哂....所以先搭大船的~~~~今次終於坐到喇~~~~其實呢個團係有埋去Puffin島睇Puffin架..但係因為10月d puffin已經走哂....所以今次係無的~夏天先睇到~





hehe~又經過地標薑餅教堂~個地下好似岩岩落完雨咁既?




跳出市區去左下個景點先~~~~




跟住Maps me行真係好安心~佢預d時間都幾準下~(記住喎~佢係一個好好用既離線app~只要收到任何一間電話公司定到位~佢都可以導航~)




華~依家覺得有d曬添呀~~(氣焰)




我地跟住落黎既行程係要睇一個峽谷~






呢個叫奧斯保吉峽谷(Asbyrgi Canyon)....當我地一落望呢個牌時.....成堆蚊衝埋黎!!!超恐怖!!!!......開始擔心蚊湖d蚊......




個入口....個人認為好添布頓風格!!





佢有d木牌指你去某d景點度睇既(但唔知係咩)....有個3.6多km.....梗係唔行啦~~~~




行左一個佢話10分鐘就到既~~~~~~行到一望落去....有咩好睇呀.........................................................成個死水池咁喎..




呢度d路好搞笑喎~成地都係細細粒既木(同埋同圍好多蚊)





行行下都覺得再行落去都係無野睇...所以影張chok照就走~




於是揸車去另外一個點~呢個點可以遠少少咁睇呢個咁大既峽谷~其實呢個峽谷好大的......有一個點係可以飽覽佢整個馬蹄型既峽谷....但係同呢度又有d距離喎.........算啦~係呢度睇左算啦~





差唔多日落啦~回程~望過公路對面已經見到雪山!


極有層次的雲~



回到市區啦~~點解個車窗岩岩洗完都咁污糟既~~




我地呢晚又係入住Fosshotel~地址:Ketilsbraut 22, Husavik, 640 Iceland.....每房每晚€102.12=888.4hkd...每人每晚444.2hkd...一入房打開窗廉...係一個工地...個工地近到係正隔離.....裝修同埋張床都感覺好舊...........好彩個廁所乾淨......不過都係不推薦....唯一一間Fosshotel我係覺得我唔會再翻住~









我今個禮拜會努力d出4篇blog架~~~
你知啦~~黎緊會放六日一二嘛....(回歸+冬至)
番一日星期三....
然後又放四五六日聖誕喎~~~
咁中間哥日星期三又可能偷下懶咁~~~(都可能會出下blog既~)
所以今個禮拜努力d先~~~~
關於公子哭福...真係少d抵抗力都會笑到賴尿~~~~
麥公子說:不如早d出哭福blog啦~當係送俾blog友既聖誕禮物~
大家點睇?有無興趣收呢份聖誕禮物?(可能無人想收~~~)



2015/12/14的開心事:
雖然你今日唔係特登落黎探我~但我都好開心~
仲有呀~今日收到大阪既哈利阿波手信~
多謝你~



報時:距離台北跨年倒數之旅2015仲有---16日~
報時:距離南美洲4國新奇探險之旅2016仲有---65日~
報時:距離"七公子"帥帥出使東京之旅2016仲有---291日~
咦~原來仲有兩個禮拜就去台灣喇~
咦~原來仲有兩個月就去南美喇~
我好似未有咩心理準備添~

28 則留言:

  1. 自駕遊嘅好處就係每日搬酒店,可以住唔同嘅酒店。
    其實maps.me可以download定要去旅遊嘅地圖連routing,咁你去到當地,連network都唔駛connect,就可以定位兼導航㗎(因為手機通常有built-in嘅GPS chip),所以佢絕對係做到全offline嘅功能㗎。

    回覆刪除
    回覆
    1. 哈哈~其實唔搬我都ok架~如果間酒店好住我真係住多幾日都唔怕~~~~
      哈哈~~~原來得我一個唔知~我出左blog之後毛寶特登whatsapp我知你講既野~然後佢話:那~你blog友都同你講番喇~
      多謝講d資訊我知~~~~~~

      刪除
  2. 坐直升機睇佢火山爆發~~~妳咪死緊啦.......
    坐船睇鯨魚好貴呀、不過一生人唔係多次睇到既。

    回覆刪除
    回覆
    1. 哈哈咁梗係唔係大爆哥時啦~~~
      我都ok呀~咁遠黎到點都要睇下啦~

      刪除
  3. 牛仔屋新嘢嚟架?
    想呀!哭福聖誕出啦!!

    回覆刪除
    回覆
    1. 唔係呀開左好耐架喇~不過我近排先至識去食....我大推你去!!佢d撈米加咖哩汁好正!!!!蘿蔔豬扒係超正~~~牛雜更係好味~佢係園林牛肉粉絲隔離條街~佢對面係日本城~
      係!收到!星期四出~敬請期待~

      刪除
    2. 你幾鍾意食撈米嗰喎

      刪除
  4. 早餐個三文治我勁鍾意食﹗

    回覆刪除
  5. ✬*¨★好友☁。*`⊹晚安好夢☾.•✫
    大家◇。゚*- ҈ -╠ ╣aΡpy星期二
    冬節*開心萬事得∴聖誕節快樂每一刻呢
    ❥・ ೋѼ*♥♡。・゚゚❤∵⊹・∴❣¨`*ღ

    回覆刪除
  6. 距離台北跨年倒數之旅2015仲有---16日~真係好快就到呢

    回覆刪除
  7. 紅黃椒好貴, 早餐好少有的, 我就會食多D.

    用木梢, 係用來舖路.

    出哭福BLOG, 都好呀, 我近牌情緒低落, 有得笑下, 我會好D

    回覆刪除
    回覆
    1. 係呀~~所以我見到都好開心~~~
      真係特登鋪架?咁搞鬼~
      係!收到!星期四出~敬請期待~

      刪除
  8. 梗係,哭福blog一定要早啲出!

    回覆刪除
  9. 好有親切感, 米湖區o個張相09年同一個角度影過 ^0^
    妳張chok照好型!
    贊成早d出!

    回覆刪除
    回覆
    1. 同你high five先~大家企係同一個位影相~
      好啦~我下次要唔好咁chok先得~
      係!收到!星期四出~敬請期待~

      刪除
  10. 原來毛寶都有死穴,您都好夠朋友,哈哈哈
    米湖區和薑餅教堂好靚~~~~

    回覆刪除
    回覆
    1. 哈哈我係咪好衰呀~~~
      係呀~天氣好影乜都好~

      刪除
    2. 哈哈哈,唔係好衰,係好鬼 ......

      刪除
  11. 早d出哭福blog啦早d出哭福blog啦, yeah yaeh

    回覆刪除
  12. 我絕對想收呢份聖誕禮物呀
    澳門真的多假期 請埋星期三既話就一連九日啦 hahaha 好正
    諗起好多蚊就好痕

    回覆刪除
    回覆
    1. 我地乖咁寫緊~星期四準時出~
      最弊我成日都抽唔到放呢d假既呢~把心一橫都無諗過放~
      真係好痕呀好痕呀~

      刪除
  13. 咁冷都冷唔死D蚊!!!
    可能多死水
    間展館又真係有D陰森
    想收禮物喎^^

    回覆刪除
  14. 哈哈, 出福袋哭袋BLOG超正喎, 你地今年又玩成點呀!!
    冰島啲景真係好靚好靚!!

    回覆刪除