2015年12月10日 星期四

冰島格陵蘭自由行之旅2015-10-05第九天(雨天)

今日氣溫好似回升番不少~~但好似話下星期四又得番12..13度左右~真係著少件衫都出事~~~~~唉呀~~~~聽日要抽明年既假喇~~~我真係好緊張呀~~~~又要求大家集集氣希望抽中~今個禮拜六公子開聖誕P~~哭福袋情況擔憂~~~~~



2015-10-05
Day 9(冰島,荷芬 Iceland,Hofn->東部峽灣 Eastfjords)

hehe~呢間民宿訓慣訓熟啦~梗係訓得好~又起身食早點喇~~~~~~又係N1油站~~今朝唔食漢堡食熱狗先!!!單點熱狗ISK399=24.9hkd......極!!!好!!!吃!!!.....毛寶都話好好味~佢平時唔好熱狗架嘛~呢日佢搶住食....仲食左我半條囉!!!!人地點夠飽喎!!!!!




呢隻質地既乳酪先係架嘛~好飲~




毛寶的早餐Chicken Salad....ISK1,650=103.1hkd...點解你成日食d野都咁少女架.......好味~




阿Sam的Baconburger....ISK1,575=98.4hkd.....阿Sam話仲好味過Cheeseburger喎~




其實半條熱狗我又點會夠飽呀..............整多條啦~~~~佢d醬幾好味喎!!!!茄汁黃芥末同埋沙律醬!!!好好好好好好味~~第二條d醬更重料~




好喇~出發~~~~~~噚日一直都唔好天~今日出發個天又係陰陰沉沉咁樣~~我地今日會係東部峽灣(Eastfjords)....之前哥次黎冰島去完荷芬之後我地就直剷落米湖(Myvatn)....但由於車程其實好長...今次多左好多時間嘛~所以唔好咁博命喇~搵多個點停好d喇~




感覺上冰島好少咁樣開山!竟然有隧道~因為我覺得佢地就算興建公路都盡量唔破壞環境咁起~所以之前先覺得佢d公路咁窄!咁起得隧道證明呢段路唔開隧道可能真係會兜好遠~





落雨中~d羊毛都濕lup lup~




有個位剛好可以停車換一換司機~又俾乘客伸一伸腳~呢個位又係勁大風~~~我記得我地上次都有係呢個位停過換司機





再出發~~~~~~~黎到呢度~回憶立即湧現~俾我地講足兩年既神之公路.....傳說中的9!3!9!!!!!!!!!!!!!!!!!!!上次因為少時間...而且唔行939去米湖會兜好大個圈~~今次停多個點~梗係唔再行啦~~~~條路真係超難行~




好喇~到左我地今晚下塌既酒店喇~~~我地本身唔係租呢度既~但係經歷過入黑後搵唔到酒店又壞車既恐怖....本身哥間大比話有d難搵~所以取消左佢~(免費取消).....然後再經Expedia預訂呢間Fosshotel Eastfjords~我地又住Fosshotel喇~呢個旅程第三次~地址:Hafnagata 12, Faskrudsfjordur, IS-750 Iceland

唔好話我唔通知係呀下~呢邊係check in大樓~佢樓下有個蠟像館的~~~我勸大家坐完要走喇~check out左先好落去參觀呀下~~~仲有唔記得講~佢呢邊前身.....係一間.....法國醫院



咁就住係佢對面哥棟建築物既~~依家暫時得呢棟~~房好少~不過見到佢隔離已經擴建中~




由於呢間酒店新開的~~~所以d裝修都好新~一入房~~~華~~好靚~~~望下隻窗!!!!




望出出面就係一個小碼頭~~~景色好靚~




呢度一間房(二人房)一晚係€84.15=732.1hkd....每人每晚就係366.1hkd~都幾抵住~




安頓好就出去行下啦~行左出頭先房間望到出去哥個碼頭~





跟住就行出酒店範圍睇下呢個鎮~




又係周圍行~東影影西影影~聖誕老~婆~來了~大眾睇見....






其實一路行又係一路搵野食既~攞住架車既GPS搵下附近有咩野食~發現左呢間~Cafe Sumarlina...地址:Budavegi 58, Faskrudsfirdi, Iceland





細細的~感覺係家庭式經營~前舖後居哥種~送埋卡片你睇~





大比又叫Swiss Mocha喇~~ISK550=34.4hkd....好好飲呀~~~




Soup of the Day with Bread....ISK1,350=84.4hkd...超級香濃的磨菇湯~~~~~~好好味~




Crepes with Ham.....ISK2,250=140.6hkd.....初頭一黎真係嚇親!!超大個~~~~~好彩一切開原來有好多菜係入面~(食食下仲有d米~)....幾好食~





叫左個Pizza~~~出到去外地我最鐘意食既pizza應該就係Hawaiian~因為有菠蘿無咁漏嘛~~我地叫左個16"大既pizza...ISK2,550=159.4hkd...我其實對16"係無咩大細概念既.....點知一黎到..........仲要攞個架"long"起佢先夠位放野!!!!咁大個先$160...係邊度搵???仲要好好味!!佢有支Garlic Oil俾我地倒落pizza一齊食....極襯!!!!!!!!!!!!!真係澳門pizza hut都做唔到呢個價..................右上角哥碗湯係變得渺小得不能...........................




甜品叫左Toasted Belgian Waffle with Jam, Wipped Cream Chocolate......ISK910=56.9hkd.....個窩夫個質地做得唔錯喎~~~加埋d cream好好味~




呢餐食左每人119hkd咋..................平到......仲要食左好多野落肚~~~~~~~~~~~~~~~




佢d裝飾幾得意~唔知呢個地區係咪法國統治過?周圍都有法國旗...而且我地住緊哥間酒店就係法國醫院改建





食飽飽又沿路行番酒店~呢個地區家家既庭園都有精靈呢!!!可愛!






呢區無論d屋既外型....屋既座向我都係覺得靚得不得了~~~係呢度居住應該係幾舒服既~(要忍到悶)






然後我地就番酒店hea下喇~佢地話中午食太飽呢晚唔再出去食晚餐喇喎(咁個磨?)....唔食野唔得既~沖下無印秋葵湯飲下都要啦~(好味~)




順帶一提...其實呢個東部峽灣(Eastfjords)....係一個非常適合睇極光既地方!!不過睇睇可晚既極光預報...雖然係有5-High....但係我地係位於紅圈位置~雲層極厚...好可惜呀...雖然睇過一次...但你總想一睇再睇!








2015/12/10的開心事:
下午好多野做得黎又可以準時收工~
算係咁啦~~~~~~



報時:距離台北跨年倒數之旅2015仲有---20日~
報時:距離南美洲4國新奇探險之旅2016仲有---69日~
報時:距離"七公子"帥帥出使東京之旅2016仲有---295日~

35 則留言:

  1. 嘩,熱狗好大隻喎,20幾蚊,即比佢啦,仲要好食。
    唔知點解,睇完你呢篇,又覺得冰島啲物價唔係咁高喎,係咪因為喺小鎮,冇城市咁高指數呢。
    16吋pizza都係160蚊,應該同香港差不多價錢,甚至平啲。
    哈,其實你南美四國係邊四國呀?

    回覆刪除
    回覆
    1. 真係好抵~真心好食~
      其實我個人黎講上一次黎我已經覺得ok..唔算太過份~今次黎更加覺得無野~因為澳門d野仲貴啦~~~~~~(可能第一次去哥時我已經將冰島物價訂得好高~)
      我覺得幾抵食~重點係好食~
      我地去秘魯玻利維亞智利同埋阿根廷~

      刪除
  2. 隻熱狗一睇都知無敵.
    毛寶其實有冇學過影相?
    呢餐豐富喎,你哋食得哂唔使打包???夜晚你可以唔使食嘢?你喎?

    回覆刪除
    回覆
    1. 真心好食!
      無架~佢有攝影眼~
      梗係食哂啦~~~~~~
      er...食左d垃圾野囉~

      刪除
    2. 咁嘥?有攝影眼更加要去學啦

      刪除
  3. 對住個小碼頭~~~真係靚到暈,會勁影相囉
    哩D小鎮真係另一番風味,景色好正
    睇咁多野食,樣樣都好正

    回覆刪除
    回覆
    1. 真係幾靚~如果好天真係不得了~
      我覺得幾好架~~當休息下囉~

      刪除
  4. 不能同意更多!極光真是很大魔力 叫人想看完再看!!
    小t 麻煩你同毛寶講聲 好鍾意佢影甲蟲車張相 :)

    回覆刪除
    回覆
    1. 係呀.....其實我都好想一睇再睇的~~有種神秘的魅力~
      好呀好呀~代佢多謝你鐘意先~

      刪除
  5. 睇左咁多張相,條路係一個人都無,住呢度除左要忍得悶仲要忍得口臭,因為可能好耐都無人同你講野!

    回覆刪除
    回覆
    1. wakakakkakak~咁呀~同你最心愛既人一齊住係哥度應該ok卦~~~
      不過我都頂唔順太悶的~

      刪除
  6. 好友♦・゚☼早晨&午安喇喂☁*・。`☀
    (。◕ヮ^)つ━╠ ╣ a Ρpy星期五嘅
    ❥*¨❣ღ。゚º♥話咁快就到周末啊♡.•❤

    回覆刪除
    回覆
    1. 哈哈~最幣周末都過得好快~~~
      又到星期一了~

      刪除
  7. 天氣凍冰冰我就繼續係咁瞓囉
    好彩今天醒來太陽出來...呢
    每年冬季.我就眼矇矇.頭實實
    為有網上冬眠.穩陣...喇喂
    回覆完大家...我就更新網誌喇

    回覆刪除
    回覆
    1. 好野~有新野睇~
      冬天真係好好訓~

      刪除
  8. 你的.冰島格陵蘭自由行之旅...我看就好好...米叫我去囉...哈哈哈

    回覆刪除
  9. 喱排忽冷忽熱要小心身體,因為你仲要去台灣happy㗎嘛XXXD
    很喜歡那個窗外的小碼頭,喱個town仔又真係幾靚喎(利申:我唔怕悶嘅XXD)
    間餐廳真係抵食,平過HK添喎:P

    回覆刪除
    回覆
    1. 係!知道~我會架喇~~
      我覺得渡假就幾OK既~但長住我就...............始終都係鐘意多D同朋友仔玩~
      係呀~仲要好味添~

      刪除
  10. 响冰島最抵食都好似係hot dog ^^ 個pizza又抵喎^^
    果幾張黑白相好有格調,有懷舊feel,讚
    oh...差d 唔記得賜你力量抽到靚假期,all the best :)

    回覆刪除
    回覆
    1. HOT DOG真係好好味~~~~我好鐘意食~
      只要是毛寶拍的~我個人都會覺得有格調~
      多謝你呀~雖然抽唔到最想抽哥個~但另外兩PART都OK~*3*

      刪除
  11. 那麼,要小心身體啦!
    期待您們的哭袋囉~~~~
    終於吃不同的早餐喎!
    超級帥的「聖誕老~婆~」呢!

    回覆刪除
    回覆
    1. 係~知道~
      哈哈~正在想好不好跳出~
      其實酒店早餐都OK既~自己夾三文治~
      野~~~~~

      刪除
  12. 還我冬天呀⋯ 雖然凍係好辛苦。
    呢隻乳酪我係冰島時都好鍾意食架!
    講開影靚相,我影人像真係垃圾級別,要係你blog度向毛寶偷吓師了。

    回覆刪除
    回覆
    1. 12..13度其實我幾鐘意的~再凍我就.............
      係呀~~~~我都大愛~~~好好味~~~~
      哈哈~~~~唔好咁講!!你係你BLOG都無放出黎我地睇....或者係你太謙虛JE~

      刪除
  13. 夜晚睇妳個blog實在......好肚餓!!!!!!
    勁鍾意你地4個食緊野張相, 即刻覺得間餐廳d野好好食!

    回覆刪除
    回覆
    1. 哈哈~~咁岩線有野食JE~~~
      又可以做代言~

      刪除
  14. 果熱狗睇落好似宜家傢俬D熱狗咁喎????
    pizza正呀~~~~我至愛

    回覆刪除
    回覆
    1. 有無呢隻咁好食先~~~~~~~
      我都愛~~~~

      刪除
  15. 我這邊在餐廳食一個16" PIZZA, 都係$16-20, 大約一百港元多一餐, 唔知點解香港D PIZZA 咁貴.

    看完你影D屋和花園的精靈+漁夫+石頭雀仔擺設, 而D屋好有我這裡魁北克的風格, 我估那裡的人是法國移民的後代, 你如果看看他們的名字, 可能會好有法文味道.

    回覆刪除
    回覆
    1. 華~真係好抵~係咪外國既PIZZA特別平的~個價我覺得ok喎~
      你講得岩呀~我地間酒店都係以前既法國醫院改建架~呢度仲有好多地方掛法國國旗~

      刪除
  16. 嘩, 最後個PIZZA好正好正!仲要咁平,好正呀!!
    毛寶食好少野呀, 你地個個食包,佢食沙律,唔怪得之佢咁瘦啦!

    回覆刪除
  17. 隻熱九真係夠晒勁.... D醬!

    回覆刪除