2015年12月9日 星期三

冰島格陵蘭自由行之旅2015-10-04第八天(雨天)

星期五放工跑去試左間cafe~不過不失~星期六落落大雨~去左觀光塔飲茶~然後整個下午在研究台灣行程~晚飯食左海榮~星期日中午食左華星冰室...下午睇左少少拉丁城區巡遊...行左陣街...晚飯吃煲仔飯~澳門今年聖誕既光影節幾靚喎~值得一影~幾有聖誕氣氛~星期一番左個靚工...好多野做但唔怕~因為放工約左公子去食輝記~好開心~.....星期二放公眾假期~~~~一早起身中午去食銀河哥間8 1/2 Otto e Mezzo Bombana~~~~一間有一星米芝蓮既餐廳~~~食過就覺得佢真係值一星!!食物環境服務都得!!!而且價錢還好~好開心~~...下午去睇極限追捕(Point Break)....跟住去觀光塔影光影節哥個大月亮燈~食埋越南粉先番屋企~~呢個禮拜節目真係豐富~~~~~~~~~最開心係好快又到星期五~~~~今日雨下一整天~~~工作ok~~~已經好開心~~~



2015-10-04
Day 8(冰島,史卡法特 Iceland,Skaftafell->荷芬 Hofn)

哈哈~上回講到.....我地諗住凌晨3點出發去浮冰湖打算影浮冰湖極光加日出~點知點幾醒左......極!大!雨!!!!!!!!!!!!!!!!!!!!!!!!你又點會估到日頭好天到會曬黑....夜晚又再落雨?哥度無遮無擋~制唔過~~~~~~~所以係whatsapp商量後~照平常咁~9點係酒店食早餐先出發~~~~~~~~~~~~~wakakakaka~




出發~~~離開呢個我地人生中第一次睇極光既酒店~~睇下天氣同噚日差幾遠~~~~~~~~~~~~




由於有人想去廁所~~~~我地又順路經過浮冰湖喇~~~~咁等佢地去廁所時我就落車影下雨天的浮冰湖~~~~其實上次就係睇到咁架喇~有邊個夠我地架勢~同一個旅程睇哂日落..藍天..雨天既浮冰湖景~wakakakakakaka~


影哥時極大雨~~~我番上車時成身濕哂~



大約兩個鐘既車程~我地就到左荷芬(Hofn)喇~~~~由於中午時份到達~去食個晏先~~~~~~~~其實以荷芬做中轉站既目的係得一個....就係要食小龍蝦~~~~~~~~~~~~~~~~呢度最出名就係一種叫Langoustine既小龍蝦~本身想試間新既~但係搵黎搵去都搵唔到Chlo子講既另一間~(其實呢度好細...可能係佢無開所以搵唔到~)...所以我地就食番上次黎食哥間算喇~呢間叫Humarhofnin.....地址:Hafnarbraut 4, 780 Hofn, Iceland.......呢間有攞過米芝蓮架~之前明明上網睇佢係每年開到9月架咋....如果之後d時間你想去要預約..而且係要10人或以上先會接受預訂.....但我問過Chlo子佢話3月經過時佢都有開...所以我地就無預約就咁衝去咯~好彩有開je~






餐廳裏面都無變過呢~~~




本身佢安排左我地坐另一張檯既...但坐坐下我地上次坐過既哥張枱既食客埋單走~我地除即請問侍應可唔可以坐番我地上次坐過既哥張枱~佢話可以~點解我地一定要坐番係哥張枱?睇落dd你咪知囉~~~~~~~~~~~~~~~~~~~~~





其實佢餐牌唔算多野食揀~得4版餐牌....仲要左右係英文同冰島文對照~不過黎得呢度梗係主力食龍蝦啦~~~~~上次我地叫左兩碟4份食~今次唔慳喇~~每人一碟做主菜啦~~~~~~




Langoustine Bisque....ISK2,500=156.3hkd......梗係要試龍蝦湯!!!!!!!我地叫左兩個4份人飲~




呢度既龍蝦湯香濃而不怕過咸!!!!!!!而且好多粒爽爽的龍蝦肉!!!!!!!哀c~~~~~~~~比起首都哥間現時既龍蝦湯質素好100倍(當然呢度既貴d).....但我寧願俾多d錢飲間好飲d既!!你知啦~無咩quota啦嘛~

勁推介!!極正!!



如果用淨龍蝦做主菜既佢有3種~一種係Selected and Cut Langoustine Tails(300gr)...淨龍蝦尾...ISK7,400=462.5hkd.........第二種既係Whole Langoustine(450gr)...全隻連頭連鉗既....ISK7,300=456.3hkd.....第三種既係A Grande Mix of Whole Langoustine and Tails(150gr)....即係兩樣都有....ISK8,400=525hkd.......我地會推介係食淨龍蝦尾~雖然全隻既多150gr同埋平ISK100=6.3hkd....但係個頭同埋個鉗d殼係非常重秤的!!但呢兩樣野都係無肉食的!!!!所以你揀啖啖肉的蝦尾是無錯的!!!!!!!!!!!!我呢盤就係淨龍蝦尾的~起碼有8-9隻龍蝦尾!!




超級的好吃~~~~~~~~佢個汁唔知點整既呢~~~~好好味~~~橙色哥d我極度懷疑係佢d蝦油既物體~~超香~~~佢仲有兩隻汁同吃~一哥類似千島醬一隻係黑醋既~其實我淨係用黑醋~配埋一齊食超香~





一人一碟真係窮奢極侈~~~~~食咁多蝦尾會有d漏~所以佢配埋既沙律真係好合時~~~仲要撈得超好食~~舊蕃茄仔係難以置信的大粒同埋爆多汁!!好好食!!





哈哈~話咁快就搞掂哂~~實在太好食~




Classic Creme Brulee....ISK1,690=105.6hkd....係貴架!但係呢個係我目前為上食過既最好食既Creme Brulee!好難想像~係冰島食到咁好味既Creme Brulee~可能都係我見識少~




總數食左ISK37,980=2,373.8hkd...每人593.4hkd..我覺得值!




俾埋佢張宣傳小冊子大家參考下~





點解我地要坐番同一張枱??仲記唔記得我地對上一次黎....自拍左張咁低能既相?由於我個G11可以反個mon出黎自拍.....所以個侍應睇到哂我地d白痴樣....仲企係後面笑我地!!!!(重點係俾我相機影埋)...其實我寫到呢張相時我自己都笑左出聲....只想弱弱的問一句:姐姐...你做咩會下哨得咁嚴重?XDXDXDXD




我地攞住呢張相問接待我地既侍應.....問佢識唔識呢位侍應?呢位侍應仲係咪到做???.......佢話佢識~但佢已經去左丹麥讀書喇~~~~~~~~~~~~~~~~~~~~~~~~~於是.....我地呢張2015年版既相~就由呢位新既侍應頂上~~~~~~~佢又真係幾玩得喎~阿Sam叫佢跟佢一齊做鬼臉~佢又做喎~~~~做完仲"紅都面哂"~wakakakakakakakaa~




兩張對比圖.....呢班人同兩年前一樣....一樣都係咁白痴XDXDXDXDXD~~~~~~~~~~~~~~~~~~~連最細既毛寶都踏入30歲...呢度d人加埋成百X幾歲...仲唔化~~~~




好喇~笑到氣咳之後我地請侍應弟弟幫我地打電話俾民宿主人話佢聽我地黎左~~~~咁我地就出發去民宿啦~依然係住番上一次哥間~經Booking.com進行預訂既呢間Skyjaborg Apartment~地址:Vikurbraut 2, Hofn, 780, Iceland....這是民宿外觀~其實佢係2樓~要自己抽行李上樓梯的~請有心理準備~以前樓下係餐廳~依家已變一間吉舖~




一晚€162=1409.4hkd....每人352.4hkd...抵!!間民宿好大!!!而且重新裝修過~正~








坐左一陣出去行下....其實荷芬呢個鎮仔.......極細~而且...無野睇~好悶~不過龍蝦真係誇啦啦~




其實我話出去逛下只係逛下油站便利店架咋~(笑)......驚見佢有得賣佢地食熱狗一定會夾既哥d炸洋蔥!!!!!!我買左一罐番澳門~ISK205=12.8hkd....驚見係Coop呢個牌子!!!!之前去瑞士都係呢間超市買日用品~所以Coop可以話係百佳牌~





原來Skyr呢隻乳酪牌子仲有出另外d飲品類喎!!係首都哥時都見唔到既~~~~~~~梗係買黎試試~點知原來唔係水哥種質地....係杰杰的哥種質地~不推薦~




番民宿坐下睇下電視就出去食晚飯~(又食)...首選N1油站既漢堡包!!!!!!我叫左個Cheeseburger既套餐~ISK1,450=90.6hkd....已有漢堡汽水薯條~~~~佢個漢堡唔係整好等你去買哥種...而係落單先去整!!!!!新鮮熱辣!!漢堡扒有肉汁!!!!!!超好吃!!!!!!!!!!!冰島可樂仍然無敵!!!!!!你係會唔明佢點解膠樽可樂都會咁夠汽咁好飲!!!!!!!反而薯條退步了~我唔覺得係捱漢堡包餐~我好享受呢餐!!







噚日睇哥套極限追捕(Point Break)
我覺得個題材其實唔錯既~
但個故事麻麻~~~
但係睇佢地玩哥d極限運動又覺得好刺激喎~~
好矛盾~~~~



2015/12/09的開心事:
哎呀~~~
今晚菜式好名貴~~~~
有花膠湯飲~~~我真係好~~開~~心~~~



報時:距離台北跨年倒數之旅2015仲有---21日~
報時:距離南美洲4國新奇探險之旅2016仲有---70日~
報時:距離"七公子"帥帥出使東京之旅2016仲有---296日~

29 則留言:

  1. 我覺得太陽㡳下嘅浮冰湖靚d。
    其實如果一大班人去旅行,租呢啲民宿會好抵,因為地方夠大。
    我睇見你個cheesebuger餐好正,最重要係連埋500ml可樂,90蚊值啦,因為我係可樂怪,哈哈。
    Point break係咪即係翻拍20幾年前Keanu Reeves嗰套呀?我覺得以前嗰套兩個男角型啲,另外扮大賊嗰個係Patrick Swayze,即係人鬼情未了男主角,不過2009年唔係度喇,可惜。

    回覆刪除
    回覆
    1. 你試咗8 1/2 Otto e mezzo bombana,食物環境價錢都好。喺香港嗰間要訂位,價錢貴,所以未試過,睇嚟要去澳門一趟。小t,請求你出一篇Galaxy 8 1/2得唔得呀?please。

      刪除
    2. 哈哈~咁就當然架喇~不過呢次旅行去左3次浮冰湖有3種唔同既景睇就覺得好抵~~~
      無錯~面且好乾淨同埋舒服~
      咁如果你去冰島就真係要試下佢d可樂喇!!!真係特別好味的!!!!!!
      我又真係唔知喎~真架????搞到我有d想睇番2009年哥套喎!!

      刪除
    3. 我地都有訂位架~不過據訂位既毛寶話....星期日佢休息的...而且星期六又無set lunch的....所以我地12月8哥日咁岩線放假先可以去試下~
      毛寶都話香港哥間好full...成日訂唔到位...而且貴d添......所以哥日試我真係好開心~~~~~~~我哥日所見有成兩..3枱都係香港專登過黎食架~你都快d黎啦~可網上訂位架~
      我暫時未出到blog~~~~因為仲未出完旅遊blog~sorry~~~

      刪除
  2. 對比圖當中, 毛寶扮得最神似, 都之前果張既神態好似呢~~~~
    光影節哥個大月亮燈真係好靚, 睇IG睇到~~~
    好想食BURGER~~同埋感受下冰島既可樂呀!!!

    回覆刪除
    回覆
    1. 哈哈~~~加上佢個樣無咩點變添~
      原來呢....毛寶噚日同我講....個月亮唔係光影節架喎...................wakakakakakakakaka...不過都係好靚既~
      冰島可樂好好味~好想再飲~

      刪除
  3. 你碟龍蝦好誘人.......阿新侍應都頗嬌俏......
    極限追捕個舊版終極豪情幾唔錯,幾陽光,嗰陣奇洛李維斯未經巨變仲係有多啲表情,好英,女導演處理咁陽剛嘅題材係有點點不同.

    回覆刪除
    回覆
    1. 無錯!同我一樣誘人~~~~~~~~~阿新侍應真係紅都面哂~~~~~
      原來係翻拍~都係你同alex講我先知~~~仲要係奇洛李維斯做真係好想睇下~

      刪除
  4. 唔該晒呀,買機票一站式最好,Finnair可買埋去冰島果程非常好,唔使週圍揾^^
    龍蝦餐好抵呀,而家食個好少少嘅西餐都要6-700啦,最緊要好味。
    $12.8一罐炸洋葱都好抵喎,呢罐嘢好味嗎??
    就算加埋二佰歲都好,最緊要好玩,同一地点同一班人好難得:)

    回覆刪除
    回覆
    1. 無錯~因為我上次係買卡塔爾航空飛英國...然後再買冰島航空機票.....依家咁買...仲平過上一次.....而且時間慳番好多...因為要飛8小時去卡塔爾...等3個鐘...再搭8小時去英國...等8小時...再上機搭3小時去冰島....簡直浪費時間.....所以搭finn air係最好了~直飛芬蘭10小時...等8小時(期間可出境行~)..就直接上機去冰島~咁樣我覺得唔錯~
      係呀係呀~~~~我都覺得價錢ok呀~最緊要好味~
      wakakakak~我仲未食~~~~
      係呀~都唔知有無下一次一齊去~

      刪除
  5. 睇落個餐唔錯喎~~~~正
    妳地四個痴痴呆呆坐埋一檯~~~~~岩晒key好難得呀.....最緊要開心
    妳呢幾日食左咁多野肥死妳呀.....快D做番簡單運動~~~行黎行去30分鐘都得.....

    回覆刪除
    回覆
    1. 好好味~~~
      哈哈我地真係傻傻地的~
      我成日係公司行黎行去架~~~~~

      刪除
  6. 原來Booking.com都有D咁靚既民宿,真係識揀,又平又大
    無野做,逛下便利店都可以發現好多新野

    回覆刪除
    回覆
    1. 係呀全部都係大比訂架~佢搵d民宿都好正~
      係呀我好鐘意行超市便利店哥d~

      刪除
  7. 通常我遊完一個地方, 總會隔多好多年才再去, 只有我上次去 LAS VEGAS 鄰近的那十幾個公園, 才會隔一年再去多次, 我想, 你一定很喜歡冰島了.

    你地係酒店要 WHATSAPP, 係咪你地唔睏埋一間房?

    回覆刪除
    回覆
    1. 我真係超喜歡~~~係我最喜愛的旅遊國家~~~~~~~~~~~~~~~~~~~~
      唔係呀~我地分住兩間房架~

      刪除
    2. 我比較喜歡D陽光普照而天氣和暖的地方, 你同我相反, 可能係因為你和我大家一個住熱的地方,一個住冷的地方.

      刪除
  8. 成班傻仔傻妹一齊癲,難得個侍應又癲埋一份,哈哈!

    回覆刪除
  9. 嘩, 個龍蝦餐好正, 我都覺得蝦尾易食, 成隻就影相靚
    天氣唔好好似先係正常o既冰島, 顯得藍天白雲更珍貴

    回覆刪除
    回覆
    1. 上次影過~所以今次好食為主~~~
      係呀冰島天氣真係好得意~永遠估佢唔到~所以都唔使睇天氣報告~~哈哈

      刪除
  10. 龍蝦餐又真係好吸引。
    去旅行玩得開心的嗎,難得個侍應生同您們一齊玩。
    間民宿正~~~

    回覆刪除
    回覆
    1. 依家睇番都流哂口水~
      係呀佢真係好好人~同我地一齊癲~
      係呀好大~

      刪除
  11. 龍蝦尾碟上面果條鐵魚係用來做乜?
    4個人個樣都無變過喎~~~~~下次如果再去,就再影多次啦^0^

    回覆刪除
  12. 好難得搵到夾嘅旅伴一齊癲架,要珍惜。
    最難得係兩次都原班人馬,要大家都攞到假先得,你地全部都唔使撈嗎?

    回覆刪除
  13. 你個龍蝦湯好好好正呀!!!! 好想食呀!!不過要去到冰島好遠呀!
    你地真係好搞笑, 特登搵番個張枱,好搞笑!

    回覆刪除
  14. 龍蝦餐,睇怕都唔會係第二度會俾咁多你地食架啦。

    回覆刪除