2015年11月9日 星期一

冰島格陵蘭自由行之旅2015---旅行前準備

星期六哥時下午下左學沖菲林....好有藝術氣息呀我~夜晚去左燒烤~~真係好開心~~~~食左我成日都好想食既香腸~魚蛋~漢堡扒~~~~重點係要重蜜糖~~~~~~~真係好好味~~~(我去燒野食就係咁無大志~).....星期日去左睇007(有單笑料落少少講)...不過我都係覺得上一集好睇d...今集d劇情唔知搞咩~~~不過又係下午場係觀光塔睇...$40做兩個半鐘..真係無野好挑剔~~~~~~~~睇完就去左食韓燒~~~~今個周末又係好開心~~~~



野~~~~千呼~萬喚~始出來~~~~~~雖然有好多人話好想快d睇到我出冰島blog~(包括我d團友們)......但最想睇到我出blog既人.....係我!自!己!!!!!!!!!!!因為呢次旅行太精彩~發生太多突發蝦碌野!!(簡直係我地4個本色~咁先係旅行嘛~)....去左25日旅行.....暫時最長~(好快就會俾出年南美行程打破~)......雖然我唔知大家鐘唔鐘意睇呢類型既旅行前準備blog~但係對於出發前既人黎講....我覺得.....唔多唔少都有d提醒既~今次既旅行前準備係特別係秋冬出發既人士~~~~夏天去會覺得呢d係多餘的~如果想睇夏天出發前有咩要準備...請按我....依家好開心好開心好開心(因為很重要!所以要重覆說3次!)終於要出blog了~



兌換貨幣
因為澳門係唔會有冰島克朗既貨幣可以換到架..所以要換就要另外換d外幣去換~雖然其實冰島去到邊你都可以用信用卡~(買條熱狗廿蚊雞都可以)....但係你點都要d現金傍下身以防不時之需~我地上一次去呢就帶左英磅去換~~(因為上次係冰島+英國咁玩)....今次我地就會經芬蘭去丹麥再去格陵蘭....又由於丹麥同格陵蘭(丹麥屬地)係用丹麥克朗(澳門都係唔會有得換)....咁芬蘭用歐羅架嘛~咁就索性換歐羅去換冰島克朗~發現用歐羅換比起英磅換匯率更好~我地當時港幣兌歐羅係8.7.....我換左€1,110=9,657hkd咁就出發~我地都係當地機場間銀行換錢咋~一到步就換~經過我神探t利略既精密科學計算......ISK15.48=1hkd~.....將信用卡單岩岩出左~又係刷卡消費是最抵的!!!!頭先講既15.48匯率係兌hkd....但係發現碌中銀visa信用卡好抵!!!!!兌澳門幣係16!!!!!!!!!!!!!記得唔好換太多錢~~~刷卡最實際~~我見有好多地方碌某d卡要另外收手續費....連master card都要....唯獨係visa係呢4個國家都未見過要收額外手續費~~銀聯唔係太多地方收~





裝備方面
冬天成日以為唔使換衫...所以以為好少野帶..你咁諗...就瀨野喇....我提前成個禮拜執gip...越執越唔對路......越執越多野!!!!!不過執過去既..又真係用得著喎!
鞋:
無得講...你去得冰島呢d地方..真係要買對好d既爬山鞋!!!!d碎石路真係會跣到你灘灘腰...上次瀨過野....買對三四百既假爬山鞋去.....結果行路用多d力又扯蝦..得不償失~今次好認真呀大家都~~~~佢地係上日本網買既~毛寶就係香港買既~我呢~就係日本抬番黎既~(左一:毛寶...左二:我...右二:大比...右一:阿sam)




上衣:
我成個旅程都係一件防寒一件衛衣一件內膽一件雪褸~雪褸梗係著上次係日本買哥件啦~~~~~~擋風又防水呀~~~呢身衣著已經頂到-10度~我咋~




雪褲:
本身唔知下身點著好...係日本哥時行d專門買爬山野d舖頭又淨係得d擋風既褲無雪褲.....係唔知點算好之下........今年較早前時間3月份時...chlo子都去左冰島...向我地推介呢條雪褲....一試之下...果然無得頂!!係...我認我買淘寶貨唔係大路牌子!!!但真係好好著質地好舒服擋到風擋到雨!!!(拿..唔係無缺點架...).....我地4個一人一條.....重點係:呢條咁好著既褲係$160RMB咋!!!!d大牌子肯定要千幾兩千蚊!!!!!....而且....我著完廿幾日之後.....將佢留左係丹麥無帶番黎喇~(已經好污糟加上有日太大雨淋得佢有d皺皺地)....乾手淨腳~160RMB我次次去次次換唔同色都得lu~使咩買千幾蚊一條去咁多次旅行著死一隻色?而且外表唔老土!多謝chlo子推介~




頸罩:
極度推介用頸罩多過頸巾!!!!因為當你行咁多路又大風時頸巾真係又大舊又吹黎吹去!!呢種可以就咁cool住條頸~當冰島d烈風吹向你執面時又可以即拉上遮埋面!!(d風真係唔講得笑).....吹到你流左鼻涕都會唔知架...呢個時候個頸罩咪.........(唔好亂講呀~個頸罩chlo子借我架~淘寶有售~)...哎呀~呢個女仔真係好清純好清純好清純~(因為很重要!所以要重覆說3次!)




手套:
冬天無手套係戶外真係會吹爛隻手~今次我地就有呢兩款手套~一款就係右邊哥種可以防埋水~即係可以玩雪既~(淘寶有售~30幾RMB咋~好抵~)....另一款係到埗冰島先買~因為右邊哥款係無雪下戴太厚~用唔到手提影相~所以係當地用2xxhkd買~可以戴住黎滑手提~(拇指及食指有特別質地可按智能手機)





耳罩:
都幾重要既~如果係想影相靚靚又唔想戴住帽影既~呢個係一個唔錯既選擇~我個人就好少戴因為唔鐘意cool住耳仔~只會係等極光時戴~呢個係冰島市區d北歐雜貨買~20hkd




冰爪:
呢個如果係有雪既地方真係相當重要!相當重要!相當重要!(因為很重要!所以要重覆說3次!).....踩係雪上面都唔緊要!!如果係踩係冰面真係跣到你出公海都有之.......呢個形態...我地4個...稱佢為"鐵蓮花"~~~~~wakakakakakakaka...好醜~就咁cool係對鞋度~行路就夠哂堅挺~淘寶有售~20多RMB~重點係重重地~用完又殘殘地~d釘又歪歪地~平平地~用完就可以放下~~唔使帶回家~





礦工燈:
呢個適合秋冬季用~因為當你想去追極光時有時d路係完全無燈既....咁就岩哂喇~...夏天唔使因為夏天根本無夜晚~呢個幾方便下既礦工燈我係日本買的~得戚到有黃白燈~





腳架:
唔好話我聽你秋冬季去會唔帶腳架去...夏天唔覺佢重要...但冬天.....你唔攞佢...點樣去等極光呢???我又係淘寶買~不過佢真係參差..我買左兩個.....第一個係企最後最後哥個....價值$19RMB....真係好平..但真係矮到無手有...影得好辛苦..唔建議!!!(我無帶回家~).....第二個就係中間哥個全黑色....$58RMB....呢個超堅挺!!!企得穩!!開哂腳架之後原來仲可以搞下搞下個手制去升高!推!(唯一帶回家的淘寶貨因為真係唔錯~)........最頭金色哥個唔使講...阿sam的~佢買相機送的~最堅既係佢~




腳架既用途咁少既咩?梗係唔係~除左影相之外既最大用途~咁去25日...無得帶咁多衫架嘛~咁梗係要洗下底衫去替換啦~咁無咁多地方掛架嘛~腳架呢個時候真係好幫手~企近暖爐輕輕一掛~第朝即刻乾哂~(又可以即時再著~)~~~




雪鏟:
呢個適合自駕遊人士...以防你第朝一起身車窗積哂雪...你係無法用車既雨擋去清除的~你可以在當地油站買...我見要2xxhkd....呢個係淘寶貨...chlo借我的~(chlo真好~借咁多野俾我~)




駕駛方面
聽有車牌既團友話....冰島條1號公路....變!闊!了!!!!!!因為上次大家都要靠旁邊既熙蕾bb睇位(如果唔係真係會碌落山碌落海....加上d對頭車開得超快)......佢地話好揸左好多~(有人飛得好開心呀...打破上次車神紀錄).......同埋如果後面有車跟到你超貼你唔使驚..唔使特登為佢開快d既.....你按照自己本身速度行就得....佢頂你唔順就自然會超你車~(毛寶今次係頂唔順人地喇~連超4車...帥!)....同埋對頭車你會成日遇到d咁大既變形金剛~建議收慢少少油..有一次有架超級超級快...快到架車有明顯搖晃(汗)...加一下似賽車飛過既聲~




行使公路
冰島有好多條公路...最主要可以環島既就係1號公路~仲有其他公路....按佢地既路況.....黎決定佢條公路有幾多位數...3位數哥d公路真係制唔過...不過上次我地唔識死真係有行939(見圖藍圈)....呢d路係租車公司俾我地既地圖都有寫明要"特別小心"......原來仲有衰過3位數既路....有F字頭的(見圖橙圈)....哥d公路仲有感嘆號去標明...寫明"Not recomended for rental car".......驚驚~




你的領路員
GPS都係廢的..好多地方都搵唔到~之前有朋友推介過用maps me呢個手機app...你down左當地地圖....可以離線睇...只要你收到當地電訊商就可以幫你定位~~~而且好睇過GPS個圖~~清楚及大部份地方都精準地搵到~唔使上網都用到真係好方便~




上網方面
大家都應該好關心呢方面~我地之前試過係當地買電話卡...大約2xx hkd....打左一個電話同埋發左一個短訊就咁玩完~之後先知再增值其實唔貴...最貴就係買哥張電話卡~今次本身想買佢d上網plan......但最後阿sam同佢同事夾份自己買左個wifi蛋~~~~~~個wifi蛋大約800幾蚊~之後上網就60幾蚊一日~(計24小時..即本日9點到第二日9點)....任上無限用量!!!!!!!最多好似係5部機可以用~只要個wifi蛋收到任何一間電訊商就可以用到~增值只需上網就可以~~~我地哥次一增就增5日~仲送左一日~出面租一日都好貴~而且呢個你買5日唔需要連續5日使用~你鐘意幾時開就幾時開~靈活又方便~我地都唔係日日都有開~南美靠哂你喇~




住宿方面
今次都係民宿+酒店咁樣住~不過去到偏遠既地區呢....我地就揀左主要起係1號公路上的Fosshotel喇~易搵又好住~(比較有一間不推薦...遲下講)...連浮冰湖同米湖佢都起緊新酒店~(於2017年開幕)...不過就..唔算平..呢張係酒店早餐墊枱紙~




準備食物
冰島同格陵蘭d野食係絕頂好食!我無食過一餐唔好食~但重點係你景點同景點之間可能好長車程....中間可以一個超市一間餐廳都無....帶定乾糧係身實際d~(有時酒店周圍都可以係咩都無~)..最緊要有energy bar~夠飽肚~




極光網站
格陵蘭搵黎搵去都無的...冰島哥個就幾精準既~連information center都係推介呢個俾我地~冰島極光預測...有大約5日預測..不過都會時時變~佢既指數由0至9....9就反映極光指數最強勁~圖中綠色代表雲層....越深綠色化表雲越厚!依家咁睇....應該得東北部某一格地方有機.....其實圖中4呢個指數唔算低....但你有指數..都要夾下雲厚唔厚~所以睇極光...原來真係講緣份~我地就係冰島日日望住呢個網站~




最後提提大家~冰島插頭長這樣~兩腳圓插~




哈哈~我講哥d都係冰山一角既野黎既~仲有其他立立雜雜既野~加埋加埋就會好似下圖咁..................一出發已經滿成這個模樣~~~~~~~~~~~~~~~~~~~~~~~~~

哈哈~又過份長氣~






話說我星期六提早去觀光塔買戲飛時....
我:唔該我想買聽日下午4點既鐵金剛..
售票妹妹:唔好意思!!我地依家淨係上緊007咋!!
我:007咪即係鐵金剛囉...............................................
我開頭笑人老土唔識鐵金剛即係007...
最後毛寶點醒我:佢係味好後生d妹妹呀人地唔識咩係鐵金剛架....
我......................真係老成咁??????????????????????
噚日去睇戲時發現原先singing bean哥個位..
即將會開一間德國酒吧餐廳.....
我同毛寶講:咁樣要去試啦..仲要搵個德國靚仔一齊去試~
其實我心水係搵Ozil bb一齊去試......<3<3<3<3好怕醜



2015/11/09的開心事:
出左冰島blog~今日最開心~~~



報時:距離台北跨年倒數之旅2015仲有---56日~
報時:距離南美洲4國新奇探險之旅2016仲有---100日~
台灣仲有56日出發但咩都未諗過....
最弊係....南美快速就黎進入雙位數..
但又係咩都未搞過.........................

36 則留言:

  1. ★º°¨✬好友✫☾¨晚上好☁。。゚*♦

    回覆刪除
  2. 冰島格陵蘭...我就怕凍呢...嘻嘻

    回覆刪除
    回覆
    1. 其實哥隻凍都可以接受既~我鐘意去凍既地方多過熱既地方~~

      刪除
  3. 實在太開心太開心太開心喇(因為很重要!所以要重覆說3次!)另外你實在太窩心太窩心太窩心喇(因為很重要!所以要重覆說3次!),一開始就咁詳細,準備篇其實好重要架,好似我地呢d未去过又点知要帶咩去呢!!! 你是醉巧的^^
    另外我响fb見到有d講關於南美自由行嘅不公開群組,例如南美自由行,我在南美遊行,我見好多人提出問題都有人解答,你睇吓有無興趣加入啦^^

    回覆刪除
    回覆
    1. 我都太開心太開心太開心喇~~~有人鐘意睇我既旅遊blog~~~其實我係想寫黎提埋我如果下次去有d咩要買je~~~~~咁寫左係度大家可以互相提醒帶d咩嘛~~~~~幾好呀~
      好多謝成日咁關心我既南美之旅呀~~~~我今個星期會乖乖咁睇下架嘛~~~~~錫哂你~

      刪除
  4. 燒野食我鐘意食~~~~
    鐵金剛後生邊會知呀、連我都唔知喎~~~~~哈哈哈
    妳真係有少少長氣、老人院都唔收呀~~~~~~~~~~~~~~

    回覆刪除
    回覆
    1. 我都好鐘意燒野食呢~~~
      唉呀你真係後生喇~~~~~
      哈哈~咁要寫清楚d嘛~~~

      刪除
  5. 超好笑, 超期待妳地o既旅程開始!
    好多句都好好笑, 我個人最like呢句, 笑到哈哈聲-->跣到你出公海都有之

    回覆刪除
    回覆
    1. 哈哈~~希望你都快d出啦~~我都好期待睇你的~~~因為我好想睇下你去哥個格陵蘭東面哥個國家公園係點~~~~~好想睇~~~~~又好想睇下同我同時段出發既你眼中的冰島~
      咁你應該係體會過跣到出公海喎哈哈~~~~

      刪除
  6. 睇你寫出發我都好開心呀,原來有咁多嘢寫^_^我個啲雪褲、羽絨、滑雪手套,全是以前買落都幾貴,個時無淘寶架,每次去凍的地方,就帶個套嘢去,次次影的相都是這套衫>_<去左咁多次都吾爛,去完要帶番香港,你點解要帶衣架去?

    回覆刪除
    回覆
    1. 哈哈~~我實在太長氣~~~
      咁你有梗係用番舊哥d啦~~~~我地未試過去咁凍既旅行所以咩裝備都係第一次用~~~
      因為我地要洗衫嘛~~~我又懶有潔癖~~咪自己帶去囉~

      刪除
  7. 好正呀,勁鐘意你既遊記,就咁睇你寫準備都好開心喇~~

    回覆刪除
  8. 好野,終於開始,預備篇一定要寫,好好睇,詳盡兼風趣,寫得生鬼,正!

    回覆刪除
    回覆
    1. 好多謝你鐘意我既遊記~~係我打blog既原動力呢~~~

      刪除
  9. 嘩... 25日... 我暫時最長都係14日咋, 前輩! (wakaka, 扮細, 之前只知要扮唔識小忌廉, 而家仲要加埋"鐵金剛咩o黎o架")

    Good Sharing, 等我都買返個頸罩先 ^^b

    回覆刪除
    回覆
    1. 我其實都係第一次...之前最長都係17日~~
      唉呀~你真係太細個喇鐵金剛都唔識~~~~~~~~~~
      頸罩真係好用過頸巾~方便~又唔使帶咁大舊野入gip

      刪除
  10. Poster上面依家係咪已經無再用鐵金剛喱個名?
    如果唔係經常去滑雪又或者冰天雪地的地方,我都讚成用淘寶貨,因為去旅行又唔係成日會用到雪褲/滑雪手套/耳罩/冰爪果D,用完一次回來又要洗又要搵地方擺都幾頭痕,如果經常去爬雪山探險就值得買貴野.......上次去立山,旅館職員教我用粗麻繩縛住對鞋可防跣,他說這是古時當地原住民的古法冰爪,都幾有用,萬一無冰爪都可以用粗麻繩XXD

    回覆刪除
    回覆
    1. 係呀~佢淨係寫007~~~但....都無理由唔知卦~~~~~~
      無錯~其實我係第一次去咁凍既地方~~不過我反面鐘意凍既地方去旅行好過去熱辣辣的~~~最開心係用完唔使帶番黎嘛~~~~~
      係呀!我地係格陵蘭佢有隻冰爪就係用粗麻繩整成的~~不過要成200幾蚊~

      刪除
  11. 前奏都咁豐富,埋牙一定更精彩,好期待好期待好期待好期待(咩咩咩要講4次).
    oce唔係土耳其人咩?

    回覆刪除
    回覆
    1. 咩咩咩呀你~~我真係打得好用心~實在太乖喇我~
      佢係呀~佢係土耳其裔既德國人嘛~佢係德國出世架~

      刪除
  12. 介紹出發篇都好吸引,好多事前準備,感覺少一不可,最怕帶漏又買唔到
    估唔到淘寶野都唔錯,平平地用完即棄仲好~

    回覆刪除
    回覆
    1. 會買到既~不過係哥d地方買就會好貴囉~~~~~~~~
      係好正呀~~~個價錢係夠用一次~~但用既過程其實質量唔錯的~不過我鐘意乾手淨腳~~~

      刪除
  13. 終於等到冰島格陵蘭之旅啦!
    學沖菲林?好正~~~~~~
    蝦碌?哈哈哈,聰明的小t 都會蝦碌,就一定很多人想看。
    設備好齊,不過少了靚模的示範喎!
    我以後不要叫鐵金剛,祇叫007,自己咪後生D囉,哈哈哈

    回覆刪除
    回覆
    1. 我都期待左好耐呢~~~
      哈哈我都係跟毛寶佢地去學咋~
      其實我成日都好多蝦碌野~~~哈哈~~
      有呀~有一張有靚模架~~
      我依家識架喇~~

      刪除
  14. 經一個卜友嘅卜list見有人去冰島格陵蘭即時過嚟睇吓啦~ 見D留言原來都有幾個卜友係度。
    我幾年前都去過,好正,好鍾意冰島(除了天氣),Greenland亦有好多美好回憶⋯
    你事先準備得好仔細吓噃~ 冰爪好正,bookmark!

    回覆刪除
    回覆
    1. 你好呀~歡迎黎寒舍坐坐~
      我真係超鐘意冰島!!!!想到想去退休玩番一年半載~~~佢天氣真係得意~變黎變去~~~~
      你哥時去greenland去左邊呢唔知~~等我過你哥度睇下先~~

      刪除
    2. 我去玩返嚟直頭想移民過去添呀!
      哥時去左Nuuk同Ilulissat
      咁我都歡迎你先~

      刪除
    3. 如果唔係天氣有時好惡劣...其實我真係想移民過去.....
      華~你去埋nuuk喇~我淨係去左Ilulissat咋~不過已經好鐘意~

      刪除
  15. hihi小T,
    請問可唔可以SHARE雪褲條LINK? 因為上淘寶見D COMMENTS好參差, 覺得你地著得好好睇呀^^

    回覆刪除
  16. Hi T,你個Blog寫得好詳盡,好多事前準備,好岩我將會去冰島用。^^
    可唔可以SHARE雪褲手套同腳架淘寶link? THANKS

    回覆刪除
    回覆
    1. 多謝~~~大家分享下嘛!
      http://tb.cn/D2wvIIy
      係呢個,不過佢一吸得太多雨水就唔掂,但防風一流!著一次係唔錯的百幾蚊!

      刪除