2015年11月19日 星期四

冰島格陵蘭自由行之旅2015-09-29第三天Part 2(又落雨又天晴)

我噚日無寫blog你地肯定以為我偷懶啦!!!!!係呀~我係偷懶呀~~~~~我表姐妹子同佢老公仲有佢囡囡係美國番左黎探大家~~~~我地同左佢去食泰皇宮~好彩表姐話好食~如果唔係就真係失禮~~~帶人地去食d唔好食既野~~~~~~~今日開始賽車嘛~搞到遲左收工....聽晚開凱公子生日趴呀!!!希望唔好遲咁多收工啦!!



2015-09-29
Day 3---Part 2(冰島,雷克雅未克 Iceland,Reykjavik->金圈之旅 The Golden Circle)

好喇~又再~出發~~~~~公路兩旁d景好靚!又係又陰又晴又落雨~今日d天氣好搞鬼~







仍然老點既GPS~記得係iPhone down Maps me~




我諗我係毛寶生日呢日....見既彩虹數目....係多過我之前加埋既數目..........有d我已經無放出黎~~~我諗見10條都有~~~周董腔:那裡有彩虹告訴我~......到底彩虹盡頭在那裡~




神奇事太多~我知好多人見過~但我真係第一次見到雙彩虹咋!!!!!!!!!!!!其實佢哥兩條彩虹係超完整咁樣半圓型呈現係我地面前!!!!可惜我地坐係車入面手提唔夠廣角!!!影唔哂可惜!!!超完整的半圓型雙彩虹~毛寶~托你生日的鴻福!好靚好靚!




好喇好喇~~唔好掛住講彩虹喇~~我地到左我地Golden Circle既第二個景點間歇泉(Geysir)!!認住呢個四葉草圖案~~就知有景點架喇~




成日覺得係有人係地下面煲緊煲大滾水;目





上次我影得好靚架..仲學人影埋短片...仲要連爆兩下!!想睇番請按我.....今次我都想睇既...但呢...影影下........部電話又俾強風吹熄左喇.........................所以唯有用人地d相啦.......



毛寶的....唔~一流!!好有感覺




大比的~唔~一定係用運動模式影架喇咁跳脫~(我成日笑佢用運動模式)





阿sam好叻仔呀~~~~影埋我地3個背影!!好高~好靚~(我講我~)





上次黎的時候天陰陰的~原來晴天都幾靚喎~





間歇泉對面有個休息站~有野食啦~有紀念品賣~都幾大的~唔知點解我覺得佢個餐廳d枱櫈好似靚左咁既?





我今次幾叻呀!淨係借左佢個廁所咋!!佢d紀念品我完全無入眼!!




唯一入眼就係呢個~~~不過我唔係想買佢~~而係第二次笑佢~~~大佬~~賣冰島既空氣喎~~仲要ISK1,100=68.8hkd~~~我入俾你喇~





好喇~要開始入入油喇~我地全部都係N1度入既~(以沿途見最多就係N1....其次係Olis...但絕對係N1最多~)...佢唔會有人幫你入架全部自助....所以記得如果油站有附設超市或便利店記得衝入去買定張Prepaid Card傍下身喇~(因為有d真係得個油站無便利店又無人)....有幾個面值...最大係ISK10,000=625hkd~我地通常兩張兩張咁買...如果無左一半油就好入定先喇唔好懶醒行多陣先入~如果唔係就會好似我地上次咁有石油危機~~~~~除非你已經識路下一個油站有幾遠~




將Prepaid Card入落阿Sam隻手哥個位度....揀你幾號油槍~入油~搞掂~(好似識入咁其實我老作~次次我都係車上面睇阿Sam入架咋~)

阿Sam問我地入咩油....我地話:95啦~上次都係入95呢隻~.....點知阿Sam入完之後....驚見.....條車匙個匙扣寫住Diesel.......................................



好喇~繼續上路~黎到Golden Circle最後一個景點~黃金瀑布(Gullfoss)~~呢段路帶俾我地4個有好深既回憶....係關於大比既...我地每次講起都會笑到標眼水...真係...事隔兩年...重回舊地.....我仍然覺得咁好笑~~~~~~~~~~~~~







頭先係一個高d既觀景台影落去既~咁落條長長樓梯~再行多一大段路可以行近d咁樣睇個瀑布~仍然都係行到成身濕濕的~因為個瀑布衝力超大~彈到水花四濺~




上次行呢條路跣到我呀~今次好d~但行到瀑布附近都係爬下石先可以再行近佢~真係後生哥陣先好黎~





最衰已經差唔多日落~如果唔係實會有彩虹~~~~毛寶你影得好靚呀~




送上行落黃金瀑布(Gullfoss)的短片



又要趕路喇~由於個天開始黑....呢段路應該係我地第一次係冰島入黑係公路揸車.........因為我地要去搵酒店.....地圖上明明顯示係我地行緊既呢條公路度.........但係就係搵極都搵唔到!!!!!!來來回回咁兜左次條公路.....點知都係搵唔到....冰島d公路係一盞燈都無哥隻...靠車燈射落d螢光路棒度......真係....諗起都驚........由於駕車間歇發出怪聲.....於是阿sam話:我地咁搵都唔係辦法...不如去前面多光哥度搵個油站搵人幫下我地手打個電話又好....set多次個GPS又好..............於是我地就去左最近哥個油站哥度問人野喇~



油站職員幫我地打電話去酒店話我地會late check in之後...再請油站職員油站職員幫我地重新set過GPS....諗住再出發....但呢個時候已經成9點...我地成日除左早餐都未食過野...(除左係平格維爾國家公園食過既乾糧)....油站隔離就係KFC....之前話黎到冰島要試下冰島既KFC...咁就順便買埋去酒店食啦~




買左兩個餐一個沙律.....盛惠ISK4,036=252.3hkd




點知我地買完野上車.......................駕車已經開唔到....開極都開唔到.......tart唔著車...於是上網搵點解tart唔著車....搜尋結果包括軚盤扭唔正呀.....入錯波呀等等.....我地跟住做都係唔得......好彩我地駕車係油站停低.....所以附近有人停低入油.....阿sam請左人幫我地手......佢上車整左幾下.......然後問我地:係咪今日入過油黎?????.......阿sam:係呀........哥位叔叔望一望我地條車匙問:你地係咪入左95哥隻油?你隻車要入Diesel架喎.............................終於知道駕車點解開唔到..........................於是阿sam又去油站請職員幫我地打去租車公司請職員黎幫我地維修..........等既過程真係個心好折騰............你點會估到咁新既韓國車係用柴油..............




終於等左半個鐘左右就有人幫我地整車喇~~~~~要係油站買呢隻油幫架車洗番個油缸....支野ISK1,710=106.9hkd....好彩係油站停低咋!!!!!!




謝天謝地!!!!!!!!!!!!!我開頭以為要賠好多錢架.......好彩今次整番都係一個合理既價錢......提提大家記得入油前真係要睇清楚呀!!!!!好彩阿sam提議唔好再係哥條黑到伸手不見五指既公路盲目再搵間酒店...如果我地轉入d小路停低睇下係咪哥間酒店又熄哂車咁樣著唔番都唔知搵邊個救我地!!!!!多謝阿sam多謝阿sam多謝阿sam的機智!!!(因為很感謝所以要連續說3次!!)...亦多謝天主保佑!!!我地要為自己的大意負責...但呢個係最好的解決方法!!




之後終於都搵到酒店喇...間酒店真係呢....係轉入去既街口係完全無燈照住酒店名牌囉...日光日白可能搵到既...但夜晚真係無辦法睇到!!呢間係我地第一晚住Fosshotel旗下既酒店叫Fosshotel Hekla....透過Expedia進行預訂....地址:Brjansstadir, Selfoss, 801 Iceland.....每晚€229.27=1,994.6hkd...每人每晚498.7hkd...都唔平~不過幾大~有間房d燈紅色的~感覺咸濕~






KFC晚餐~已經凍哂~皮唔脆~但神奇既係~味道唔錯~可憐毛寶豬30歲生日的晚餐長這樣.....唔得~我要係澳門好好補償俾你~~~~~左上係無印哥個秋葵即沖湯~真係好正~中間哥個係我地自己用保暖杯焗飯食~不過失敗左~可能因為係珍珠米~佢可能要吸好多水~依家唔夠所以焗左成日還是硬的~

呢日食飽野實在太攰~依完都成點幾兩點...我刷完牙直撻落床...有咩事聽日再算~






2015/11/19的開心事:
今日貞收工來看我嘛~
咁乖~梗係我今日最開心既事啦~
真係不得不讚貞公子....
整左樣好靚既手工!!!加分!!



報時:距離台北跨年倒數之旅2015仲有---46日~
報時:距離南美洲4國新奇探險之旅2016仲有---90日~
好驚~~就黎少過3個月~~~~
但仲有好多張機票未買~~~

38 則留言:

  1. "好彩係油站停低咋"真係好好彩,好彩有sam哥咋,唔係嘅話後果難以想像......

    回覆刪除
    回覆
    1. 無錯~~~~有個揸開車既男人係唔同d~~

      刪除
  2. 睇到我好緊張呀 好驚險難忘的生日呢
    會成為一個好好既回憶 haha

    回覆刪除
    回覆
    1. 哥晚其實好驚~但第日講番起一定笑屎~~~

      刪除
  3. 嘩, 嚇死人喇, 我見妳入95已經知會出事, 冰島好多野都跟英國, 英國唔少私家車入diesel架, 真係好彩停o係油站咋

    回覆刪除
    回覆
    1. 哈哈~~因為我地上次哥架係95呀~所以又以為呢駕都係囉~~~~
      好彩有阿sam咋~

      刪除
  4. ☾。゚★好友✬°¨*☁Gღღd Night ♦・。✫。゚Zzz

    回覆刪除
  5. 見到彩虹、雙彩虹、好幸運呀﹗

    回覆刪除
  6. 貞今日見到你貞都好開心~~~
    但今日貞。。無鬼用。。係公司ding燶左野。。。連19樓都聞到。。。。。搞到阿婆喉嚨唔舒服。。大叫,然後打去打乎,連si choi都。。最終阿度小照肺我。。。我真係無鬼用。。。😭哭哭

    回覆刪除
    回覆
    1. 我每一次見到你都好開心架~~~
      哈哈~~~下次唔好喇~~~~~~我一聽完你叮既哥樣野~~~~我就知你係因為為食闖禍~~~~~~

      刪除
  7. 入錯油, 又真係好麻煩, 租車時, 租車公司職員應該有提過.

    那裡柴油車很普遍.

    不過, 你朋友開慣車, 見到車有問題, 就立刻去車房找人幫手,

    回覆刪除
    回覆
    1. 我都唔知呀我掛住睇架車有無整花之類~所以無去聽佢講野~
      哈哈上次哥架唔係柴油~所以無為意~
      佢真係好叻~多得佢咋~

      刪除
  8. 真係一額汗呀!Sam哥真係好叻仔,係好叻仔,叻仔呀(事實係咁,要讚3次)
    吒啲係自由行先會有嘅突發事件,好考當事人嘅勇敢同機智!

    回覆刪除
    回覆
    1. 真係好叻仔呀~多得佢咋~~~~~
      無錯~日後又成為大家回憶~每次旅行都學到新野~

      刪除
  9. 唔會覺得妳懶,妳寫咁詳細,當然需要多啲時間啦,係咪?
    感謝主你們冇事

    回覆刪除
    回覆
    1. 係呀~~你真係抵錫呀~~~
      我都覺得天主有幫我地~

      刪除
  10. 照片拍得好靚,風景好正.

    上個星期去佐馬交一天遊,市面同去差好遠,同前年更冇得比,前年搭的士等半粒鐘,今年唔使等,去年到黑沙灣林記燒烤見差不多滿,今年我見只有一檯得三人.市面差雖然差,不過點都好,馬交政府今年又再派錢,每人九千元,又可玩多一個歐洲團.

    回覆刪除
    回覆
    1. 哈哈~靚哥d都唔係我影~~~~不過風景的確好正~

      係呀!!我去完旅行搭的士個的士哥哥都呻到樹葉落話無生意呀
      依~識食喎食林記~~~~不過哥度叫黑沙環~

      刪除
  11. 我以為你係因為頭痛爭取多啲休息咋,無事就好了~~~~
    煲水噴泉同Gullfoss都好鬼靚好壯觀,好有氣勢!!!!!@@
    原來入錯油係咁麻煩,好彩係在油站方便聯絡維修,如果在漆黑公路上就仲頭痕~~~~><
    不過確是一次很珍貴的旅行經驗

    回覆刪除
    回覆
    1. 哈哈~~~順便休息下啦~~~
      好靚呀~~大自然既野真係好奇妙~~~~
      係呀好驚呀好彩有阿sam咋~~
      無錯~又學到野喇~

      刪除
  12. 多得妳地經驗,大家真喺要注意到歐洲不少車喺柴油,奇怪...租車公司又無提妳,
    妳地好好彩,如果唔喺遇上好心又識車嘅人,
    喺油站出事,先可以洗缸,如果行行先跪低,
    真喺唔知點算,又凍又天黑,
    歐洲明碼實價,收費合理就好。

    回覆刪除
    回覆
    1. 可能有提我地無為意啦~都唔可以賴哂租車公司既~我地都有責任!!
      無錯無錯~~今次真係好彩~~~~
      係呀...如果係黑媽媽地方先停低真係唔知幾時先有人救我地~

      刪除
  13. 毛寶生日快樂呀!
    我都未見過雙彩虹喎,係唔係在公路唔可以停車?所以影唔到全條彩虹。

    回覆刪除
    回覆
    1. 代佢多謝你~
      係呀~~~~無位俾我地停~如果唔係一定大影特影~

      刪除
  14. 祝凱公子生日快樂!
    我未見過雙彩虹,毛寶今年一定好好運~~~~~~
    「部電話又俾強風吹熄左喇」,D風好誇張。
    黃金瀑布(Gullfoss)好壯觀。
    好驚險的旅程~~~~~~

    回覆刪除
    回覆
    1. 代佢多謝你呀~
      託佢鴻福我都睇到~
      無錯d風真係唔係人咁品~
      好靚靚~

      刪除
  15. 彩虹盡頭有綠精靈同1桶金幣等緊你o架 XD

    回覆刪除
  16. 我有個fd係澳門做消防,佢好憎澳門攪賽車,哈哈~
    唔知點解係外國較易見到雙彩虹,連三彩虹我唔記得有無見過呢?
    嘩! 入錯油好大濟! 最後收你幾多維修費?

    回覆刪除
    回覆
    1. 哈哈~都有d唔方便既~但一年一次.....難得澳門細細有街道賽其實幾有型~
      華!!!3彩虹!!好勁呀!!
      我記得好似係1250hkd~所以我話合理~

      刪除
  17. 間歇泉好靚好壯觀呀~~~~長跑有叫間歇跑.同間歇泉一樣停下跑下~~~哈哈哈
    KFC巧貴呀~~咁巧唔巧食

    回覆刪除
    回覆
    1. 哈哈哈~~~間歇跑..咁有無間歇泉咁勁先~~~~
      味道好味呀!!

      刪除
  18. 妳們真的幸運還好的是沒下雪......

    回覆刪除
    回覆
    1. 係呀~我地特登揀秋天去~~~如果落埋雪d路一定更加難行~

      刪除
  19. 幫我同毛寶講聲生日快樂~~~~
    你地真係好好彩呀, 好彩入左油站渣~~ 間酒店連發光燈牌都無...叫人點搵呀!!!
    雖然夜晚好慘, 不過你地朝早睇到咁多靚景算啦~~~
    毛寶可以係冰島過生日喎, 真係超正!

    回覆刪除
    回覆
    1. 多謝多謝~代佢多謝你~~~
      係呀...哥晚真心驚驚~
      旅程中總有無數的未知~呢樣都係旅行可愛的地方~
      我都好羨慕佢30歲生日可以係冰島過~~~~

      刪除