今日講既...又係葡餐~~~大家頂得順無~~(我都唔知點解哥排係咁食葡餐既~~hehe~)....澳門咖啡葡國餐廳....地址:澳門新馬路板樟堂巷12號豪興大廈A座地下...電話:2837 2207....不過食過兩次都唔使訂位~呢條街真係好多間野食~
小前菜和麵包~
我地仲叫左Sangria $188....我通常飲呢個淨係會叫紅酒調的~我覺得好似好飲d~超大支~
葡式雜菜沙律 $68.....查實就無咩特別既~不過佢地興食沙律落白醋和橄欖油~清清地都幾好味同開胃~
八爪魚西椒沙律 $98.....哈哈~~佢又出黎喇~~但我覺得佢呢個無Boa Mesa同埋奧波爾圖咁好味~
澳門特色炒蜆 $128...即係白酒炒蜆~叫呢味好少會衰~不過唯一要彈係d蜆有沙!!!
葡式牛扒 $118......有隻蛋係上面的~(隻蛋幾好味~)...牛扒就麻麻啦~煎得過熟~不過$118又幾大份咁囉~
燒焗馬介休 $138...其實我都幾鐘意食馬介休的~~~尤其係燒馬介休~~~因為我覺得佢燒完加d橄欖油落去好鬼正~~~但係呢個又偏偏燒得唔夠乾....好似趕收工咁...失望..但係燒焗薯仔加埋橄欖油同埋洋蔥食超正呢~對上一次我覺得好食既燒馬介休係我幾年前生日係美心亨利食到的~依家諗番起都好想食~唔知佢keep唔keep到呢~
近排好鬼鐘意睇超級巨聲4~~
男仔本身支持Eric~外國讀書鬼鬼地咁~~
改編d歌改得好好聽~~
仲要佢唱d歌幾搞鬼~~歌唱比賽會揀你為了愛情..
第二次仲要揀Para Para Sukura喎~~~
你無睇錯....係城城哥首"乖乖龍地冬"~~~
聽/睇佢表演都幾享受~
第三次唱愛是懷疑....正~
但第完第8集....我又幾鐘意隊長嚴祺~~
好鐘意佢唱憑著愛~聽完有d毛管洞~
而且我覺得佢外表好吸睛~
(我最後諗可能係因為佢好似飢餓遊戲既Peter~唔怪得咁有親切感~)
女仔無得講~~梗係撐澳門的Josie啦~
勁野~
成30歲人仲睇歌唱比賽睇得咁開心~
(我好似拉埋其他無辜既30歲人士落水~~30歲唔可以睇歌唱比賽既咩~)
2014/12/02的開心事:
絕對係抽中假!!!!!!!今日最開心!!!!!
如果排得好既話10月會放一次番工以黎最長既大假~~
期待~~
有長假期咪可以去遠啲玩耐啲囉^^正呀!!
回覆刪除Josie唔錯,唱歌之外仲可以做埋戲和司儀添,好多樣佢都掂
聽你講得咁鬼正,第時有機會我都試下燒馬介休先~~~
係呀~所以今年先想攞長d既假
刪除佢執生能力好高~又搞笑~唱歌又好聽~掂!
下次黎澳門試啦~澳門歡迎你~
Hi小T,呢排工作好忙!所以冇咩時間回覆妳,sorry!!!首先恭喜妳先!抽到心水大假!cafe ou Mun呢間葡國餐廳我都食過!白酒炒蜆我都有叫、我覺得巧巧味喎!葡式牛排我都有叫!但就麻麻地!睇歌唱比賽冇分年紀大小喎!我都鍾意睇架!出年會去遠架地方旅行嗎?bye!!!
回覆刪除多野做就記得多d休息喇
刪除謝謝你
咁岩線你都食過..不過呢間都近遊客區既
Josie唱得最好,好特出。
回覆刪除係呀女仔之中我最鐘意佢~
刪除Sangria 買飛佛 ^^
回覆刪除葡式燒乳豬........睇樣都覺得d皮林晒!!!!!!!!
恭喜晒,咁就期代你嘅遊記啦^^ 我真係好鍾意睇架,我自己都鍾意遊行,不過就無你咁有心寫返出嚟同人分享,所以好like你地d咁有心嘅blogger ^^
我都好鐘意飲sangria我都好鐘意架~~~
刪除係囉..有d可惜~因為我覺得佢個味唔錯的~
我好鐘意寫blog架~所以有你黎支持同睇我個blog我真係好開心架~~~~謝謝~
有幾長嘅假期呀?
回覆刪除er...如果真係放足..應該有一個月~
刪除小T, 唔好講話你, 我都有極重的類年青人候群症.
回覆刪除哈哈~~~~我地心態要保持年輕呀~~~~
刪除º°*寒冷天氣早點入被窩暖暖☁☾。゚瞓覺最好呢
回覆刪除我噚晚都好早入被窩~~超舒服~
刪除D蜆有沙...都可以賣 $128
回覆刪除我自己煮$28 兩斤...都冇沙的
咁又係喎..d蜆其實好平之嘛..
刪除唔明點解食肆可以賣到咁貴~
2015年10月會放一次番工以黎最長既大假嗎
回覆刪除我頭先諗緊點解你咁叻知我放10月~~~原來我自己講左~~~~~哈哈~~~
刪除係呀~~我依家好開心呀~~~~
恭喜你抽到心儀嘅假期,快啲透露會去邊啦!
回覆刪除咩都未訂就保密下先~~費事小氣呀~~(我係咪好低能~~~~)
刪除依家就諗定出年10月, 唔會太早咩.....:p
回覆刪除梗係唔會啦~好多野都早d訂平d同確定有位嘛~
刪除而且我一定要呢個時候mark左假先有假架~
恭喜你抽到心怡日子O(∩_∩)O
回覆刪除我本身好like烤乳豬(西班牙,塞哥維亞地區),葡萄牙哩款又未食過,
我like 炸馬介休球 多啲*^O^*
都要多得大家幫我打氣~~~~
刪除我都好鐘西班牙d烤乳豬架!!!超正!!!!
我又like 炸馬介休球喎~
八爪魚西椒沙律和燒焗馬介休,看落都吸引架!
回覆刪除長期去邊度呢?
都ok既~不過真係差少少因為烤得唔夠乾身囉個馬介休~
刪除未訂野呀~
咁多人有睇超級巨星架?係大陸定香港嘢嚟?
回覆刪除長假呢次去南美洲?
香港架~你星期六 8點半開無線就睇到喇~或者係手提down my tv呢個app追睇番都得~
刪除呢次未係呀~
即刻搵Para Para Sukura嚟聽. heehee
回覆刪除哈哈~~你上tvb聽下佢點唱~~~
刪除