2014年12月2日 星期二

澳門咖啡葡國餐廳Cafe Ou Mun

本身今日凍呀~諗住偷下懶唔寫野架嘛~~但係呢~~我實在禁不住我開心既情緒....要悄悄大大聲地說:今日抽左假喇~~~~我想要既抽得中呀~~~~真係第一次咋~~~~~~~~~~~~真係好多謝大家幫我祈福~~~也多謝朋友們在whatsapp祝福我抽到~~~正確黎講唔係我抽~係老細抽到我~多謝老細的好手氣~~~~~~~~~~~~~~~~~~~~~~~~~也謝謝老天爺爺~~~(靜悄悄地著手出年旅行d野先)



今日講既...又係葡餐~~~大家頂得順無~~(我都唔知點解哥排係咁食葡餐既~~hehe~)....澳門咖啡葡國餐廳....地址:澳門新馬路板樟堂巷12號豪興大廈A座地下...電話:2837 2207....不過食過兩次都唔使訂位~呢條街真係好多間野食~






小前菜和麵包~




我地仲叫左Sangria $188....我通常飲呢個淨係會叫紅酒調的~我覺得好似好飲d~超大支~




葡式雜菜沙律 $68.....查實就無咩特別既~不過佢地興食沙律落白醋和橄欖油~清清地都幾好味同開胃~




八爪魚西椒沙律 $98.....哈哈~~佢又出黎喇~~但我覺得佢呢個無Boa Mesa同埋奧波爾圖咁好味~




澳門特色炒蜆 $128...即係白酒炒蜆~叫呢味好少會衰~不過唯一要彈係d蜆有沙!!!




葡式牛扒 $118......有隻蛋係上面的~(隻蛋幾好味~)...牛扒就麻麻啦~煎得過熟~不過$118又幾大份咁囉~





葡式燒乳豬 $168......我老豆最愛既菜式~不過我就覺得佢燒得麻麻....因為d皮...唔夠脆~仲埋呢隻有d肥~但係$168食到燒乳豬又其實幾抵~



燒焗馬介休 $138...其實我都幾鐘意食馬介休的~~~尤其係燒馬介休~~~因為我覺得佢燒完加d橄欖油落去好鬼正~~~但係呢個又偏偏燒得唔夠乾....好似趕收工咁...失望..但係燒焗薯仔加埋橄欖油同埋洋蔥食超正呢~對上一次我覺得好食既燒馬介休係我幾年前生日係美心亨利食到的~依家諗番起都好想食~唔知佢keep唔keep到呢~







近排好鬼鐘意睇超級巨聲4~~

男仔本身支持Eric~外國讀書鬼鬼地咁~~
改編d歌改得好好聽~~
仲要佢唱d歌幾搞鬼~~歌唱比賽會揀你為了愛情..
第二次仲要揀Para Para Sukura喎~~~
你無睇錯....係城城哥首"乖乖龍地冬"~~~
聽/睇佢表演都幾享受~
第三次唱愛是懷疑....正~
但第完第8集....我又幾鐘意隊長嚴祺~~
好鐘意佢唱憑著愛~聽完有d毛管洞~
而且我覺得佢外表好吸睛~
(我最後諗可能係因為佢好似飢餓遊戲既Peter~唔怪得咁有親切感~)
女仔無得講~~梗係撐澳門的Josie啦~
勁野~
成30歲人仲睇歌唱比賽睇得咁開心~
(我好似拉埋其他無辜既30歲人士落水~~30歲唔可以睇歌唱比賽既咩~)



2014/12/02的開心事:
絕對係抽中假!!!!!!!今日最開心!!!!!
如果排得好既話10月會放一次番工以黎最長既大假~~
期待~~

30 則留言:

  1. 有長假期咪可以去遠啲玩耐啲囉^^正呀!!
    Josie唔錯,唱歌之外仲可以做埋戲和司儀添,好多樣佢都掂
    聽你講得咁鬼正,第時有機會我都試下燒馬介休先~~~

    回覆刪除
    回覆
    1. 係呀~所以今年先想攞長d既假
      佢執生能力好高~又搞笑~唱歌又好聽~掂!
      下次黎澳門試啦~澳門歡迎你~

      刪除
  2. Hi小T,呢排工作好忙!所以冇咩時間回覆妳,sorry!!!首先恭喜妳先!抽到心水大假!cafe ou Mun呢間葡國餐廳我都食過!白酒炒蜆我都有叫、我覺得巧巧味喎!葡式牛排我都有叫!但就麻麻地!睇歌唱比賽冇分年紀大小喎!我都鍾意睇架!出年會去遠架地方旅行嗎?bye!!!

    回覆刪除
    回覆
    1. 多野做就記得多d休息喇
      謝謝你
      咁岩線你都食過..不過呢間都近遊客區既

      刪除
  3. Josie唱得最好,好特出。

    回覆刪除
  4. Sangria 買飛佛 ^^
    葡式燒乳豬........睇樣都覺得d皮林晒!!!!!!!!
    恭喜晒,咁就期代你嘅遊記啦^^ 我真係好鍾意睇架,我自己都鍾意遊行,不過就無你咁有心寫返出嚟同人分享,所以好like你地d咁有心嘅blogger ^^

    回覆刪除
    回覆
    1. 我都好鐘意飲sangria我都好鐘意架~~~
      係囉..有d可惜~因為我覺得佢個味唔錯的~
      我好鐘意寫blog架~所以有你黎支持同睇我個blog我真係好開心架~~~~謝謝~

      刪除
  5. 回覆
    1. er...如果真係放足..應該有一個月~

      刪除
  6. 小T, 唔好講話你, 我都有極重的類年青人候群症.

    回覆刪除
    回覆
    1. 哈哈~~~~我地心態要保持年輕呀~~~~

      刪除
  7. º°*寒冷天氣早點入被窩暖暖☁☾。゚瞓覺最好呢

    回覆刪除
  8. D蜆有沙...都可以賣 $128
    我自己煮$28 兩斤...都冇沙的

    回覆刪除
    回覆
    1. 咁又係喎..d蜆其實好平之嘛..
      唔明點解食肆可以賣到咁貴~

      刪除
  9. 2015年10月會放一次番工以黎最長既大假嗎

    回覆刪除
    回覆
    1. 我頭先諗緊點解你咁叻知我放10月~~~原來我自己講左~~~~~哈哈~~~
      係呀~~我依家好開心呀~~~~

      刪除
  10. 恭喜你抽到心儀嘅假期,快啲透露會去邊啦!

    回覆刪除
    回覆
    1. 咩都未訂就保密下先~~費事小氣呀~~(我係咪好低能~~~~)

      刪除
  11. 依家就諗定出年10月, 唔會太早咩.....:p

    回覆刪除
    回覆
    1. 梗係唔會啦~好多野都早d訂平d同確定有位嘛~
      而且我一定要呢個時候mark左假先有假架~

      刪除
  12. 恭喜你抽到心怡日子O(∩_∩)O
    我本身好like烤乳豬(西班牙,塞哥維亞地區),葡萄牙哩款又未食過,
    我like 炸馬介休球 多啲*^O^*

    回覆刪除
    回覆
    1. 都要多得大家幫我打氣~~~~
      我都好鐘西班牙d烤乳豬架!!!超正!!!!
      我又like 炸馬介休球喎~

      刪除
  13. 八爪魚西椒沙律和燒焗馬介休,看落都吸引架!
    長期去邊度呢?

    回覆刪除
    回覆
    1. 都ok既~不過真係差少少因為烤得唔夠乾身囉個馬介休~
      未訂野呀~

      刪除
  14. 咁多人有睇超級巨星架?係大陸定香港嘢嚟?
    長假呢次去南美洲?

    回覆刪除
    回覆
    1. 香港架~你星期六 8點半開無線就睇到喇~或者係手提down my tv呢個app追睇番都得~
      呢次未係呀~

      刪除
  15. 即刻搵Para Para Sukura嚟聽. heehee

    回覆刪除