2014年7月4日 星期五

桃花源小廚

哈哈~~今日多野做~不過無阻我放工後的靚靚心情~同媽媽寶寶去完日夜咖啡廳食飯~跟住再去睇埋變形金剛~~~華~~幾抵睇呀~~$60張2D飛...做足兩個鐘八個字~~~坐到屁屁都痛~~~



二月的時候表姐生日~(你無睇錯..係2月)...一家人晚上去左桃花源小廚同佢慶生~(得我媽無份~哥日佢約左人玩~)...地址:南灣葡京路2-4號葡京酒店東翼大堂....電話:8803 3682....其實我覺得葡京酒店d餐廳都幾難搵的~9曲13彎咁~




呢間餐廳之前攞過米芝蓮一星架~搞到我好期待今晚既晚餐~~我地有訂到位既....但八點黎到...仲有好多吉檯~





呢個係前菜....無得唔要的...茶位連芥醬加皮蛋酸薑 $15....講真...上網睇過佢有幾樣好食的...其中一樣係呢個前菜皮蛋...食落又真係幾正喎!!!!!食完係鼻窿度噴出黎d回甘味超正(好核突既形容~)




涼拌爽肚片 $85...味道不錯...但......會唔會細碟左d呢??就得呢幾塊咋喎~~~我個手提影得碟野大咋~~




酥炸杏鮑菇絲 $70...又係細細碟...好頂癮~但呢碟確係炸得唔錯的~~~外觀好似炸樹皮~




桂花炒瑤柱 $130......繼續細碟~不過呢個無新葡京間8咁好食~




西芹炒帶子 $210.....我講真...真係我影得大咋!!!!!隻碟同帶子都係超細的!!!!!!!成碟就得呢7隻細帶子....連西芹都得幾條?!??!使唔使咁姑寒呀~~~~~~而且帶子也不特別好吃喎!!




佢既出名菜其一係蛋白蒸原隻蟹鉗....之前睇人地個blog係$220一隻.....但依家已經加到$320一隻~~~~~~好貴呀~~我地d窮人都係食唔起~~叫左呢個豉椒炒蝦球(例) $145...蝦既質地唔錯...但味道唔算出色~




鳳梨咕嚕肉 $95....唔.....唔係唔好食...但唔係我食過既最好食....一般~(咁佢攞過米芝蓮一星我對佢要求高d都唔係好過份je~)




鹽焗雞 $400.....呢個係一早訂左既...但訂左既都等左超耐...侍應生話因為係即整的....但係...成$400隻雞...等左咁耐...結論係:唔好食....唔似食緊鹽焗雞...好似食緊煲湯雞....如果去既話可以唔使叫黎試!!!!!係叫做有隻大d既碟放過出黎




鮮蟹肉煎生麵 $120....都ok好食...但又係份量少少...係永利軒中午飲茶呢個價錢可以叫到個好好味既蟹肉蛋白炒飯喇...




生炒牛肉飯 $90.....攞到出黎個樣十分唔討好~~~隻色覺得好樣衰....感覺上只係好似加左好多老抽炒咁~~~事實上係食落油林林~~~~好難搞~~~

總結黎講....睇餐牌以為除左以隻計既蟹鉗貴之外...其他價錢都好親民...點知原來碟碟都細碟都抽筋~~全晚不敢開懷大吃~~份量超少~~少得一碟只能每人(共7人)就住就住咁嚐一小口....味道亦不見突出~服務又未夠貼心........呢個米芝蓮一星.....制唔過~~~~~~~~我都係食番永利軒好了~





今日係我爹爹死忌..
4年了...
我有開心的生活~
我有努力的上班~
希望你在那邊也好好的~
我和媽你不同掛心了~
錫錫*3*



係呀...幾神奇呀...
Mr.連香港都未開演唱會...
就走黎澳門開!!!!
雖然我xxxxxx佢地.....
但我都有買左最貴哥隻飛撐場...
但係個位未如我所願...
算啦~
既然我xxxxxx佢地咯~~~~~~~



我下個星期可以出到馬拉blog喇~~
好野~~~~



2014/07/04的開心事:
成個星期都咁攰~
終於到週末了~~~可以休息下~~
今晚德國對法國喎~~~睇唔睇好呢...
睇唔睇好呢...
睇唔睇好呢...
睇唔睇好呢...



報時:距離沖繩陽光海灘海鮮自駕遊之旅2014仲有---84日~

37 則留言:

  1. 1111111111111111111
    細妯碟都影到大大碟.證明你攝影技術好啦)))))))哈哈
    睇緊波......你捧法國or德國?

    回覆刪除
    回覆
    1. 叻~~~~~~~
      wakakaka~~~~早知我放支潤唇膏係旁邊等大家知道有幾細啦~~
      唉~我覺得德國會嬴..但心裏我係支持法國的~

      刪除
  2. ☁。゚甜夢喇•☾・゚覺覺豬喇*☆。*★
    今天大家都Happy。゚☀明天快樂添快樂•°*❤
    。ʚïɞ¸.•*¨❦。❀ƸӜƷ•*¨*・゚✿ø¤º°¨❤⊹✾*。゚Ѽ。*

    回覆刪除
  3. 間舖頭名同我個BLOG名同音架喎XD
    起陶淵明寫桃花源記既=3=
    可能間野D野食越變越差先冇乜人去...
    去呢你有冇去過星際歌間蘇浙匯呀??

    回覆刪除
    回覆
    1. 係喎~~~~~~~
      係呀~~~我知呀~~~~
      我覺得應該係越變越差...如果唔係依家點會無左一星呀~
      有呀~我覺得哥間唔錯喎~

      刪除
  4. 係呀 米芝蓮, 令人想起貴夾唔飽.

    回覆刪除
  5. 我都覺得變形金剛好抵睇...哈哈
    唔怪之得只係曾經一星啦...佢應該係想中菜行法國菜路線

    回覆刪除
    回覆
    1. 無錯~~差唔多成3個鐘~~~
      但係唔係好work喎...d野麻麻!!

      刪除
  6. 有時候米芝蓮都唔係好信得過,可能個個人口味唔同啦 ~ ~
    好嘢,下星期又有遊記睇(掌聲鼓勵,拍拍拍)
    小T同媽媽都好堅強,加油 ! ! !

    回覆刪除
    回覆
    1. 真係信唔過囉....下次都係上網睇清楚先好試~
      wakakaka~我好乖呀~今日出左喇~
      謝謝你~

      刪除
  7. Baby最後應該有睇 見到你like我
    Hahaa 好岩 一齊買左唔同演唱會睇
    雖然你已經冇咁鍾意佢地 hahaa 唔知有冇估錯

    回覆刪除
    回覆
    1. yeah~~~~~~不過我有少少後悔買左貴飛~~哈哈~~
      華!!!!!!!!!!!!!!!!!!!!!!!!!!!!!!!!!!!你一個字都無估錯!!!!!全中!!!!!!果然心靈相通!!!!!!!!!!!!!!!!!!!!!!!!!!!叻豬~~~

      刪除
  8. 咁即係XXXXX啫?講啲唔講啲,唔明呀!
    爸爸永遠係你同媽媽心裡面,好好照顧媽咪,好好生活就是了!知道嗎?

    回覆刪除
    回覆
    1. XXXXXX=已經冇咁鍾意..哈哈
      知道啦~~~~~~我生活得好好的~希望佢睇到~

      刪除
  9. 雖然我無去過香港“桃花園“食,但見人家網上post啲相,碟頭無咁細,
    見到妳post嘅相,真喺唔掂,太小家,
    以我來講,不如每碟收貴,份量多啲!

    回覆刪除
    回覆
    1. 華..佢真係細碟得太誇張~
      咪係...西芹都得哥幾條....
      係!!!不過其實佢已經夠貴!

      刪除
  10. 妳真喺孝順女,
    努力生活!
    照顧好媽媽
    我諗就喺妳爸爸的心願

    回覆刪除
    回覆
    1. 知道啦~~~~~~我生活得好好的~希望佢睇到~

      刪除
  11. 多謝你介紹,又可以blacklist一間嘞。除咗個前菜皮蛋,唔明點解可以攞一星,我反而好懷念Segovia米芝蓮餐廳嘅烤乳豬餐,好yummy,你上次去有冇試過呀?你哋快樂生活,佢知㗎。唉,睇咗,未開場,我都話德國贏,但贏得唔夠精彩,我唔覺得嗰球係頂頭搥,極其量係符碌擦頭入。論球技同組織,法國喺德國之上,不過衰在早段太過穩守,同埋身形經驗輸咗啲囉。

    回覆刪除
    回覆
    1. 呢間真係唔得~成家都話唔會再去食~
      咁唔排除佢之前真係做得好好既~因為佢哥一星都唔係近排既~
      你講西班牙?我食過兩次..第一次無星既...唔算太好味!!第二次係叫El Bernaralino....呢間有星既...勁正!!!!都成4年之前..但我同毛寶就講到依家都回味中!!!真係好好味!!
      知道啦~~~~~~我生活得好好的~希望佢睇到~
      我都覺得嬴得黎但成場波好悶~

      刪除
  12. 場波咁悶希望你好彩冇睇到.

    回覆刪除
  13. 西芹炒帶子 $210,鹽焗雞 $400,真係唔平!
    有這乖乖女,您爸爸一定放心和開心。

    回覆刪除
    回覆
    1. 堅貴~唔會再去~
      知道啦~~~~~~我生活得好好的~希望佢睇到~

      刪除
  14. 碟碟都咁細碟,想人叫多d餸喇!

    回覆刪除
    回覆
    1. 但係佢真係好貴但又唔算好食喎??

      刪除
  15. ger vs fra 我買咗和波, 所以輸咗.

    回覆刪除
  16. 真係登妳慘、咁細碟點夠妳食飽呀~~~慘慘慘
    Mr.係香港暫時唔係咁heat啦~~~所以過澳門開演唱會、唱比妳聽等妳xxxxxx佢地嗎~~~哈哈哈

    回覆刪除
    回覆
    1. 仲要七個人分...真慘~~~~
      其實澳門都唔算hit架喇...所以我驚佢地d飛滯銷...

      刪除
  17. 又貴又唔係咁好食,最揼心係嘥錢嘥quota,慘。
    乖呀,同媽媽開心生活,相親相愛,叻呀,babe~~

    回覆刪除
    回覆
    1. 唉~哥日根本唔飽~~~~跟住去食埋下半場~~
      知道啦~~~~~~我生活得好好的~希望佢睇到~

      刪除
  18. 我好想睇你個馬拉blog吖~~快啲出啦~~

    間酒樓啲野咁精緻,真係好唔夠食, 同埋個價錢真係好貴呀, 睇完你既食評, 一定唔會去啦!!!

    回覆刪除
    回覆
    1. 出左喇~多謝你棒場呀~~~
      我都唔會再去~~~完全食唔飽~~~

      刪除
  19. 真係勁耐冇睇你打blog,你睇我幾有你心爬你文?!XD

    P.s:估到我係邊個嗎?XD

    回覆刪除