2014年7月9日 星期三

吉隆坡慶生自由行之旅2014-04-19第二天Part 1(陰天酷熱及後有雨)

天氣真係好熱.....我行番工咁短路程都成身汗......臭臭....今日個肚好痛...無咩心機做野.....哈哈....希望聽日唔好再痛...



2014/04/19
Day 2---Part 1(馬來西亞,吉隆坡 Malaysia,Kuala Lumpur)
訓到好似十點幾先出發~第一站~新峰肉骨茶~地址:35, 37, 39 & 41, Medan Imbi, Kuala Lumpur, Malaysia....電話:+60-3-2141-4064....營業時間有夠長的~05:30-00:00......初頭睇地圖覺得同酒店好近好易行(去馬拉前無係google map行過)....點知行下行下...就唔知自己行左去邊~~~~之後咁岩線問左個馬拉既華人~~~佢超好人的!!!!明明自己唔係去哥頭....專程帶我地行去!!!!我狂講唔好意思阻到佢...佢話:無所謂啦~我今日都唔使番工~.......仲要沿路同我有講有笑的~超級感謝你又白又滑靚女!!.....好勁佢有成3..4個鋪位!!!都係有室外室內位~今次我地坐室外位感受下熱度~






哈哈~~雖然佢餐牌係中文的...但我都有時睇唔明...就好似第2個肉骨茶(正宗空煲)咁...我真係唔明的~~好彩又有英文睇下喎~~~~~原來係無蔬菜咁解~~~~




餐具好似好乾淨咁包實哂的~~~我好鐘意既杰杰黑豉油呢~~而且普通豉油加辣椒我也很愛~




媽媽叫左茅根竹蔗(前)...RM3.80=9.5hkd....其實我媽好少飲凍野的....但馬拉真係太熱了~~~我就叫左冬瓜羅漢果(後)...RM3.80=9.5hkd......兩隻都好好飲呢~~又夠凍喎~~~




真係幾正的~推介~飲完先見到....又真係幾足料喎~~~唔怪得咁好飲啦~~~




咁我地就叫左個肉骨茶(正宗空煲,一位).....RM16=40hkd..好香呀~




我覺得飲肉骨茶一定要加油炸鬼先好食的~~~(個人喜好)....RM4=10hkd




超級多的肉~~其中有一樣好得意...一圈圈咁的...之後先知係一條腸套落另一條腸再套入另一條腸~再切開就係咁~




炒麵線(小)...RM13=32.5hkd.....好好味呢~~~~因為係好幼好幼哥隻麵線炒~~不怕乾~~~好好味~~




呢個女仔話好滿意呢一餐~




之後就去林明記肉乾店(Lim Meng Kee)....因為同新峰肉骨茶超近的~地址:15, Jalan Barat, Off Jalan Imbi, Kuala Lumpur, Malaysia...電話:+60-3-2144-3115....營業時間:09:00-22:00....網址..第一次見有龍蝦肉乾呢~~幾特別...我都有買番澳門食...真係幾好味!!....而且佢地仲有11種口味的肉鬆~~有咖哩..麻辣..當歸等等~買手信不錯呢~而且試食唔姑寒~試到你岩心水為止~



買完d野又重.....天氣又熱....制唔過行番去~~~梗係搭的士啦~~之前都知搭的士撞手神....通常唔按錶架....講個價你岩就上.....但係我又真係咁岩線遇著個按錶計錢喎~~~~我記得車費係RM6=15hkd.....好抵呀~~~番左酒店又唔想再出街...因為真係好熱....係悶熱...............超大個太陽...係酒店休息下涼一陣冷氣好過~~~



之後我地行出去Pavilion度搵的士....呢個就無按錶喇...我地話去KLCC Aquaria佢話要RM20=50hkd....無計架~照俾囉~熱辣辣唔想再行.....佢同我地講話呢日星期六水族館好多人排隊買飛...佢話車我地去另一個地點買左飛先去就唔使排隊喎...我相信佢係識賣飛d人既....買飛之後仲叫我地去佢個燕窩鋪度行下參觀下免費的....我堅決話唔行我要即刻去水族館.....呢度買飛RM50=125hkd....我諗緊會唔會賣貴左俾我...佢話攞呢張野去換入場劵就得....我又諗...係咪換到架....




好喇~終於黎到~KLCC水族館(KLCC Aquaria)...地址:Kuala Lumpur Convention Centre Complex, KLCC, Kuala Lumpur, Malaysia....電話:+60-3-2331-1888...營業時間:11:00-20:00....網址..好啦~佢又無呃我喎~又真係幾多人排隊喎~又真係RM50喎~




之後見有一個information物體既counter問下係咪要換飛~跟住好快就換到喇~yeah~可以入去喇~佢張卡拍完入去係個閘人手收番...都幾......唔知話佢先進好定唔先進好...入就拍卡入..但又要用人手收....




行到入去率先見到食人魚~~wow~~可惜撞唔岩餵食時間...我其實幾想睇的.....




跟住又係接觸海洋生物區~呢度係可以拎起佢~但唔可以拎出水面~~




個女仔好大膽呀~~自己衝埋去摸~




我都有鼓氣勇氣摸~呢條類似海參既物體....手感好難形容...摸完覺得自己隻手腥腥臭臭咁~




哈哈~~仲攞起海星影相~




呢d我真係唔敢掂~~~佢地都游得幾快~~




我覺得條電鰻勁慘....個水缸細到....身都轉唔到...




呢d係咪叫樹懶呢??我見佢真係好懶....所以先咁諗~




中間哥d無咩好講~~同埋佢有條水底自動步道囉....行得勁慢...同埋唔長的.....物種唔算多...唔會有華一聲的感覺~~








華~個魚缸....真係同澳洲哥個有得揮....根本上腳長d....15分鐘就可以行完....好恐怖...同澳洲哥個一樣咁恐怖......不過佢哥個好澳洲哥個少少...真係少少咁多...因為佢d野新少少咁多....不過佢細過澳洲哥個...如果真係多時間到爆炸先好去...如果唔係飛過呢個行程啦~~~~~~








2014/07/09的開心事:
今日真係肚痛到笑唔出...
唯一開心既就係媽媽整既餐蛋飯~



報時:距離沖繩陽光海灘海鮮自駕遊之旅2014仲有---79日~

46 則留言:

  1. 肉骨茶好正喎。水族館唔會有樹懶卦,應該係水獺嚟㗎。喂,有事睇醫生好啲喎,唔好亂食嘢喇。

    回覆刪除
    回覆
    1. 多口搭訕,關西嗰個海游舘有樹懶架,我今年5月去見到,哈哈。

      刪除
    2. 我鐘意肉骨茶呀~好味~
      我無亂食野呀~

      刪除
    3. jipy~咁你見哥隻樹懶係咪咁架???

      刪除
  2. 又肚痛,係咪食得太多嘢,清清腸胃,唔好飲凍嘢同食太油嘅嘢
    無計啦,去得三日兩夜,如果時間夠加個陽光海灘或者hea吓泳池就正啦
    果個女仔梗你叻啦,又眼利又大膽^^

    回覆刪除
    回覆
    1. 唔係呀...每個月一次哥d呀..痛痛
      我麻麻陽光海灘泳池哥d咋~~因為我唔識游水~
      哈哈..其實我覺得自己好細膽的~

      刪除
  3. 肉骨茶正呀!!!
    肚痛?!睇咗醫生未?

    回覆刪除
    回覆
    1. 我都好鐘意飲肉骨茶~
      無呀~一個月一次哥d痛~

      刪除
    2. 如果少痛就OK,但係如果痛得好嚴重要食止痛藥、甚至止痛藥都止唔到痛就一定要去睇醫生

      刪除
    3. 唉~但我又唔想個個月都食止痛藥...好似好傷咁..

      刪除
  4. 小心身體啊!
    朝早食肉骨茶會唔會heavy咗D呢

    回覆刪除
    回覆
    1. 謝謝~
      以前d人就係肉骨茶就早餐架~食完先有力番工~

      刪除
  5. 肚痛係咪食咗唔乾淨嘅嘢呀~~~小心d啦
    肉骨茶未飲過喎~~~好想試下呀

    回覆刪除
    回覆
    1. 唔係呀~
      好好味架~如果你去馬拉或者新加坡就試下啦~

      刪除
  6. Hi小T,我琴曰寫比㚷d文字又post完上去又晤見咗!個Pavilion 商場我都去過,亞羅街我又去咗明記食串燒同燒烤大隻嘏,但要坐出面冇冷氣枱囉!新峰肉骨茶點解妳到去咁小人㗎!我中午去超多人迫都死吓死吓!但肉骨茶又幾正喎!KLCC水族館我都有去過!比起日本沖繩就差好遠,肚痛記得睇醫生喎!bye!!!

    回覆刪除
    回覆
    1. 係呀呢個blog有時可能壞壞地的

      刪除
  7. 傑傑地豉油我都愛呀,佢個炒米粉真係好正......口味相同呀~~

    回覆刪除
    回覆
    1. 哥d豉油食海南雞飯真係好正~
      個米粉正呀~~~好想再食~

      刪除
  8. 快樂時間真係過得好哪快又係時候講...拜拜...呢
    my █▄ღVe 好姊妹。゚☁甜夢安睡喇喂。゚☁

    回覆刪除
  9. 我都鐘意黑豉油加辣椒...呀

    回覆刪除
  10. 不是樹懶呢...是懶懶...大老鼠...哈哈哈

    回覆刪除
  11. 肉骨茶我唔記得有無飲過呀!

    回覆刪除
    回覆
    1. 咁呀~下次送個肉骨茶湯包你番屋企煲黎試下~

      刪除
  12. 希望小T咪再痛,肉骨茶正!

    回覆刪除
  13. ><

    我都好鐘意食肉骨茶架~~同埋你杯野飲都好似好好味呀~ 個水族館呢...就好似有啲啲呃錢...

    希望你快啲好番~~~ 龍精虎猛過暑假!!

    回覆刪除
    回覆
    1. 好恐怖呀, 點解我打既字有啲無左既....我係想話我頭先打既字無哂, 所以有個><..........

      刪除
    2. 杯野飲好味呀~~好足料呀~~~~完全唔會再去個水族館~~差~~~

      刪除
    3. 係啦..有時d blog友都係咁講架...話留左言但又無左~

      刪除
  14. 我地去慣海洋公園既, 應該唔會鍾意黎呢度啦.

    回覆刪除
  15. 我噚晚同今日都好肚痛呀,應該係食得太多辣嘢同飲咗酒,要食清啲先得呀~~希望我同你都快啲唔肚痛啦。
    肉骨茶同炒麵,好想試呢,但嗰樹咁熱,都係唔好搞我嘞!!

    回覆刪除
    回覆
    1. 係架咩??咁會肚痛架???我係一個月一次哥d痛呀~
      係呀..真係好熱架...我都唔會再去....

      刪除
  16. 從來未試過肉骨茶,諗都冇諗過,其實味道似咩架?

    回覆刪除
  17. 身體好差喎,要有健康身體才可以勁玩的嗎!加油啦!
    飲品超值啦!

    回覆刪除
    回覆
    1. 知道~不過我過幾日無事架喇~
      係呀超足料的飲品~

      刪除
  18. 林明記肉乾店,記住佢先,至於水族館就唔洗去囉。
    肉骨茶一定要加油炸鬼先好食,又記住佢。

    回覆刪除
    回覆
    1. 龍蝦肉乾真係唔錯的~正~
      哈哈呢個加油炸鬼係我個人喜好咋~有d人鐘意同飯一齊食的~

      刪除
  19. 近來太多事情發生,
    仲未祝妳生日快樂!
    身體健康!
    多多出外遊世界!
    我至like肉骨茶
    個set食具好大陸feel。

    回覆刪除
    回覆
    1. 哈哈~其實係我娘親生日呀~
      你自己要保重呀!!
      係啦..真係有少少內地feel~

      刪除
    2. 嘻…!
      無睇前文:-P
      祝伯母
      生日快樂!
      身體健康!

      刪除
  20. 我問路通常都有人答, 但帶埋去, 就好少, 可能對方見你兩母女, 帶得媽媽出遊的女兒, 壞極都有個譜,

    回覆刪除