2014年7月23日 星期三

日本東京自由行之旅2014-06-22第一天Part 3(陰天)

野~~~~係咪好掛住我呢~~~噚晚約左公子食飯呀~~~無時間寫blog~~~所以今日快快手勤力d先~~~噚晚真係笑到多幾條眼紋~~公子既威力真係犀利~~~~今日堅無mood做野~~有少少燥底~~~~下午開會....d同事真係笑到人反艇~~好有創意~



2014-06-22
Day 1---Part 3(澳門 Macau->香港 Hong Kong->日本,東京 Japan,Tokyo)
番酒店擺低哂野再出黎~都成10點喇~~~我地去食晚飯喇~~揀左呢間磯丸水產..地址:東京都豊島區西池袋1-42-1...位置係池袋Tokyu Hands隔離條巷~電話:+81-3-5911-2055....網址...分店都幾多下~不妨上網睇下~~~重點是:佢開24小時架~~~~想幾時黎食都得~~~~~




一入去感覺係好懷舊既居酒屋~~








我地黎呢度係成左食DIY燒海鮮的~~貝類都有好幾種選擇~~~不過唔知係咪太遲黎...有d已經賣哂lu~~~~~我仲番黎之後特登搵我識日文的表妹幫我翻譯菜牌黎寫blog~~~唔該哂~~




由於係自己燒既~~所以有圖示教你唔同既貝類有唔同既燒法~雖然唔識睇日文~不過有圖畫其實都睇得明既~~~畫到d貝類好可愛~~~~




梅酒加冰...464円(稅拔)=35.5hkd....正~




火灸鰹魚....647円(稅拔)=50hkd.....這個超好吃!!!!!!!加左d酸酸地既汁~連埋火箭菜一齊食~~好正呀~~~~




蟹味噌燒蟹蓋...539円(稅拔)=41.3hkd一個....我地唔識死叫左兩個....其實兩個人食一個就夠~因為都幾漏下~毛寶試左麻麻...佢話唔太鐘意味噌溝落蟹蓋...我就梗係覺得唔錯啦~~~我咩都食架嘛~




左邊係北寄貝殼燒...431円(稅拔)=33hkd一隻...一隻原來佢整開有兩邊...我地叫左兩隻~所以每人有兩邊食...估唔到佢切開後每邊都幾厚肉~~燒起來吃超級的鮮美~~.....另外是榮螺壺燒..755円(稅拔)=57.8hkd一個....幾貴喎~不過又真係幾大個~不過...有人唔小心咁....燒燒下....跌左一個係地下........




仲有鬼殼燒蝦(開背燒)...647円(稅拔)=49.6hkd...隻蝦唔算細~不過講真係呢餐唯一麻麻既野~......濱燒魷魚(海灘燒)...431円(稅拔)=33hkd..幾大下一隻.....魷魚堅好味唔硬....仲要有美拉滋俾你點.....好好味!!!




呢度係自助燒架~~都幾好玩既~~~~不過好熱呀對住個爐~~




燒榮螺呢...先燒平面哥面...幾分鐘後佢會燒到塊"掩"甩左...之後再燒尖哥面.....將舊螺"扯"出黎整走d腸...加d醬油落個殼度再燒.....咁就食得架喇~~~毛寶同我都係第一次入口時覺得有d苦味....但之後食就唔怕喇~~好好味~~~隻北寄貝堅大隻~~~燒到佢殼d水滾滾下...再加d醬油燒多陣食....搞掂~超正!!






睇下隻榮螺真係好有彈跳力~~~~仲嚇到個少女叫出聲~~




燒蟹蓋呢~就要不停的搞搞搞~我仲試過俾d燒到火紅火綠既蟹膏彈到~~~~~~超活躍~






仲叫左個滿瀉壽司.....1,403円(稅拔)=107.5hkd...真係無改錯名囉!!!!!!!!!!!好多料呀~~~~好好味~~~不過食到最後真係有d漏喇~~~~~

成餐食左咁多野....食左7,506(稅込)=575hkd~~每人287.5hkd...其實差唔多啦~我地真係食左好多野~同埋有d我地叫多左~真係好滿足呢~





唉~
噚晚食飯前行下d運動鋪..
發現已經無哂德國3粒星哥d波衫賣喇...
香港仲有無呀?



2014/07/23的開心事:
er...唔...呀.....
開會開左個幾鐘....
變相最忙哥個幾鐘我唔使做野..
幸運的我~



報時:距離沖繩陽光海灘海鮮自駕遊之旅2014仲有---65日~

40 則留言:

  1. 野.................等咗你成日呀..........
    其實呢餐都算抵啦,海鮮喎

    回覆刪除
    回覆
    1. 野~~好衰架~~等人既~~
      都可以呀~~~我覺得幾好味~~

      刪除
  2. 我諗蟹蓋同北寄貝應該好好味....oishiiiiiii desu!!!!!
    哈哈,你知唔知你個新男神ozil個樣,好似法拉利創辦人enzo ferrari,我上網睇過,真係幾似㗎,不過最weird嘅一樣嘢,就係ozil出世同ferrari死亡,發生係同一年 -1988。

    回覆刪除
    回覆
    1. 係呀~~~好好味呀~~~~~
      我知呀我知呀~~我有睇過呀~~~~~
      但係唔知佢死既時候ozil出左世未先...如果未又真係....幾岩線喎~~~

      刪除
    2. 係未嘅,ferrari係8月去世,ozil係10月出世,幾啱哩。

      刪除
    3. 咁又真係好岩喎~~係佢都真係唔奇!!!!!!
      係呀~~佢前我幾日出世咋~~我覺得我地好有緣~~XD

      刪除
  3. 開會時我最緊張, 在東京每人二千幾円, 真係唔貴, 而且又唔多人

    回覆刪除
    回覆
    1. 係呀...可能因為我地開會只係講番有咩要留意~所以都唔會好緊張~
      哈哈~~因為已經夜晚成10點幾11點啦~所以唔算多人~~

      刪除
  4. 間餐廳有的懷舊feel,唔錯唔錯^.^

    回覆刪除
  5. 掛屎我啦~咁其實都幾平啵 ^_^ 抵抵抵 我幫你睇下呀baby 有冇件衫既圖呀?

    回覆刪除
    回覆
    1. 野~~~我都好掛你呀~~~
      都ok呀~~~又唔算太貴既~~真係好好味~
      baby好好人呀~~~幫我去睇~~

      刪除
  6. 個蟹蓋一睇就知漏...食完戰鬥力當堂減半啊
    你仲想買波衫啊?

    回覆刪除
    回覆
    1. 係呀......不過我又真係覺得好好味喎~~~~~~
      想呀!!!!!!!!!!!!!!!!!!!!!!!!!!!!!!!!!!!!!!!!

      刪除
  7. 嘩~~餐海鮮餐咁抵既?~我以為點都過1000葡幣呀~~
    其實我都想去日本呀!!~
    不過E家暑假去貴到飛起=..=

    回覆刪除
    回覆
    1. 又唔使喎~~真係幾好味~~
      係呀...暑假飛d機票都貴d啦~package都起碼貴千幾兩千蚊~

      刪除
  8. 天天向快樂前進•・゚☀有無去玩都好 的
    我真係超小熱親呀...笑呵呵...週四又到呢
    ♡ █▄█.█▀█.█▀█.█▀█.█▄█・゚。゚。
    ♡ █▀█.█▀█.█▀▀.█▀▀.─█。・゚゚・。
    ∴⌒✿╮♧∴♣∴⌒❀╮∴♧∴♣∴⌒✿╮∴

    回覆刪除
  9. DIY燒海鮮....超級正呀...唔該...我要一份
     ┏┓┏┓。・゚゚・。。゚♡
     ┃┗┛ appy⌒Ѽ╮日本東京自由行
     ┃┏┓┃ ♡
     ┗┛┗┛  ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı *°•♩¤。♪.♬。•:。⊹♫*。.•:。

    回覆刪除
  10.  .∧_∧
     ( ・ω・ )
     |⊃/(___
    /└-(____/...享受一切美好
     ̄ ̄ ̄ ̄ ̄ ̄
    ╔╗╔╗╔╗╦╗ ╦╗╗╦╔╗╗╔ ╦
    ║╦║║║║║║ ║║║║║╦╠╣ ║
    ╚╝╚╝╚╝╩╝ ╩╚╝╩╚╝╝╚ ║...Z...zzz

    回覆刪除
  11. 兩個人食咁多野,堅喎~~
    難得去到一定喪食啦~~

    回覆刪除
    回覆
    1. 哈哈~~又唔係好多je~~~~~
      無錯!!去沖x哥時一定要咁做~~~

      刪除
  12. 正呀,原來有間咁嘅食店係附近,日日經過都無緣幫趁添!

    回覆刪除
    回覆
    1. 你之前都係住池袋呀??我真係覺得池袋幾好住~

      刪除
  13. 呢餐又平又正又好玩,爽!!
    德國第4次捧盃,以後啲波衫都係4粒星,3星唔會再出,5星亦唔會,因以後佢哋都唔係再捧盃(順手詛咒).
    有隻手機足球game有奧斯爾,你玩唔玩?

    回覆刪除
    回覆
    1. 係呀~幾唔錯~都係旅遊書介紹~
      我知唔會再出...但我就係想搵下仲有無嘛.....好想要.....因為佢係著住3粒星捧盃的~~~
      我覺得下一屆佢又會攞冠軍架喇~~~hehe~
      玩呀玩呀!!!叫咩名??????????????????????????????????????

      刪除
  14. 好多野食呀!咁夜食晚飯瞓唔瞓得著呢?

    回覆刪除
  15. 鰹魚,未試過喎!
    燒榮螺,被您講到我都想試添。

    回覆刪除
    回覆
    1. 好好味下~~有機會試下~~
      呢個唔錯呀~~

      刪除
  16. 睇見都好想飛去食呀~~~價錢ok喎~~ 你地好勁呀~~搵到呢間咁過癮既舖頭食飯~

    回覆刪除
    回覆
    1. 其實係旅遊書介紹我跟住去咋~~~

      刪除
  17. Hi小T,磯丸水產好正喎!重點係價錢唔貴呀,香港官塘Apm都有類似自己燒日本店,但價錢就貴到死喇!北寄貝殼燒同鬼㜌燒蝦真係正到冇朋友!燒魷魚又大又正!燒榮螺香港賣成$50一隻好鬼貴但好好味囉!德國三粒星波衫可能旺角仲有得賣!我得閒幫妳搵吓,bye!!!

    回覆刪除