2014年7月8日 星期二

吉隆坡慶生自由行之旅2014-04-18第一天Part 2(陰天酷熱)

我最討厭既暑假工作日已經展開....每天都忙得抖不過氣來~~~~今日好忟好忟.....心情好差好差........自己都頂唔順自己......(噴氣)



2014/04/18
Day 1---Part 1(澳門 Macau->馬來西亞,吉隆坡 Malaysia,Kuala Lumpur)
好喇~咁我地由Pavilion既屁屁行去正門影張相先~地址:168 Jalan Bukit Bintang, Kuala Lumpur.....電話:+60-3-21188833....網址...星期五晚~條街超多的人~




我地既第一個景點就係呢度~不過黎呢度唔係為左行街~我地係黎搵野食的~~




我地要搵既就係Madam Kwan's喇~~~係Pavilion Shopping Centre Lot 1-16-00, Level 1.....另外Suria KLCC都有一間...仲有其他分店可上網睇睇~網址..



聽講都幾多人去食的~我地去既時候係5點幾....但已經有好多人食緊~~



黎到馬來西亞咁熱梗係要飲凍野啦~~~我叫左柑子酸梅Assam Refresher(前)...RM11.90=29.8hkd...酸酸地幾好味幾開胃~媽媽叫左清爽香茅檸檬雞尾酒Lemongrass Mojito(後)...RM11.90=29.8hkd.....好好飲呀呢個~~~~~我好鐘意飲Mojito的~~呢個無酒既都好味~




我叫了關姐三色飯Nasi Bojari...RM24.90=62.3hkd....個飯好香呀~~~右邊係亞參蝦~~辣辣地的~~越食越辣~~但又好好食喎~~~送飯一流~~左邊就係d牛肉.....上面隻炸雞脾真係好一流!!!!!食得出剛剛炸好攞出黎的~~~~外皮脆脆...但內裏還是肉嫩嫩的!!!!!隻雞脾真係堅好食~我娘親都大讚~




咖哩叻沙Curry Laksa....RM15.90=39.8hkd.....媽媽話要食叻沙~味道唔錯地好味~~有雞有蝦係裏面~~而且也不算貴~




我媽媽超眼利....見到門口坐住個婆婆~佢話:佢咪門口紙牌哥個Madam Kwan????.....跟住佢自己衝上前搵人同佢影相了~見佢影得咁開心~好啦~我又影啦~我仲同佢講佢個關姐3色飯好好味~~我媽媽就祝佢身體健康~




跟住食飽係商場諗住行番出去(但完全無諗過要行呢間有450間商店既mall喎....奇人~).....行經有間超市....行左入去睇完行番出黎....諗住佢係商場入面實貴...因間諗住去間平民超市....所以無係呢度買野....但原來後尾睇佢d價錢同平民超市係一樣的~~~~早知唔使拎d野咁遠番酒店啦~~~呢度又大又舒服~




最後行到黎呢個馬來西亞人開的Giant超市...開頭以為係BB Plaza入面的~點知問左好多個人先知係金河廣場Sungei Wang Plaza....地址:99 Bukit Bintang, Kuala Lumpur, 55100, Malaysia......B1層的~(金河廣場與BB Plaza是相連的)

係呢度掃左超多貨(我媽)....無理由唔幫佢拎下架....但買左咁多野都係放番酒店先~~~



咁多喎!!!!唔係唔番酒店先下嘛~~~~大部份都是我媽的~佢話要幫朋友仔買架喎~




這隻咖央醬很好吃!!一罐只需RM2.99=7.5hkd...超平宜的!!!最右邊哥罐係普通的咖央....其他都係班蘭咖央呢!!超好吃!!!但係佢既缺點係保鮮期特短...我地哥時4月中去...我已經揀保鮮期最長哥罐只係去到6月8日....但都係忍唔住買番黎請人食~手信佳品~




聽講買肉骨茶就要買A1的..但係呢間唔見~所以買住幾包瓦煲標既先~RM5.69=14.2hkd




我本身想買咖啡番公司做手信...但係阿姐極力推介呢隻香滑奶茶...話香港既朋友一箱箱咁買番香港飲...咁我諗貞和朗都好喜歡飲嘛~所以就買左兩包番去囉~RM15.49=38.7hkd...15包.....貞跟我說真的很好飲~真的很香滑~(唔知係咪氹我開心既呢~)




跟住我媽仲喪買南洋白咖啡(烏)...又係超市阿姐推介~無記錯好似係RM14.99=37.5hkd




仲有最出名的Old Town White Coffee啦~~不過其實我見澳門超市有得賣...不過媽媽個朋友托佢買~咁無計啦~照買~呢個盒裝同分開兩包買既價錢係一樣的...但送多支電動搞搞棒~可以整到杯咖啡做到有泡既效果(我覺得我媽咁懶應該唔會用囉~~)

你話啦...咁多野~係咪要番一番黎酒店喇~



因為外面實在太熱...係酒店涼一陣冷氣先出去~大約八點幾九點再出去搵食~梗係要去亞羅街Jalan Alor試試啦~~~食街黎架嘛~岩哂我~開18:00-03:00...九點幾左右~好鬼熱鬧好多人~~~由酒店行到過黎大約10-15分鐘左右~好多食肆呀~~




本身想試diana推介的明記....但係一行到入亞羅街就見到黃亞華小食店W.A.W Restaurant.....見媽媽攰攰地...算啦~唔搵喇~橫掂呢間都係超出名既店~本本旅遊書都講~地址:No. 1, 2, 7, 9 Jalan Alor, Off Bukut Bintang, Kuala Lumpur...電話:+60-3-2144-2463...好似有成3..4個鋪位..風頭好勁!但我實在唔敢挑戰坐室外....我未食野已經成身汗....都係快快趣搵室內冷氣位好過~

實在係無枱的~我地見有對華人情侶問佢地可否搭枱...好彩佢地好好人話可以~因為真係爆哂~其實室內冷氣都唔算好勁...仲加上有少少煮餸既煙~~攻眼~~叫人落單都係好考耐性...叫左成3..4次先有人彩我地~



Skor Beer(大)...RM20=50hkd....咁貴既?!特登叫d馬拉啤試試的~都幾好飲~不過咁貴就.............椰青...RM6=15hkd...唔知點解佢d椰青同平時哥d唔同味喎~~好好飲喎!!肉超嫩的!!




沙爹(雞肉/牛肉/羊肉)...每串RM1=2.5hkd...每份最少10串...開頭我都好擔心的....得我地兩個人食我都驚會好飽~不過佢一串細細地架咋~咁10串我地就雞牛羊都叫齊~咩都試下嘛~咁呢碟就係10串RM10=25hkd




不過你話好無味呀...唔.....查實合埋眼食....我都分唔到邊d係羊/牛/雞~~~~~哈哈~~有少少乾得滯~但個醬好好味~~




水燙鮮蚶(小)...RM8=20hkd....佢呢度叫野食既好處就係...有哂特大..大..中..小咁俾你叫~~等我人少少可以叫最細既食多幾個餸嘛~




呢個正~~~我最驚整到全熟~~有少少血水更為鮮美~~係澳門我唔敢食架~~因為驚佢唔知d貨邊度黎~出左黎先夠膽食~~好肥美呀~~~




清炒蕃薯菜(小)...RM12=30hkd....炒得好夠獲氣~~~我阿媽激讚~清炒既都咁好食~難得~




黃亞華名物:招牌燒雞翅....RM3=7.5hkd...最少兩隻.......黎得呢度既人唔多唔少都係為左呢隻雞翼的~我本身都幾期待~等呢隻雞翼等得最耐.....同枱情侶見我地等得好耐...佢地碟雞翼剛黎(有成10幾隻..其實佢地係打包的)....仲叫我地:食住先啦~要等好耐架!!...........超級的熱情好客~真係好謝謝你地!!!....仲同我地傾左陣計~.....直到佢地走左之後我地隻雞翼先黎!!好彩無食到人地哥隻咋~~唔係要人地有排等~.....我一食.....其實真係燒得唔錯既...雞肉嫩..味道也好吃...但係驚喜不大~因為我平時係黑沙食既肥佬燒烤.....係差唔多的~(認真)

而且佢呢隻燒得有d燶呢....



招牌奶油蝦(小)...RM25=62.5hkd....呢餐最貴既一碟餸....但係我覺得麻麻...因為d蝦好似唔好太入味....而且蝦肉也不見得新鮮......成餐飯食左200hkd左右~唔算貴~都叫做試左好多野~但又唔算好味到飛起~可能我唔識叫餸啦~

本身諗住按下摩既~但係旅遊書介紹既按摩一條街d按摩店收哂...(但明明門面寫收00:00的)....算數~番酒店早d休息~





2014/07/08的開心事:
今日去左銀行整d野...
chlo子說陪我食飯....
仲要請埋我食...........wakakakakkaak~
多謝~



報時:距離沖繩陽光海灘海鮮自駕遊之旅2014仲有---80日~

32 則留言:

  1. 我今年暑假旅行都係去馬來西亞呀~~
    不過我兩年前去過一次...
    今次同上次都係跟團...
    我覺得馬來西亞冇乜野好買咁LO V_V
    上次都買得好少野,試既野食又唔多...
    見你成日都自由行,好正的說*-*

    回覆刪除
    回覆
    1. 華~有得去旅行正丫~
      咁佢又真係無咩買架咋...食下野咁囉~
      自由行自由自在嘛~

      刪除
  2. 第一晚已經行程豐富
    果隻香滑奶茶真係好正,你娘親應該會喜歡
    原來M跟平民超市是一樣價,咁下次我都知道喇^^
    綠色咖央醬你地掃得好瘋狂呀,不過真係好味道又平宜

    回覆刪除
    回覆
    1. 哈哈~~因為去到都算早...兩點幾je~
      我娘親飲咖啡的~奶茶佢反而麻麻~我d朋友就鐘意奶茶~
      我有特登影低d我想買既野既價錢去對比...發現係一樣的~
      不過m字哥間無哥隻咖央買架!!都係giant先有~
      真係好正呀~

      刪除
  3. 嘩嘩嘩,睇到我流晒口水呀,仲要咁抵食!!!!!!!!!!!!!!!!
    你媽咪好精靈呀,咁都認到,我就一定認唔出............
    唔街Mall入面d shop係啱嘅,通常果d都係名店或連鎖店,行吓超市好過,叻叻

    回覆刪除
    回覆
    1. 抵食又真係好抵食既~
      佢簡直醒目仔添啦~我開頭仲唔信佢添呀~~~~~
      我都係咁諗呀~所以行下超市算~

      刪除
  4. 你第一幅相,令我想起「單戀雙城」。哈哈,又一次証明,旅遊書介紹嘅,未必係最好,尤其是樽馬拉啤酒,有啲掠水囉。

    回覆刪除
    回覆
    1. 你一講單戀雙城..我就會諗起"只能想像一起 但我沒勇氣 所以很想討厭你"哥首歌~
      無錯~不過遊客就係咁啦~唔識頭唔識路~咪唯有信旅遊書囉~

      刪除
    2. 係呀,我都好like呢首歌。

      刪除
  5. 好多嘢啱我食喎~~~~鮮蚶我鐘意食呀
    妳唔好忟啦會傷身呀~~~諗下就快去旅行就無事呀

    回覆刪除
    回覆
    1. 我都鐘意呀~不過係港澳我又唔係好敢食~
      無野既....一個月都要忟一次架啦~慣左~

      刪除
  6. 我都喜歡...三色飯Nasi Bojari...個飯妙得靚呢
    蝦辣...送飯一流...還有牛肉炸雞脾真係...讚讚讚

    回覆刪除
    回覆
    1. 係呀~~好香噴噴~
      雞脾真係正~

      刪除
  7. 。゚☁甜夢安睡喇喂。゚☁Happy星期三

    回覆刪除
  8. 出去食野,都係做定功課穩陣,兩個人,胃納有限嘛。不過,可以掃貨,係好開心既事黎。

    回覆刪除
    回覆
    1. 已經上網做左功課架喇~
      馬拉掃既貨都係野食多~

      刪除
  9. 全部食物都係熱氣野,你有無爆瘡?

    回覆刪除
    回覆
    1. 又無喎~但係我覺得有因為太熱既爆瘡~

      刪除
  10. 隻香滑奶茶真係超好飲, 下次去馬拉可以叫朋友買
    你媽媽入貨力驚人,haha! Madam Kwan都認到, 好叻呀
    明記其實係黃亞華附近, 黃亞華d食物普通, 明記好食好多

    回覆刪除
    回覆
    1. 我都未飲過呀~你知我都唔係成日飲奶茶~不過係買番黎俾你地試下~
      佢...不嬲都超勁入貨力~無佢咁好氣~超眼利添~我開頭仲唔信佢架~~
      無計~費事熱親佢~

      刪除
  11. 咖哩叻沙,正!
    D嘢又平又靚,您媽媽剩目,您就辛苦D囉!
    清炒蕃薯菜D火喉又剛剛好喎!

    回覆刪除
    回覆
    1. 你都鐘意食叻沙嘛?
      真係幾平既~我阿媽梗係醒~
      哥碟菜又真係唔錯既~

      刪除
    2. 鐘意架!但叻沙就周圍都有,好味的就難求!

      刪除
  12. 第一日買左咁多手信,全部都係食嘅!

    回覆刪除
    回覆
    1. 係咁多日買既手信...全部都係食架~~~

      刪除
  13. 茶實妳去過咁多喥...最想喺邊喥住?

    回覆刪除
  14. 小T, 加油呀, 工作原是為我實現自己的夢想嘛, 所以工作辛苦時, 可以想想去玩時的甜[蜜呀

    回覆刪除
    回覆
    1. 我都有咁安慰自己~不過有時太難頂~

      刪除
  15. 為何MADAM KWAN佢件衫, 跟招牌一樣的?

    回覆刪除