2014年7月3日 星期四

贏到粥

哈哈~~噚晚約左diana食飯~~懶左一日無寫blog~~~噚晚去試左cod新開既鼎太豐試試~~~傾得超開心~今日番工就勁多野做~~~電腦出錯...不停重覆籌...忙到.........忙都算...重覆籌梗有一個做先梗有一個做後架啦....又俾d客"mio"我....妖~~



前排好恨食今日講既呢間野....原因係因為好難訂位...長期爆滿...佢個電話又難打.....終於有一日...由我的幸運小手打到喇~所以先有得食~呢間食順德菜的叫"贏到粥"....澳門媽閣河邊新街豐順新邨第3座地下....電話:2896 7899




呢張相係我係夜晚10點影架....咁先無咁多人....7點入黎食哥時係多人多到癲.....侍應都唔係咁想理我地哥隻!!而且都比較窄d位....仲有d嘈~





叫左支山楂菊花蜜 $15....飲飲~唔~唔錯~因為酸酸甜甜的~




Wasabi手撕雞半隻 $108...唔錯~幾好味~手撕雞加上wasabi味覺上幾刺激~不過如果可以淡番少少就好了~




其實黎到最想食係呢樣:卜卜蜆 $138........有咩咁巴閉...又真係無....不過佢攞出黎時係d蜆合埋既....慢慢係你面前煮熟咁解~(講到好似成世人未見過未煮熟既蜆咁~)...不過佢應該係慢火煮熟d蜆~d蜆肉滑溜到不得了~~加上加左大量既蒜蓉~好難唔好味~~~~影埋短片俾大家睇下點樣卜卜法~不過其實個量幾大下~建議最少有4人share就最好~(不過我又好衰既......食食下又覺得太多...食黎食去同一種味好悶~~~~)





仲有另一樣野睇其他人要必食的....就係贏到粥冬瓜鍋(半隻雞,肉滑,魚,沙白,菜粒,粗糧) $388....用粥底黎打邊爐~~真係好耐都未試過(原因係我其實唔係太鐘意粥底打...因為覺得怪怪的~黎到既然必試...同埋用個冬瓜黎打咁新鮮....就試試啦~)




佢d肉滑超怪!!!!質感奇差!!!好似老年人既肉咁...好泡....(我咁形容係咪好衰??!?!?但真係好怪!!)




套餐內的雞粥~個冬瓜唔夠粥可以加落去~不過不失....所有野都淡淡的




套餐內的魚片....無味的....沙白都還可以...除左套餐既野我地仲叫左其他野打邊爐....有叫生蠔 $108打....但係d生蠔係可以完全無味的.....神奇!!...叫左腐皮卷 $38....都唔似宣傳易田雞d響鈴咁脆既.....林patpat咁一d都唔好食!!




套餐內的粗糧~d蕃薯幾唔錯~




咁食到最後我地就加d菜粒落去...諗住食d粥啦...神奇既係....我地打邊爐打左咁多野...又魚又肉又蜆又菜又腐皮卷.....個粥都可以係一d味都無架喎~~~~

總括黎講.....我係唔會再去~~~因為...咁難訂到既餐廳.....竟然係咁一般般~我覺得個冬瓜粥底真係麻麻...佢d火鍋料又唔掂~~卜卜蜆....其實我屋企都整到唔係太難....所以...咁難訂...咁就....拜拜啦~





今日幫個外國人做手續...
咁我幫佢填資料要填婚況...
咪問佢婚姻狀況係咩囉...
佢答:single.....
之後答完仲要咋喊...喊到超大聲....
我擴一擴鼻孔:don't cry~single is happy...don't you think that?!
外國人...你好有戲.....有戲得滯....嚇親我~



2014/07/03的開心事:
今晚阿媽好有新意~
買左三文魚刺身做晚餐~
好味~



報時:距離沖繩陽光海灘海鮮自駕遊之旅2014仲有---85日~

38 則留言:

  1. 鼎太豐 ,5555555,我真係覺得麻麻....
    其實真係好奇性呢間d嘢麻麻,但竟然長期爆:(
    除咗卜卜蜆,其他嘢都無咩特別,我都唔鍾意粥底打边,口感麻麻
    有時有d咁搞笑嘅客都好呀,苦中作樂吓,好過遇到d 蠻牛

    回覆刪除
    回覆
    1. 我台灣同香港都有食過....我覺得台灣好味d(好正常~~)
      不過香港價錢都算合理喎~
      澳門哥間成$128一碗牛肉麵....誇張!!
      無錯...都無味既....
      咁又係~得啖笑都好~

      刪除
  2. 小T真勤力,只係懶左一日,我成個月啦!要加油啦!

    回覆刪除
    回覆
    1. 哈哈~~~我唔可以俾自己懶~~
      我仲寫緊2月既事~~~

      刪除
  3. 我見到個冬瓜以為係冬瓜盅呀~~
    同埋我最近都好懶呀...1個月都出唔到10篇BLOG T^T
    種有個外國人好鬼馬XD其實有D鬼佬熱情係好事泥既XDXD
    SINGLE IS HAPPY~~@3@

    回覆刪除
    回覆
    1. 哈哈~~你有無聽過呢間野呀~~~
      梗係啦..你番兩份工嘛....
      咁好過佢地發惡既~

      刪除
  4. 又要訂位,又唔好食,呢啲咪扮高級囉。咦,個老外喺你面前做得戲,有機喎。

    回覆刪除
    回覆
    1. 訂位哥下我接受...但我接受唔到佢唔好食~~~~
      wakakakaka~你地個個都咁講~~~
      但我無講過佢係男定女喎~~~

      刪除
  5. 外國人想溝妳喎~~~~哈哈哈

    回覆刪除
    回覆
    1. wakakakaka~你地個個都咁講~~~
      但我無講過佢係男定女喎~~~

      刪除
  6. 係囉...外國人係咪對妳有意思?

    回覆刪除
    回覆
    1. wakakakaka~你地個個都咁講~~~
      但我無講過佢係男定女喎~~~

      刪除
  7. 😂😂😂😂😂😂😂😂😂臨尾都有個高潮位!個外國人。。。XDXD~single is happy !

    回覆刪除
    回覆
    1. 好過佢發惡既..但實在太搞笑~~

      刪除
  8. 哈哈哈..... 那外國人佢係咪想暗示..... 既你和他都是SINGLE......

    個冬瓜打邊爐呢...... 你食到無味, 主要原因係個冬瓜吸左D肉汁的味, 可能這樣是給一些喜歡淡口味的人食火煱, 你看配料就知道係食清新的味道. 你下次如果再去, 你可以試下挖埋D冬瓜肉落來食. 看看好不好味.

    回覆刪除
    回覆
    1. wakakakaka~你地個個都咁講~~~
      但我無講過佢係男定女喎~~~
      食到咁飽都唔想再挖佢d肉食咯~~~哈哈~~

      刪除
  9. 乜成間餐廳都是女性食客, 仲係十點, 才知道現在咁多女性喜歡食夜粥

    回覆刪除
    回覆
    1. 都好多人訂呢間食宵夜~~~
      咁岩咋~~7點幾哥時仲有好多男仔架~~

      刪除
  10. 好似幾唔好食咁,仲咁多人訂位既?
    哈,有時啲外國人真係好熱情,搞到有時都唔知點應對好~~

    回覆刪除
    回覆
    1. 唉~d人見話好食就瘋湧去食架啦..(即係我)..不過呢間無下次~
      我覺得...我都算應得幾大睇呀可~~~

      刪除
  11. 冬瓜粥底真係有啲怪,可能冬瓜本身不停咁出水,你放多多野都無味囉!

    回覆刪除
    回覆
    1. 係~喎~~~~我無諗過佢出水問題~~

      刪除
  12. 小 t 的首頁改版了!
    「勁多野做」的「quota」過了,就是去玩時!哈哈哈
    您們在外地常叫新鮮生蠔,「d生蠔」好難好味囉~~~
    那個外國人想您看到他情深款款的樣子,帥的煩惱呢!哈哈哈

    回覆刪除
    回覆
    1. 我個首頁???改左咩呀??定你個首頁??
      好難~~~我地公司無呢句~~~
      wakkakaka~你又講得岩喎~~
      wakakakaka~你地個個都咁講~~~
      但我無講過佢係男定女喎~~~

      刪除
    2. 嘩,連女的都對您情深款款,哈哈哈

      刪除
  13. 明天我又唔上網啊...神公休息

    回覆刪除
  14. 澳門美食多...我就不去太貴地方吃呢

    回覆刪除
    回覆
    1. 呢個唔算貴既..不過係唔好味囉~~

      刪除
  15. 澳門美食多...我就不去太貴地方吃呢
    昨日我係去行街街呢...回家又忙打理我的花花世界...所以冇上網啊
    。゚☁黃昏好☀大家都Happy星期五

    回覆刪除
    回覆
    1. 你咁多花花要好好照顧佢地呀~

      刪除
  16. 用冬瓜打邊爐,我第一次見咋!

    回覆刪除
    回覆
    1. 我都係呀~~仲要粥底~~
      不過麻麻~~

      刪除
  17. Hi小t,妳一定好鍾意食顺徳菜喇!咁多人同咁窄位都去食!卜卜蜆好似好好味喎!冬瓜粥好特別喎!可能外國人想識称喎!bye!!!

    回覆刪除
  18. 很多食店也是(綽頭)較多
    不怕煩的在家煮最美味 ^_^

    回覆刪除