2014年7月31日 星期四

日本東京自由行之旅2014-06-23第二天Part 4(晴天及後轉陰)

哈哈~想我吧~~~~~~我噚晚去左同小學同學食飯~~~笑到喉嚨都有d痛~~~~~睇黎我係大家心中都係好乖的~除左病之外都會準時出blog~~(無計~我形象太好~~~又勤力~~~)....呢兩日都係安安全全咁過~無咩特別~好希望聽日都係咁啦~~~咁就好喇~~~



2014-06-26
Day 2---Part 4(日本,東京 Japan,Tokyo)
番到池袋~飯都唔去食~跑去藥妝店先~~~我真係好鐘意行藥妝店架~~




買支眼藥水都咁多選擇~~睇到人眼都花~~自己又有買~又有幫人買~




下~~咁搞笑~~抹牙用既???夠唔夠乾淨架~~




呢晚既晚飯地點~~~Mos Burger~~~地址:東京都豐島區東池袋1-32-5.....呢間係營業至凌晨2點呢~所以夜d食飯都唔怕~網址...分店好多~淨係池袋已經有5..6間~上網睇睇~~




飲左粟米湯~270円=20.7hkd~熱熱的~好飲~




鮭魚米漢堡(期間限定)...350円=26.8hkd....我推介毛寶食(我一早上網睇定有咩期間限定)....超級的好吃!!!!!




睇我地好慘咁樣要食快餐.....其實係我要求黎食架!!!因為當Mos Burger同Mister Donut crossover呀!!!!睇下幾有新意!!!!用donut黎做包....再夾Mos Burger的餡料!!!!唔係唔試下話咁新穎~~~390円=29.9hkd




一咬....................好騷呀陣味...............好似pizza味咁...但勁騷的.....我深深咁....中左期間限定既伏.............................我俾期間限定騙了.................而且donut好林....很不夾...




這個綠茶甜品也是期間限定....本身我係想食另一個蕃茄0者喱的.......因為呢~我地落單既時候聽黎聽去都唔明個日本男生用日文問我地d咩.....竟然呢個時候有個會說廣東話既女仔店員~實在太驚喜~(原來個男想我地係度食定打包~)....然後我地叫蕃茄0者喱~佢同我地講:今日我地d蕃茄唔新鮮!......好老實真係....所以叫左呢個....380円=29.1hkd...仲貴過個鮭魚米漢堡!!不過唔好食!!




食完Mos Burger都仲係覺得唔夠....又去酒店樓下間便利店掃掃貨~~見到咁多飲品好開心~




原來我地食開哥隻卵呀~淨係Newdays哥間便利店先有...見到Family Mart自己都有出就買黎試試~不過都係覺得Newdays哥間好味d~飯團呢隻海苔味係我第二至愛~我呀....屁屁痕呀....走去買蕃茄味既期間限定試呀....點知....我呢一夜連續俾兩個期間限定跣到我攤攤腰.........華...難食到呀....好似飲緊蕃茄凍湯咁...但係係假假地既味喎...毛寶說:一睇都知難食啦...唔知點解你會揀呢隻味!!!...噢....早知揀蘿蔔味啦(又係怪口味!!)




今日衣物收獲~Garcons有稅退~~才$4xxhkd一件..唔買唔得~




呢個袋我好喜歡呀~~~我係Tokyu Hands睇中...灰色是新色嘛~平時係墨綠同黑色~之後我竟然係裏原宿間Head Porter + Plus度完全見唔到呢個系列....於是我走番去Tokyu Hands度買....其實如果睇中既款係Tokyu Hands度買會抵d~因為有退稅及銀聯卡有5%off...呢d都係專門店無既優惠~~~變相有13%off啦~~呢個袋係15,336円(稅込)=1,174.7hkd....免稅+5%off後價就是13,490円=1,033.3hkd~平成141.4hkd架~~~~~好斯文款呀~




係Calbee既收獲~買左d做手信~~又東京限定又關西限定....隻隻味都好好味!!!上行中間哥包超勁好味!!!芥末煙肉味!!幾有品味呀!!!!




Kiddy Land既收獲~~




呢兩支筆好出色呀~~尤其係派大星~~~兩支都係送俾人做手信~~




好靚呀~~唔知點解我去哥時日本有好多阿美既精品~~其實我都好欣賞佢架~~大個左之後我就好鐘意卡通片既配角...好似技安咁~~哈哈~~隻水杯好出色~~想像第時有自己屋企時用~~(要買好多唔同既杯~唔要全部一樣~)...隻阿美公仔係毛寶送俾我架~~佢好似好少著藍色裙咁~~好靚~~




一堆藥妝店既戰利品~~我從來都唔知道...原來休足時間係咁好用架!!!!!又唔算貴喎!!!一日行完超攰...貼左佢訓...第二朝隻腳又無哂事~599円(稅拔)=45.9hkd..有成10幾片喎!!我成個旅程...用哂成盒~~~~~~~~眼藥水都係幫人買的~下面哥d係小面膜黎架~~好可愛~~~~







2014/07/31的開心事:
最開心就係今日已經7月最後一日喇~
真係光陰似箭~~~開心係因為~
小朋友既暑假已經過左一半喇~~
即係仲有一半就放完暑假喇~~
真開心~~~



報時:距離沖繩陽光海灘海鮮自駕遊之旅2014仲有---57日~

51 則留言:

  1. hihi~~掛死人咩
    日本藥𥺁店係必行地點,我鍾意買鼻敏感噴劑,好用!

    回覆刪除
    回覆
    1. hehe~~~我好乖架~~日日都寫blog架~
      下?!你有用開呀??邊隻好用呀??推介下~~我都鼻敏感架~

      刪除
  2. 我都好鍾意mos burger㗎,一定好食麥當勞,尤其是麥當勞而家.......不過mos burger都會食到瀨嘢,實在少見,所以唔好過份迷信「期間限定」呢家嘢,可能係gimmick同老點㗎。係呀係呀,所以係商場店舖買嘢,撞啱有信用咭優惠,係抵好多㗎。我哋上次去bic camera買嘢,visa card又係有5% discount,連8%退税,咁就平13%喇。

    回覆刪除
    回覆
    1. 哈哈~~~我今次真係勁瀨野呀~~我咁垃圾口都覺得難食~~~
      係呀~~~~真係好抵~~~令人想不停睇下有咩買添~~

      刪除
  3. 藥妝店.........正呀.........真係好多正嘢賣架
    咁慘呀,連環中伏...........
    買Calbee做手信最好,唔會有人唔鍾意^^

    回覆刪除
    回覆
    1. 係呀~~如果有多d時間我會狂研究~~~
      唉~只怪我俾期間限定呢幾個字迷惑左~~
      係呀~~如果人地買俾我都超開心架~

      刪除
  4. 呀美好靚呀,哩次敵唔過理智^^
    蕃茄味雪糕.......聽到都打冷震,佩服你夠勇氣~~~哈哈

    回覆刪除
    回覆
    1. 唔怕~~呢個係毛寶送架~~~所以唔算~~
      wakakakaakaa~~~只怪我俾期間限定呢幾個字迷惑左~~~

      刪除
  5. 藥妝店丫~~~~~正丫~~~~正丫~~要用兩次正丫黎表示我對藥妝店嘅喜愛!隻阿美杯好靚好靚丫~上面d阿美好似個個唔同post wo~~so cute~
    派大星筆唔買比自己?你對朋友真係巧巧丫~~

    回覆刪除
    回覆
    1. 哈哈~~真係好多野睇架~~我都好鐘意行~~~
      係呀!!!!勁鐘意~鼓起勇氣先買~~因為無一次去旅行買杯的~
      哥支送左比大比呀~

      刪除
  6. 妳都算乘啦`~~
    果袋好似條褲咁喎~~~~
    我又要手信~~~~哈哈哈

    回覆刪除
    回覆
    1. 係勁乖呀~~~
      哈哈~~我依家仲未用呀~~
      你黎澳門啦~~係我未食哂之前~~

      刪除
    2. 呢講架~~咁我就嚟啦揾日~~~hehehe

      刪除
  7. 蘿蔔味我吃了..............是非常難食!!!!!!!!!!!!!怪味@@

    回覆刪除
    回覆
    1. 哈哈~~即係我揀邊隻味個下場都係一樣~~

      刪除
  8. MY █▄ѼvE 好姊妹⊹✾*。゚甜夢安睡☁
    齊齊天天懂得享受生活♦・゚♡享受身邊一切幸福。•*´*

    回覆刪除
    回覆
    1. 好野~~到星期五了~~星期五晚最幸福~~~

      刪除
  9. 粟米湯+鮭魚米漢堡+綠茶甜品...唔該我都要一份呢

    回覆刪除
  10. 距離沖繩陽光海灘海鮮仲有---57日....咋....哈哈哈

    回覆刪除
  11. 以前常常都對住一些又百厭又頑皮的小朋友, 現在唔洗再對了, 真好.....

    對你的遭遇, 哈哈哈..... 唔怕啦, 佢地遲D就一個二個要返學, 見到佢地臨開學果種失落樣, 實在好過癮.

    回覆刪除
    回覆
    1. 你就好啦~~~我好羨慕你呀~
      你講得岩呀..佢地放完暑假哥刻~~我打從心底裏笑出黎~

      刪除
    2. 哈..... 我無再去那間教會, 就唔洗再對住D小朋友, 我以前對開D小朋友, 現在個個都大過了, 哈.... 這班人個個大個後, 都唔幫手睇小朋友, 過份呀.

      刪除
  12. 今早用手機看blog 可以留言了
    消失了一段時間添 sorry baby^3^
    哈哈 baby介紹毛寶果個期間限定好味 但自己食果d就⋯⋯⋯
    我係絕對唔會揀蕃茄味同蘿蔔味架 haaha
    藍色阿美好美呢

    回覆刪除
    回覆
    1. 唔好sorry啦~~我心痛你多野做咋~~*3*傻豬~
      er.....只怪我貪心....
      原來哥兩隻味都係好難食架!!!!!!!!哈哈~~~
      係呀!!!佢好靚女~~

      刪除
  13. mos burger 嗰個 mister donut 真係超級地雷,見個樣已經覺得難食 (咁講,我係咪好衰呢?)
    Garcons有退稅,good ar,等我下次去先。不過嗰次我喺大阪阪急有退稅之餘,仲有5% discount,所以先捨得買對鞋咋,因為真係堅貴的。
    喂喂,head porter 同 porter 唔同架,所以唔可以喺 head porter 睇中去 tokyu hands 買架。我自己就鍾意porter多啲,因為唔太like head porter 個 founder (我係咪好怪呢?)。
    嗰隻長頸鹿薯條,我超勁愛,仲要地區限定,我實死喺佢地手上。
    仲有仲有,阿美我都like架,今次我地又做返朋友,仲要係好好嗰隻添,哈哈。

    回覆刪除
    回覆
    1. 都唔係既...因為上網佢個樣好靚架...嗚嗚~~
      咁真係好抵喎~~~~不過我地今次好少行百貨公司~~所以去專門店一次過掃貨都ok既~
      都唔係既~~各花入各眼啦~~~
      係呀..但係哥隻長頸鹿其實唔平架....但係我又好想買喎~~~~
      哈哈~~阿美真係超出位~

      刪除
  14. 我都係見到期間限定就會食架喇~~~
    我而家係街見到啲薯片係寫住期間限定都會買返屋企,搞到屋企有超多薯片,仲要有時會中伏添><

    我上次去日本都係買休足時間,超好用~~之後入左好多貨返屋企....搞到而家屋企仲有好多存貨....

    把umbrella好似唔錯喎~~橫間我鐘意

    回覆刪除
    回覆
    1. 哈哈~~即係我地兩個都係死係期間限定手上...好可憐~~~~~不過薯片都...好難中伏架喎....
      係呀真係好好用~不過我無買番澳門呀~係日本用哂就算~因為平時用唔到~~~
      梗係~哥把我架~

      刪除
  15. 我都好鐘意行藥妝店架!! PS. 你隻亞美好得意!

    回覆刪除
    回覆
    1. 我都好鐘意~~^^
      我超鐘意阿美呢隻藍色裙仔的~

      刪除
  16. 粟米湯看落好正,價錢就貴D。
    鮭魚米漢堡,起正~~~~~~~
    個袋唔錯喎!大豐收喇您!

    回覆刪除
    回覆
    1. 都係架~不過算啦~
      哥個米堡真係堅正!!!!
      yeah~~~~

      刪除
  17. 終於有時間黎la, 一野睇晒2日日本遊記..見到你貢多野食, 貢多戰利品..真係睇到我牙痕痕ar!!! ai..不過我最快都要出年先有得去...恨屎我...
    我上次去日本又係聽人地講休足時間好正, 行完成日貼住黎訓第2朝會舒服晒, so又即刻走去掃左幾盒. 夜晚返到酒店沖完涼就貼黎訓啦, 點知,原來我唔受得..訓到半夜對腳好似火燒貢, 拿拿臨搣左佢地先慢慢ok 返jar...激屎a *~*

    回覆刪除
    回覆
    1. 好耐無見~~~哈哈~~我都好想再去多次呀~~~~~
      下???!!係咪敏感呀????咁又真係唔係個個岩用既!!毛寶話用完訓覺好凍~~~~~~~

      刪除
  18. Hi小T,妳真犀利,一曰唔寫blog就很多blog友擔心同掛住妳呀!去曰本一定去藥房買嘢㗎,由其是感冒藥同曰本喇叭牌,一定要自己買同幫人買囉!曰本便利店又係必行㗎!d飲品款式多到死!阿美公仔巧得意!果袋好似條短褲巧特別!仲有一個月就暑假完!㸃解妳會開心!唔明?bye!!!

    回覆刪除
    回覆
    1. 因為小朋友放完暑假我地就會無咁多人

      刪除
  19. 睇Donut包個樣都知應該會麻麻

    回覆刪除
  20. 我都好鍾意阿美架,覺得佢寸得黎好型!個袋綠色好靚,如果可以上膊更正!

    回覆刪除
  21. 蕃茄味雪糕真喺好怪@@
    Mos而家真喺又好味,記得以前啲潮人專程飛去日本食架,自從香港開咗無喇,
    哩款香腸包好特別:-))
    妳哩個porter袋幾平喎!

    回覆刪除
    回覆
    1. 無錯~我錯了~~~~
      哈哈~~~但係個包好難食呢~~~

      刪除
  22. 右上角件黑色既Garçons我都有~~
    個陣都係見佢出新款即克買~~~~
    小t你既taste果然唔錯呀吓XDDDDD

    回覆刪除
    回覆
    1. 最弊我唔潮呢~~肯定你著左好耐啦~~~

      刪除
  23. 哈囉!你嗰個啊美公仔喺邊度買㗎同埋😍😍😍😍😍😊你嗰個卡樂B手信係邊度買架

    回覆刪除
    回覆
    1. 阿美係原宿哥間kiddy land買架~~聽講波點裙係特別版..我買完先知~
      卡樂b係竹下通哥度有間專門店~哥度就有得買~

      刪除
  24. Thanks for sharing, nice post! Post really provice useful information!

    Giaonhan247 chuyên dịch vụ mua hàng mỹ từ dịch vụ order hàng mỹ hay nhận mua nước hoa pháp từ website nổi tiếng hàng đầu nước Mỹ mua hàng ebay ship về VN uy tín, giá rẻ.

    回覆刪除