2014年7月11日 星期五

吉隆坡慶生自由行之旅2014-04-20第三天(陰天酷熱)

終於星期五了~~~~我以為今日唔會再肚痛...點知肚痛痛醒....一起身肚痾左兩次.....連早餐都無食....連廁所都唔記得沖(唔係大呀)就用"爛"既方式出門口........咁都番到工算我好野.....不過我最後都係頂唔順佢想狂肚痾.....食藥算喇...咁辛苦為咩?......放左工去食飯...行埋街買埋野番到屋企仲可以睇埋點金勝手大結局~~~~~



2014/04/20
Day 3(馬來西亞,吉隆坡 Malaysia,Kuala Lumpur->澳門 Macau)
朝早起身~出去食埋早餐~由於最遲可以13:00先check out(唔怪得咁遲先有房俾我啦)...所以我地就無急住退房~d行李仲係放係房~......本身我諗住去燕美大巴剎架....網上介紹超級多的好野食....不過諗住佢有d遠..怕媽媽行得辛苦...所以揀左去蔡san開既十號胡同....好似香港既蔡瀾美食坊....裏面有27家著名老字號係入面~地址:Lot 10 Shopping Centre, 50, Jalan Sultan Ismail, Kuala Lumpur, Malaysia....營業時間:10:00-22:00

裝修得幾有特色~




我地九點九黎到睇下有咩食先....咁仲有3個字先開...咁我地睇定食咩....坐低等佢地開.....不過佢話開10點....其實10點仲係未開始賣到野食..................咁不如唔好寫話開10點啦....去呢間禮飲茶....其實唔係想食點心...係因為岩岩做完食為奴...佢有鹹魚包賣...RM8.90=22.3hkd(3個)...梗係要叫黎試下~~~10點2過去叫..佢又話個收銀未番...er.....




最後都成功買到.....唔係話佢唔好食既.....係食完之後覺得...康熙梗係食得太多山珍海味喇....使唔使好味到特登搵個人番黎整呀~~~~~~我覺得...油左少少...同埋無咩汁..如果好似生煎包咁有汁流出黎..而d汁仲要係鹹魚味..咁就正喇~





跟住就試下呢間老字號的金蓮記~超準時的十點就起獲~見到佢有人叫先炒炒炒!!!!超有獲氣的!!!!!企係度等既時候就聞到超香的~




福建面...RM11.50=28.8hkd.....超香的~係我係呢個十號胡同食過最好味既野~(可能係我試得太少~)




然後我叫我媽媽自己去睇下有無其他野想試~佢就買左個炒蘿蔔糕番黎...RM11.50=28.8hkd......er...................好難食呀.....炒得又無味...仲要成舊蘿蔔糕都係粉..............一d蘿蔔都無....好難食...有辣醬都救唔番~




見最後一日係馬來西亞~我放膽的去叫野飲~~(因為我驚飲左d唔應該飲既野會無胃口肚痛+訓唔著)...揀左呢間南洋十號咖啡......我媽叫左凍齋啡...我叫了很想試的凍奶茶...各RM3.75=9.4hkd....係幾平既凍飲喎~我媽話佢哥杯唔錯~我就....其實我唔係好識飲奶茶好無飲既...不過個人喜好我鐘意飲泰式凍奶茶~(加上呢日我飲完有d肚痛~~~)





番酒店check out~之前哥日叫左酒店幫我地叫車~酒店叫車係貴d既~~我地哥時係機場叫哥d Budget Taxi係RM74.30=185.8hkd....酒店叫要RM120=300hkd......不過佢地叫d車係靚d大d同冷氣涼d既~咁就算啦~舒服d出機場~




又係一個鐘車~就黎到LCC機場喇~(記得依家無左LCC架喇~依家個機場係KLIA隔離..叫KLIA2)...條友仔都忍唔住快d走~~~~Air Asia個counter都亂糟糟咁....條隊都排到唔知點咁.....




之後搞搭掂哂.....做埋離境手續....去侯機大堂等.....華....一個閘口同另一個閘口超近.....d人多到......烏繩都好多~~咁大個閘口先得一個洗手間..............無咩野買...亦無咩野食....本身想係呢度換番哂d錢.....但係個匯率麻麻....所以媽媽話唔換....寧願攞番去睇下有無人換....




我地搭Air Asia既AK186航班係14:15由吉隆坡飛番澳門~起飛時天氣麻麻~咦~遠處咁多黑煙既??....天矇矇~





起飛左好耐仲係陰天......




好彩飛多一陣又見到我最鐘意既藍天白雲喇~~~好靚~


飛機無影出黎喇~因為實在難食到我唔想影~(自費的)



總結:

1.今次使費我會以兩人價黎講~因為我請埋媽媽去的~~~使費:4,381mop(機票+兩程餐膳+燃油附加費+機場稅+行李托運費)+1,647hkd(兩晚酒店)+3,000hkd(食+買+玩+交通)=9,028hkd(hkd+mop既大約價)
2.馬來西亞真係堅熱....係堅熱!!!!!!明明新加坡仲接近赤道d架喎!!點解我覺得馬來西亞悶熱d既???????
3.馬來西亞的華人係超級的好客!熱情!有禮貌!(我講明係華人呀下)....好多謝帶我去新峰肉骨茶既靚姐姐..真係超好人...仲試過係十號胡同買緊野食時有個職員弟弟問我地係咪香港人...我地話唔係~我地係澳門人....然後佢話:歡迎你黎到馬來西亞玩~........賓至如歸到?!?!?!?!?!
4.馬拉華人對於旅遊業配合很到位~但相對於交通就............可以話幾差.....搭的士要睇下撞唔撞到按錶收費既司機...如果唔係就.....要講價..............而且地鐵輕鐵又唔方便.......
5.馬來西亞d野食係幾抵既.....有d都幾好食(我好鐘意新峰肉骨茶同Old China Cafe)....但有d旅遊熱點又無話好食到飛天(個人喜好).......
6.吉隆坡個人黎講其實留3日可以了~不過可能我唔識搵d好玩既行程...同埋我又無去其他城市玩~
7.其實有能力可以請到媽媽去旅行都係我既一種福氣~
~The End~
~多謝收看~





野~~~~~
星期一凌晨就世界盃決賽喇~~~
人地支持阿根廷呀~~~~~
今次有無新波鞋著就睇今次喇~~~~~



2014/07/11的開心事:
今日係800伴電梯同你做左個好核突既動作...
俾後面個人睇到......
但係....我....
一d怕醜既感覺都無....
仲覺得好好笑~~~~~~~~~~~~~~~~~~~~~~~~~~~



報時:距離沖繩陽光海灘海鮮自駕遊之旅2014仲有---77日~

38 則留言:

  1. 。゚☁我都最鐘意既藍天白雲喇。゚☁

    回覆刪除
    回覆
    1. 我都鐘意~可惜呢個禮拜周末就開始落雨.....嗚嗚...

      刪除
  2. my █▄ღVe 好姊妹。゚☁甜夢安睡☁星期六。゚快樂喇喂
    話咁快又係小週末喇喂...神婆又唔上網啊
    有無節目都冇問題呢...休息多些...一樣快樂的

    回覆刪除
  3. 沖繩陽光海灘海鮮自駕遊之旅...一定超正呀

    回覆刪除
  4. 我都對吉人有好感,次次問路真係好幫得手,無老點
    可能我11月去不算熱!!
    依......寫完到東京喇喂)))))

    回覆刪除
    回覆
    1. 係呀~仲要超有禮貌~
      我後尾先知原來佢地34月係最熱的..所以我真係頂唔順~~
      er....唔...呀~~~

      刪除
  5. 有啲掛住澳門以前個蔡潺美食城,因我同佢試過喺嗰度兜嚟兜去.
    馬來西亞去一次就夠,以後搵啲過癮啲嘅城市玩.

    回覆刪除
    回覆
    1. 我講真..我身為澳門人....我一次都未行過入去....
      係呀~我諗我唔會再去喇~

      刪除
  6. 無錯,有能力請屋企人去旅行真係一種福氣,小T真係好乖,讚!
    東京遊記即將放映,yeah yeah yeah ~~~

    回覆刪除
    回覆
    1. 係呀~我覺得我好幸福架喇~
      呀哈哈哈哈哈~仲要稍等一陣~

      刪除
  7. 上次我去馬來西亞係跟團,所以行程同你寫嘅唔同,天氣實在太熱,跟團就相對舒適!

    回覆刪除
    回覆
    1. 係囉....跟團有車坐可能舒服d....不過我又唔想食團餐..

      刪除
  8. 雖然只得三日兩夜無咩特別行程,但好彩仲有美食!!!!!
    你媽媽有你這個女兒都好有福氣^^

    回覆刪除
    回覆
    1. 好彩叫有d野食下咋...如果唔係呢個行程真係好慘~~~
      我同佢相親相愛就好了~

      刪除
  9. 哇~呢個游記好快啊!咁下星期咪有得睇日本?!

    回覆刪除
    回覆
    1. 係呀~5篇搞掂~er.....要等多一陣先得喇~~~
      太多相~~

      刪除
  10. 您好似沒有飲過拉茶喎?
    「有能力可以請到媽媽去旅行都係我既一種福氣~」這句結尾收得好靚!
    你有新波鞋啦,哈哈哈

    回覆刪除
    回覆
    1. 係囉....有d可惜~~~~~
      真既~~~哈哈~~
      無左啦...阿根廷輸左...我對新波鞋無左喇~~~

      刪除
  11. 三日行程其實好快過,尤其是第一日唔係一早到,不過你安排得好好,我諗伯有好滿意嘅。有咁明刀明槍嘅黑的出現,証明監管一定好差㗎嘞,不過馬來西亞政府都係信唔過。

    回覆刪除
    回覆
    1. 哈哈~~~其實咁短時間真係好難搞..不過係吉隆坡太長時間我覺得仲難搞~~~~
      有架....好多呀....不過唔好話人啦...我地澳門都大把啦...都唔係俾我地澳門人搭既

      刪除
  12. 睇哂成個馬來西亞遊記, 雖然只係3日, 不過都遊咗不少景點又吃了不少美食, 幾開心又好玩~

    回覆刪除
    回覆
    1. 好彩有美食救番個行程...如果唔係都幾悶~

      刪除
  13. 巧橙喎~~~肚痾、緊定食咗太多好嘢啦
    喂~~~唔好在公眾地方做核突動作教懷細佬喎

    回覆刪除
    回覆
    1. 無呀....我生理痛呀...唔係食錯野呀
      哈哈~~~其實無野架..係搞笑動作~

      刪除
  14. 馬拉那邊, 跟我這邊差不多, 話10:00開門, 就真係員工10:00上班, 才開始煲水, 再由雪櫃拿東西出來.

    有時員工未返來, 顧客就要等一下了.

    唔似香港, 話7點開, 員工6:30就要返到去開工..... 員工遲到等如老闆少賺錢了.

    回覆刪除
    回覆
    1. 華.....如果係港澳真係唔得了!!!我地番工開9點...我地最少要8點50或之前要準備好架....
      其實講幾點開咁梗係哥個時間開始賣野啦...仲等佢慢慢整....

      刪除
  15. 咁乖請埋媽咪去,好抵錫架啦。啵啵!你果杯凍奶茶咁色,肯定唔係我杯茶。我今日係fb睇到腸胃差,易肚痛既人,可以飲返杯薄荷茶黎舒緩,或者你都可以試下黎舒緩。千奇咪亂黎喎,人地話一日飲一兩杯,你泡完一次再一次,已經算兩杯架啦。

    回覆刪除
    回覆
    1. 係呀~慶祝佢生日嘛~
      我都覺得奶茶麻麻~但係我係生理痛....適用嗎?

      刪除
  16. 13:00先check out,東南亞酒店比較遲喎!東歐的民宿或青年旅社好多係10:00 或11:00 check out架!大酒店就會遲d啦!

    回覆刪除
    回覆
    1. 係啦~我都係第一次聽咁遲.....都唔係呀...我試過係巴黎佢都話可以一點先check out~幾好~

      刪除
  17. 我Hi小丅,十跪胡同我晚上21:00先去到,食得很趕呀!食到21:45就收工唔賣嘢!馬來覀亞人工作真輕鬆!但d嘢食又平又好食囉!個旅行行程好短喎、但最緊要是妳媽咪玩得開心呀!妳好叻有能力請媽咪旅行!又肚痛快d去睇醫生喇!bye!!!

    回覆刪除
    回覆
    1. 無計啦咁夜晚佢又真係可以有Last Order時間嘛...但朝早開10點...10點2都未有人番就真係....

      刪除
  18. 係好想試下嗰福建麵,但咁熱又無咩嘢玩,應該有排都唔會排到馬拉囉。
    不過你好乖乖,請媽媽去旅行,摸頭中~~
    我呢,支持德國架,但我睇完上半場,見佢地攻極都無用,仲要阿根廷既突擊更有威脅性,睇到好緊張。所以呢,我決定唔睇,去咗瞓呀 (人老受唔住刺激)。好彩起身見係德國攞盃,不過見阿Messi個樣咁失望,又覺得佢好慘豬呀~~

    回覆刪除
    回覆
    1. 應該係唔會再去.....哈哈~
      野~~~~(好鐘意俾人摸頭頭~)
      係呀....我見到佢咁失望...我個心都好心up...............................

      刪除