2014年7月10日 星期四

吉隆坡慶生自由行之旅2014-04-19第二天Part 2(陰天酷熱及後有雨)

今日個肚仲係有少少冤冤痛....不過食左d朱古力都有好番d既......唔知點解今日賴皮既客特別多......完全解釋唔到~我依家好想快d到聽日既六點就快放工哥刻......我會好感動~



2014/04/19
Day 2---Part 2(馬來西亞,吉隆坡 Malaysia,Kuala Lumpur)
睇完水族館行番上黎....咦~~~原來國油雙子塔Petronas Twin Towers就係出面咋~~~地址:KLCC, Jalan Ampang, Kuala Lumpur, Malaysia...電話:+60-3-2331-8080....兩座大樓既41同42樓有空中觀景橋....不過成人上去既票價要成RM80=200hkd...好貴~放棄~同埋只在白天開放~網址..
但個距離咁近又好難同佢影合照既....一係人細粒到睇唔到...一係人大粒到遮住景~算啦~就咁影呢張算喇~




跟住穿過呢個相信就係KLCC公園Taman KLCC.....望住雙子塔行過去~大約4分鐘左右就會見到雙子塔下的陽光廣場Sunria KLCC....地址:Kuala Lumpur city Centre, Kuala Lumpur, Malaysia....電話:+60-3-2382-2828....營業時間:10:00-22:00....網址....




行到佢樓下~再影上去~太熱喇~影完即刻衝入去涼冷氣~~




出面有個大型噴水池~望住水都特別熱.....




入到去就梗係涼浸浸啦~都好多層下喎~





其實主要想衝去Old Town White Coffee嘆嘆~~係Signature Food Court既Stall 24~




阿媽叫左杯凍白咖啡全走(佢既喜好~)...RM4.80=12hkd...真係好黑~~~黑到Logo都唔見埋~~我媽話咖啡唔錯~(其實佢好少飲凍啡~我諗真係太熱了~)....我哥個係set黎既...RM10.80=27hkd.....有杯凍既Lime Juice...凍凍酸酸甜甜~馬拉飲最岩~




個set仲有Soft Boiled Egg....加d豉油同胡椒同吃~~唔~~~好味~~




同埋仲有Kaya Butter Toast...個set真係幾抵~野飲同兩樣必食野只係27hkd~~~不過講真...呢個...我覺得新加坡阿坤好吃一點~(個人口味~)....好似唔係好食到Kaya味咁既....但係用麵包點蛋汁又好好味喎~




跟住就去左商場既Concourse Level搵呢間Durian Durian食榴槤雪糕喇~之前睇殷師奶個blog話好好味~所以黎朝勝下~RM5=12.5hkd一個~唔貴~入口好香榴槤味呢~~果然無介紹錯~~~~





跟住就見到少女們必買的Vincci喇~我有入去睇過~真係好平~不過~我唔係少女style~所以我無買~而且行過超多的地方都有呢間~唔使擔心~不過超多人~d貨又亂~我都無咩心機睇~




行完又打的番酒店抖下~~(好懶~)...又撞岩按錶收費的~感謝~10幾蚊hkd就番到酒店了~~~一路涼冷氣一路擺靚靚手信影相~今日既收獲~~最上哥行~龍蝦肉乾...1KG係RM110=275hkd...可以要求佢半KG入一袋做手信~~呢度每包都係半KG~真係幾好味~....第二行既椰子粒.....RM5.80=14.5hkd....係用烘乾方法唔係炸的~所以食落脆脆的但唔油~係幾好味同好香的~做手信唔錯~因為夠細包同輕~....第三行係原味肉鬆..每包RM11=27.5hkd...仲有5送一~原來馬拉人好鐘肉鬆夾包食~....隔離係榴槤糖~我媽買的~佢迫我影埋~....第四行蝦春卷係星馬我最愛的零食~~真心鐘意食~~雖然澳門都有~但我就是喜歡~RM17.50=43.8hkd




跟住抖夠六點左右就打的出去食飯~呢個時候開始"落水"(佢地落雨係咁叫的~)....的士司機話通常4-6點呢度經常落水~呢晚我地去食Old China Cafe~地址:No.11 Jalan Balai Polis, Kuala Lumpur, Malaysia...電話:+60-3-2072-5919...網址.....落車仲係落緊好大水~




內裏既裝修好似停左係40..50年代咁~好有味道~






媽媽叫左酸梅桔子汁Sour Plum(後)...RM6.80=17hkd..好味~酸酸甜甜的~我叫左紅毛榴槤汁Soursop(前)...RM6.80=17hkd....係咪即係紅毛丹呢??好似~我估都係罐頭野~不過幾好飲~幾清甜~




前菜叫左娘惹小金杯Pie-Tee...RM7.80=19.5hkd...好得意呀~~成頂帽仔咁既~脆脆的~跟住自己放入爽爽的餡料~加d醬汁~好好味呀~~我最愛呢d口感~





成個旅程我唯一的單人照~~~~因為太熱我都無心機影相~~




甲必丹咖哩雞Kari Kapitan....RM15.90=39.8hkd.....呢個得哥幾舊雞仔超小的.......汁確係幾好味的...撈飯一流~但係d雞肉好鞋呢~~




腐皮素雜錦Vegetarian Special...RM15.80=39.5hkd....一黎唔知佢係咩~揭開佢先睇到裏面幾多料下喎~





仲有一個馬拉盞辣炒茄子Brinjal Belacan....RM10.80=27hkd.....呢個好好味呀炒得~~好惹味~~又係送飯好幫手~~~




講左咁多送飯好幫手~~梗係要有個飯啦~~但呢個唔係普通既飯呢~~籃花飯Coconut Rice...RM1.90=4.8hkd.....睇睇餐牌既介紹:Rice Cooked with Coconut Cream and Tinged Natural Blue with the Essence of Pea-Flower.....個飯藍色架~~~好靚好香呀~~~唔捨得食佢~~




哈哈...請侍應幫我地影張靚相~~好後悔無整好件衫先影~~個身型好似異形咁~~~呢張係我地係馬拉既唯一合照~~好懶呀我地~~




食埋甜品榴槤飄香Santan Durian...RM13.90=34.8hkd....好似將d榴槤打碎既甜品~好香好香榴槤味~~我地係馬拉無食過一粒榴槤~淨係食過呢個甜品同下午既榴槤雪糕咋~唔知媽媽有無好失望呢~

總括黎講呢間餐廳有懷舊味而且水準亦唔錯~旅遊客值得一來呀~



其實Old China Cafe就係茨廠街既後面街~(即係唐人街)




行左一陣....確實係無一樣野買得落手!!不過就試左傳說中好好飲既羅漢果龍眼冰糖燉冬瓜....RM1.80=4.5hkd(有冰)....RM2.30=5.8hkd(無冰)....即使我岩岩食完飯加成肚水.....一口飲哂....真係堅好飲~


馬拉好似整羅漢果飲料都很出色的~



飲完又係搭的士番酒店~夜晚偷偷看著了燈的雙子塔~有後悔晚上無出去影佢既夜景相~(不過我怕媽媽累了~)







我潛意識係覺得阿根廷會攞世界盃..
但我唔知點解噚晚會同阿媽對賭話荷蘭會贏...
所以我最後輸左10蚊....................



2014/07/10的開心事:
今日5點半後叫做係舒服左少少...
已經好開心~



報時:距離沖繩陽光海灘海鮮自駕遊之旅2014仲有---78日~

32 則留言:

  1. 其實我都唔識游水,但去到熱帶地方都係想陽光海灘,因太熱真係無心機行街,我又唔太鍾意行商場,無咩特色嘢睇..................
    馬拉食嘢抵到無嘢講!!!!
    呢類手信最得人心^^

    回覆刪除
    回覆
    1. 哈哈~~曬太陽我要有野飲野食先得喎~~~~齋曬好悶架~
      咁又真係幾抵既~~~~
      係呀~~~全部都好好味~~

      刪除
  2. 嘩~~~我見你去馬來西亞買好多野呀!!~
    種要大部分係食~~羡慕ING 7___7
    其實唔返工係幾好GA~但係冇錢洗就...T^T

    回覆刪除
    回覆
    1. 因為有d係我媽媽買架~唔係全部都係我買~
      哈哈~~~你去馬拉都好多野食買架~
      咁梗係咁架喇~有得必有失~無可能兩者兼得嘛~享受下個暑假囉~

      刪除
  3. 其實去馬來西亞同去新加坡差唔多,都係行吓街,食吓嘢,逛吓商場,去吓水族館,同埋一樣咁熱。不過馬拉啲嘢應該平d,我直覺覺得,因為未去過。

    回覆刪除
    回覆
    1. 係呀..馬拉平好多..
      但係.....我都係鐘意新加坡多d~

      刪除
  4. 原來妳肥咗咁多喎~~~~不過食得是福
    榴槤雪糕呀~~l like eat

    回覆刪除
    回覆
    1. 唔係喎~~~係件衫未拉好咋喎~~~我唔認架~~~
      好味~

      刪除
  5. 榴槤雪糕...............堅好食,勁濃郁又香
    馬拉盞辣炒茄子.....堅好食,好惹味~~
    喂......你娘親著得潮過你囉^^

    回覆刪除
    回覆
    1. 睇左你介紹先去攞黎食~真係無介紹錯呀!!超香濃!!好似真係食緊榴槤入口~
      係買左哥d辣醬番去有無試下炒黎食呀??
      野~~~~~~好衰架~~~

      刪除
  6. 呢个游记大部份都係食喎。點解無食新鮮榴槤嘅

    回覆刪除
    回覆
    1. 因為呢度除左食..我都諗唔到做咩好~咁熱~
      其實有既...係我地無撞到咋~

      刪除
  7. 看來, 工作後可以陪媽媽去玩, 這個就是當中的意義了.

    回覆刪除
  8. 真係好黑~~~黑到Logo都唔見埋 ~~~ 睇到依句笑左~~~
    哈哈哈~~ 咁咪影得好小有人既相囉~~~?
    我依排忙ot呀~~~~~~~ 好慘慘呀baby :(
    不過終於就黎見到曙光

    回覆刪除
    回覆
    1. 哈哈~~我諗起d好黑毛毛既貴婦狗...黑到眼都見唔到既情況一樣~~~~~
      無錯~就係得呢兩張咋~
      好慘呀你!!!希望你快d唔使再ot!!

      刪除
  9. my █▄ღVe 好姊妹。゚☁甜夢安睡喇喂。゚☁

    回覆刪除
  10. 呢餐飯睇見就好好食,除左榴槤我唔食啫!

    回覆刪除
    回覆
    1. 下~~係呀你唔食榴槤架~~
      呢餐唔錯呀~

      刪除
  11. 黑到連LOGO都見唔到既咖啡,應該幾好飲 ^.^
    好鍾意晚飯果間餐廳既裝潢,好有FEEL ~~

    回覆刪除
    回覆
    1. 我無試到添~因為我驚我訓唔著~~
      係呀~~氣氛唔錯的~

      刪除
  12. 上次你問你似唔似媽媽?今次合照可以講係幾似,咁都好吖,你可以預知自己好似媽咪咁嘅歲數時個標緻樣係點!

    回覆刪除
    回覆
    1. 哈哈~~~原來我似佢架~~
      我成日以為我似我爸爸~

      刪除
  13. 伯有喺餐廳幅相影得幾好.
    呢排睇波睇得陸永多,你哋真係好似樣
    從字裡行間,感受到呢次旅程一字記之曰:熱

    回覆刪除
    回覆
    1. 梗係啦~佢個叻女影架嘛~
      唔好再講.....唔想再聽到佢個名
      無錯..堅熱...我寧願凍

      刪除
  14. 哈哈,你完全俾熱打敗咗,睇住你啲相都覺熱。
    你唯一張單人照呢,頭髮有啲亂... wakaka~~

    回覆刪除
    回覆
    1. 我好怕熱囉..我寧願凍好過!!!!
      喂~~~喂~~呢d叫凌亂美呀~

      刪除
  15. Hi小丅,曄買咗巧多手信喎,我都買咗好多手信!我都買咗二十包半kg龍蝦肉乾做手信!不過我在星加坡買,好贵!一包100G要$80一包!間餐廳d嘢食晤错喎!d饮品好特別!同媽咪影張相巧似様喎!今次阿根廷有機會贏得冠軍㗎!放心喇!bye!!!

    回覆刪除
  16. 馬拉勁熱,我都想飲Lime Juice。
    娘惹小金杯好吸引。
    羅漢果龍眼冰糖燉冬瓜,我都想試!

    回覆刪除
    回覆
    1. 係呀飲哥個唔錯的~~夠解渴又夠凍~
      係呀~~我覺得幾得意幾好味~
      哥個好飲呀~~

      刪除