2014年7月29日 星期二

日本東京自由行之旅2014-06-23第二天Part 3(晴天及後轉陰)

只係番左噚日一日工咋...個膊就痛到爛開咁.........本身攰都唔緊要...但今日d客絕大部份都係傻既先慘....第一個入黎已經串到一棟都無...........我明你等得耐好慘....但你發d脾氣落我度都無用...我都係岩岩番工.............搞到我第一個就俾人噴到一面屁!!!!痴線架!!!好彩嬲一陣就開心番~因為中午有特別節目~但下午番工成塊面都紅哂....好似發燒哥隻咁..成個人覺得好熱好焗...唔知咩事.............................



2014-06-23
Day 2---Part 3(日本,東京 Japan,Tokyo)
行完Kiddy Land就直行去表參道GYRE~...地址:東京都涉谷區神宮前5-10-1.....網址....要搵既係3樓既MoMA Design Store....紐約近代美術館




裏面有賣到d古靈精怪既野~










其實毛寶係特登黎買佢架!!天氣球~~會隨住天氣變化而有所不同~依家熱熱地~係佢屋企d結晶都少d~唔記得影價錢~大哥個好似500hkd...細哥個好似係$4xx.....毛寶買左個大的~好靚~




跟住係表參道GYRE後面街行下....諗住搵間章魚燒架..點知搵黎搵去都搵唔到....(當時係google map我已經睇唔到佢架喇....)




諗住算啦~唔試喇~行過隔離巷行出大街啦~點知~咦~~~~~又俾我地撞到喎~~~第八蛸華丸~~地址:東京都涉谷區神宮前5-11-3....網址..






我叫了明太子口味的~~~600円=46hkd(8個入)....wow~口味是不錯的...不過佢落得太多醬俾我~咸左d~一粒裏面有兩粒八爪魚係裏面~~粉漿很好吃~~~~但如果燒乾少少會更好~~~我下次要試第種口味~~~佢都有期間限定既章魚燒架~~






食飽飽就行去裏原宿(Ura Harajuku)逛逛~




重點要黎Head Porter + Plus~地址:東京都涉谷區神宮前3-21-12...有一點要留意既係...佢逢星期三休息~安排行程時要留意喇~因為我都改過一次~好彩睇到~..我地本身想買散紙包...但係....依家已經無出....好失望....而且有d款係無既!!反而Tokyu Hands反而有!!!(以前好人山人海架嘛..我地今次几一個人都無)...無收獲~




跟住轉個靚彎去Stussy~地址:東京都涉谷區神宮前4-28-2...睇下d人幾心急~~~可惜...睇中好多件...都無碼...小孩又是失望的離開....




沿路行番轉頭...過對面就去到竹下通了~~地址:東京都涉谷區神宮前1丁目




咦~~~竟然有tamagochi既專賣店~~~好可愛~~~我想買孖潤腸架~~(綠色哥隻)...最後俾我既理智羸左~~放低無買~~





成日俾某人話我似佢架~~好得意呀佢~~(順便讚埋我~~)



仲有Calbee+~~地址:東京都涉谷區神宮前1丁目16-8....兩年之前黎剛開~又係人山人海~好明顯依家過左冷河喇~




依家樓下係外賣區~~買完野食可以上樓上用餐區~(立食)...仲有d精品~~~同埋唔同口味既Calbee~~




哈哈~~睇餐牌~~又係一隻字都唔識~~又係俾d限定吸引左~又有季節限定~又有原宿限定~~




最後揀左季節限定~~唔知咩味~~260円=19.9hkd.....我揀薄片的~不選波浪~食完..都唔係好知咩味~~不過幾好味~~有d似onion & sour cream既味~正~




熱鬧的竹下通~走lu~bye~




跟住順路去埋望住竹下通右手邊既ICI club原宿~賣爬山野的~地址:東京都涉谷區神宮前1-14-29...不過之後哥日會去一間更大型的~所以留手~




對面就係JR原宿駅了~~係咪Metro來~JR走都好方便呢~~~唔使走回頭路~







2014/07/29的開心事:
就係中午同chlo子和i子去左食sky21喇~~
好開心呀~~好好味~~~



報時:距離沖繩陽光海灘海鮮自駕遊之旅2014仲有---59日~

52 則留言:

  1. 其實原宿真係一日都行唔哂,但係你哋用半日行銀座,半日行原宿,都幾趕喎。我記得上次去原宿,我哋仲好悠閒咁喺Bvlgari cafe嘆tea。

    回覆刪除
    回覆
    1. 哈哈~~其實我地銀座呢~留左一陣咋~~買完想買既野就走了~~所以其實原宿我地留左成大半日係哥度架喇~~~
      華~~咁正唔正呀~~~

      刪除
    2. wow~~~~咁我下次要去試試了~~~

      刪除
  2. 今次毛寶好似無乜收獲喎

    回覆刪除
  3. 唔知有生之年會唔會去到日本呢?

    回覆刪除
  4. 巧嗨閃嘩~可以同i同chloe一齊吃lunchi~~

    回覆刪除
  5. 你個季節限定咪寫明係Sour Cream Onion咯! 慢慢併D音, 歪少少就係架啦. 原宿果隻好似係Maple and Cream Cheese, 第三款係招牌夏之咖哩, 加芝士要俾多四十日元喎. 仲有分厚切薄切咁, 我鍾意食厚.

    回覆刪除
  6. 天氣球好特別喎~~好想睇下會咩變化
    恭喜你理智(拍手)~~不過咁多日,好難日日都羸^^

    回覆刪除
    回覆
    1. 哈哈~~好啦~~咁我唔同時候去佢屋企影一影俾大家睇睇~~
      無錯~贏得一時贏唔到一個旅程~

      刪除
  7. Stussy嘩!我至愛呀!我去親都破產架!小孩真識貨呢!

    回覆刪除
  8. 妳係唔係開始才感冒呀~~飲多d水、休息多d、知嗎~

    回覆刪除
  9. 二十年的好姊妹...家中有事...所以去幫忙呢
    忙左好幾天冇上網啊...一會兒又要出新文章呢
    超快...就到8月份呢...總之是...開心萬事得呢...大家忙喇

    回覆刪除
  10. MY █▄❤VҼ 好姊妹★☾・゚☁♦✬
    ・゚•♦。.¤心情靚靚..天天歡笑聲
    ┏━┓ ┏━┓ ┏━┓
    ┃晚┣━┫好┣━┫甜┃
    ┗━┫晚┣━┫夢┣━┛
     :┗━┛:┗━┛:
     ☆   .★   ☆.

    回覆刪除
  11. 有tamagochi既專賣店...米入去呀...出血回家呢...ka ka ka

    回覆刪除
  12. 哈,2月嗰次我連原宿都無行,剩係去咗 Bills 食 hotcake 咋,因為嗰次旅程要去 disney 同 skytree,所以真係無時間行~~
    今次我地唔係朋友嘞,我like章魚燒,但唔like明太子呀,仲有小孩愛的 head porter,我都唔愛呀,我剩愛 porter 架咋,ha~~希望下篇我地又可以做返朋友啦,wakaka~~

    回覆刪除
    回覆
    1. 我有諗過去bills..但最後無去~揀左食章魚燒~~~你去哥兩個地方都用左你兩日!!
      哈哈~無計啦~咁唯有睇下今篇我地做唔做到朋友仔啦~~

      刪除
  13. 竹下通我認得,我成十年前去過,衣家舖頭唔同哂喇!
    個間章魚燒係咪好好食架?冇乜人嘅!

    回覆刪除
    回覆
    1. 日本東京基本上無去一年..就會咩都唔同哂~~

      刪除
  14. 竹下通都幾好行,乜原來夜晚咁靚架,我上次係午飯時間去,係度食埋lunch先走.

    回覆刪除
    回覆
    1. 係呀~咁你上次食左咩呀~

      刪除
    2. 上次食左意粉,仲係果度識左一個英文好流利嘅服務生呢!

      刪除
    3. 華~~~咁叻既~~~咁都俾你識到人~~~

      刪除
  15. 真的要小心身體。
    古靈精怪既野,以前香港都有很多這樣的店舖,現在好似消失晒。
    看到您張相,似係同第八蛸華丸賣廣告多D,哈哈哈。
    孖潤腸架?我就覺得唔似囉~~~~~~

    回覆刪除
    回覆
    1. 我無事~只係太攰je~我諗....
      都有既..不過唔多je~~~
      哈哈~~咁佢都幾好食既~~~~
      似架~~個咀超厚~~

      刪除
    2. 宇文公子美化咗孖潤腸囉!以後笑人孖潤腸,各各人都以為是讚她/他了。哈哈哈

      刪除
  16. 果位毛小朋友去到無碼, 買唔到衫褲, 可能因為佢呎碼似咖仔咖妹,

    唔似我, 我呎碼唔同西人,

    回覆刪除
    回覆
    1. 哈哈~~因為stussy係男裝嘛~無佢碼都唔奇既~

      刪除
    2. 好多咖仔都好似佢呎碼...... 不過, 你會唔會好似佢著男裝衫? 我咁大個仔, 都係買過一次女裝波鞋, 款差唔多, 但平成1/3呀.

      好多女仔喜歡著男裝咖

      刪除
    3. er...架妹就係...架仔唔似佢!!!...我有買男裝衫呀~都ok呀~

      刪除
  17. 嘩~~好正呀~~~個薯片好似好好食~~~
    我個次係原宿都唔覺得有咁多地方行既~~你勁呀~

    回覆刪除
    回覆
    1. 都幾好食架~~不過即炸~~好熱氣~~~
      哈哈~~我都係睇旅遊書咋~~

      刪除
  18. 嘩` 我上次去日本都無去咁多地方
    下次去要參考下你既行程先

    果隻綠色孖潤腸真係好得意呀`~~~

    回覆刪除
    回覆
    1. 哈哈~~~其實我都係睇旅遊書咋~~~~~
      係呀~~我以前中學都幾鐘意佢~

      刪除
  19. 天氣球好特別~~ 係咪天氣愈凍會愈多結晶~~
    東京真係好啱食玩買, 看到你的行程都覺得好好玩~~

    回覆刪除
    回覆
    1. 係呀!!!我覺得都幾靚~~~
      無錯~~~如果一年去一次真係會出血~~~

      刪除
  20. Hi,小T,是否病咗呀!昨天妳冇寫blog!希望我估錯喇!銀座同原宿我去過都我都買唔停手!妳地女仔一定大出血喇!Calbee係沖繩都有分店㗎!竹下通都好多得意嘢買囉!take care!!!

    回覆刪除
  21. 喂喂喂,寫blog果個女仔去咗边呀!!!!!!!!!!!! 掛住你呀!!!!!!!!!!
    MoMA Design Store 呢間d嘢好特別喎,嘩,毛宝大師真係好有生活品味
    日本人真係好正,嘢又好食,賣嘅嘢又靚,就算係無聊嘢都得意過人

    回覆刪除
    回覆
    1. 番來喇番來喇~~~~~
      哈哈~~佢不嬲生活品味都幾高的~~
      係呀~~就係咁就殺到人一頸血了~~~

      刪除