2014年7月24日 星期四

日本東京自由行之旅2014-06-22第一天Part 4(陰天)

哈~~~今日番工有番d幹勁~~心情好番d~~~但係我唔係做得特別快喎~~~只係我做得好開心咋喎~~~~無啦啦我下爬位生左d小粒粒...巧驚~~~~



2014-06-22
Day 1---Part 4(澳門 Macau->香港 Hong Kong->日本,東京 Japan,Tokyo)
食飽飽~下一站~住池袋就係有呢度好~~硬係有d野俾你做下~~~~咁梗係要夾下公仔啦~~其實係俾呢間既公仔吸引左~~因為佢有賤熊30的Ted呢~~~~~~~好得意呀~~~
著住西裝個樣幾得戚呀~~~~




最後我揀左夾細細隻的無著衫既Ted~100円=7.7hkd夾一次~我夾左第一次.................失敗.................






第二次夾.................................我用100円夾左兩隻Ted呀~~~~~~~我叻嘛我叻嘛我叻嘛~~~~~~~~讚我啦~~~~~




仲要兩隻唔同架~~~一隻開口笑~一隻無開口的~我送左開口哥隻俾毛寶~




另外仲有大公仔夾的~但係呢隻俾人吊住好慘呀!!!個表情都慘過人!!!!!

如果我係度住我一定夾~因為佢個樣好好攬嘛~



依家望番...點解我淨係影相無夾到既???我好想要懶懶熊呀~




睇下迪士尼有無野夾...點知d公仔醜醜的~




成場最出色呢隻!!!!!!!!!!!隻泡泡龍學人扮怕醜!!!!救命!!!!雙手放口前~~~~~好攞命~~~我同毛寶笑左好耐~




之後又係酒店樓下既便利店買左呢支梨味既雪條食(真係第一次食梨味雪條....)....好似幾蚊hkd好平架咋....食落隻味好似d沙梨既味....跟住咬落索索聲真係好似食緊真梨咁~~出色~~~




第一日既收獲~~唔算好多~~~件間條衫係買俾媽媽既~




兩個脫毛器係幫朋友買的~不過真係好重~毛寶真係乖~呢隻係最新型號....係Bic Camara度買~有得退稅21,980円=1,683.7hkd.......如果唔係俾現金係用銀聯既話仲有多5%off!!!好抵~~即係1,599.5hkd....平差唔多成100hkd架~~另外哥個係去黑頭機~~我買的...減價中~~不過得番for men的....我照殺~~~應該一樣咁用je~2,280(免稅)=174.6hkd~~日本退稅手續每次買野都係即場做的...唔係好似其他國家咁一次過係機場退....佢地會即場計免稅價.....或者係收左你稅込價之後你係d專係做退稅既counter度即場退現金俾你....我試過用信用卡找數...佢退稅都係退番現金俾我~變相套現~~哈哈~~




我地發現係日本買保暖杯好平的~~係Tokyu Hands買架~~呢隻賣1,886(稅拔)=144.5hkd!!!!!!好平喎!!!!!!!!!澳門賣呢隻好似要差唔多300mop!!!!!!!!!!即刻買隻新杯俾媽媽用~重點係用銀聯找數有多5%off添!!!!(留意下收銀度有無寫呢d優惠~~)如果買夠10,000円仲有得退稅~~極抵~~




Toyku Hands真係好多野買~~仲買左呢個種野既~~將呢條管插係礦泉水樽就種到~~~好方便~~呢個係種蕃茄~~~~好得意~~我買左個黎送俾Diana~~~




仲有依家日本大熱的全國No.1受歡迎既在地吉祥物船梨精(Funassyi)~~呢個電話防塵塞又係買俾媽媽既(佢好鐘意喎~)....第一日買野俾佢多過自己~我幾鐘意佢~因為個身d肉好泡~好似我~




仲有呢個細粒到不得了既幾隻動物公仔(我諗細過一蚊銀)....有件趣事的....因為我地攞完佢地之後去落幾層俾錢....而呢幾隻野太細隻....無barcode貼到係度....所以唔知幾錢....於是佢地要打上去問個barcode係咩...我雖然唔知佢地講咩日文....但佢地形客俾上幾層既同事聽佢幾高幾闊時....認真到攞d裝修拉尺出黎度呢3隻細粒野...我堅認唔住笑左出黎!!!每隻98円(稅拔)=7.5hkd.....

真係好過癮~~





好好笑...
今日有兩姊弟...小朋友黎左我counter
一路做一路有同佢地傾計~
做好哂之後...
細佬:巴西世界盃..黃金戰報!!(狂講)
於是我望下佢...原來佢著緊阿根廷波衫..
我:細佬~世界盃都完左啦~做咩仲著阿根廷呀~著德國嘛~
細佬:係呀~我就黎會換架喇~我等佢4粒星就會換新架喇!
我當堂嚇一嚇~~~~
小朋友好醒目呀~~~
重點係:佢只係得4歲~~~~~~~~~~~~~~~



2014/07/24的開心事:
今日幫個姨姨搞好手續..
佢猛話:你好好呀!!多謝你唔嫌我煩講得咁詳細呀!!
之後唔夠喉臨走再拎轉頭再同我講:你阿媽真係好!!生個咁好既女!!!
好卡張呀~~~~~~~搞到人地好開心呀~~~~~~~~~



報時:距離沖繩陽光海灘海鮮自駕遊之旅2014仲有---64日~

44 則留言:

  1. MY █▄❤VҼ 好姊妹・゚☼黃昏好º°¨☁似乎想落雨咁呢

    回覆刪除
    回覆
    1. 你講得岩呀~我地噚晚真係落落大雨~

      刪除
  2. 第二次夾....用100円...就夾左兩隻Ted呀...好叻...讚你啦

    回覆刪除
  3. 細粒到不得了既幾隻動物公仔...真係好過癮...我都買呢

    回覆刪除
  4. 日本日本日本呀 7__7
    真係可以買到好多野架~
    E家D YEN平到咁啊T口T
    好想衝去日本掃貨呀!!

    回覆刪除
    回覆
    1. 哈哈~~唔等使咁買一大堆~~
      依家d円平過兩年前好多~~
      我都想再去呀~~

      刪除
  5. 嘩,你咁勁嘅,夾到兩隻細ted,千祈咪比佢睇到呢篇blog,佢實哦我點解人哋夾到,我夾唔到。老實講,你有冇用美色,叫店主擺出啲個公仔架。
    你哋喺bic camera同tokyu hands都掃好多貨喎,我哋上次喺bic camera買咗beats wireless,都好似比香港平咗幾舊水,所以去日本,bic camera係必到嘅地方。

    回覆刪除
    回覆
    1. wakakakakkaakak~~~原來我先係溝女王呀~~~~
      無呀~~~有一次試過叫個女仔幫我擺出d...哥次反而夾唔到~~
      下~~~咁我下次d電器再格下價然後跑去買~~

      刪除
  6. 巧叻巧叻巧叻呀,一次夾兩個公仔,勁呀
    泡泡龍果隻好得意呀,廸迪尼又其係差d,好似老翻咁.......
    部黑頭機幾抵玩喎,work 5 work 先
    而家d小朋友真係好鬼醒目,果個阿姨無讚錯你喎,你買咗咁多嘢俾媽媽,乖乖

    回覆刪除
    回覆
    1. 我係超勁~唔讚下我唔得~~
      哥隻係超出色~~其實我都好想要~呢d咁抵死既都無得買既~~~
      er....我番黎..仲未用過~~~~~
      野~~~~好衰架~~~又讚人既~~~~

      刪除
  7. 好叻呀你!夾到兩個公仔(掌聲鼓勵)
    乜. 乜. 乜熊本熊被取締咗呀?!嗚嗚
    種蕃茄果支好得意呀~~

    回覆刪除
    回覆
    1. 野~~讚人既~~
      係呀~~~~今年已經俾船梨精超前左喇~~
      哈哈~~我懶呀仲未種~

      刪除
  8. 你做錯事呀,買咁多嘢俾伯有嘅?
    通常講人媽媽都係鬧人,用嚟讚人真係好少見,或者你真係好好,你阿媽真係好!!生個咁好既女!!!

    回覆刪除
    回覆
    1. 唔係做錯事先對媽媽好架.............
      我阿媽梗係好啦~~~我咁好~~~-

      刪除
  9. 好勁呀 我都想係日本夾公仔呀 hehe
    我今日搵左三間 都唔覺有波衫買 我會繼續搵架 hehe

    回覆刪除
    回覆
    1. 你同男友去叫男友幫你夾啦~~好好玩呀~~~
      你好好呀baby~~我聽日都過香港~我都去搵下先~

      刪除
  10. 估唔到第一日有Part 4...個D小動物咁細粒,有咩用?
    你好叻啊!夾到2隻!
    有陣時做嘢,只要有1句贊美,就會開心成日.

    回覆刪除
    回覆
    1. 係呀~~我口水特多~~...無架~~擺架咋~~
      yeah~~~我係叻女~~
      無錯~不過有時可能俾人無理取鬧完...又會唔開心成日...

      刪除
  11. 妳巧叻呀~~~~比10個叻......hehehe

    回覆刪除
  12. 咁勁.200YEN就夾到2隻,有D料到呀!!
    沖繩都有Toyku Hands

    回覆刪除
  13. 嘩~~個阿姨真係無讚錯~~乜得知你媽咪生得你咁叻乖又帥氣嘅姐!
    辛苦唔該晒毛寶!
    唔講你唔信!我今日晏奏下爬都突然谷左一塊暗瘡,根住我攞d暗瘡水辣落去。。。但唔知係米我剛茶完爽膚水,又茶暗瘡水。。。之後成個咀圍住又紅又腫又癢一撻撻,超醜。。成個污咀咁>_<。。。^^之後敷返冰半小時後散左lu

    回覆刪除
    回覆
    1. 哎呀呀~~~~好衰架~~~讚我阿媽個女既~~~
      佢真係好乖架~~
      華...乜呢d野我地都咁岩既......喊喊!!

      刪除
  14. 我著住西裝個樣, 都好得戚咖, 哈哈哈

    回覆刪除
  15. 多謝人地阿媽,就係最佳既讚美。所以如果啲青衣做得好,我會係佢卜頭殼果日,親自多謝佢阿媽。

    回覆刪除
  16. 我認同個姨姨講嘅說話,俾你媽咪聽到仲開心!
    我上次係住Sunshine City呀,係咪池袋呀?

    回覆刪除
    回覆
    1. 哈哈~~~早知叫我阿媽跟我番工啦~~
      係呀!!就係間野食行過少少咋~~

      刪除
  17. 叻呀,200 YEN 夾到兩隻,都抵啦。
    係喎,其實0101 同 tokyu hands,銀聯都有lee個優惠,0101就剩 SHOW 咭,跟住俾 CASH 都得,lee個真係要讚。唔知 tokyu hands係咪咁呢??? 因為呢,我2月嗰陣係東京仲抵,遊客拎住個passport去換coupon,有10% off 呀,抵到不得了。

    回覆刪除
    回覆
    1. 抵呀~~一隻8hkd都唔使呀~~~
      係呀~~不過有時百貨公司唔係好岩我買~~所以tokyu hands有真係好開心~~~~
      華!!10%喎!!!!!

      刪除
  18. Hi小T,巧叻喎一次夾兩個公仔,日本夾公仔如果夾到四,五次都夾唔到、佢地會放容易比妳夾到㗎位置比妳再夾一次架!池袋好多地方夾公都有放水賣大包囉!不過沖繩係冇夾公仔地方!妳巧孝順呀!買咁多嘢比妳媽咪!bye!!!

    回覆刪除
  19. 第一天就玩得咁多,又有獎品,開開心心最好。

    回覆刪除
  20. 好叻嘛喎,您送了那一隻給毛寶呢。
    您買了很多手信被亞媽囉。

    回覆刪除
    回覆
    1. 送左開口哥隻呀~~
      係呀~~我愛佢咪買多d野俾佢囉~

      刪除