2014年7月21日 星期一

日本東京自由行之旅2014-06-22第一天Part 2(陰天)

華...今日好難頂呀....遲籌遲籌遲籌....講完....個counter換左新玻璃....塊玻璃勁到...超隔音..我每講一包..個客:下?!....變相要講兩至三次....唔該哂.....重點係塊玻璃唔係密封架喎.................星期六:去左永利軒飲茶~好味~..->去左觀光塔睇猿人爭霸戰:猩凶崛起....雖然我麻麻地鐘意睇3D戲...而呢套既3D又唔算好3D....但係個故事就真係無得頂~~無冷場....又令人有d反思!!好睇!!第一集已經有捧場~希望快d再有續集~...->去左威尼斯人行街街...最神奇係我都有收獲喎~因間講~...->行完威尼斯人已經10點...去左食南亭....因為10點半後有特價~第一次食覺得唔錯~.....星期日:被毛寶急call起身...因為佢見到佢王子出現要我去追王子->食七彩雲南米線...話實在..好難食->佢個王子就係太陽伯伯....去左曬太陽....佢為左我肯陪佢曬太陽....特登上網訂左個帳篷仔俾我遮太陽~~幾有型~~唔使俾$80租太陽傘~~..->之前秀蘭話摺埋裝修...話有機會唔開......前排知佢開番...仆住去食..點知佢變左做名門秀蘭海鮮酒家(類似咁既名)....得番一版餐牌係佢之前既餸....仲要全部係冷盆.....冷盆價錢同以前差唔多...但係細左超多!!!!!!收我$6x個雞絲粉皮少到呀.........好恐怖...連我最鐘意既小籠包都無埋........以後都食唔番喇!!!!!!!!!!!!!!!!!!全澳我最鐘意既小籠包無左喇....我好心傷....呢次係我最後一次去秀蘭!!!



2014-06-22

Day 1---Part 2(澳門 Macau->香港 Hong Kong->日本,東京 Japan,Tokyo)
好喇~坐左個幾鐘我地就到左新宿(Shinjuku)喇~再行去轉山手線~好彩今次係N'EX上面睇定邊個出口有電梯咋~~唔係就抽屎我落樓梯~




五點幾六點...好彩仲未好多人放工咋....如果唔係我都唔知點樣可以抽住gip搭JR.......




好野~到左我地住既地區池袋(Ikebukuro)喇~~~~拿~我好醒架~~我一早行左google map架嘛~一d都唔驚呀~~~我地係西武東口出~




沿住條大路行5分鐘左右就到左我地呢4晚既下塌酒店池袋京王布萊索酒店(Keio Presso Inn Ikebukuro)....地址:東京都豊島區南池袋2-29-11....網址...幾好呀~係正隔離仲要有間便利店~~~夠哂方便~~~




我地訂左semi-double(平d嘛).....對日本酒店既大小一早有哂心理準備......想像的小....但好彩佢門口至床有一條長走廊....完住夠位開gip執野~其實地方夠用~因為根本唔會太多時間係房~~~重點係....好慷慨~~~房內也有免費wifi(歡呼)~而且都幾乾淨(這個是重點~)






好喇~~~已經比我預定係酒店行出黎玩既時間遲左架喇~~~團友行快d呀~~~~團友落左訂打話要去池袋間無印.....係西武(Seibu)入面既...地址:東京都豊島區南池袋1-28-1(其實同池袋JR既西武東口相連)....網址...點解要黎呢度呢??因為佢有個刺繡工房呀!!!(唔係間間無印有..可以上網查查)....佢可以幫你係衫呀...枕頭等等布既物料上面揀你鐘意既圖案整上去~咁你件衫就會成為獨一無二啦~~~




我記得整一個圖案上去唔算好貴....面且好多公仔揀.....我地連衫都揀好....公仔都揀埋架喇!!!!行到埋去問....點知原來係要成一至兩個禮拜先有得攞.....我地邊有留到咁耐時間...................毛寶好失望呢!!






求求其咁買左d野就走啦...經過西武地下食品區時見到....wow~實在係我好難抗拒既口味鯛魚燒呢~~~~~七點幾...行程未安排去食飯喎~~~排隊買黎食下先~~~~






我揀左綠茶鯛魚燒~~內餡係吉士醬~~152円(稅込)=11.7hkd~~稅込價格係已包稅....如果寫住本體價格或稅拔就即係未計埋稅.....日本d消費稅今年加左呀~~~由5%加至8%....不過好似10月1日之後連藥妝呀..食品哥d都開始有得退稅!!!正!!!!好好味呀~~~我好鐘意食吉士醬架~~~~~~






之後就襯無關門....就衝去Tokyo Hand逛逛~開頭以為佢收20:00架嘛...點知佢依家收21:00喎~~~好野~~可以行得唔使咁趕喇~~~地址:東京都豊島區東池袋1-28-10...營業時間:10:00-21:00...網址..




好鐘意行Tokyu Hands架~~~因為好多得意野買~~~~種野種得咁得意真係服左佢地囉~~~850円(稅拔)=65.1hkd~~我都買左黎做手信~






呢隻有d魚骨係小水樽入面..有唔同顏色...不過我唔係好敢望~~好似好恐怖~~~~




好多好多既貼紙~~~




仲有呢樣我地之前睇離誌好想買的~~~以為上野個動物園先有得買~~點知原來係Tokyu Hands Limited!!!岩哂~~~我地買左動物哥隻面膜呀~~~~~~~好搞笑~~~依家仲未用呀唔捨得呀~~~毛寶話佢又要一塊~~下次用左時影d相俾大家睇~一包兩塊~一熊貓一老虎~815円(稅拔)=62.4hkd.....都成$30一塊架~~~貴野~~




將買左既哥d野放番酒店先~~順便係便利店買d野飲~好好味呀個菠蘿汁~~真係有果肉的~~堅大盒...兩人share剛好~







野~~~~

去威尼斯人10次有9次半我都唔會有野買...
就係因Ozil....
我竟然自己走去adidas度...
話想買衫....仲無懶到...
走去試衫....
全因Ozil著過哥件衫...
需然唔係d咩特別款..只係d basic款~
但係我都好開心~
(重點只係$239就可以同男神著一樣既衫~~~~~~~~~)



2014/07/21的開心事:

我今日放工心情差到呀....
走去7-11買牛奶做面膜...
一路睇一路想搵野買...
綠茶蛋糕...蝦味薯片...瑞士雞脾...一小盒泡菜...
攞左係手架喇.....
最後都係放低....
勁叻......學識左唔係凡事都要擁有既..
要學識放下~(痴線....咁都有篇野講到~)
其實呢個故事係教訓大家心情差就唔好行入7-11或超市..
如果唔係就會好危險~(使錢之餘變肥)



報時:距離沖繩陽光海灘海鮮自駕遊之旅2014仲有---67日~

50 則留言:

  1. 綠茶鯛魚燒加內餡係吉士醬,我都喜歡呀!
    動物面膜!哈哈哈

    回覆刪除
    回覆
    1. 係呀~~好滋味~~~
      好可愛呀~~我仲未捨得用~

      刪除
  2. 嘩!你今日嘅開心事好有深度丫!由一件原本係心情差嘅事變成一件擁有高尚情操嘅開心事!t~你真係秀外慧中丫~~~~~~~~~*3*

    回覆刪除
    回覆
    1. 真係既~~好衰架~~讚人既~
      乜我平時開心得好無深度咩..........................

      刪除
    2. er.....um......ar.......無d咁嘅事!

      刪除
    3. 貞.......................

      刪除
  3. 猿人爭霸戰真係咁好睇,好睇到你想佢拍續集,但唔知點解,我硬係覺得同以前嗰啲冇乜分別。哈哈,我哋通常會住新宿,覺得方便啲。上次住南塔,對面就係高島屋同Tokyu Hands,我哋都好鍾意行嗰度㗎,日本仔嘢,唔買都睇吓嘛,仲大把嘢睇添。

    回覆刪除
    回覆
    1. 好睇呀~~~咁我又無睇過以前哥d~~所以單單以呢個系列黎講我覺得幾好睇囉~
      我以前都住新宿~但住住下池袋都真係唔錯~
      係呀~~~~~我睇佢d野就算唔買都睇得好開心~~

      刪除
  4. 毛寶嘅王子原來係阿伯XD
    第一日嘅東京之旅已經好正,無印刺繡啦、可愛小盆栽啦,仲有動物面膜,like~~

    回覆刪除
    回覆
    1. 或者係阿叔都得既~~~
      我仲未捨得開面膜用咋~~

      刪除
  5. 成日聽你講秀蘭好好味,咁應該好多人幫襯,因咩事變咗做海鮮酒家咁奇特呀???
    酒店細到......................幾錢晚呀
    去到日本真係好難控制自己,樣樣都咁得意,有時明知買嚟無用但点都要揾藉口買,hehe
    個動物mask,我睇完之後笑咗^^
    其實係心情不好時,千祈咪shopping.................我次次都賴嘢............

    回覆刪除
    回覆
    1. 又真係唔算多人去喎..次次都唔使訂位既.....唔知點解..俾人收購左卦...或者根本係同公司的
      哈哈~~~算無我上次哥間咁細架喇~~~我地係package黎架..連機票~東京d房其實都係咁差唔多...
      無錯~所以近排去旅行我已經節制左...因為真係會諗下係咪真係有用先買..如果唔係又變垃圾~
      哈哈~~我都要忍呀~~

      刪除
  6. 我都好鍾意魚魚餅架, 尤其熱辣辣果陣, 正!

    回覆刪除
    回覆
    1. 我都好鐘意~加上第一次食綠茶味~感覺好新鮮~

      刪除
  7. 我上個星期五心情都超差,不過係唔應該因為工作影響我嘅正常生活,唔低啊!

    咁夜都未食飯?Shopping至上?!

    回覆刪除
    回覆
    1. 無Update,好失望啊

      刪除
    2. 係呀~~~星期五放左工就算喇~~~因為我地要開心過周末架~~~
      無錯~~~

      刪除
    3. 我偷左一日懶呀~~~~

      刪除
  8. 妳巧叻喎~~~咁有定力唔嘢識放下、比10個good

    回覆刪除
  9. 老虎乸面膜啱我呀~~~哈哈,真係好得意

    回覆刪除
  10. $239一件ADDIDAS? 是T? 還是外套? 都不是太貴.

    我這邊ADDIDAS外套減價都要$30

    回覆刪除
    回覆
    1. 係t呀~
      外套就應該唔得~

      刪除
    2. 今天我見有ADDIDAS 外套, 巴西隊, 只賣$25, 大約$200MOP, 不過, 裁剪好麻煩, 細碼又唔岩, 中碼又唔舒服

      刪除
    3. 巴西隊係黃色?!??!定都係黑色只係有巴西國旗?
      但係200太抵~

      刪除
  11. 小籠包都係我嘅喜歡食物之一,可惜,仲想話有機會過黎食吓添!
    Tokyo Hand上次我都有行呀,都勁多野睇,有一層係賣貓貓野架,我買左幾條頸繩俾啲貓貓呀!

    回覆刪除
    回覆
    1. 無機會喇....以後都無機會食喇...好失望....
      係呀~~~~有貓貓野買~~~真係好多野睇~~

      刪除
  12. 睇住心愛食店變質真係幾淒涼,默哀.
    你應該豁,豁出去,同毛寶一齊曬太陽,橫豎你剪短髮再走唔返靚女路線,毛寶行型,你肥肥黑黑做諧角啦.
    仲未接受到oce因為外表冊封為男神,你經過a記應該見佢張海報,佢隻眼蓋(唔知係咪咁叫)大到,如果要化妝一次用哂一支

    回覆刪除
    回覆
    1. 其實佢係直頭執左....我真係好傷心....
      你就肥肥黑黑...你形容緊你自己咋下?
      ozil佢係我心中係一個靚仔已經係一個不爭既事實...雖然我諗問100個朋友...100個朋友都會答番我佢好怪...或者樣衰...但我一樣會堅持我心裏的感覺~
      見到海報呀~仲見到兩張添~
      就係你呢句留言.....噚晚我俾人笑............................

      刪除
    2. t,我尋晚有反省,我唔應該咁笑佢怪同樣衰。。。因為靚係無標準的~

      刪除
    3. 你呀,你先肥肥黑黑呀,今日我個BLOG破天荒有我上鏡,睇吓你肥定我黑.
      OCE其實唔可以用樣衰嚟形容,怪就貼切傳神得多,佢雙眼真係又大又怪又分得開好卡通(尤其傻笑時),戴黑超佢咪靚仔囉......你帶俾人歡樂係你天職,俾人笑都算係一種吖.
      貞公子近排重新蒲頭,開針^^雖然靚係冇標準但有最低要求啩.....

      刪除
    4. 貞:咁佢係我心中真係靚仔嘛...我唔會理你地點講架^^對偶像既追求我係好自我架~

      刪除
    5. 華...你哥張相大張到呀........鼻屎都大粒過你個樣
      怪呀...唔....ok啦....但係我心中仍然好靚仔...好難形容點解我會鐘意呢類型既人..但我就是喜歡~
      你地咪笑囉~我唔會理你地架喎~因為我真係好鐘意佢呀依家~如果見到佢真人...再同佢頭貼頭合照一張就好了~~~~~~~~~~~~~~~~~~~~~~~~~~~~~~~~~~~~~~~~~~~~~~

      刪除
    6. 見到有人周圍開緊花

      刪除
  13. 無印的刺繡工房係咪人手刺繡o架?我都鍾意刺繡嘅!
    睇下我以前個blog:
    http://travelling-janejane.blogspot.hk/2013/02/2012.html

    回覆刪除
    回覆
    1. 唔係呀~用機架咋~~~所以我都唔明點解要等咁耐~

      刪除
  14. 間房好似我喺大阪住嗰間咁細呀,仲有嗰個我唔鍾意既水喉都係一樣既~~
    鯛魚燒勁LIKE,我又係好LIKE吉士醬,朋友呀我地。仲有嗰個抺茶白玉,我都好想試,因為我好LIKE煙韌嘢~~
    TOKYU HANDS 啲嘢好貴既,我唔多捨得買呀,wakaka~~
    菠蘿嘢正呀,我都有飲菠蘿飲品呀,上次喺大阪,不過係有酒精嗰啲囉,yeah~~ (其實唔知 yeah 咩)

    回覆刪除
    回覆
    1. 佢地d房係咁架喇~唔介意得咁多~...哈哈~~係呀人地沖緊涼我唔可以洗手~~
      好味呀~~佢仲要係綠茶皮...開正我哥樣.....我本身係想試哥款架..哥款係期間限定黎架...不過....我驚太漏影響我晚飯...所以試左我最喜歡的吉士醬~~
      睇下都開心呀~~不過唔係呀..佢有d野賣平過澳門架~
      唔緊要啦~~我都成日野啦~~~~都唔知野咩~~~~~

      刪除
  15. 辛苦找來自在食呢...神公喜歡我煮幾味呢...哈哈哈
    My █▄ღVҼ 好姊妹⊹**早晨☁。゚今天*。゚行雷閃電落大雨呢

    回覆刪除
  16. 我就冇去過日本玩呀
    不過契仔爸媽去到...真係控制不到了
    樣樣都買回港...我聽完之後笑...千祈咪同女性shopping
    契仔爸話賴嘢....哈哈哈

    回覆刪除
    回覆
    1. 哈哈~~咁你有無興趣去下日本玩咁呀~

      刪除
  17. Hi小T,原來觀光塔都有戲院呀!猿人爭霸戰無冷埸幾好睇喎!等我放假去睇吓先!池袋住超方便呀!京王布萊酒店我上次去東京都是住佢咋!真係巧方便囉!西武地下街有好多嘢食架!有間食壽司店又平又多款!唔知妳有冇去食過喇?威尼斯有咁平㗎波衫賣!等我下次都去威尼斯都搵吓有冇美斯仔波衫先!妳好叻喎!美食在面前都忍到手!比個like妳!bye!!!

    回覆刪除
    回覆
    1. 有架...我地成日都去哥度睇戲
      係呀間酒店真係唔錯

      刪除
  18. 有咩辦法唔爬你文?!
    有曬地址同網址,好正~~~
    啱L曬我呢啲新手上路>0<

    回覆刪除
    回覆
    1. 華~咁俾面呀你~~
      我開頭唔知你係邊個~~~~
      但依家知喇~~~哈哈~~

      刪除
  19. 掛杯邊個花盆仔又幾得意喎

    回覆刪除