2014年7月18日 星期五

日本東京自由行之旅2014-06-22第一天Part 1(陰天)

超好彩的~因為今日打風打3號...本身覺得一定超多野做啦....d小朋友又放假....點知又黎個反高潮喎~~~~下午順利的放工~~~超感恩的~星期五喇~~~~今晚要去試一間開左好耐~但從未去過既餐廳食飯~~~開心~~~我幾乖~~食飯前都跑番黎寫blog先~



2014-06-22
Day 1---Part 1(澳門 Macau->香港 Hong Kong->日本,東京 Japan,Tokyo)
我地哥日班機搭唔到機場船呀~~所以我地要一早"琴"起身....搭4點鐘船過香港~係澳門出發時.....個天落雨落到癲左!!!!我起身時仲見到香港有紅雨+雷暴警告....講真我超驚...我驚大雨得滯隻船delay...隻機又唔起飛之類之類..........哥日好多謝毛寶自己有份出發都揸車車埋我~~又好多謝媽媽佢都一齊琴起身用把大傘遮我落樓下上車~兩位令我滴水不沾去到碼頭~話時話......凌晨4點隻船係超級多人搭!!!!!(仲要係閒日喎~)




落左船之後就發生左神奇事~我地平時如果咁樣過香港搭機....通常上船我地就會去李寶椿個巴士站搭通宵巴士E11直接去機場架嘛....點知哥日紅雨+雷暴警告....個巴士站無遮無擋...都係制唔過~~~~於是我鼓起勇氣提出:不如我地搭的士咯~........哈哈好彩毛寶贊成~~~~於是落的士站....點知無咩的士.....要等....但係呢個時候....有個似乎係泥猛的既的士司機行出黎:過黎呢邊啦...去機場架...要唔要搭多個人?平d...........我地話唔要....跟住搬左我地行李上車.....佢急話:黎~搵多個人平d.........然後拉左個鬼仔黎.....我問佢:咁依家即係幾錢?..........的士大哥:你地一單$200..........見價錢都唔算太過"食左我地隻車"....所以上車......一路上...個鬼仔不停同我傾計.....傾左一陣..毛寶細聲話:佢好多野講呀我好想訓覺.........點知後尾傾傾下....我地問佢黎澳門係玩定做野....佢話佢係tap dancer....跟住我諗:唔會係我中學哥時睇既Tap Dogs卦?!.....想知係咩....講按我....想當年毛寶想睇...無人陪佢睇....佢係用求既方式叫我睇.....睇完之後....天呀~~毛寶你太有品味喇...之後一直再等澳門文化中心再請佢地黎...我地一等...就是10年!!!!!今年我地去澳洲時諗住睇架...點知佢地無係澳洲出show.............諗完呢段往事.....個鬼仔就話:I am the tap dancer from TAP DOGS......................我同毛寶呆了~~~~~~~~~我地竟然同我地很喜愛的一個表演單位既其中一個表演者同車!?!?!?!?!?太神奇了~~~~~~跟住我地問佢係澳門邊度出show...佢答我地係COD....我地話:But we didn't get any information or promotion about your show, if we know that we must join your show, we wait for that over 10 years!!!!(無作大....我地係2004年睇架...哥時仲係中學生)........跟住佢自己都好失望表示呢件事好crazy...今次超少人睇show(所以我懷疑係私人會所請佢地去)....同埋佢話去澳門之前佢地有去左香港一個禮拜出show..........................點解我又係咩都唔知.....................之後握哂手咁~賺哂~最後去到原來只係$214...加埋隧道費同行李就唔知幾多喇~不過算啦~都算係平左啦兩個人~(我唔知佢收鬼仔幾錢~)




去到機場佢仲唔知自己班機個counter係邊...企係度幫佢搵一輪....問佢去邊...原來佢早機飛番澳洲....哈哈~~我仲鼓起勇氣問佢可唔可以影張相~~~認住佢喇~Richie Miller~頭先的士太黑~睇唔清佢個樣...睇真d好似有d似羅孝勇既鬼仔版~相信佢後生過我地6-7年~

好神奇呀呢件事~



好喇~經過呢件事成個人都醒哂~~~~走左去食早餐~~又係食吐司工房既飛碟呀我~~~~好好味~~~~係禁區外搵到東瀛遊既人攞到機票之後check好in~~我地就出發喇~~~~(香港機場既地勤人員同其他地方比真係幾有禮貌又友善~值得一讚~)



過關時驚見?!?!?!?!?香港機場有澳門居民既e道喇!?!?!?!?!?!?好開心呀~~~~~~(不過當時諗緊...入境時唔知會唔會無咁屈機呢...)



好搞笑呀今次~~~~同上次飛澳洲個閘口一樣架~~~都係36號~~~(有幾搞笑呢?)..大家唔知有無發現我口袋裏面有兩個人今次會一齊同我去旅行呢?!?!?!




係喇~~~係佢地喇~~~~個仔帶埋老豆去旅行呀~~~




你地兩個巧靚仔話~




去日本梗係用特區護照啦~~~~今次我地去日本既匯率係7.66...即100yen=7.66hkd....今次又以為自己無野買...換左200,000yen=15,320hkd咋~~(好彩我帶埋上次用淨既80,000yen=6,128hkd咋~)





呢次我地係搭All Nippon Airways全日空(簡稱ANA)09:40既NH912班機由香港飛去日本東京既成田空港~~~~仲係落緊紅雨+雷暴警告架~~~~好驚會遲飛呀~~~



好開心~安排左我地坐兩人一排靠窗位~最鐘意呢隻坐法~又有窗睇~又唔使同人一齊坐~




好野~~~超準時地起飛呢~~~~~好彩無受影響咋~~~對於ANA...我可以話有一千萬個熱愛....我應該係第三次坐ANA架喇~~~每一次我都坐得好開心架~點解~不外乎都係哥個原因!!睇下天氣幾差~~飛到咁高都睇到佢有幾唔好天~上面仲係有一排雲~




又到我搭機最愛時間~填入境表~今次老貓燒鬚~填錯好多格~




好啦~~唔好填住啦~~~先黎Welcome Drink~~~~我飲Lemonade~~~睇下包小食先~~好靚呀~~粉紅色架~~(我唔係好襯會為粉紅色尖叫哥類人~)....仲係全部種類既米果我都愛吃~~~可口的餐前小食~~~~~~




睇睇下戲...拉開窗...wow~好靚~我今次淨係夠時間睇一套戲.....就係佢上既時候我有少少心動想睇既冬日奇緣(Winters Tale)....無時間去戲院睇~睇哂觀後感....華....好彩無俾錢係戲院睇.....好幾幕睇到我想訓...但係哥連法路真係幾靚仔~






我最期待既環節出現喇~~~~搭過咁多間航空公司....我最愛的飛機餐是ANA!!!!!!!!!!!!餐飲要了紅酒溝百事~~~(淨飲呢隻紅酒唔係幾好飲~溝左百事成件事變得好有品味~~~~)...今日既午餐餐膳係小蝦仁和魷魚咖哩~~~~仲有d醃漬物好好味呀~~~~冷麵夠哂凍~~~好好味呀全部野都~~~~連毛寶都食哂成個餐~~~~~~~個餐永遠都咁靚~~~~




比想像中快到喎~~~~15:00就到左東京既成田空港喇~~~出發前都有哂心理準備~~~日本天氣都唔係大晴天架喇~~~我但求佢唔好落咁大雨就得架喇~~~~




好好笑~由於我地係坐機尾.....我地怕要排超耐過關...所以我地一落機就採取競步方式去前衝(咁早起身就唔好做咁多劇烈運動啦~)....希望可以唔使排咁耐隊.....點知我地既行徑好明顯俾另一班香港既後生仔發現.....搞到大家不停比賽鬥快.......(好無聊呀~~~~~)....最後.....咪睇少阿姐.....最後我地贏左~~排得前過佢地~~(真係好無謂......).....今次過關都真係幾多人....同上次比差天共地..上次3分鐘過完關...今次用左成25分鐘排隊過關~攞埋行李..過埋海關(今次又真係有打開行李喎~~個關員打開毛寶書包見到兩隻Simpson公仔...噴笑左一下~)




好喇~出左禁區(我地係Terminal 1)......見到鐵路字樣就搭扶手電梯落去就岩喇~今次我地揀搭Narita Express(即N'EX)出市區~(有邊次唔係?)....一落去左邊就見到JR既服務中心喇~






掛緊隊既時候就會有人埋黎問你去邊個站...好彩姐姐講流利英文~~記得出示你既護照呀~~因為依家搭N'EX由機場出市區持外國人護照有半價優惠(此優惠只限成田機場出市區..不包括市區去機場)...只需1,500yen=114.9hkd(原價3,020yen=231.3hkd)就可以出到市區喇~~~平成半呀~~~好抵搭~~(不過無左連埋SUICA個優惠喇..因為對上兩次係呢度連埋買既SUICA卡會係外面無得買架...日本人都無~外國人獨有卡款~)




今次我地又係撞唔岩時間直接搭去池袋(Ikebukuro)....如果要直接N'EX去到池袋要等多個半鐘...梗係唔得啦~~~搭到新宿(Shinjuku)再轉山手線快好多~~~好啦~~出發~~~(呢張飛包埋池袋出不用補飛)






就係搭緊N'EX出市區時...毛寶就幫Simpson父子錄製呢段短片喇~~~好精彩呀~~~~Homar車住佢阿爸踩車踩得超快~~~(事實上呢段短片錄左超多次~~~因為佢地兩個成日打橫反車~~~~~)

呢段片應該要攞奧斯卡最佳短片~~配埋d音樂超生鬼~~




野~~~
Ozil真係好人呀~~
將佢係世界盃度d冠軍獎金...
唔係買野獎自己~唔係買野送俾女朋友~
係捐哂俾打緊仗既加沙...同11個係巴西要做手術既小朋友~
真係有一顆善良既心呀~(就黎佢放個屁我都話係香架喇)
人心地善良....唔怪得外貌咁帥氣~
我好想買佢件德國隊8號波衫
大家知唔知邊度有得賣呀????



2014/07/18的開心事:
今日少左野做~個膊頭無咁痛喇~~
yeah~~~~~



報時:距離沖繩陽光海灘海鮮自駕遊之旅2014仲有---70日~

62 則留言:

  1. 你真係抵錫,去街前都出咁大段blog,我一定繼續支持你^^
    好amazing嘅奇遇,話時話做咩加副眼鏡比毛宝呀?? 不過又幾有趣喎:)
    套simpson短片正到痺,超讚!!!!!!!!!!!!!!

    回覆刪除
    回覆
    1. 乖呀le~記得要成日黎睇我呀~
      真係幾amazing~佢自己整架~唔關我事~
      要讚下毛寶先~

      刪除
  2. 段奇遇幾浪漫.
    "咪睇少阿姐"......笑屎,阿嬸貼切啲
    oce捐哂俾巴西,助養23人,冇俾加沙,澄清咗.

    回覆刪除
    回覆
    1. 浪漫有屁用~細過我既~
      我有諗過打阿姨...但係我覺得過左火位囉~都係阿姐貼切d~
      有呀~我有上網睇左喇~
      總之~佢都係幫人~都係有善心~
      但其實我上網睇到有人話佢....就係話佢點解唔捐俾加沙喎....好可憐

      刪除
    2. 係唔分年齡嘅
      捐都要俾人講,痴線

      刪除
    3. 咁你又岩喎~~不過無contact~
      唉~人紅自然俾人話~呢d叫樹大招風~明既~

      刪除
  3. 我以為你會帶炳門去旅行^.^

    回覆刪除
  4. 蝦~~你個男神又幾有內涵㗎播,但係佢個樣依冧唔到窩~

    回覆刪除
    回覆
    1. 蝦~~你個男神又幾有內涵㗎播,但係佢個樣依然冧唔到窩~
      你同毛寶成日都有奇遇!好正話~
      日本2014day1 part1已經咁精彩,好期待呢~~~週末愉快^3^

      刪除
    2. 係架~佢好好人架~不枉我咁鐘意佢~~~

      刪除
    3. 今次呢個奇遇真係唔錯~每次去旅行都有特別野~
      哈哈~~如果後面哥d你覺得唔精彩咁我就慘喇~~~我唔想令你失望~~

      刪除
    4. 今日係我最梅嘅一刻見到你,好開心,已經係今日最精彩嘅毛聞了~~~
      冧唔冧?

      刪除
    5. wakakaa~好衰架~~氹人既~~~~冧呀~~

      刪除
  5. ANA 除左d野好食之外, 佢d空姐都超有禮貌架~

    回覆刪除
    回覆
    1. 咁比起其他既airline係好好多既~

      刪除
  6. 睇完第一篇,又要等到星期一先有得睇啦...
    妳哋嘅偶遇好...正啊!
    兢步個part好搞笑啊...如果我要咁做...我男友一定睬我都傻啊...哈哈

    回覆刪除
    回覆
    1. 到喇~依家星期一喇~有得睇喇~
      哈哈~~~~確係幾奇的~
      野~~~~~~~咁人地想快d出到去嘛~~~~~最緊要競步~

      刪除
  7. 一出發就撞到位靚仔,真係好搭晒糖啦~~
    套片好正呀,剪得好好所以唔覺有炒車

    回覆刪除
    回覆
    1. 最弊實細過我呢~~~
      因為係instagram度影架~~所以可以唔岩就番轉頭影~~

      刪除
  8. 睇妳去完澳洲、成隻手臂都圓碌碌啦~~~哈哈哈

    回覆刪除
  9. 你可能唔知道了, 德國有很多土耳其移民, OZIL就係其中一個德國土生土長的土耳其裔人.

    回覆刪除
    回覆
    1. 我知呀~我知佢係土耳其裔架~我咪佢d料咪得好熟架~

      刪除
  10. 真係服左你地,仲有帶埋座駕去拍片。雖然泥鯭的收得你地貴,但除開平過機鐵,咁就算啦。

    回覆刪除
    回覆
    1. 哈哈~~係呀特登帶架~~~
      係呀...算平左..咁就算囉~

      刪除
  11. 有時去旅行就係講緣份,世界咁大又會遇到!真係好開心架

    回覆刪除
    回覆
    1. 係呀~仲要係一個對我地黎講咁特別既表演者~

      刪除
  12. 終於出日本篇,比你早過我篇西葡少少添。哈哈,你哋係咪6月22日岀發㗎?ANA啲餐唔錯喎。你講開Suica card,我哋08年喺東京買嗰張,原來可以喺關西用喇(都好驚10年唔用會作廢呀),所以嚟緊大阪之旅,又可以用嘞。如果你會去關西,記得帶埋喇,方便好多。

    回覆刪除
    回覆
    1. 你話七月尾嘛~~~~梗要快過你~~~
      係呀~~622呀~~~佢d餐真係好正~
      下?!依家可以係關西用架??我之前都唔得架喎~
      咁幾好呀~~幾方便~~

      刪除
  13. 叻叻,咁快就出日本行,抵錫.
    其實每日每而天我地都有機會遇到有緣人,人生巧妙就在其中喇!
    上次你問我女女現任男友點?我到伊家都未見過喎!

    回覆刪除
    回覆
    1. 我好勤力架~~~
      緣份呢樣野有時真係好奇妙的~~~
      唔通今次哥個又係咁....所以佢唔敢帶俾你見....

      刪除
  14. 「搭4點鐘船過香港」,要好早起身囉。
    「好神奇呀呢件事~」,超神奇喇。
    毛寶「Simpson父子短片」好好笑喎。

    回覆刪除
    回覆
    1. 係超級早~~~~好似成晚無訓過咁~
      係呀~~~感覺好得意~~~
      要讚下毛寶先~

      刪除
  15. my █▄ღVe 好姊妹*゚゚快樂時間過得好快...以是開心星期日呢

    回覆刪除
  16. 毛寶...幫Simpson父子....錄製呢段短片...真係....好精彩...呀

    回覆刪除
  17. 小t, 一排冇過o黎探妳喇, 原來妳已經開工寫日本遊記, 妳真係好快手呀, 我要多多向妳學習呀!
    我下星期就飛喇, 所以過o黎話聲妳知先, 驚妳掛住我呀, 呵呵 ^0^(其實係我掛住妳)
    出發前希望趕多兩三篇easter trip的遊記, 預算寫唔晒, 然後要8月中番到香港先再繼續寫喇!
    個dance show又會咁低調o既, 好明顯宣傳好有問題bor >.<

    回覆刪除
    回覆
    1. 哈哈~~~我近排無咁忙嘛~~~~~咪快快手出囉~~~~
      下~~~你暑假去邊度呀~~~好緊張呀~~~好掛住你呀~~~~
      等我因間過你度坐坐先~~~
      係啦...我睇唔到真係好失望呀...

      刪除
  18. 帶Simpson父子去玩,毛寶又發揮創意啦!跟住會有好多得意野睇啦!

    回覆刪除
  19. 好好睇的遊記 baby成日遇到神奇事 hehehe
    繼續追遊記 yeah

    回覆刪除
    回覆
    1. 每個旅行有點神奇事發生~令人特別容易記起哥次旅程~
      錫錫~baby~

      刪除
  20. 嘩,媽媽好錫你喎,一早爬起身送你落樓,超 warm 的~~
    哈,開心啦,有偶遇,簡直係未出發先興奮啦,幫你 warm up 呀。
    我都好想搭下 ANA,去咗咁多次日本都未試過搭。啲餐好似好味過 CX 好多咁,CX 而家啲嘢好鬼難食。

    回覆刪除
    回覆
    1. 係呀~我都叫佢唔使~佢話話起身陪我~~媽媽真係好~
      呢單野真係好神奇~~好正~~~
      ana仲keep到呀~~~好味~~~~

      刪除
  21. Hi小T,嘩4點鐘船妳咪好早起床岀發囉?香港的士佬好搵笨㗎!上環去機場連行李都是$220咗又咋!而且又坐多唔識㗎人收妳$100至$150就o.k喎!不過好彩撞到個靚仔咋!帶280000Yen 夠用嗎?Simpson父子呢段短片好精彩呀!ANA 飛機餐一定好食過CX啦!bye!!!

    回覆刪除
    回覆
    1. 係呀好早呀
      算囉...哥日咁大雨...錢都係要俾人賺

      刪除
  22. 岩岩睇你第一篇,,,就巳見到你話..距離沖繩陽光海灘海鮮自駕遊之旅2014仲有---70日~..你真係開心,,,一年入面,,,你有半年都係去旅行的嗎??

    回覆刪除
    回覆
    1. 梗係無啦~我只係用好多時間黎寫下blog咋~

      刪除
  23. 救命呀....成件事會唔會太有緣呀,堅誇張!!!!

    我都同啲frd plan緊下年去日本喪買喪食自由行~~~~~~

    回覆刪除
    回覆
    1. 我都覺~本身好眼訓架嘛~~~~之後聽到真係醒哂~~
      wow~~你一定買到癲~~~

      刪除