台灣8天環島遊20100419第二天Part 2(勁曬勁好天~)

今日番左第一堂日文……一放工即刻衝去………其實都係遲左成半個鐘…….覺得…..好難……d字好難寫…..令我成為kawaii妹妹既路……..變得好模糊….哈哈….可能都係變唔到日本妹妹喇……都係做個可愛既澳門妹妹啦~最後一堂手語最後無番到…..因為今堂無野教…..遲d先有證書攞……跑左去食野~



2010-04-19

Day 2—-Part 2(墾丁)

上回講到台灣最南點~一堆烏蠅圍住我地飛~

拿……燕早有出黎影相架~唔好話我虐待佢喇

跟住我地就去左個碼頭度…..我見到有好多白雪雪既…

魚鱗!!!!!!!!!好多好多….好似頭皮咁飄下飄下…好恐佈



其實我地去哥度係為左食飯既….聽講有好多海鮮食~

輝哥呢間書上有介紹…而且仲係最多人排隊~



都ok多野食…椒鹽田螺幾惹味~…花枝又真係幾唔錯~…炒蜆好味好味~…蝦就麻麻地…魚春都好好味~~~~

呢碟魚生估下幾多錢…………….

咁大盤都係五十幾蚊咋!!!!!不過好無食就見仁見智啦…….



之後我地就去坐哥d半潛艇…..初頭都好滿心歡喜

頂佢個肺…..long到仆街….又話風平浪靜…個個都想嘔咁滯

坐完之後成個人謝哂……..落到去係發現完全無野睇….想死…我以後黎台灣都唔會坐…..激死人…..不過未試過….又點知佢咁差….哈哈~



番左去民宿執下野…..第三隻狗狗出現左喇~

係一隻好可愛既小黑狗:]



出番黎五點度…去左食佢地話好出名既小杜包子

我揀左香goo蛋黃包…..佢地話麻麻地好食…我覺得ok喎….我地排隊到我地哥時已經差唔多全部包賣哂……等左一輪…..我地係食新鮮出爐包~d肉汁都幾多喎~bit出黎咁滯~~~上面張相好明顯我係口含住啖包~



食包包食飽之後就出發去睇日落喇…叫關山

岩岩好就黎日落喇~好靚靚靚靚呀~~~

不過我同你講….呢度…..係我見過最多蚊既地方…好恐怖………..諗起我都打冷震呀



係呢度同杯杯影左張好靚婚紗相…咁呀…頂唔頂得順?

其實我覺得幾靚喎….我地成日講…呢次旅行我地兩個係黎影婚紗相…..哈哈~



發現係日落下…睇唔到樣…咁樣影相都幾有feel~

最尾哥張原來有d智障……哈哈….







我覺得…..

呢幾日…..好攰好攰….

係覺得心靈上好攰…….

原來想要置身事外…

並沒有想像中容易………….

情緒大起大落…..

咁樣比起沉重既工作…..更加痛苦

但我諗我會試下搵番開心既感覺

總比繼續沉溺係唔開心之中…..

黎得有意義…..

講得好岩：唔開心埋今晚好喇:]



報時：依家係2010年四月三十號零時三分….距離上海世博仲有—-20日~