哈哈….報告下我d紅包善款數字…..華….港葡紙加埋有成3060呀~(令我諗起一個寶貝既生日)………咁當然不能與經濟超好時衝破5xxx時相比啦…..但咁樣都好好喇….我都可以學曾特首既新春賀年片段話：我地出外辦年貨..發現經濟都係唔錯架~……….係囉….我唔係香港人我都善長打逆境波架!少錢d我咪去d平d既旅行囉……舊年講得咁口響既歐遊…哈哈…咪出年先囉~加上人家又未讀完書書~……….好喇好喇….我今日放工去左攞左d旅遊資料睇睇…係呀我跟團呀……三月尾諗住去韓國……由於第一次去加上今次係同媽媽去既…所以決定左唔再闖江湖喇…..一於跟團舒服d啦俾媽媽…其實我有錢是會去日本的……..依家要打逆境波呀~
講番之前新年d野先呀………
年初一
噢…爸媽都不在家的我就像一個孤兒仔一樣坐在家中……哥日好凍呀…..(不過我還蠻享受一個人在家中)…….中午訓醒後食飽飽就坐係度睇”內衣少女”……噢…新年流流便看了一套爛片呢~…….真糟……幸好夜晚有毛毛球來我家作送暖行動!!!送了很好吃的薑汁撞奶給我呢~
年初二
起身食飽飽後……約了朋友仔去iris屋企打麻雀呢~同毛寶孖份打….每人輸了十多蚊呢~其間發現佢有一隻超大的熊仔..個個都爭住同佢影相呢~大到好似我咁大…..哈哈…..哥日iris仲煎左d好好味牛肋骨俾我地食呢…謝謝iris
打完麻雀之後我地就出番去買m記食…..一路食一路睇新戲呢…..睇左我心目中叫peter pen既畢比特做既奇幻逆緣(The Curious Case of Benjamin Button)……講佢一出世就好老好老…..之後愈黎愈後生哥套…….我覺得都幾好睇….有幾幕我都有d眼仔濕濕架….睇完之後上左小貞屋企搞搞震…..搞完咪去左賭場…….講下戰績先：我攞左五佰蚊出黎玩大小….最後我輸哂……我唔份氣…..攞多五佰蚊出黎一鋪過買大(成世人最勁呢次)…..一心諗住一係win番哂輸哥d…一係硬輸一千蚊今年我都唔入賭場!!!!最後好彩都俾我買中….我仲放下一句…how smart i am~…….引得莊荷小兄弟都偷笑….最高位仲去到win四佰蚊架……….但係輸錢皆因win錢起…….最後又倒輸三佰蚊離場~~
年初三
去左karen屋企拜年(無錯我地係赤口去拜年)……..之後最開心係佢屋企睇左家有囍事(係92吳君如哥套…….笑到碌地)…….計計下…….套戲有成十八年……但真係好好笑呀~~之後去左媽閣前地d年宵睇下野咁……..karen買左個大風車……咁我地梗係跟影相啦又唔使錢………
及後又約埋小貞去左漁人碼頭食和花亭行左陣花市……
之後又行番去星際博多鋪……用二佰蚊做本玩大小…..本身win番噚日輸哥d…..仲win多一佰蚊…好可惜都係哥句”輸錢皆因……”…….最後輸二佰蚊體驗價離場….算啦算啦一年一次咋……
大家有無發現……..我年初二同年初三都係著同一件衫呢??因為無人係屋企嘛……咪偷下懶囉….哈哈
今晚係屋企食牛扒…..好開心….今次唔錯
我個xx表姐在偷睇我寫blog~
沒有留言:
張貼留言