鮨玥

上星期日...打完風落左成晚雨...朝早起身就衝去做核檢...點知我又揀錯地方做勁多人...仲要落住大雨室外位等我同毛寶都成身濕哂...襪都濕埋...最終1小時15分做完...了到個喉極痛...去左文華東方食..因為想有停車場有瓦遮頭唔使再濕身...疫情lounge無開...唯有上2樓...但無set食...得單點...食物水準比set差.....番到屋企我只想沖個熱水涼同訓個晏覺獎自己...夜晚在家吃.....上星期一...中午去左郵局攞香港寄過黎既應援包...爆勁大包!爆勁豐富!好開心~...下下下...又有颱風....好驚呀..係咪我買左熱浪就會打唔成風?!....但今日放工超級市場爆夠人我攝唔到入去買...由於唔想排隊懦夫既我去左7仔去買左兩支水....然後又嫌貴無買熱浪......保佑港澳呀!!!...食飽飯又去左攞souri~~~新出既馬德蓮系列我期待左好耐!!!....攞之前同個中同bws黎左個第一次娃聚...好開心~~~~跛仔同winnie見到其他兄弟喇~~~~.......上星期二...我懷疑個風迫近....噚晚開始頭赤赤~....中午又SF收到個應援包~~好開心~又係好靚~今晚宣佈左會10點掛8號....希望快來快去啦!....上星期三...訓得好差..覺得自己醒左100次咁...以為醒咁多次接近清晨...望下個手提...先3點幾...然後訓唔番....再訓番到鬧鐘響...上網睇話8號風球在早上維持...咁我可以再訓了....10點醒左...颱風餐係半份芝士辣魚治半份魚鬆治....fika既甜食係前日去攞既souri madeline~~我覺得以咁遠運黎加上擺左幾日黎講佢質感好過好多本澳既舖頭...口味上黎講甜左少少~~但黑芝麻味既London Fog我覺得很可以~~~過多陣睇氣象局話8號波在下午維持...咁代表唔使番工了....其實我星期五就開始放自己假喇...星期四重陽假...即係...我開始放假了...放多左一日...唯一唔好係今日本身約左公子晚飯慶生趴...要改期了....下午節目係攞仔仔出黎影應援包XXXD...同埋睇netflix...夜晚在家吃.....上星期四...重陽嘛...公眾假期不出街好了~~中午起身食糭XXXD...屋企附近街市買..都幾好味~fika食埋盒souri~剪偷髮~幫仔仔換塵生衫仔~~做運動~~在家吃晚飯~~....上星期五...仲係放假~但俾樓上裝修嘈醒~中午食左後巷...然後去左揸人地架車遊車河~...再過星皓行下街...夜晚約左唯三大學同學去金殿堂慶生~~多謝~~...上星期六....一早去驗核酸...然後拜老豆(本身上周拜..但打風)...然後去左食念湯舍...single origin飲啡...探臭蜆...夜晚毛寶同我去左慶生~~多謝~~....星期日...早上又俾樓上無啦啦巨響嚇醒...等極澳門作曲人個𡃁仔都未大....醒左就做下家務...在家午餐..fika..又做家務..晚上在家吃~~....星期一...仲放緊假~...不過都早起身有野搞...然後同左3隻小妖去左南湖明月飲茶....然後去左攞buy and ship攞我啲astro stuff~~~..夜晚7公子同我與杯慶生食左兄弟煲~~多謝~...星期二....喂!我生日呀喂!....勁早起身陪毛寶整野~~中午食左奈和美...兜左轉路環...再去pace飲咖啡...夜晚係屋企老夫人請我食生蠔慶生~~好正...聽日要番工喇~~~.....星期三....華~勁眼訓...今日番工既我勁笨蕉...摸住份表諗緊：我做緊D乜野?XXXXXD.....星期四....一起身又頭痛...妖~~~....落勁大雨開始凍...中午無回家吃...下午忙忙的~唔緊要....明天星期五了~~....星期五...唔知搞乜...一起身就胃痛...但也堅持食麥老當....胃痛了一朝...攤大手板問朗公子攞胃藥...食左好啲...夜晚又痛過....早早去睡.....臨訓前仲發冷....凍到我打冷震....星期六....其實噚晚下半夜已正常番...不過都唔算訓得好好....中午食左度小月....食埋澤賢記再飲埋rethink...夜晚去左探臭蜆~好掛住隻衰豬~~

(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



最近好似無乜好寫咁(其實係懶)...旅行blog提唔起勁去排相加字~(可能心諗寫哂就無所以都係慢慢黎)...都係輕輕鬆鬆寫住野食先~又係鮨玥...地址：澳門巴黎街255號星海豪庭地下AA座...電話：2892 0382.....記得記得~一定要訂位~記得記得~一定要訂板前位~仔仔都有一齊去食呀XXXXXXD點解我D小朋友著得咁型仔~

食就唔止食過一次既~但之前寫食記就好似寫過一次咁大把~(應該都係懶執相XXXXD...有興趣睇番既請按我~(有晚餐及午餐的非常不專業食記)....鍾意坐板前位係因為鍾意聽下師傅既介紹....但賭你彩數....有時感覺師傅心情差差的XXXXXD....今次開頭都好似有D差....但後尾好D...XXXXXXD





叫左清酒set...$488.....如果你唔係特別飲得叫一set 3個人分好了~因為一set有4款...每款有100ml...飲太多我真係搞唔掂~都幾既一set夠3個人飲既話~




揀杯飲sake~




呢度係食Omakase既~乜都唔使揀...淨係講你唔食既野就ok~同我之前有所不同既係...年頭食仲係$1,530....依家已經$1,630/人!!!好貴.....(但就係受不住誘惑...如果我唔係咁為食...以我唔係咁鍾意買野又唔鍾意名牌既性格...應該儲到好多錢~~但人生就少左好多趣味~好彩我為食je~查實都唔個呢段字想帶到咩訊息俾大家XXXXD)



hehe~俾仔仔s嚐鮮先~好可愛呀你地~(好啦快D番入袋唔好阻住為母品嚐XXXXXD)....依家睇番之前篇文原來我都係揀番同一隻sake杯XXXXXD




1.前菜三種：(左起)蝦夷螺..燒銀杏..蟹肉水雲醋......幾好~我鍾意烤銀杏.....但就只係幾好.....無左之前幾次前菜已經好吃得要命既感覺....心裏暗暗想：弊加了....呢度唔會差左架下!




2.白見貝....加上檸檬..鹽..柚子...輕烤過~好味~




3.寒鰤魚.....師傅話呢個季節開始肥美了~好味~




4.平目魚...左口俗稱~佢入面加左山藥~海苔~海膽~魚籽~紫蘇花...本身平目有食過又唔覺得驚喜...但係佢真係配搭得好好味~




5.榮螺....食之前已經聞到牛油味....食落原來就係呢道...用牛油爆炒過既榮螺(爆炒只是一個形容詞XXXXD並不代表真實烹煮方式)....牛油味勁出...我覺得浪費左d榮螺....寧願佢簡簡單單咁加少少醬油燒佢就算~




6.茶碗蒸...入面有海膽..銀杏..蟹肉....極度鮮味!我其實幾鍾意食鮨玥個茶碗蒸!我平時唔鍾意食架...但佢呢度哥個係如果係出面餐廳有單點呢個茶碗蒸我真係會叫黎食~




我好鐘意𥄫呢個盒架XXXXXD因為想偷偷看當晚有乜壽司食~下part食壽司喇~




7.大拖羅...重點：野生級!!....我真係從來未食過野生級既拖羅!!比起平時既大拖...呢舊無過重既油脂油膩感~好好味!




8.小肌.....師傅問我地食唔食得腥...我地答：食得~....佢話呢個叫小肌...重腥味....皮厚...師傅話個皮好麻煩好難處理~食落有少少似秋刀~我覺得好正XXXXXXXXD...外皮好靚好似閃令令咁~




9.黑北寄貝...有名架...叫漆黑の煌星~生於北海道噴火灣...個名好雷~食落好爽脆好鮮甜~加上少少柚子皮~大愛~





10.金目鯛...呢個不嬲都鐘意食~~好味~(不負責任blog主一名)




11.烏賊...上面加少少七味粉...呢個我覺得一般~七味好似有D搶戲~




12.鰹魚...自從去過四國高知縣...食過黑潮名物灸燒鰹魚之後...我深深愛上左鰹魚....真心好食...真心回憶回來了~




13.島池魚...




14.筋子....因為筋子同普通三文魚籽一粒粒唔同...係成塊連住...師傅話成舊食~然後我就見到隔離個食客mark到個口勁大XXXXXD





然後...然後見到師傅攞D令我地好興奮既野出黎喇!!!




15.師傅稱為海膽雪糕既海膽卷.....痴左線咁好味...海膽本身已經好好味!加上紫菜同飯交融....真心不得了!!!!




16.鮑魚....一流!佢地整呢個一向出色!




師傅攞出野生大拖同平時既做對比....望落真係有差~




17.卷物.....用左赤身同中拖做卷身...再加上御富士蛋王醬油漬......天呀!!好好好好好好味!我好少讚卷物好味...但呢個真心一流!




師傅問邊個訂位既...我話係我...佢話獎多舊俾我~D師傅好鐘意咁問...咁一定次次都係獎我喇~因為基本上都係我訂位XXXXD




18.海潮湯...入面有紫菇...北寄貝...黑松露....勁鮮勁好飲...重點好夠熱~




19.甜品....北海道牛奶布甸.....正常野~




20.生果.....此時餐廳響起生日歌....但成場我地係最早開始食既...得我地個party開始食甜品...所以呢.....





係你喇XXXXXXD你又被整喇XXXXXD生日快樂身體健康呀~繼續陪我玩遍全世界~仔仔s都出黎恭賀你~好乖仔~




查實呢餐既老闆係老夫人XXXXD多謝哂~




暫時係澳門...如果食omakase我最鐘意就係食鮨玥(唔計執左既金坂...不過金坂貴得多).....永利間泓就....唔係好岩我口味~









2021/10/23的開心事：
見到蜆豬子~