淮揚曉宴

喂..我好懶XXXD...最近忙緊Brightwin啲自我膨脹既野....隔左3星期先上水XXXD....上上星期日...中午去左食銀河間法國餐廳..但古靈精怪地有其他野食...夜晚在家吃~....上上星期一...好唔想番工~但安慰自己就快放假架喇~....上上星期二...下午爆爆爆勁多野做...夜晚約左Diana食飯~....上上星期三...今日最突別既事...應該係...2gether the movie係香港上映第一場...我心神恍惚左一日....好想睇呀；[....好鄧香港D BWs開心~好似兩個仔擺酒咁開心!....上上星期四....放左工同7公子去食十二春!!好開心!!笑到喉嚨痛!!...上上星期五...下午攞番之前OT一個鐘早走~...夜晚去左金沙城食喜公館~...上上星期六...中午去左食100年無食既文哥...然後去試附近既park coffee....去左ikea買間新屋俾仔仔s(其實只係掛係衣櫃一格格哥啲儲物格XXXD)....再去銀河買戲飛(反正免費泊車我想慳上網買既手續費XXXD)...買完再去奈和美嘆炭燒咖啡~~....遊左陣車河....夜晚再去食海灣~~....上星期日...訓到成11點先起身XXXD...中牛老夫人煮牛尾湯米...fika後做家務...夜晚叫外賣~~.....上星期一....好開心今日放自己假~~但俾電鑽嘈醒....中午食左comma...去左郵局攞野...再去%飲多次啡XXXD....然後去左UA睇007....睇完有少少sad...再去食鼎泰豐....上星期二...好開心!!公眾假期!!!中午食左蘿蔔糕...下午毛寶幫我剪頭毛...晚上叫外賣~.....上星期三...放左4日假番工仲要番早真係好難受XXXXD好眼訓呀~不過唔算吃力地番工~緊奀~然後!!我最鍾意食哥檔麵開番喇!!即食!!!....上星期四...今日都無乜特別~但我又食左我最愛麵檔多一次~~同一款麵~~佢休左成5個月~掛屎我~~...上星期五...2gether the movie會係12月正式在香港上映!!!!我好羨慕呀!!!!!澳門仲未有聲氣!!!!!!!我好想睇呀!!!!!....上星期六...驗核酸後去左Lofi...然後東跑西跑...夜晚去左補吃毛寶生日既天頤~因疫情後關門最近開番~但...我地都覺得差左...失望.....星期日...中午飯後fika後做家務~夜晚在家吃~~....星期一...好多好多野做~~尤其朝早~~~下午好啲~~...星期二...今日容許我自己食呑拿魚蛋三文治做早餐~實在太豐富~做野ok啦~~唔算太忙~期待年尾大假中~.....星期三...我今日獎我自己食麥炸雞餐XXXXD因為我成日睇Mirror賣廣告食到好多汁汁..好脆...所以我好想食~但今日食已經無哂卡~個麥炸雞盒你估下係邊個~係Lan線呀XXXXXXXXD....星期四....無啦啦勁多野做...同事們都在說...因為今日雙十一XXXXXXD關咩事~.....星期五...今日又係好多野做~無所謂啦~都星期五咯~放左工去左新開既燊哥冰室食嘢...然後去新開既英皇戲院睇戲~依家試業有折~睇左永恆族~有人話看後感好極端~一係好鍾意一係話好悶...我又ok喎...可能我幾鍾意女主角~因為之前我好鍾意睇crazy rich asian有佢份做~~....星期六...一早起身..帶左兩隻仔出街影相~中午湊毛寶放工去左食金非!!好味~...然後驗核酸..了到個喉勁痛...然後又到一大堆野~去見臭蜆玩左陣...夜晚去左新開既味賞同凱公子慶生~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~咁呢~華~呢個blog好新好新呀~去左食新餐廳呀...去左倫敦人新開既中餐叫淮揚曉宴~有請仔仔s出場~為左食呢餐~我地特登著靚D架~好紳士呀~XXXXXD......我係佢舖隔離狂望...望下佢有無食左我愛店Chiado個舖位...好彩....Chiado舊年臨時關閉到依家仲未開番...我依家驚驚地....

新裝環境實好~不過好少食中餐環境咁黑~個人黎講成日唔夜晚食西餐原因就係西餐成日都好暗...食到個人好攰XXXXD





餐具介紹我地交俾仔仔s~仔仔s：華華華~好靚呀~....唉呀~佢地平時好作狀咁講英文架~小朋友D中文唔好無乜形容詞~(呢句先最作狀XXXXXXXXXD)....簡單黎講呢兩隻野同老母一樣咁為食同作狀~




叫左個茶飲~正山小種 $60/位.....茶具好靚....又有喻意....但係我嫌佢個杯太細....好快飲哂~佢又加唔切~同埋無乜留意到茶既溫度變化~茶有d唔夠熱都唔知~





睇睇有咩中式cocktail試試先~D名都好難叫得出口XXXXXXD...有個叫無聲細下飛碎雪....




從口味上黎講...我叫左春風十里揚洲路 $98.....唔通因為有杏仁利口酒....所以配上杏仁餅?我覺得咁配黎食又無話特別夾喎XXXD...杯野飲入面仲有自制檸檬草配薑味甜醋....個味幾得意~我幾鍾意~毛寶麻麻~我對仔真係好可愛好可愛<3





毛寶叫左醉揚州...$88.....一般般啦~




由於得兩個人...叫唔到好多野食~所以我地叫Tasting Menu~叫左12道菜套餐...$2,188/位...望落好貴




先上小食...淮揚三小碟：慈菇片...醬蘿蔔...醬肉......都唔錯~我第一次食炸慈菇片~




第一道：淮揚經典冷拼.....1.千島潮鱘龍魚籽醬配伊比利亞火腿石榴包...2.蘇式熏鱈魚...3.冰醉南非活鮑魚....石榴包入面有蜜豆同蝦仁~食落口感幾好......蘇式熏鱈魚外皮好脆...汁好食.....鮑魚都醉得好味~





第二道：蟹肉蛋白文思豆腐羹......心機野...入面仲有D嫩嫩蟹肉!好味!




第三道：金陵鹽水鴨....金陵名菜...介紹時話鴨肉嫩滑...但我覺得係彈牙XXXXXD味道係好既~




第四道：蟹粉清炖獅子頭....食落覺得口感好特別...同平時食既獅子頭勁唔同...平時成口鞋肉....呢個口感嫩滑....但我地都話食落又唔似肥豬肉喎...問侍應...佢話係用黃金比例既黑毛豬肥瘦豬肉...大驚...因為食落一D都唔油膩




第五道：南塘雞頭米炒手剝蝦配千島湖鱘龍魚籽醬...D雞頭米勁似大粒薏米...呢個ok...但又唔係去到出色...(前幾晚發夢對仔俾人綁架XXXXXXD嚇親我...我兒那麼可愛~)






第六道：20年花雕蒸鰣魚....魚上有炸魚鱗....初食覺得有少少腥...加少少紫蘇花好D...同埋唔怕搶味....上網睇先知鰣魚係江浙菜有好高既地位...兩隻手掌咁長已經要500人民幣...可惜我唔識欣賞





第七道：紅燒鮰魚肚配鮮松茸.....係個魚肚入面釀D野入去...濃味汁...食完個咀勁黏....有D膩





第八道：頂湯扣三絲......三絲係筍絲..火腿絲..冬菇絲....清清地都ok既~





第九道：淮汁小牛肉....用上安格斯牛....令我有少少諗起雅吉個慢煮鹿兒島和牛.....嫩滑...加上腌芒果..蘿蔔同青瓜同吃...減膩....呢個份量幾好~太多會搞唔掂~




第十道：翡翠白玉....白玉係冬瓜...用高湯煮...好味~




第十一道：鱔魚焗飯....飯係粒粒分明既.....但好油





下一道明明就係甜品...無啦啦換上新的筷子....正在奇怪之際....原來毛寶事先安排好啦(我又扮驚喜)...呢度生日係送壽麵XXXXXXXXD仲加送太陽蛋XXXXXXXD勁飽~多謝~







對仔咁乖乖...又點可以唔餵壽麵俾佢地食呀XXXXD




第十二道：蜜糖南瓜拼花雕梅子雪葩.....個人飲食習慣...南瓜不可當甜品XXXXXXXXD雪葩花雕味唔出




petit four係桂花棉花糖...又唔係好食得出桂花味淨係食到甜味......唔...我個人認為呢餐幾貴...食手工野...同埋食D我平時唔會太食既魚...口味上可能我食唔慣...我應該只會試一次XXXXXXD




食飽飽係倫敦人行左陣影相~呢度勁似魔法世界~岩岩又同仔仔s衣著好夾~





多謝毛寶請我食呢餐生日飯呀~自費我應該唔捨得試~










2021/11/13的開心事：
見到臭蜆~
同埋同左公子食飯~