天頤 Yí

上星期日...今日係世界休息日~但我勁廢...都係9點幾醒左...起身玩左陣...媽媽煮中午飯...食飽fika...又同仔仔s玩左陣...吸塵前發現個熱水爐個電制壞左....個壞法好玩野...晚餐在家吃....上星期一...今日唔算多野做~放工食飽飯俾我知道左一個消息!!!就係BrightWin既2gether:the movie...係香港電影節上映喇!!!!!!!!!!!澳門呢???澳門呢!!!!!!!我好想睇呀!!!!!!.......上星期二.....澳門今日又多3個輸入關聯個案...心情有啲sad sad地....上星期三....有人生日~所以呢日我地都請左假...呢日仲要係我地兩個今年第一次放既自己假XXXD...我地好夠耐力...9個月都無攞過一日自己假~~去左路環既cafe食中午飯...係路環影影逛逛一日...諗住去下新開既上葡京行下...啲路勁亂好難揾停車場...搞左勁耐先行到入去...但佢本身入面都好多野封哂...算喇..走喇...夜晚飯左棽莜omakase慶祝~....上星期四..中午去左萊斯酒店間葡餐食飯...然後行新開既donki...勁多人...買左啲和牛聽晚食~~去左探臭蜆~~之後買外賣回家吃~~上星期五...中午食媽媽煮既水餃麵~~fika食souri既signature box~~終於捨得開黎食....食左3粒....都係a day with Souri好食啲~~....做家務~夜晚在家吃~.......上星期六...一起身又去做核酸..好彩仲係有澳門居民首次做免費...如果唔係我會勁嬲...做完去食toff~~行盧九同仔仔影相~~陪毛寶睇野~~...夜晚食鼎泰豐~今晚電視做coco...喊到我呀...星期日...中午食杯烏冬...fika食埋最後3粒souri...想哭~今次食清楚..果然跛最喜歡的焦糖味最好吃!!!...食完玩洗洗衣機XXXD好污糟....勁乖呀我...我有做運動!!夜晚在家吃~....星期一...今日仲係放假...突然勁好訓到11點~起身又變天..又有確診個案...仲一日黎3個...又要做核檢...我前兩日先做完......中午去左卡夫卡...食完去左揾win做封面既Esquire hk~買完就番屋企..夜晚在家吃~~...星期二...今日番早...一起身又話多一單...番番下工就被公司告知因疫情要暫時關門...靜哂......跟住放1點順便去做埋核酸先番屋企食飯...今次好快15分鐘搞掂...夜晚也在家吃......星期三....仍在停工中...當然乖乖的留在家中啦~中午食麵包同即沖粉絲...下午睇下netflix同做運動...夜晚在家吃.....星期四...在家抗疫抗到唔記得星期幾...寫blog哥下記得喇~~被樓上裝修嘈醒...中午媽媽買乾炒牛河我食...下午耍廢...晚上在家吃....星期五...無番幾日工...本身今日一開都唔係幾忙既...因為一個人一個意搞到5個同事都好忙......下午清閒番d....夜晚去左食味藏~食左今年第一條晚秋刀魚~好好味~....星期六...一起身...又變天...本身港澳天文台都話唔會掛8號...點知朝早就掛左....同埋澳門又多兩單確診...確診到我無感.....呢日好多野做...要拜老豆要驗核酸...一個8號風球又暫停~留在家發左瘋咁無論幾錢都好想睇到BrightWin個日本Fan Meeting....結果毛寶當生日禮物送俾我~多謝~雖然抽唔中互動~但都睇得好開心~睇完又有少少失落...我幾時先可以見到BrightWin；[....肺炎呢單野幾時完???



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年年頭時~我地去食左次摩珀斯入面既天頤 Yí...位於21樓~電話：8868 3446.....之前都食過兩次...未試過年頭食~

今次坐另外一邊~想睇詳細d既介紹請按我~




點解話未試過年頭未試過食?因為佢係一間無菜單既中式餐廳~而佢官網都無當個禮拜餐牌睇既~好想八下到底中式無菜單料理年頭到底有咩食~~今次個天頤之十二味係"小寒"....呢個係今次既餐牌~$1,888/人




我次次都會叫wine pairing~唔使煩...四款係$888/人...六款係$1,088/人...我通常叫4款...因為我驚6杯飲唔哂XXXD...原來舊年食四款酒係$588....六款係$888...發生咩事貴咁多?




先來開胃餐前飲...叫頤家(諧音"依家"..叫你living in the moment呀~享受呢餐呀~)<-成段野我copy番之前哥次寫XXXD好無誠意~佢每次都唔同既...今次係苿莉花,蘋果,西柚...幾清新~




第一味：Amuse Bouche~




呢個入面係芽菜冬菜蠔仔~好好味~




呢個係鹵水啫喱毛豆...好似食緊鹵水豆腐咁架!!好好味!




Wine Pairing第一款...下!!捽捽眼仔...Dom Perignon?!年份係2008....上網查過大慨係1,500hkd一支...wow~可以試到~太好了~我暫時仲未有資格飲香檳王~




第二味：蟹




頭先岩岩現刨柚子皮~用阿拉斯加長腳蟹~入面仲有哈撈葉(?)..完全唔知係咪咁寫但係咁既發音...味好似紫蘇...上有法國魚籽...椰絲...柚子同柚子皮....用自製薄脆包住蟹肉....wow...好好食呀~~口感好豐富~





第三味：天麻當歸花膠湯....我本身對天麻當歸呢個配搭無咩好感~飲落都ok同舒服~花膠都大舊...如果唔飲當歸...佢會幫你準備花膠雞湯~





Wine Pairing第二款....2019|Alvarinho, 'Primeras Vinhas', Soalheiro, Vinho Verde, Portugal...幾清爽~




第四味：魚




用黃皮老虎斑..用普寧豆醬同雞湯做汁~仲有竹笙~老虎斑好彈牙~好好味~(想起了譽瓏軒的那個魚...55555)....我都好少覺得魚既菜式好食...除左魚生XXXXXXD講明了就係我唔鍾意食熟魚~但呢個好食~




第五味：鱈魚籽





上枱既時候噴上花雕~好香~日本既鱈魚籽~好好味好綿滑~查實我好鍾意食白子~不過好驚激素多~





第六味：鮑魚




選用澳洲青邊鮑~雞湯配唔知咩茶整(我筆記係咁寫XXXXXD...證明我當下聽完隨即忘記XXXXXD)...配上日本大根~清爽~正~





食完海鮮哥part就到清清口環節~有洛神花芝士卷..烏梅雪葩...桂花凍...青木瓜碎....全部都非常清新~





Wine Pairing第三款...2014|Chambolle-Musigny, Domaine Hudelot-Noellat, Burgundy, France...比較淡口~




第七味：和牛




和牛面頰配魚翅瓜絲...辣辣地既味來自四川辣醬...勁夾勁好味~~~~~和牛面頰夠哂軟林林~





第八味：乳鴿





佢其他菜式我都無食過重覆...呢個煙薰香茅乳鴿係唯一既固定...好彩咋~因為我無食過任何地方既乳鴿整得比佢出色!真心香....而且唔係淨係聞起上黎香香茅味...係食落都有入味~用上21到23日大既乳鴿...又香又嫩又多汁又好味~我有個睇開既講野食既fb page...因為佢又係自費寫食記所以我好鐘意睇...最近佢有講到天頤呢隻乳鴿同巴黎軒既做比拼...佢覺得巴黎軒既好食D....我第一次對佢既食記持相反意見~我覺得天頤係天菜....巴黎軒哥隻真係............果然口味既野一百個人有一百個意見~





第九味：菜






個汁係黃瑤柱羹...菜係澳洲菠菜苗配日本大根...左邊係脆腐皮包住既金蠔同蝦膠同發菜...應哂當時就黎新年做節咁~





第十味：飯....好少讚炒飯好味...呢個用上馬糞海膽...臘味..20年菜甫...珍珠米炒既炒飯真心好食....炒得夠乾身夠粒粒分明...味道層次又豐富...連平時去食飯唔會叫炒飯食既毛寶都讚好食~




Wine Pairing第四款...2011|Riesling Spatlese, 'Wehlener Sonnenuhr', J.J. Prum Mosel, Germany....可能下一味係上甜品~所以黎款甜身d既酒~




第十一味：燕窩




可選熱或凍食...我揀左凍食~仲有桃膠同9年蘭州百合~哥羹燕窩都幾有氣派~而9年蘭州百合係唔同D架喎XXXXXXD隻味好似特別清甜特別爽XXXXXXXXD






通常上完甜品就會黎料!!!生日快樂呀毛寶媽~雖然幫佢帶左眼鏡...但仍然掩唔住佢既笑容~










後面個龍身影落都幾帶氣派既~




第十二味：天頤美點




上美點時通常配埋杯茶俾你~今次美點係紅豆板栗小籠包...日本淡雪杏仁糕...好憎甜既小籠包...仲要係我好憎既紅豆同栗子XXXXXD...我真係講唔出話好食...成口野...個人口味問題~杏仁糕ok~




拿...係貴既~但係長輩們覺得開心既話...我同毛寶都覺得值得了~好彩有cod張會員卡最低級都有9折...真心大器~折左成千蚊~好多謝你呀cod會員卡~




臨走時見到...餐前飲品隻12生肖杯...有售??有人會買??XXD

本身上兩個禮拜毛寶生日會再去食....點知又一個疫情又暫時關門....到依家都未開番；[

2021/10/09的開心事：
隔住個mon見到新鮮既跛同Win<3