我的生日會2020＠鮨玥

有無好掛住我呀~無事無事~我懶咋~~~~上星期日....中午媽媽煮麵....休息左成個下午...夜晚約左兩個神秘團友去taipa cafe飯聚......上星期一....訓到12點XXD...中午媽媽買左好味烏冬我食~....夜晚痴痴貢....上星期二.....中午食鮨玥~(即係今日出Blog講既呢間餐廳~)...哈哈~試完夜晚就想試中午~覺得午餐都唔錯~性價比幾高~多謝老夫人請我食舊曆生日飯~(新舊曆都係同一間慶祝XXD)...然後毛寶請我地去文華東方飲啡~...啡後又去gorilla購物XXXXD...晚上在家吃~.....上星期三....中午去左食路環橋記~然後去左新濠影匯玩VR....$215/人任玩兩小時.....玩左13個遊戲....不過玩完VR好反胃XXD....夜晚去左大脾家開蠔仔趴~~.......上星期四...中午食左富壹.....下午試左間新啡...剪頭毛準備番工....夜晚痴痴貢......上星期五.....中午食左潮興隆...好耐無食~下午約左3隻小妖去風雅廚飲下午茶...再去行龍環葡韻...再去食鼎泰豐.....3個星期大假放到最後一個工作日喇...嗚嗚~.....上星期六....中午自煮牛尾湯米(梗係罐頭啦XXD).....下午做左4個半鐘家務...又除塵又消毒又換床單....好攰~下午茶係叫外賣....兒時好鐘意食既冷撈~~係同一間叫埋關東煮做夜晚既餸~~~~為左紀念我將離去既3個星期大假....我決定今日唔出blog~~(懶就懶啦XXXD)......星期日....噚日做哂家務今日可以盡情耍廢~....中午食自己夾既包....fika....再耍廢~~呢兩日係Netflix追左套短劇Dash & Lily~都幾有聖誕氣氛~輕輕鬆鬆咁追完~.....夜晚去左食長腳蟹慶祝毛寶爹娘既結婚周年~~~.....星期一....wow~無番3星期工.....但我覺得我好犀利...我完全無唔適應~仲覺得好快到星期五~不過噚日開始頭痛...噚晚好難好難先訓到....喪搽油震痛...今日都係陰住陰住痛~....星期二...個頭繼續陰住陰住痛....但起碼噚既訓得好少少喇~.....星期三....清晨6點極頭痛...放工去左開公子生日趴...食左開番無耐既風味居...但....唔好食囉.......星期四...今日仲係有少少頭痛...不過已經好過前兩日~快D好番啦~聽日周五喇~........星期五...喂...今日終於好番少少...但好似番工有啲集中唔到咁~放工食左柏~......星期六...訓左成9個鐘~中午突然又衝左去食Lofi~又俾我有幸有位同叫到最後一客炸雞飯喎~....毛寶送左個聖誕花環俾我仲幫我掛好埋~~我屋企依家有d聖誕氣氛喇已經~~~~~~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又講下我今年生日去左邊度慶祝先~感覺上呢幾個禮拜都係出生日飯既blog咁~無辦法啦~我預左未來一年都無得去旅行(台灣都要2021年第四季先保守估計先開關....何況其他地方回澳唔使隔離)....D旅行blog真係要慢慢出先得XXXXD....好喇~講左老夫人請我既生日飯先啦~我揀左試鮨玥....地址：澳門冼星海大馬路300號...電話：2892 0382....記得要訂位...都幾多人食~

呢間係食日式omakase既~建議預約時講明坐板前位~因為唔係板前D壽司會一次過幾舊幾舊咁上...差咁D~呢間其實開左好耐...但又係一直都無去試~因為唔知點解D評語極度參差~咁即係唔穩定啦~(我唔想佢既唔穩定令我覺得浪費錢).....又過左年幾喇...最近睇page話佢幾正...加上神秘團友最近食過話覺得好食...咁...去試下咯~

唔想坐唔係板前既位~一黎食既節奏差哂~二黎要剝鞋坐~好煩~.....板前位得13至14個~記得訂位~(無房)




晚餐得一個set dor...$1,530/人....中午set就有兩款揀~




食好野又點會唔飲酒?我地本身諗住單點...但侍應妹妹同我地講有wine pairing~佢sell係師傅配好哂上咩料理配適合既sake之餘.....呢set野每款sake有100ml....我地3個人其實share黎飲都夠......呢set sake pairing係$488....除3每人才$163...都幾抵玩~叫黎試試先~單點一支200ml既sake最平都要$278....依家俾$388有400ml仲要有4款試~何樂而不為?




仲有杯揀<3......(但呢度服務有D參差....長serve我地哥個我覺得幾好禮貌~但呢個俾杯我地揀呢麻麻...疑似拋隻杯落枱俾我地....感覺唔好)




第一款出場既sake係來自岩手縣既南部美人 天惠 純米大吟釀...個酒樽好靚~




我揀左呢隻杯~




毛寶揀左呢隻遇溫差會變色既杯(其實佢唔係想揀呢隻XXXD佢只係多手指一指想話俾我知呢隻杯會變色....點知人地誤會佢想揀呢隻~唯有將錯就錯咁用啦~)

好~飲杯先~痴呀時~




好~開動前俾大家睇埋成組餐具先~




serve我地既師傅係來自日本北海道既....無話佢整得唔好食....但就無野同客交流淨係俾牌仔你睇你食緊咩~介紹由侍應講~全程個樣好似黑緊面咁XXXD(其實可能因為戴左口罩)....另一個師傅就講流利廣東話~(聽講係老闆)




來來來~要上菜了~1.前菜三種-鬼爪螺,水雲醋漬,昆布卷白蝦




水雲醋漬正常發揮....昆布白蝦卷好好味~仲有呢個我真係聽就聽得多~但第一次食既鬼爪螺....佢個名真係改得好...勁似佢外表....鬼爪螺用左白灼既形式....一入口...唔~~好濃味既海鮮...只係用白灼都好濃味!個味有D似蟹肉!(有無人咁覺得呀?)




之後到刺身三種盛り.....2.粒貝....師傅應該唔識中文....向我地遞上刺身時俾牌仔我地睇...牌仔寫響螺....日本同港澳地區叫法唔同~超爽口~加上加左少少鹽花個味變超出~好正~(又令我諗起台中間豪軒)




3.鱈魚白子...配上辣蘿蔔蓉..菊花瓣同蔥花...上網睇最高級既白子係河豚白子~




之前有講過係魚既精巢....第一次食好似係同媽媽兩個人去舊築地哥時....因為語言唔通....自己估估下之下打漢字問師傅係咪白子...點知撞中~雖然講落你點會諗到要食魚既精巢丫....但我其實覺得白子幾好味...食落軟軟好creamy...鱈魚白子口味都幾濃~(外型像腦)...加上酸酸地既汁~好正~





4.原個馬糞海膽




原個既海膽...一放低就已經感到興奮!超好味!(怎麼一直在吃海洋的生殖器官)





第二款出場既sake係來自山形縣-出羽櫻 雪女神 四割八分 純米大吟釀




刺身部份完~到溫の物二種.....5.炭燒目光魚.....超級香....有少少油脂....有少許鹽花點綴剛好!...好好好好味...3個人一致讚好~旁邊既炸銀杏也超好吃的!我第一次食呢種魚咋~毛寶話呢條魚令佢諗起起四國哥次....我地第一次住溫泉旅館係爐邊烤哥條魚哥個感覺~(四國爐邊烤魚傳送門)





6.炸鮑魚...下面墊底有鮑魚肝醬...都炸得恰到好處~但又唔夠頭先哥條目光魚咁打動到我~目光魚觸到我心靈深處~





食完溫の物二種到...7.蟹肉羹茶碗蒸....入面仲要有海膽!!個茶碗蒸都唔錯地好食!





到第三款出場sake來自三重縣-作 雅乃智 中取り 純米大吟釀




見到有唔同款既sake出場即係食另一款野~黎到我最期待哥part喇~就係壽司、卷壽司、玉子共十件~




隻壽司碟都幾靚~但可惜D薑唔好食XXXD




8.牡丹蝦壽司....上面仲有蝦頭整既蝦膏醬~~好好味呀喂~





呢間都建議用手食壽司~有濕紙巾抹手~咁樣食令我想起了金坂~壽司都調好味~唔使再點豉油食~




9.釣池魚壽司....淡口...我仲覺得有少少腥~另外兩位ok~我麻麻呢件~




10.文蛤壽司....好味~




11.北寄貝壽司....好味~




12.海膽壽司......好好好好好味~




13.皮剝魚壽司...配上少許蔥花好好味~




第四款出場sake來自愛知縣-釀酒人九平次 純米大吟釀




再來~好有氣勢呀~






14.釣鯖花魚壽司...由於灸烤過...超級的香~呢個師傅整完直接交到手中~塊紫菜都好好食~




15.大拖壽司~~~我的愛~無筋~油脂香~好好味~




16.卷物....忘了內餡係咩....但係魚子醃漬得好好味~碟靚~





17.煮蠔散壽司.....蠔好好味~





18.お椀....好夠熱既菇湯~好香~





19.生果和甜品....甜品牛奶布甸麻麻~我整既好食D~XXXXD




3人份之生果盤XXXXD多謝哂XXXXXD(其實一早知有)




仲要一路行出黎一路播生日歌XXXD多謝~多謝我親愛的娘親請我同毛寶食咁好味既生日飯~(同我哥張合照老夫人好精靈好可愛)....生日願望我希望我同我身旁兩位都身體健康~





20.お茶....黑豆茶~食飽飽飲好舒服~




多謝老夫人XXXD好貴~生日先捨得食~但真係好食~




由於我話夜晚好好食....好八卦好想試埋中午之下......係我舊曆生日時老夫人又請我黎食XXXXXXXD....我地3個人都係揀左和set....$520/人呢個set~佢午市相當爆...想食記得早D訂位~(閒日都勁full)





由於有人唔飲得酒~所以我同媽媽今次無叫wine pairing哥個~就單點左200ml既sake來自愛知縣-釀酒人九平次 純米大吟釀....上次wine pairing第四款出場sake....200ml係$378...所以上次wine pairing真係好抵!!





1.前菜....沙律狀既野....正常野~




2.海鮮蟹肉沙律....都幾多蟹肉下既~下面係好似D越式春卷咁既~都幾好味~





3.海鮮茶碗蒸....佢個茶碗蒸D蛋係蒸得幾好味既~不過梗係晚市哥個正D啦~晚市有蟹肉有海膽....午市就係蜆同蝦~但都好食既~




我地坐同上次一樣哥3個位....但師傅就唔同左~換左上次係另一邊既本地師傅~




4.季節刺身拼盤3款....晚市都係3款刺身...但就一個個上....午市就一次過上哂~有白子...白見貝同平政魚




師傅俾我地既指引係先食白子...配上酸汁...好味好味~




再來食白見貝~(原來即係象拔仔~)....爽!鮮!好味!




最後係平政魚....我記得之前都有食過...但食落好像怪怪的...毛寶：好似有陣泥味咁?.........係喎...泥味喎.....我麻麻呢個




然後就來廚師發板時令壽司8款.....換上講廣東話既師傅...成餐飯都活躍起來




5.魷魚壽司....上面加左海膽...魷魚部份加左D鹽同青檸...呢個ok...但未到好好~薑依然不好吃~




6.秋刀魚壽司....心心念念的秋刀<3...秋刀陣味真係唔識形容~好鐘意~D魚皮既銀色好靚~





師傅見我喪影相於是狂擺鋪屎俾我影...影後我叫佢chok D放件壽司落黎...佢仲加埋單眼XXXXXXD




7.拖羅壽司...來自高知縣的拖羅...無筋..油潤..100分...(用油潤好似好核突唔似讚緊佢咁)





8.帆立貝壽司....加左鹽...柚子皮...青檸....調味剛好...新鮮...係好食既~師傅透露如果叫平哥個set係無咁大隻帆立貝的~....不過最好吃的帆立貝....仍是台中的豪軒XXXXXXXXXD




wow~到灸燒壽司類了~




9.灸燒寒鰤壽司...加上九州特產既柚子胡椒....一口魚油香~棒~




見佢攞成板海膽出黎就想影~知道有人影相還擺V XXXD.....我話：狗仔隊想偷拍你都難XXD




海膽壽司直遞你手~




10.北海道海膽壽司....無紫菜包住...只有海膽和飯融合...好浪漫好好味(其實同浪漫無關)




咦~又來灸燒款~




11.灸燒鯖花魚壽司....入面加上紫蘇...薑...芝麻同鹽....勁出色!





12.壽司散飯....有蟹肉...三文魚籽...海膽...同灸燒左口魚邊~好味~




13.玉子燒....見到玉子燒就知壽司部份要完了...好味~




14.手打稻庭烏冬配熱魚介湯...查實已經飽到上心口...不過好彩...個烏冬其實係得咁多架咋XXXXD.....老實講我麻麻魚湯...但呢個魚湯著實很好...鮮甜唔腥...夠熱...食完壽司飲好舒服~




15.水果拼盤....全部都狗屎屁~全部都唔甜XXXD




3人價~相比起晚餐....雖然晚餐多兩個熱食...刺身分開上同埋料再靚D....但係每個人頭多1000蚊....呢個中午set真係真係性價比幾高~難怪中午都咁多人食~(但我覺得唔可以番工中午黎食囉XXXXD食左成兩個鐘...佢只開星期一至六...如果唔係閒日放假建議約星期六中午食)......師傅話逢星期二同五番貨~自己訂位時識揀啦~我已經諗定下次食既時間XXXXD又諗住再叫我媽請我XXXD









2020/11/21的開心事：
好開心黎緊既星期二有濕爬網上演唱會呀~~~~~
好耐無見過佢地喇~~~~~
雖然唔係現場~~~
但我會係屋企出力地叫~~~~~~~~
濕爬~~~~~~~~~~~~~~~~~~~~~~~~~~~~~~~~~~~