狂歡三寶台北快閃瘋食之旅2019-06-09第三天(天晴)

星期日...中午起身整麵包食嘆啡...好似去左外國食早餐咁....做左少少家務....下午就休息休息...夜晚在家吃...星期日完全唔想出街......星期一...番工下雨~今朝忙忙的~又做碌碌又夾三文治(工序既代稱XXXD)....下午又閒一些~.....星期二...有人生日~我也一起放假~但我是廢柴...放假先頭痛XXXD...悠閒地過左日~~~呢日....係我今年第一日放既自己假....我地係點樣忍到9個半月都無放過自己假XXD......星期三...起身仲係有少少少少頭痛...順利完成工作日....好開心呀連放5日假~~~...放工同左姑媽去食泰國餐慶中秋....食食下落極爆大雨!香港仲黑雨!......星期四...中秋+國慶!!....都唔使旨意出面啲舖有開....貢左入酒店lounge食...如果呢晚唔出街我情願留係屋企食中午~夜晚毛寶爹娘請我同老夫人去食南湖明月做節~多謝哂~.......星期五....放假~在家整冷麵吃~下午做家務~夜晚吃左taipa cafe~好開心天團合體~講番之前去旅行D野真係好開心~......星期六....今日食日本豆皮杯麵~加左隻日本溫泉蛋~仲有平時係日本街頭販賣機成日都會買既熱辣辣栗米湯~當自己去左轉日本啦唯有~下午寫下blog飲下茶~好開心~夜晚痴痴貢~



2019/06/09
Day 3(台灣,台北 Taiwan,Taipei->澳門 Macau)早呀喂~今日要走喇~又係勁好天~




呢日得一個活動~就係食一個Bruch~XXXD...揀左呢間當時既網紅店Les Piccola~地址：台北市大安區金華街164巷5號....可以係佢網頁訂位~





係一間餐酒館~




等候入座區已經咁靚~已經要喪影!呢張係我地狂歡三寶既合照黎架~搵唔搵到我地呀~




吧枱位好靚呀!




我好鍾認透光度高既餐廳~食落個人好精神架~難怪D網紅咁鍾意黎呢度食飯影相~








訂位時要求坐窗邊位~餐牌面甩哂色....話哂網紅店...好心print過張啦XXXXXD




以為有好多野揀~但原來有D係只到5點.....有D就晚6點先可以點~





軚泰的海鹽焦糖拿鐵....NT$160=41.1hkd




毛寶的Black Tea...NT$150=38.6hkd




春天的玉米濃湯...NT$160=41.1hkd....唔...無咩特別~




招牌洋蔥湯...NT$180=46.3hkd....講到招牌害人家好期待~都....唔錯既....但....有好多地方都可以做到咁上下~




蕃茄和牛牛尾手工麵....NT$320=82.3hkd...佢寫住係home made既....麵質確係不錯~味道也佳~...會係我想回頭再吃的菜式~




但轉眼又黎左我地叫既招牌海鮮燉很多飯....NT$360=92.5hkd....見到同個意粉一模一樣既色...有點不安.....食落...就是差不多呀~不小心點到同樣口味的飯麵~(沒有喇~就想吃吃別的味道...一餐中不想吃到飯麵都是同味道~)....其實張餐牌就得5樣飯麵...都可以整整不同味啦~




招牌熱烤牛排三文治(+鴨肝)...NT$280+100=97.7hkd...牛排還好...但這個醬汁ok~加上鴨肝~好味~(其實我想食番羅浮哥個...但羅浮疫情黎到依家都未開番；[ )





上甜點了~本人來杯熱美式...NT$150=38.6hkd




主廚特製奶油蜂蜜香蕉起司煎餅....NT$220=56.6hkd....又唔係熱香餅又唔係梳乎厘~係超紮實的熱蛋糕口感....挺不錯~不過一定要同人share~






自家製濃口原味焦糖烤布丁...NT$120=30.8hkd....價錢不貴...但不出色~




呢餐食左NT$2,420=622.1hkd...每人食左207.4hkd...貴又唔係好貴...去影下相囉...食環境多過食食物~




食飽番到酒店哥頭....唔得呀~要食番碗阿宗呀!雖然係遊客野...但我真係鍾意~




買番酒店嘆~叫左個大既3份食~NT$70=18hkd...多香菜真係好正好正~




食飽check out~直接係街口截的士走人~乾手淨腳~截到架大的士~仲自覺好運~個司機仲要唔chur住同我地傾計...太好喇~點知上車....開左10幾分鐘...上到高速公路......我地3個都係坐後座既.....毛寶：喂...你望下倒後鏡...司機隻眼....咁似...梅梅地...想訓覺咁既?.....我：唔會既...卦........然後我地密切留意住倒後鏡...唔係喎!!!有一野佢差D合埋眼!!!架車仲有D飄!!......毛寶：你快D同佢講野!!....我：講乜X野好呀XXXXD..........大佬...就快無命...求其搵野同佢講：大哥大哥~我想問一下~你有沒有包車的服務呀~.....司機即時堅醒哂：呀~有咧~你想去那裹耶~.....我：沒有咧~我想跟家人12月來台灣時想去一下下宜蘭耶~想看看你有沒有大一點的車~....司機：有耶有耶~......我：那有沒有可以推薦的景點咧~可以一家大小都可以去的~.....司機：我告訴你咧~宜蘭超多景點的~....其間我叫另外兩位嘈D俾多D笑聲人聲嘈醒下佢......然後他blablabla的講了6天行程給我......然後狂歡三寶就安全的到了桃園機場第一航廈........這年頭乘客也很難當...看見司機就快睡著自己快沒命又不想鬧司機因為自己性命還在他手上只好自己找話題跟司機聊....但我明明就不想聊天呀XXXXD



好喇~check左in就入禁區...回程行李6.5kg...因為軚泰好似無帶入lounge既信用卡~所以我地陪佢唔入....但唔知點解又肚餓了~唔想入餐廳只好買飯盒坐係閘口食~成NT$380=97.7hkd一個....雖然係雞腿~但肉極鞋~好難食~我地搭台灣虎航IT305本身係17：15由台北飛回澳門...點知航空管制...delay到18：45....第一次坐虎航出現delay...灰....人家聽日仲要番工架~





好啦~又完左一個旅行喇~拜拜~(呢三條友仲笑...頭先差D無命)





總結：
1.使費：1,548.9hkd(機票)+1,042.8hkd(酒店)+4,957.4hkd(食買玩交通)+90hkd(保險)=7,639.1hkd....喂!快閃3日咋喎!咁都咁貴?無計啦~3日都食左3餐好野~係咁架喇~家陣我想快閃食好野都無呢個機會.........
2.好耐無試過以狂歡三寶名義去旅行~好難得~因為想當年....我地3個去日本真係太多蝦碌野XXXXXD我記得自己一手一腳既第一次自由行就係我地3個一齊~我地3個臭皮匠....好像真的沒有一個諸葛亮XXXXXXXXD但D笑料係可以笑一世那種~
3.多謝兩位陪我試左我想試既餐廳呀~我好開心~
4.唔寫台北blog都唔知自己係幾想快閃台北
5.到底全世界幾時先可以脫下口罩舒舒服服周圍去旅行?

~The End~

~多謝收看~

2020/10/03的開心事：
今晚開紅酒P~
聽日開生蠔P~
重點星期一仲係假期~