2020年5月30日 星期六

北非摩洛哥之旅2019-04-27第三天Part 2(晴天)

星期日....去左食toff...之後去左下環街市買海鮮~有基圍蝦~蟹~蟶子~象拔蚌~大蜆~鮑魚~阿媽今晚搵蒸海鮮俾我地食~番到屋企玩毛寶噚晚買晚ring fit~都幾好玩~夜晚食蒸海鮮~個蒸爐底 整左粥~一路蒸一路D汁落落 個粥度~D蝦蟹鮑魚大蜆都好 正~蟶子象拔蚌就麻麻~我地一路食一路飲白酒...唔知點解兩杯落肚我痴左線XXXXXD毛寶明明平時最快醉哥個XXXD但今次佢飲sake乜事都無XXXD我飲醉左不停地拍毛寶:喂!XXXXXD....毛寶 :喂咩呀XXXD......我都唔知喂咩XXXD痴左線.... 最後個海鮮粥底火鍋超勁正~我地仲攞D蟹膏入粥扮我地好鐘意食既台北 合鍋物~(最後D碗毛寶一個人 洗哂XXXD 真慘).....星期一...一早起身周身痛!一定係噚晚既ring fit~諗住咁眼訓叫杯咖啡~我明明係機按左凍美式...最後佢出左green tea latte出黎....靜哂...唯有攞上去請同事飲!中午食左噚晚D海鮮粥~好好味~.......星期二.....今日又無啦啦落大雨...係似打風哥啲雨~......星期三...唔知係咪噚日抺野扭親條筋呢...硬係覺條頸筋好似有D痛咁既?......星期四....番工無咩特別...J2呢日播想見你..毛寶說好看叫我看.....睇完J2第一集就不能自拔上網睇第二集...怎麼劇情第二集就這麼的虐心!!!!!!好想繼續看下去呀!!!!但現在我要睡了XXXXD.....星期五...番工到尾段個膊超痛.....放工去左巴黎人....夜晚回家煲想見你....如果我回到17歲....我想我也會喜歡上王詮勝XXXXD(仕燊...我只是說一下下而已呀XXXD....當然是你比較好一點喇~~你除了帥還會唱歌寫歌~~~~)......星期六...朝早超級勁爆大雨!仲行左好大個雷~wow~嚇我唔醒~起身整台式早餐~食完嘆完啡就開始做家務~今日真係做得好攰...但我又唔係做得多喎~之後去痴痴貢.....之後番屋企睇想見你.....今天 真的很累~


2019/04/27
Day 3---Part 2(摩洛哥,菲斯 Mococco,Fes)

行完El-Cherratine Medersa神學院...再繼續行程~(查實行左好耐~放飯未呀~)





呢日睇得太多~麻左~唔知呢個係咩~




佢錯綜複雜得黎你又唔好話佢喎~有指示牌架喎~




又轉去另一邊~呢邊好似去左以前拱北地下商場咁XXXXD




喂!原來轉入地下商場就放飯喇~~好野~~好L攰呀~~





Wow~又係一入門口之後覺得別有洞天~門口見到又係有貓頭鷹推薦~






首先來六小碟~似Tapas咁呀可~可以夾包食~全部小碟都係蔬菜類無肉的~但幾好食~(包我麻麻~)




主菜~得一味~炖雞...下面有D小米飯...D雞仲有D椰菜一齊炖.....個汁勁好味!雞肉嫩度好過噚晚!...D椰菜又入味....可以當碟頭飯食~真係唔錯~




甜品係橙再加玉桂粉....我第一次見咁樣食(咁當然係我學識淺啦)....加上識我既人都知我勁勁勁憎肉桂味....但本住我覺得:人地咁樣加埋黎食係有D野既!情況之下.....試左先...喂..又幾好味幾夾喎!....我覺得個夾有如芭樂加梅粉一齊食咁~畫龍點晴~(但我依家仍然勁憎肉桂)




食飽飽導遊話仲有20分鐘先上車...可以係餐廳坐一陣或者係餐廳附近行一陣~老夫人同表姐表姐夫舅父都話坐陣算~我同毛寶同毛寶爸媽就行一陣~(因為經過拱北地下商場時睇到有D磁石XXXXD)





D巷好窄~但經常有大推車呀~驢仔呀運野行過~所以行街街都要小心D~





我地都唔敢行太多橫街...直路行直路走...然後行番餐廳~




頭先既收獲~就係磁磚磁石喇~好靚~而且唔貴~好彩頭先陶瓷廠無買~




食飽又行喇...其實我以為已經行完架喇~今朝行左古城咁耐....




俾大家參考一下呢度提供既地圖....算喇好無呀XXXXD




又見貓咪~今次一黎就3隻<3...隻細粒貓好得意呀~






拎轉頭仲見到勁大隻公雞....按佢既體型我覺得佢可以將我殺死~




又轉到另一區...呢區賣香料食品多~仲見到有餐廳用塔吉鍋整緊野食....飄出黎既咪勁似我地D煲仔飯~






再俾大家近鏡睇睇D棗...係咪真係好似一粒粒灘係度既金蠔XXXXD...其實真係幾好食!不過呢個包裝有D難以存放~





好多甜耶耶野賣~







另一區....賣鮮菜生肉~





呢檔除左肉...仲有一樣好恐佈既野賣...大家睇唔睇到?!




俾個近鏡你開估.........成個頭套咁...




行過硬係覺得好吉眼...有野Lan Lan下咁...望真D...賣蝸牛呀大佬~~講明...我係食法式蝸牛既...但生勾勾係我面前成兜咁Lan Lan下我接受唔到.....摩洛哥有個名菜係蝸牛湯...勁啡色既...但係..團無安排飲(可能知唔係個個接受到...街邊哥D我又唔敢試....所以最後無試到)





經過呢邊菜檔位我覺得勁似新馬路某條非遊客橫巷個賣菜位...唔知毛寶覺唔覺得呢?





經過菜檔區就行出番古城喇~好開心完成左呢個歷時3小時既古城遊(唔計食飯時間堅係行足3小時)...但係係幾靚既~雖然佢D巷係幾縱橫交錯既...但佢又一區區咁橫分好又幾整齊~呢個係號稱當地人都會迷路既古城...我總算見識過了~以下送上毛寶於古城影既其他相~睇完毛寶D相就覺得:攝影眼呢家野並唔係我去多幾次旅行就可以訓練到既野黎~

















上番車再去參觀蘇丹皇宮 Dar el-Makhzen





D銅門好靚~聽講摸下銅門個扣會幸福好運~





然後....領隊話俾半個鐘我地....




wow~yeah~wow~yeah~...有得行下家樂福呀~~






查實係俾我地買下飲用水XXXXD因為個團每日每人包一支細水...而水喉水不能直接飲....如果短途旅行既話都係買樽裝水煲黎變熱水飲比較好~唔理喇~都要行下既~見到超市都有棗賣~但呢種好難帶番去呢~




雖然係澳門帶左好多零食去~但係都要補給下既~順便試下人地D零食丫嘛~




呢隻啡菇味薯片不錯~




呢個又硬又難食~




呢個家樂福牌芝士餅非常出色!!出色到...我地之後再去家樂福都買番澳門做手信XXXXXD....(舊年年尾去法國時都見到...哥次反而無買XXXD)




摩洛哥蜜糖好像也蠻出名~但我唔鐘意拎重野~




番酒店坐一陣...係臨食飯之前我地早少少咁多係酒店行去今朝個停車位...諗住影下日落中橙色既菲斯古城~可惜我地等呀等~等到6點3...都仲係未橙色狀態XXXXXD






算了~回程~差不多晚餐~酒店出面種左D靚花~




今晚晚餐係酒店早餐餐廳食自助餐~都多野食~也算不錯~正常野~好過第一晚Sheraton好多~我最欣賞係右上角哥碟哥個鋪滿芝麻既包包!勁好味!!!




講多樣秘聞你知...話說...我地去摩洛哥旅遊時是4月...但係非常極度熱...照道理應該就黎轉秋冬季同我地相反架!理應開始涼涼地丫!....我:點解呢度咁熱架?大佬...都轉秋冬季架啦...非洲都有冬天架.....毛寶未開口....斜望左我一眼....我突然靈機一觸:呀!明哂喇!並唔係所有非洲國家都係南半球架!!我記得上次衰婆去肯雅話有條赤道線既牌可以跨過...即係話!!肯雅一個國家係橫跨南北半球啦!!咁摩洛哥係肯雅上面架嘛!!所以摩洛哥係位於北半球唔係南半球架!佢地既四季同澳門一樣架~依家係進入夏季先岩~原來我地一直搞錯~.....毛寶一臉嫌棄:唔係我地...係你咋...我知佢係北半球架........(你我突然靜了...你有必要咁老實?)...呢個世界真係好有趣~(查實有趣既只是本Blog個Blog主.....睇黎除左攝影眼...智商也不是多去幾個旅行就能培養的)








2020/05/30的開心事:
剪左頭毛~

都唔知點解...只係兩個禮拜無剪
個頭已經係垃圾狗~



報時:距離泰國曼谷揼揼揼之旅仲有---27日~
報時:距離七公子台北帥氣行之旅仲有---130日~

14 則留言:

  1. 每次去旅行都有股行超市癮...然後就買左好多好多嘢XDD

    我細個既時候都成日以為非洲無冬天,全年都好熱:P
    (可能睇得紀錄片多,見親啲非洲人都係無著衫,拎住支箭去捉魚XDD

    回覆刪除
    回覆
    1. 尤其日本XXXXD
      我細個都係咁諗XXXXXD大D先知有冬天XXXXXXD估唔到今次都係咁白痴XXXD

      刪除
  2. 我在外國嘅購物係去超級市場買食物回家,哈哈哈。

    回覆刪除
    回覆
    1. 我都鍾意架XXD睇下人地外國居家興咩XXD

      刪除
  3. 蒸咁多海鮮粥一定又鮮甜好呀........
    熱辣辣天氣仲放小食出黎怕唔怕壞.......
    果度都有家樂福......

    回覆刪除
    回覆
    1. 係呀好好味呀~
      好乾爽~應該...可以既XXD
      有呀...可能因為以前俾法國統治過

      刪除
  4. 玉桂粉咁放法,好多橙都掂唔到...
    沙漠國家好似好易見到貓...
    北非、中東好似有唔少國家係會飲駱駝奶、食駱駝肉...
    家樂福...好似已經變得幾陌生...
    天氣係受好多因素影響,肯雅雖然近赤道,但近海,又有好多地方係高原,反而較涼;沙漠地區預左氣溫變化大,中午好熱,冇太陽時就凍...

    回覆刪除
    回覆
    1. 掂唔到?
      係囉點解呢可?之前去埃及又係‌‌‌~
      我都知會食駱駝肉...但係肉檔見到又覺得好震撼XXD
      點解呀?香港有?
      我真係好低能XXD

      刪除
    2. 可能古埃及人視貓為神的使者,貓又係穆罕默德的救命恩人~~
      家樂福係2000年全線離開香港了,當年仲想以香港做進軍中國市場的第一站...

      刪除
    3. 不過真係太多流浪貓...佢地打交打到傷哂;[
      咁內地唔知依家有無呢...好開心台灣有

      刪除
  5. 我行FES超市時,都買左幾包咖啡返香港當手信. 雖然包裝面好金好浮誇, 但個個飲完話堅正. 估唔到當地咖啡都咁正, 之後我都叫另一個朋友幫我入貨.

    回覆刪除
    回覆
    1. 其實我仲未飲XXXD
      因為咖啡豆我無機磨XXXD

      刪除