北非摩洛哥之旅2019-04-28第四天(晴天及後轉陰)

星期日...起身阿媽煮餃子食~煎餃皇呀!.....下午舅父表妹上黎睇下我新裝修~夜晚食左京都~.....星期一...今日過左第二邊做野~成5個月無做~好彩無驚無險~放工食飽飯就繼續”想見你”啦~~最喜歡李子維似笑非笑既樣...是要把全部少女殺死嗎?....如果17歲時遇到他真係會面紅耳熱XXXD.....星期二....我食飽飯同我媽各自極速跑入房.....為既係咩???為既係李子維呀!!!!我同老夫人講:你睇完一集唔好走入黎揾我呀...你去定廁所等我過黎開下一集你睇XXXXXD...各自睇左兩集後(我快佢慢)...我話今晚唔好再睇喇聽日再睇...點知佢求我開多集佢聽日中午請我食姐姐麵XXXD.....我預計聽日會睇大結局...我有啲唔捨得同我同姓既李子維(看到出我在拉關係嗎XXXXD)....怎麼姓李的都那麼可愛?(我要提提仕燊個名先..仕燊還是在我心中呀...我唔係驚大家唔記得我鍾意仕燊...我係驚我用情不專XXXXXD)......星期三...成日發生咩唔緊要...重要的是我已跑走今晚睇想見你大結局.....好唔捨得就咁樣睇哂!!好唔捨得屁孩李子維...真的好喜歡李維呀XXXD好多粉紅色的夢呀.....post感想上ig發現許多許太太XXXXD.....星期四.....今晚開始無劇追....無左李子維....失落感滿滿......唯有又轉番去J2跟住睇~就像李子維沒有離開我一樣XXXXXD.....星期五....我媽噚晚睇完想見你大結局訓唔著XXXD...其實今日番工又唔算好忙既....但係番到屋企就攰到機都唔想打XXXD.....星期六...落左成晚雨(查實我訓到無知覺係毛寶話我知XXXD)...朝早開電視聽完最後晚餐淚眼漣漣地起床....中午起身整左個西式早餐~我仲烤左蒜蓉包~食完毛寶話我個口好香呀~霞~~~又做成個下晝既家務...對靚腳勁攰~本身諗住去毛寶家痴痴貢~但因為落左勁大雨好耐~最後決定自己係屋企整撈米同蔥阿伯做晚餐好了~好味~之後仲準備一堆零食同白酒一路嘆一路係屋企睇戲~爽~



2019/04/28
Day 4(摩洛哥,菲斯 Mococco,Fes->伊夫蘭 Ifrane->阿特拉斯山脈 Mt. Atlas->艾佛德 Erfoud)
早呀喂~臨天光時除左播經文...群狗亂叫..雞蹄之外...仲有堆羊好hea好短咁叫：咩!.....(叫得咁鬼hea好鬼心唔好叫啦XXXXXD)....呢日車程長呀~要早D出發~






食早餐~




坐左兩個零鐘車...黎到一個叫伊夫蘭(Ifrane)既城市稍作休息~有好多人都會係呢度竭腳~





喂喂喂...你唔跟隊形去邊呀~




好啦有一小時放風時間~周圍走走~話實在....好似去左歐洲咁...原來呢度係法國人既渡假勝地~仲話呢度係小瑞士~又真係幾似~悠悠閒~




搵間小餐廳坐下啦~今日天氣咁好~佢又有室外位~飲杯野~




望真D屋頂....好囂張呀XXXXXXD起到自已間屋咁大XXXXD




老夫人叫左薄荷茶~13MAD=10.9hkd....加埋出面個景~愜意~




我就叫左根勞~20MAD=16.8hkd....呢度D野幾平喎~佢呢個價錢杯啡都幾有水準~




成個餐牌都係法文~但我地仍能成功點餐~真係要讚自己~齋飲148MAD=124.6hkd...8個人...每人廿蚊都唔使~過左一陣悠閒時光~





襯仲有少少時間(其實真係得好少...我同毛寶係用刀片手去跑XXXD)....我地去左頭先落車經過既紀念品店買Postcard同郵票~呢間D postcard價格相宜D~但郵票都係要20hkd一個~郵票係摩洛哥國王~上網睇原來國王娶左一個平民女仔做老婆...由於唔忍心心愛既人同其他女人分享丈夫...所以廢除祖先承傳既"一夫多妻"制~好浪漫唷~





由於間紀念品店收錢好慢~買完又刀片手跑上車~我地去買紀念品時表姐就帶左老夫人去睇花~華~係咪櫻花來架~





坐左個幾鐘又有個停車位....落車伸伸腳~見到山頭有好多馬騮~可唔可以唔好坐到成個人咁XXXXXD






做咩唧~邊個激嬲你唧~一個人坐係度嬲Bao Bao咁~




之後就到午餐時間~類似中途休息站餐廳~




豆蓉湯~我麻麻~




話說坐緊車時領隊話今日午餐係食魚~我仲開心左一陣子~華~唔使食雞喇~但一黎我又劣~原來成條河魚呀~我以為係一塊塊哥D~~點知係成條呀~我唔識食呀~佢地個個都話OK~我真係麻麻~我食哂旁邊D配料~





甜品~




食飽飯出到黎...下!!點解突然咁厚雲既?!明明呢幾日好好天架~我地聽朝個景點厚重要架!要好天先得架!




下午是無盡的山路~呢段係路經阿特拉斯山脈(Mt. Atlas)去我地今晚落腳既城市~好似越黎越陰天咁~






又係你班黑面羊~我今次係唔會信你身上既顏色架喇~我大個架喇~XXXXXXD




呢日總共坐左6個半鐘車!!睇唔睇得出今日係無景點架?因為我地已經到酒店喇~XXXXD...今晚住Palm's Club Hotel...位於艾佛德(Erfoud)....點解我地要係呢個城市過一晚?...呢個係位於摩洛哥東部阿爾及利亞既一個邊境城市~係一個去東撒哈拉沙漠一個必經城市~係~我地聽日要去撒哈拉沙漠睇日出呀~所以點解咁緊張個天氣~有雲點睇日出?(我見D人自由行既話join local tour會係兩日一夜騎駱駝咁樣入撒哈拉沙漠過一晚~有得睇星睇日出~我地呢個團就無既~)




我地個團一入去...就有北非小鮮肉招呼大家飲拉薄荷茶同成大兜花生等領隊做check in...茶好飲花生極度好食~




嘆嘆下茶突然好多風沙吹入黎....係成個大堂白矇矇一片...要關門先搞得掂!




為左避開大沙塵~我行去佢後園望下~咦~有泳池喎~呢間酒店好似唔錯喎~D花好靚!





一入房....er........肉眼檢測已經麻麻乾淨......然後周圍睇....不論房定廁所......各有廿幾隻蚊飛緊.......搞到我成身無野咬都好痕!!







有迎賓水及棗...除左蚊仲有烏蠅~




同領隊講左之後幫我地換房...好好多~呢間房應該貴D...廁所靚好多~雖然乾淨度都係麻麻~但起碼無蚊~(我記得毛寶係呢間房殺死左隻勁煩既烏蠅~)...算啦~雖然房間不如人意~都係訓一陣啫~睇日出應該都要好早起身都訓唔耐~





呢晚係酒店食...我地換左房之後係超遠地方~行過見到...華!仲學人有健身室XXXXXD算啦好無XXXXXD




酒店餐廳




今晚食自助餐...其實我極餓!今日中午條魚我食左少少咋...諗住夜晚大開殺戒~點知.....好難食~仲難食過第一晚~雞鎚我以為夠哂穩陣....D肉鞋到以為佢翻煮左5次~





領隊有提及自助餐中途會出現全羊...





毛寶搶番黎我食...呢個好好味呀!可惜無得食多D...因為咁細隻成團分....本身諗住入房食杯麵...最後入到房我又改變主意：算啦唔好搞咁多野喇~沖涼訓啦~聽日睇日出要凌晨出門呀~

係我地開始訓時發現...喂!出面落緊雨喎!仲要係雷雨!!!打雷打到勁大聲~點搞呀聽朝睇日出喎!!...呢個情景令我諗起之前去玻利維亞睇天空之鏡之前哥晚又係咁...睇鏡..但落雨~






又講下想見你....我其實勁憎追劇
如果要我一個禮拜追一集既話堅唔想追...
呢套毛寶同我講話好好睇左好耐...
我都無理佢...咁岩J2做...
佢叫我睇下啦... 咁橫掂我都鍾意打Blog開住電視睇
點知係J2睇完第一集完全不能自拔!!!
即刻問毛寶攞linkXXXXXD...
然後對上一個禮拜就開始不能自拔的追....
呢套簡直集愛情..喜劇.. 懸疑..謀殺..穿越(完全估你唔到)
以前就算追劇...都會一邊做其他野一路追
但呢套真係唔得...一睇漏一眼就會漏左D重要野
當你以為自己好醒估到既時候又另外有局!!!
除左劇情吸引我追 ...點少得帥哥?
就係飾演李子維/王詮勝既許光漢~~~
讓人家的少女心大爆發!!!
睇完好想回到青蔥的17歲~~~
怎麼會有男同學這麼好看?笑容讓人這麼暖心?
不管髮型身型高度...實在是一個好屁孩~
情不自禁的狂追看....
成套劇特愛呢個李子維同黃雨萱一齊彈琴既畫面~
陽光灑係佢地身上怎麼會這麼好看?
對望得好有愛...救命
如果俾許光漢咁樣望住我一定企唔穩....佢髮型真係好好睇!
(仕 燊仕燊~不哭不哭~~我最愛還是你~)




2020/06/06的開心事：
突然決定唔使出街...
可以宅在家....我感到舒爽XXXXXXD



報時：距離泰國曼谷揼揼揼之旅仲有---20日~
報時：距離七公子台北帥氣行之旅仲有---123日~
今次係最後一次係到倒數呢個泰國之旅~
因為前幾日都申請左取消喇~
無任何旅行倒數既感覺好差.......