北非摩洛哥之旅2019-04-27第三天Part 1(晴天)

星期日....起身整蔥阿伯個蔥抓餅...一塊都搞左超耐...毛寶話如果我地開鋪就死硬...實上美食團俾人投訴到痴左線XXXXXD...呢朝好似玩自己咁...食飽飽就去左做家務...一做又是3小時...夜晚係屋企食~.....星期一...今晚阿媽叫我 食飯後果~話係紐西蘭麒麟果...我心諗原來紐西蘭都有麒麟果個磨~打開個果好似外星生物咁...好似好多蟲 卵咁...又酸又澀...忍唔住上網揾...原來叫火參果kiwano....睇黎...阿媽俾人呃左...我係hip埋眼吞左佢就算~感覺聽日好多屎痾~.....星期二....又係訓訓下頭痛...到訓醒極頭痛...整日工作都係頭痛...到肚痛...到頭痛...又到番肚痛咁過~.......星期三...起身都係有少少頭痛~不過好過噚日好多~......星期四....今日終於都精精神神無頭痛~為左慶祝~我買左公子推薦既咖啡機咖啡~家陣特價中~又幾抵 幾好飲喎~.......星期五...放工約左主席食飯去左食新記~~~咸魚煎肉餅呀~~~之後仲去埋食糖水呀~呢排都在想我到底會不會看too hot to handle?點知今晚就一連睇左三集XXXD.....你話係咪好好睇...咁肯定唔係架喇...湊下熱鬧囉~~......星期六....中午整左韓國辣麵食~同埋蔥阿伯~今次呢個好食過上次哥個蔥抓餅~食飽飲埋啡就做家務~夜晚約左人出去食飯~



2019/04/27
Day 3---Part 1(摩洛哥,菲斯 Mococco,Fes)
早呀喂~食早餐~餐廳望哥個景幾靚~早餐選擇亦算多~~值得一提既係....呢間酒店訓得好舒服...但成晚好似有兩次播D好大聲既歌....如果講歌不如講係播緊經文....有可能係回教教徒夠鐘祈禱?臨近天光...又有雞同群狗亂叫~





最開心係咩呀!有即煎太陽蛋呀!有煎蛋我就覺得贏哂~




我地食飽飽上番去房去個廁所再出發時...發現原來我地住哥層仲有間餐廳!而且美侖美奐的~







好啦~又落大堂等集合~又係大堂露天位佢仲有lounge既物體可以飲啡~幾正~




集齊人後上旅遊巴....係行出酒店門口時....領隊話噚日行哥個沃呂比里斯遺跡哥時原來有個隨團攝影跟住影!好勁....我完全見唔到XXXXXXD....領隊話隨意買~唔係強迫既....其實我好少會買呢D相...因為實影到好醜....但本住好奇心望下影左D咩....一望之下




我完全笑左出黎XXXXXXXXXD呢張我成個明星咁....毛寶成個助手咁幫我孭住書包仔跟係我後面XXXXXXXXD喂!咁岩線咋~我無公主病架XXXXXXD




出發架車行左一分鐘度...就停車俾我地落車...呢度有個觀景台既物體可以望住古城~





呢日既第一站係參觀間陶瓷同馬賽克廠~





咁有介紹下點樣整哥D塔吉鍋呀~人手做架磨?好靚~





整好上色~






呢D係Mini版既塔吉鍋~完成左就係咁~開頭有諗住買番去既~但咁細個又唔個做乜好~得個擺字~(而且唔平)....大既我又拎唔到~





睇完整陶瓷就睇砌佢地D圖案.....真係一粒一粒咁鑿石仔鑿磚仔咁鑿岩形狀再砌....






痴線架!真係勁靚!我諗我會砌到痴線XXXXXXD真係賣手工





講解完之黎就梗係紀念品店環節啦~但係D野太貴...我換得哥100美金.....






大既無錢買~轉睇細野.....諗住買塊磚仔番塊紀念下都好丫....或者買下手信俾朋友仔.....點知細細一舊要120MAD=101hkd....震撼了我雙眼!!





算喇算喇!呢度既紀念品就係影D好靚既瓷磚算喇!上一個旅行(越南)...D磁磚又係好好影~但唔及摩洛哥D咁靚~






查實用鞋黎影合照都幾好~




怎麼我家毛寶就把照片拍得那麼的美?












好啦~離開陶瓷廠就上車向菲斯古城進發~~記唔記得上機時領隊派左耳機俾我地呀?就係呢日呢個行程用既~就係因為呢個號稱連Google地圖都會失效既古城~驚住走失加方便做講解~呢個安排係唔錯~臨入古城前...經過D雜貨舖....我對於其他地域既雜貨舖係好有興趣望好耐既~(尤其賣零食哥D XXXXD)





好喇~我地既下一站應該係黎得菲斯都會參觀既皮革專門店




臨入門口時每人派好大棵薄荷葉...俾你塞鼻用...你懂的




一路拾級而上.....一陣噁心既氣味湧入我大大的鼻孔....(粗俗D講....未見到個景....但已經好L臭)



上到天台......華!!!哥陣臭味達至頂峰!!!!.....但眼前既景像又令我忍唔住大叫：好靚呀!!!....原來有好幾間皮革廠圍住呢D缸既......咁你上唔同既皮革廠既天台會睇到唔同既方向....但至於會去邊間係由當地哥個導遊決定的~




至於點解咁臭呢....係因為皮革廠係用鴿屎同石灰水去令到皮革變軟(有時甚至用牛屎)....臭到發瘟狗






來來來~合個照先~毛寶戴住個耳機影好似聽緊跑馬D阿叔咁~大佬....好彩有薄荷咋~呢個時候D陽光係又曬又辣!熱屎人!





靚靚調色盤~





呢張毛寶同我行左去另一邊影~靚~人又靚景又靚攝影師又靚~(順便讚埋你啦~)




係我同毛寶影緊相時老夫人已經臭到忍唔住坐埋一邊用薄荷葉塞住自己鼻窿~~(我寫緊呢幅相哥時咁岩線我媽企我後面望到...然後大叫：唉呀~~做咩放我咁醜樣既樣出黎呀~~.....但我無理佢XXXXXXD)




咁梗係唔係免費俾你睇個咁靚既調色盤啦~又要聽下佢講野~又有野買下咁~(無強迫買)....佢介紹話菲斯D皮革好靚...又用哂火燒俾我地睇....我都信佢D皮好靚....但重點係：D款式唔靚XXXD....睇落最好樣都係D皮拖架喇~







行完皮革廠又再出發...進入菲斯古城





係菲斯古城入面有好多好多(超過1000間)傳統工藝店....仲有200座清真寺!...所以你諗下有幾大!...好驚走失架...記得跟住呀!人又多~





見你望住黎回望好耐...以為你睇緊邊間舖....我：你望咩呀?....毛寶：我阿爸阿媽呢?....我：er...咪係你前面囉XXXXXXXXXXXXXXXXXD




er......如果你唔係真係咁有興趣知又愛我既話...就唔好問我呢個係咩喇~我真係唔知XXXXXXXD





好喇~又行咯~




行到黎呢區好多賣野食既!呢間賣棗...D棗遠睇勁似金蠔XXXD





呢間咁招積淨係賣一件野食?XXXXXD




行過另一區又賣其他野






然後來到卡魯因大學(Al Qaraouiyine)....佢係健力氏認可全球最古老學位頒受既大學!....佢係一間大學又係一間清真寺...只有穆斯林先可以進入~所以我地只可以係外面參觀~就咁望入去都覺得好靚~





呢個又係唔記得係咩...但估計都係D大學呀神學院呀~





又行過另一邊...呢邊係賣D煲煲罉罉燈燈之類







呀~~好可愛既bb呀~~




再去參觀El-Cherratine Medersa神學院...佢地D大學呀神學院都好興中間有個中庭咁~







Hello~嗲仔~狂討摸摸~





影完樓下行埋上去影~原來建於1670年!保存得勁好!






呢度非常好拍~~毛寶幫我影左好多張美照~個女仔真係好靚好靚~你地同意嗎?(你可以唔同意既...如果你敢既話XXXXXD我真係好民主)
















2020/05/23的開心事：
今日淨係做細清潔~唔使用咁多時間~
做完仲有少少時間嘆下下午茶~
睇下真人show~



報時：距離泰國曼谷揼揼揼之旅仲有---34日~
報時：距離七公子台北帥氣行之旅仲有---137日~