北非摩洛哥之旅2019-04-26第二天Part 1(晴天)

星期日.....勁早勁早起身~早到8點~咁早起身做咩?就係澳門岩岩新開左Ikea!(終於都有...本人等左三十幾年XXXD)...因疫情問題佢依家只可以網上做到預約先可以入...以控制人流....而我地一個禮拜前預約已經約到呢日...仲要得早上10點先有位XXXD頂硬上啦大佬XXXD岩岩搬完就有野想添置(不過控制左人流確係幾好行~)...宜家同Daiso真係好幫手~揀佢地除左因為平同性價比高~而且係個款好睇~我本身無諗住係Ikea買玻璃杯既...但行埋去睇隻紅酒白酒杯望落唔錯...再望落少少Made in唔係RPC..係法蘭西呀!!而且係30幾蚊咋!優秀!....買完去左食小籠包~之後帶住滿滿既戰利品番屋企即拆哂黎用~夜晚係屋企食~.......星期一....訓訓下頭痛...起身去睇醫生...病假.....星期二.....仍是病假中...起身煎兩隻蛋做早餐...飲杯咖啡感覺好精神~.....星期三...今日屋企有野整...中午無得番屋企食~我噚晚就已經諗緊食咩中午飯...我諗諗下好想食某間餃子...點知我今日一番到去就有人問我今日食唔食哥間餃子喇XXXXXD....星期四...唉呀~今晚有仕燊既fb live呀~睇咯~好開心~~(不過等左個半鐘佢先出場唱兩首歌XXXXD好彩係屋企張床上面等XXXD)....星期五...食左麥叔叔早餐~家陣周五晚都係番屋企食~......星期六...午餐食自煮烏冬~跟住就做家務~今晚出街食慶某人的生辰~



2019/04/26
Day 2---Part 1(摩洛哥,卡薩布蘭加 Mococco,Casablanca->梅克尼斯 Meknes->菲斯 Fes)
早呀~天氣好似唔錯喎~時差關係好似訓到在點幾醒左...玩左陣電話~再翻訓到鬧鐘響




噚晚餐自助餐太嚇人...我食得唔多...係呢個時候其實我已經餓到不得了...咦!晚餐同早餐餐廳唔同~幾大而且望落幾多野食~好野~




充滿阿拉伯風情的器皿..靚~




華~有即整奄列...自選料...安心哂~好好味~牛角包極好味~咖啡也不錯~




食飽上房攞埋隨身行李~Check out~好彩住一晚咋~再住多晚我頂唔順~大堂有個好靚既鳥籠~堅有雀係入面~




好啦~出發了~




行到一個油站就俾團友們落車去下廁所啦~我去完廁所睇下物價....一盒麥維他(紅色哥盒)..要39MAD=32.8hkd....Chips Ahoy一包26MAD=21.9hkd....er...物價好似同我地差唔多喎XXXD...100美金真的夠用?




到達另一個城市...叫梅克尼斯(Meknes)...呢個城市係摩洛哥既三大古都之一(另外兩個係菲斯同馬拉喀什)...亦有"摩洛哥凡爾賽宮"稱號~呢日第一個景點...係凱米斯城門(Bab El-Khemis Gate)




歷史呢D野...你明啦...我點會記得D咩丫XXXXXD...睇相算啦








睇下D人幾型~




毛寶影既就係有味道~(我影哥D就係寫實狗屎屁)




下一站...曼蘇爾城門(Bab Mansour Gate)...而企緊影呢個城門既地方就係拉拉奧達廣場(Place Lalla Aouda)





歷史野我唔識...我淨係識欣賞佢地砌出黎既花花~






城門對面有一個好大既市集~




喂~我帥不帥氣呀~




參觀完呢度我地就去食午飯了~




途中經過呢對窄窄的門(佢地好似求其一對門都好靚)~一入去好幾間賣紀念品既細舖~




經過見到...點呀!好想買呀!係我每次旅程必買既磁石呀喂!但係係路經...大隊無人停低...我只可影張相食飯時揀下!睇下回程係咪都係經呢度如果係就快買!唔貴...有D就10MAD=8.4hkd...有D就20MAD=16.8hkd...唔貴!...但係10MAD哥D就醜D...但我都睇中一個!...我既目標係20MAD木色哥D!好有佢地D建築物圖案既特色!





又途中經過棵樹~上面D花幾靚...加埋靚陽光~心情不錯~




行去食飯都行左好一大段路....行左10分鐘度...終於轉入細街~(食餐飯也是不容易的~)




可愛~




由細街再轉入小巷~小巷D用色好靚~




我地午餐係呢間餐廳~




上2樓~睇黎裝修唔錯~




靚到!!!





出面既景~我地好似3張定4張枱....不嬲食飯由領隊安排...但有團友自己一個屎忽坐去窗邊位既枱~領隊：X小姐...你你隔離枱喎~....X小姐：點解呀?我想坐窗邊位唔得咩?.....XXXXXD...有D人就係有性格~




最鐘意影餐具具具具具具~雖然間餐廳幾靚~但我係張枱度發現一條好卷卷既毛毛~：D....唔知係咩毛呢~~




先上湯....勁好飲!又夠熱~




華!!係幾有氣勢喎!!有羊架有雞有兩種腸有肉丸有雜菜有豆有飯....仲話食哂可以添.....點會食得哂呀XXXXXXD...羊個味OK但係鞋左D....雞就.....有其中一款腸好出色另一款唔好提...肉丸難食...雜菜係老人家們最愛....豆得不嬲麻麻....呢餐真係算係咁他~算好食同食得飽~





飯後果~幾好~雖然蜜瓜唔算好甜....但係團餐食生果總好過食九唔搭八甜品~




食飽企係餐廳門口等埋其他團友時就係小巷周圍影下啦~依家無咁多人~




毛寶都幫我影左相~靚~(哥隻老翻買奇同唐老鴨厚出色!)






回程真係原路行~~而且領隊話俾少少時間我地買野~Yeah~買到磁石~~仲有每次去旅行必買既國旗Pin俾神秘團友~








上星期六食完好耐無食既味藏~
之後番左屋企毛寶陪我睇摘星奇緣..
喂~大名鼎鼎既Notting Hill呀~
我竟然未睇過~呢套戲出左21年~
我家下先睇~我真係好老土~
看後感...Hugh Grant後生真係好靚仔...無得頂~
(但不及我家仕燊靚仔~)



2020/05/09的開心事：
無啦啦無水~
但好彩係我做完家務洗埋頭先無水~
感恩~



報時：距離泰國曼谷揼揼揼之旅仲有---48日~
報時：距離七公子台北帥氣行之旅仲有---151日~