天團蘇格蘭高地之旅2018-10-20第七天Part 2(陰天及後轉晴)

星期五....呢兩日唔知隻眼搞咩丫~左眼內生左粒野(唔通生眼挑針?!)...狂係度high下high下我眼球好痕搞到我狂標眼水.....眼痕繼面鼻又狂流鼻水....好辛苦唷!!!!放左工去左食小泉居....之後就去左上狗仔堂~....星期六....中午食左八分目....食佢因為諗住食完可以飲埋啡....但佢杯啡超差.....好似飲緊深啡色既滾水咁.....下午傾左單大野...難得我阿媽都落疊~希望順利~....之後去左澳大同八寶野餐餐呀~~好開心~~~夜晚食左Stone grill......呢日最開心係覺得呢日做左好多野:).....星期日......中午食左方丈…好開心終於食到....我真係好鍾意食佢個魚蓉撈米線…下午狂執野......夜晚痴痴貢~~~~星期一......勁多野做…好似無左淡旺季…到下午我仲抽中個我從未做過既難case…做到就黎要崩潰…好彩個申請人幾拉屎~我先無咁緊張…放左工去跑左3.54km…跑完番到屋企…我終於頂唔順上班壓力…我狂塞零食入口…個口咬住脆lok lok既野我覺得很解壓…食左4款…白跑…星期二…今日無咩特別…放工跑左3.45km…勁熱…星期三…今日番工做籌做到我懷疑人生…又遲成個鐘…我心好累呀;(..........今日上狗仔堂老師帶左佢哥兩隻狗仔黎…兩隻都好可愛<3.......星期四....繼續心好累呀喂.....仲要遲收工................周末我一定要好好打賞我自己;(



2018/10/20
Day 7---Part 2(北愛爾蘭,布什米爾斯 Northern Ireland,Bushmills->巨人堤道 Giant Causeway->鄧路思城堡 Dunluce Castle->Ballintoy Harbour->卡里克吊橋 Carrick a Rede Rope Bridge->The Dark Hedges)
去完六角柱同埋鄧路思城堡...我地又再出發去下一站~




我地黎到Ballintoy Harbour~唔知大家有無睇權力遊戲(Game of Thrones)呢?我就無既XXD......呢套劇已經拍左好多季...每次都去唔同既國家取景!.....而且大部份俾佢地取景過既依家都成為熱門參觀地之一~呢度係其一~佢拍過既景會有呢d牌介紹~





見個個都攀上d大舊既高岩睇~我地又爬~不過都幾難爬~而且呢個點有超多的外國學生哥黎參觀~見人地學生哥幾步可以爬到上去...我老了~呢度d大石好搞笑~~~一粒一粒細石既外表~






為左能夠將我既肥屁股攝入去影相...我可是費了很大的勁!帥不帥?!(當時實在連站著也難~我真專業~)




另外一邊仲有個景點既~咦.....後面咁多人既~




咦!!!佢地個個都著到有哂主題既~~~~~~~





唔通....佢地係cosplay緊Game of Thrones~~~~~~~~正呀喂~~~~~~~~我都想有個哈波既cosplay團呀~




呢度好似有划艇活動!!我見有好多人玩~呢度都幾大風下~堅挺~




我地決定休息下~再去另一邊哥個景點~~~呢度有個小食站丫~~





有張枱放滿甜品~~有個仲係萬聖節蛋糕~~~有眼珠裝飾架~~~~




叫左個vegetable soup~~£3.5=36.4hkd....開頭諗住叫一個我同毛寶兩份飲....因為我好憎飲打到d菜變蓉既湯.....點知一黎...咦以!.....然後一飲...華下!......真係想唱番首baby give me one more soup~~~最後真係叫多個~~而且勁夠熱~




叫左吞拿魚粟米多士~£4=40.6hkd.....喂!又幾好味幾多料喎~





食飽飽去行景點咯~~~~一行出黎.....咦~~~~~~~頭先勁陰天架喎!!!!!!!!!!!!!!!!!!!!!!!!!!依家藍天呀喂~~~又有一個Game of Thrones既拍攝地~~





望番轉頭頭先食野哥間屋仔~




天氣真係突然間好好~~心情好開朗~~~~~





越行越靚~~








我記得呢條路行過去好多屎~~~~見到喇~~~~~令我想起了上次去和歌山的円月島~~~~~想睇番上次個円月島請按我~~感覺好似日落時太陽會剛好落在這個洞洞~~~.....北愛爾蘭的也很美唷~~~~~~~~~~~~~~而且佢前面有d金黃色既....稻穗???襯托之下好靚!!!





這個海邊超美的~





然後毛寶為我同金黃稻穗+景點拍一張美照~~真的很美~(我講相中的生物很美~)....我要講講呢張相個模特都好專業架~因為影呢張相時要小心翼翼..因為勁多屎~~~另一樣就係勁大風..我那麼瘦弱要站得穩穩的也是相當的困難~~仲有就係....一路影....d稻穗狂打落身~~~~~~~~~~~~但這裡拍帥照確實是一流~






本身超多人在~後來走下走下....d人走哂~行近個洞洞看看~





然後毛寶話要企上去影相.....又...幾靚喎~





咁....每人一張咯~~~~~~由洞口看外面好像特別美~







我地走時已經無哂人~~~~~~~襯無人再影幾張~~~好開心~~自由行的好處~~慢慢玩~~等到無哂人再影靚靚~





好啦~走喇~~行番出去時見到呢度超多人放狗~~~呢隻狗仔係其中一隻~~~周圍跑得超開心~~~~呢度既狗狗真好~會有好多地方俾佢地跑跑~




行到番出去時又見到有另外兩個人係海邊放狗狗~~~~~~~佢地仲玩水玩得超開心~





去完呢個景點發現自己有1000萬同一張相~




下一個景點了~~~~~呢個景點係卡里克吊橋(Carrick a Rede Rope Bridge).....就咁既....我地又覺得與其行係吊橋上..不如遠看更好~~~~~~哈哈~~(其實係聽到大比講話就算停係附近停車場都要行好一陣子先到~~~~)....我地停低架車係一個叫Partaneevey Car Park & Picnic Site既地方~~~~~~




企高望出去....拿~~~咪見到囉~~~~~~~~~有時d野未必要近睇既~~~~~~~遠睇先影到架嘛~~~~~~~~(係懶!)









上左狗仔堂之後發現...
原來狗仔們平時d動作俾左好多訊號我地..
只係我地曲解左佢.....
真係有趣有趣!



下午做左對超嘈既兩兄弟.....
自己嘈嘈貢阻住我做野仲話我做得慢.....
我：你自己係度搞搞陣仲好意思怪我做得慢?
然後連隔離Counter都出聲話好嘈講唔到野俾人聽...
我開聲同佢地阿爸講：你話一話佢地啦..真係好嘈阻到其他人喇
佢老豆係咁意話佢地兩句：喂~唔好嘈喎~
我真心覺得...生仔係要考牌架...
同埋我最憎咁樣話完之後d阿爸阿媽話：乖d啦..姐姐鬧喇
大佬呀...唔通人地唔話你你唔使乖咩..
乖唔係因為人地話你先去乖呀...
同埋姐姐無鬧你呀..你邊位呀...鬧你都嫌浪費我時間啦
家教真係好重要囉...完。
做完哥兩兄弟...我堅個頭赤左幾下......妖



2019/03/21的開心事：
我呢個禮拜都做到好失意呀
今日遲左收工既安慰係...
媽媽今日整左燒肉炒喬(唔識哥隻字點寫)
阿媽話臨近清明先有喬買~
同埋出到blog囉...有無人掛住我呀?;[
我最近做野好大壓力好唔開心呀......嗚嗚



報時：距離六公子峴港嘆世界之旅2019仲有---13日~
報時：距離北非摩洛哥之旅2019仲有---34日~
報時：距離狂歡三寶台北快閃瘋食之旅仲有---76日~
報時：距離九州自駕遊之旅仲有---198日~
仲有兩個禮拜咋!!!
越南仲未有行程~~~~
會唔會太刺激~~~~~