和歌山嘆溫泉自駕遊之旅2018-06-19第二天Part 2(陰天及後轉雨)

星期二.....差不多整天在隔離counter...好攰呀~~~~~~呢日天氣望落好唔清新...我決定...唔跑步吸廢氣入肺XXD(前兩個禮拜講既咩挑戰自己惰性呢d咁既狗屎屁梗係唔攞出黎講啦~)....星期三.......整天在隔離counter....放工攰到都無去跑......諗住卜電召由屋企出發去機場..點知我準時48小時內打去卜...佢都同我講無哂...我就問唔係48小時內先可以卜咩點解咁快無哂....職員說：一個鐘有15架車可預約...如果5點有人約哂15部...咁5點零1分之後到6點既預約都會full左.....神邏輯~...星期四.....今日ot一個鐘...好攰呀~~~~好彩ot哥一個鐘係番自己哥邊~星期五.....由於噚日ot左~~所以今日可以早走一個鐘~~~~衝番屋企攞行李....去台北見我親愛的仕燊~~~~~~~~~~~<3.....星期六及日都在台北…但你地唔好問我任何野呀我心情好差呀你明啦~~~~~~遲啲睇blog你地咪知咩事喎;(......星期一....朝早用一杯心愛的長黑來穩定我情緒上班去.....今日在隔離坐機....無煩野我真心開心~~~~~~~



2018/06/19
Day 2---Part 2(日本,和歌山縣,和歌山市 Japan,Wakayama Ken,Wakayama Shi->白濱町 Shirahama chō)
食飽飽要行一陣再揸車~係停車場旁邊就係水果市場~水果呀~~~~~衝呀~~~~~~~




唔算大既~呢邊係其中一邊~另外一邊好多人~費事影埋人地~




和歌山好盛產既唔知柑定橙呀~仲有試食~但我無試~咁大籮我都唔知點買點食得哂~





我既目標係呢堆當季既少女!!!!!!!!粉粉..水水..嫩嫩(好咸濕~~)...佢係咪想叫人唔好掂佢呀...但佢寫住Don't you touch me好令人想入非非~~~~~~1盒4個才500円=30.8hkd...每個才7.7...我無言........平時澳門成40幾蚊個.....不過呢個就無咁大個既~





最後我地揀左一盒6個大個d既入手~~大大個才1,000円=61.5hkd!!!每個10.3hkd....我話俾衰婆知...衰婆話10蚊個不如唔好收錢算喇~~~XXD




如果我唔懶...隻手又勤力..我一定會買一箱番澳門!!2,300円=141.5hkd......每個10.1hkd...勁大個!!!




另一樣我有興趣既野就係蕃茄仔!!!我超愛吃蕃茄仔~500円=30.8hkd




呢個我都好想食呀!!!但無大刀我真係唔知點搞~2,500円=153.8hkd




畫哂成家出黎好可愛~~




好啦~走喇~其實頭先黑潮市場有得退稅既...但係我地排左15秒....目測好耐加有排搞....算了吧~前往另一個城市啦~公路費用1,930円=118.7hkd




好喇....呢個點我係特登上網搵既...因為....我真係好需要買藥妝.....但你知啦.....和歌山唔係隨隨便便有間大既藥妝係你左右~所以當我上網見到ダイコクドラッグ藥妝店(大國藥妝店).....仲要幾大間下...仲要係我去下一個城市既路上...咁我一定要去啦~~~~~~~地址：和歌山縣西牟婁郡白浜町堅田2521.....Mapcode：184 045 278*36....由黑潮市場揸過黎....大約1小時15分~而且有大量免費車位~呢個時候有少少大雨~




落車望向右手邊~咦.....陳生..咁熟口面既~原來就係Toretoreとれとれ市場本尊~~~~失覺哂~~~下次先黎試你呀下~~




呢間都算幾大~幾好行添~但貨品梗唔夠大阪市內哥d齊啦~不過都有退稅~





好喇~又睇下要買d咩先~~(又扮野..明明諗好哂買咩)....搵到喇~有齊我要的圓波波膏布...548円(稅拔)=33.7hkd(156枚)....好抵貼~仲有120枚入既撒隆巴斯...1,180円(稅拔)=72.6hkd~




有喇!!!!!!我要買~~~~~賢者の食卓呀~~~~~~~今年年頭開始食緊呀~~~~~隔油隔脂丫嘛~~澳門賣緊$160-$180左右.....日本賣1,800円(稅拔)=110.7hkd...........好平.......我掃左......8盒......(掃8盒既原因係因為佢得番8盒~~)




見到有就試下~揸傷口或倒刺唔怕濕水痛~598円(稅拔)=36.8hkd...毛寶話幾好用~




吸引到我丫~~~~~~我對潤唇膏既熱愛係超乎你想像....我用超多潤唇膏的~~可想而知我條咀仔有幾水嫩嫩~~~




呢兩種都幾好用~重點係....平呀嘛~~~~才298円(稅拔)=18.3hkd.......另外下圖哥種深層保濕~498円(稅拔)=30.6hkd~~雜誌有推介過..好似第三定第四位~





但最好用係呢個第一位!!!!我同朗公子都大推~~~上次都有買過~~~~~旅遊page嚴選第一位!!!!398円(稅拔)=24.5hkd....超水潤!.....我鐘意買無味同埋雲呢拿味~~~




正當我暗喜....好彩噚晚有係商場入面間貴少少既藥妝店買左米少女眼藥水~~~因為驚呢間無所以買定先.....點知回頭一望.......er..........................................仲平過噚日哥間....你我突然靜了........................有盒哥隻平成13.5hkd.....細哥d就一樣價~




唔知點解我黎左只係第二日...又無咩食熱氣野...但我竟然成口痱滋....無攞痱滋貼過黎...唯有係度買盒啦




呀哈哈哈.......我買到自己都驚.....




買左成27,908円=1,716.3hkd...呀哈哈哈~~~




買夠一萬円有一件贈品送~~我可以揀兩樣~~




好重呀喂~~~~~~~~點解我要咁肥...點解我肥到要食賢者....




由於我對手已經無力再攞任何野....所以地區限定既薯片我已經無力去買......




好喇~下一站~~~円月島~~~地址：和歌山縣白浜町西牟婁郡白浜町3740......其實又無咩確實地址既....因為個円月島係海中~~.....一係你就坐船去參觀....如果唔係你睇地圖揀個有得停一停車既位遠望就ok~我就揀左呢個Mapcode：184 071 311*43......由大國藥妝店揸過黎...大約10分鐘~如果天氣好時......日落太陽會係中間個洞出現~~~(不同季節會不同時間)......但我地呢日係...落雨....所以唔使夾時間黎喇.......同埋呢...我揀呢個停車位....過對面有條樓梯仔落去架~~~~~(不過過馬路要小心...因為只係一個停車位...左右兩邊車來車往).......呢個位咁影過去幾靚.....仲可以影埋前面俾海水沖刷而形成既一級級地形~~~~~





我幫你拍的~




你幫我拍的耍帥照~不過有少少可惜既...因為開始越落越大雨.....我件白色衫濕到就黎著咩底衫都睇哂@@...(查實初頭睇番呢兩張相時我以為係毛寶黎架~認真望對鞋先知係我~)





呢張真係勁有型...唔係我自己讚自己...我真係幾有型~(好啦....其實係毛寶影得好喇...唔記得佢用左個咩app..係咪d長時間曝光app?)




好啦~太大雨喇~影一陣就走~又再出發~去我地今晚既住宿~




搵左好一陣子~明明個地圖係顯示哥個位架~原來係另一邊~我地今晚既住宿~~~係溫泉旅館黎架~~(上次去完四國嘆完嘆上癮)....同埋係南紀白濱哥度幾出名既~~~浜千鳥の湯 海舟....地址：和歌山縣西牟婁郡白浜町1698-1....Mapcode：184 010 313*45(可能有少少偏差...但呢個mapcode去到既已在附近)...今次係上官網自己訂的~不停叫google老師幫我忙才順利訂到~円月島過黎大約13分鐘~




好自成一角咁話喎~




泊好車就推行李入去~有d大雨~好彩有之前去四國買既Mont Bell帽擋擋雨唔使開遮~呢頂帽真係唔錯~




呢個正門入口超靚呀d花~




一入去佢就幫我地d行李碌抹乾淨先啦~接過我地d行李一入館就已經要除鞋~咁佢就攞左我地d護照後就叫我地坐坐先~~4點黎到都幾多人check緊in~




有服務人員叫我地可以攞下野飲先坐陣~我周圍望下先~呢邊類似個小餐廳咁既~下午時段5點左右佢會有下午茶小點提供(白色布哥個位)....而夜晚10點半至11點半就有宵夜拉麵提供~任食唔使錢架~而且上網睇評價拉麵是不錯的~可惜...呢日佢話無下午茶提供...得宵夜..失望~




小餐廳全時段茶及咖啡完全唔使錢自助任飲~挺大器~




我比較有興趣係另一邊既南高梅汁!凍凍的~清甜的~幾好像幾開胃~飲完好refresh~





當reception有位時佢就請我過去做check in啦~填好資料之後....我上網睇時一早知係有得揀食飯時間....而且有兩個餐揀.....一個係海鮮餐一個係牛餐(同一組客人要選相同的餐)......我一早諗定食咩同埋揀咩時間.....因為我係想浸完溫泉先食飯~咁食飽飯就可以慢慢玩~但點知佢拖呢張野出黎時我已經揀牛餐(因為中午食左黑潮市場驚先生夫人再食海鮮頂唔順....如果你地無任何顧慮可以試下揀海鮮餐~因為我上網睇個海鮮餐有成條刺身船的幾有氣勢可拍照~)...同埋要19:45呢個時間時.......佢就話19:45呢個時間full左淨係得17:30......................下....我無試過一間溫泉酒店只俾客人一個食飯時間囉...都唔緊要.......仲要哥個時間係17:30喎!下午5點半喎....點食得落呀....太陽仲高高掛喎(雖然呢日厚雲).....同埋呢個時間食我趕唔到浸完溫泉先去食啦......然後我話咁我唔揀牛餐囉...我揀海鮮餐要19:45呢個時間....佢話咩餐都淨係得番17:30呢個時間.............我認我哥下有少少嬲呀...因為我又唔係晏check in(4點過d...3點開始可以check)....同埋溫泉旅館係問客人想幾點食..係某個時間前你都可以任揀時間.....而唔係淨係俾一個時間我去食囉......我唔想食到超飽先去浸溫泉...我理想次序亂哂.....




我認我當時有少少發火....表示勁唔想17:30食飯....如果我一早知你原來咁樣full左會唔俾我揀迫我食早飯....而唔係只係分兩個時段任我去揀set死只可揀呢兩個時段任一時段...我一定上網訂房時已經註明我要食咩時段!佢見我嬲....佢先話：其實可以17:30-18:00到餐廳都得既(箭咀寫哥個18:00時間佢見我嬲先後加)............咁依家都只可以食6點啦.....呢方面佢地安排得好差!!!!!!




攞完晚餐coupon有另一個服務人員講解一下呢個溫泉旅館既設施~溫泉旅館既地圖~我今次揀左兔仔公仔標示既房型"暁の抄"~




講解下浸溫泉要攞d咩啦~夜晚有宵夜啦~同埋溫泉係邊度啦~係邊度食飯啦~等等介紹~呢個服務人員d英文激好!仲同我講笑~正~我仲問佢噚日feel唔feel到地震...佢話呢地呢度feel唔到





清楚講解完佢就帶我地揀浴衣啦~~~都幾多款式揀~但係比較偏大碼既先多款式d~(揀浴衣個位就係reception對面~)




我同毛寶都揀左呢隻綠色款~幾靚~個花靚咋唔係我著得靚呀~(其實佢房入面都有一套架...但哥套勁似奴隸)




揀好浴衣佢就man man的幫我地攞哂行李帶我地入房~




搭lip上到四樓~好緊張~




呢間就係我同毛寶間房喇!!!!!!係四の一~(毛寶爸媽在我地隔離..佢地係四の二....訂全部房我都有要求到希望兩間房相鄰)





一開門入去....呀~衰妹~仲係咁神秘~




華~好靚呀~~~~向海架!!!!!





可惜既係......天氣不好...如果唔係...可以睇到日落!!!嗚嗚嗚!!!!





由露台哥邊望番入房~~暁の抄呢隻房型係和洋室~有床訓~呢隻房型一泊二食價係28,500円=1,752.8hkd(每人)....拿...抵唔抵...見人見智喇~我個人黎講係ok既...因為有兩餐食喎~間房咁靚喎~白色門拉開就係頭先我地入房時的小玄關走廊~





呢邊係浴室~望到既玻璃門係沖涼~




而沖涼既另一邊又有一對門~係出露台哥邊~個木筒上個檸檬要黎做咩架~





浴室既另一邊就係出去露台個私人露天風呂~~而個檸檬係俾我地浸浴放入去用~~~~~~~不過聲明先私人風呂放的不是溫泉水係普通熱水~但望住呢個景覺得特別的不同~




私人風呂又可以直通去另一邊露台~好靈活~~~




廁所在玄關那邊~




雪櫃有頭先大堂飲既南高梅水~隨便享用~(但我最後竟然忘了飲!!!!!!!!天呀!!!)




拿....呢件就係....本身放係房入面哥件可以在館入面著住周圍走既浴衣~隻色係咪好唔討好呢~~~~~雖然佢係舒服d方便d架~因為佢係衫同褲分開~(但隻色著完好似去做苦工咁~)




攞去浸溫泉既藤籃同埋毛巾~




茶具~仲有茶點~毛寶媽話粒梅勁酸~~~~~










2018/08/27的開心事：
工作無太煩既野.....
雖然都係揸大膽車



報時：距離與毛寶慶生泰國食揼嘆之旅2018仲有---31日~
報時：距離天團蘇格蘭高地之旅2018仲有---47日~
報時：距離鳥取自駕遊之旅2018仲有---95日~
喂...日本咩都未訂過喎!
今個周末真係好好搞下佢先得!!!!
但神奇地係台北回程機上已經同毛寶plan左個大慨~
真係好喇~~~~