天團蘇格蘭高地之旅2018-10-15第二天(晴天)

星期二.......工作順利!爆數!放工去左食雅舍~~偷懶左無跑步XD...星期三……今日有個客個申請唔批要再入過…問佢入唔入過又話唔入住…臨離開仲講左句:垃圾…我話俾衰婆同毛寶知佢地同回:佢做咩咁話佢自己呀XXD…好鬼心啦小學雞…又唔係我審批既…男人老狗人地唔俾你就話人地垃圾XD你地唔好學佢呀!…放工後跑左3.5km…星期四…情人節丫嘛…啲靚既女仔梗係有人約啦XD去左食齋…咪無出blog囉…fb同ig都閃瞎了眼XD....星期五.....朝早好多野做~下午反高潮無咩人~~~放左工約左公子去食泰皇宮~我好開心~食左好多野~(不過大家都覺得野食退步左...我番到屋企勁爆口渴~但真係價錢幾平既....).....星期六....中午去左路環食~食飽飽去左搞越南簽證!...剪下頭髮訂下機票~~(野~落少少講啦~~).....夜晚去左衰婆屋企玩~~~又食生蠔又睇電影~~星期日.....中午食左鼎太豐~再去行路環媽祖~再去沙北Reserve嘆啡~......下午悠悠閒過.....夜晚叫外賣吃~~....星期一.....上班日嘛~又遇到討厭的小孩了~還有討厭的家長~~~~~~(明明都上學去了..仲係咁多人既)



2018/10/15
Day 2(英國,格拉斯哥 UK,Glasgow)
早呀~休息左成晚~舒服哂~搭完長途機沖既哥次涼真係好舒服~我地訂呢晚酒店無包早餐~起身就走囉~華!天氣好到~~




搵左好耐都搵唔到租車counter係邊~問左入面既information原來沿機場外圍行去T2哥邊就會見到~




過左T2就會見到car rental架喇~





好多間租車公司~




好彩呢我地早到...因為我地到哥時一個人都無的....但搞我地哥單租車搞左勁耐~後尾排起長長的人龍~因為佢見到我地d行李之後就話我地開頭租哥部唔夠位放行李~叫我地轉部大d既~原先我地俾左£648.88=6,748.4hkd.....加多一個司機£112=1,164.8hkd......依家轉左部大車...再加多£996.39=10,362.5hkd....即係連埋保險總共俾左£1757.3=18,275.6hkd......係租18日車....每日1,015.3hkd....每人每日253.8hkd.....加左錢之後仲係可接受範圍~4人去旅行就是抵~




佢俾左架法國車雪鐵龍俾我地呀~~~四驅車~~好大架~~~好新~~~~





司機大哥在摸熟架車中~




出發~~~~勁爆好天~~~




佢個GPS顯示屏勁大~~~~而且司機大哥前面個錶版都可以睇到GPS!!!!









想開冷氣哥d都係呢個mon度較架~~好先進唷~~




由於未有得check in今晚間房~所以我地就出市區先走走吃東西先~我地搵左個收費停車場泊好車就周圍行下啦~~





好開心~~撞到第一個著蘇格蘭傳統服飾既人~~~~(事實上撞到的並不算多~).....好有型呀~~~~





之後行到去佢地個central station~~見到佢外圍透光設計好似幾靚~入去望望~~~~





好光猛令人好舒服呀~~~~~~~用日光做照明好舒服丫~又用少d電~








遊下~蕩下~揀定左呢間外表光鮮既Gusto...地址：16 Bothwell St, Glasgow G2 6NU,UK....查實係出面望過佢餐牌唔貴~~~~~~哈哈哈~~~~






除左有單點仲有中午套餐~2 Course就£16.95=176.3hkd...3 course £19.95=207.5hkd




我地叫左兩個3 course....前菜揀左Bruschetta同埋Milanese-style Meatballs......都唔錯~





前菜單點叫多個Mussels Cooked with White Wine....£8.75=91hkd.....也不錯~但我覺得青口唔夠飽滿~~個汁漏左d~




set既主菜其中一個係Gusto Classic Burger......阿Sam食既~佢話幾好味~





另外一個set我同毛寶叫左Pan Fried Fillet of Seabass....呢個幾好食~因為佢煎到塊皮好脆~~~~~~~




我地另外單點左兩個9oz Argentinian Ribeye Steak....£22.5=234hkd......一見到阿根廷4個人就雙眼發光!!!!個價錢唔貴...平過澳門食...但.............澳門既好食d~唔推介~






兩個set我地都係叫左Lemon Sorbet....一個都咁多~~~呢個好清新好好食~~~




再各自叫左單點左餐後飲~我就叫左Americano(Double)....£2.75=28.6hkd...毛寶叫左Earl Grey...£2.35=24.4hkd....大比叫左Affogato....£5.75=59.8hkd.....我發現佢地好質叫Affogato會跟多杯酒~






係蘇格蘭既第一餐~~yeah~~~食左£99.5=1034.8hkd....每人258.7hkd~又唔算好好食~還好~





食飽飽又周圍逛下~




行下又影下橫街~





跟住行過見到有個俊男指住我呀~~要入入~






不過...我覺得...佢作為哈波原產地...d產品係捉到鹿但脫唔到角~無一樣野吸引我買.....出精品真係唔夠日本黎.....





行到類似商店街既物體~




然後行行商場~叫St. Enoch..地址：55 St Enoch Square, Glasgow G1 4BW




行左間玩具店~~~阿拉姨仲話要買呢隻長頸鹿俾菓子軒~~華~~成£3,500=36,400hkd~~拉姨真係有錢呀~~~





好醜呀~~~乜哈波都買唔落手~~~~哥碌魔杖粗到....







仲學人有禮盒裝~~~




有人細個最鐘意玩既playmobil~佢跟住你一齊長大既~




查實呢個商場無咩岩我地行~~不過係玩具店出黎見到商場個food court又幾靚~





行去攞車時經過一個小型遊樂場~~~





格拉斯哥市區都好似無咩野行~好啦~我地去民宿攞房喇XXD





我地民宿就係呢度喇~~叫Festival Park Apartment~仲有停車場提供~





華~好大呀~廳+廚房~2晚£240=2496hkd.....每人每晚316hkd~




呢間係我同毛寶間房~~




大比同阿sam間套房~有廁所~





另一個廁所~




個廳真係幾大~~~望出去個景都好宜人~~~姐姐真係訂得好喇~d葉開始變黃~好靚~






好~由於中午食到好飽~~所以我地決定!!今晚自己亂煮野食算了~出去搵超市~不過最近哥間都要行10分鐘~




而且還是小小的一間~唔算多野買~




回程的日落美景~




睇下我幾賢良淑德~~~~~~邊個娶到我真係有福~~




頭先吹到咁大其實我淨係爆X炒左d菇...整熱個罐頭湯...同埋煎左隻蛋咁大把~意粉係叮叮食品~~~~~








2019/02/18的開心事：
到左今日仲收到利是!!!



報時：距離六公子峴港嘆世界之旅2019仲有---44日~
報時：距離北非摩洛哥之旅2019仲有---65日~
報時：距離狂歡三寶台北快閃瘋食之旅仲有---107日~
好耐無試過狂歡三寶去旅行喇~~~~~
可能有人唔知狂歡三寶有咩代表喎~
有我~毛寶~杯~
想當年第一..第二同第三次去日本自由行就係我地三個~
期待~
另外...終於搞左越南簽證喇~~~~
但我地仲未訂酒店~~~~