天團蘇格蘭高地之旅2018-10-17第四天(陰天及後轉晴)

星期二.....一起身...腿還是很痛呀!...上班也沒有遇到特別事~喉嚨因為睇完演唱會而講野走音左兩日.....放工後還是堅持的去跑了3.63km...我真夠棒棒的~跑完獎自己去搵吉吉阿姨~今次仲加多左個烏冬~配上我愛的台灣綜藝~爽~....星期三....今日起身隻腳好番好多喇~~~同埋把聲都好番不少~~陳仕燊真的好利害~我從未試過睇完演唱會會有咁多後遺症~呢日番工攰到呢~唔係量多哥隻攰...而係d人令你腦攰!...星期四....今日生意慘淡呀...岩岩好夠數咋~不過都算係咁啦~今日下午我肚痛仲咁堅強~~~好野~~聽日就係星期五喇~但我好難想像原來我差唔多睇完濕爬演唱會已經一個星期...但好似係岩岩睇完咁咋...嗚嗚...好掛住仕燊寶寶呀~



2018/10/17
Day 4(英國,格拉斯哥 UK,Glasgow->北愛爾蘭,貝爾法斯特 Northern Ireland,Belfast)
早晨~呢日我地早早出門呀~點解?因為我地會暫時離開蘇格蘭~前往北愛爾蘭(Northern Ireland)!!!!!!!我地點去?依家話你知~....呢日格拉斯哥早上非常的陰天~凍~




晨早起身咩都未食~辛苦哂阿Sam咁早揸車...因為呢程車要成2個鐘!!!!




駛離高速公路之後個gps狂叫我地兜入去d細市鎮入面(但明明睇mapsme可以唔兜都得)....然後毛寶輕輕說一句：一定係gps公司同呢個細城合作...迫我地兜入去...從中獲利XXD......呢度乜都無~~~~有咩可以幫襯佢~~~~~




一路沿海邊方向駛~





真係成2個鐘先到~~~~~辛苦哂~~~~我地呢日係連人帶車咁樣搭船過去北愛爾蘭~~~~~~~~~~~~~~~碼頭係Cairnryan Port





入到呢到諗住報到~點知原來唔係呢邊~




根據指示黎到另外一邊~經過檢查站睇番訂位紀錄...過安檢....然後就按指示排隊~咁樣連人帶車過北愛爾蘭(來回)就大約每人960hkd....但因為我地之前上網預訂時申報架車轉左做四驅車~要加多1000hkd.....加埋就來回每人1,210hkd左右啦~詳情請往船公司Stena Line網站自己睇下~






泊左架車排隊我地就去佢個休息室度買下咖啡坐下抖下~買左個黏黏曲奇送咖啡~




差不多時間就上車準備啦~我地呢日搭11點船~按職員指示駛入船艙~






泊好車就可以上去餐廳坐架喇~~~呢隻船都幾大下~





我地坐低叫左d野食~阿sam叫左漢堡£11=114.4hkd......我同毛寶叫左個soup of the day....£4.5=46.8hkd....大心叫左個muffin...£1.9=19.8hkd......好犀利...全部都好難食~睇下d薯條唔精神到~~~~





食飽傾左陣計就去參觀下呢隻船~勁丫!!有機打!!




有免稅店~




仲有得賭錢!!






出船艙外望下風景~超大風~~~~~~~又幾好天喎~





又行番入去~~仲有swich既overcook玩!!




仲有個小戲院~不過呢日無播野~d人攤哂係櫈度訓~




經過2小時15分鐘船程就到左北愛爾蘭喇!!!!!!!!!!!!!!!!!!




落船了~~~~






搭船黎到北愛爾蘭,貝爾法斯特(Northern Ireland,Belfast)~北愛用無限陽光迎接我地~~~~~~我地首先揸去市區搵左民宿先~好似10幾分鐘就到市區~






搵到民宿~我地泊低架車係附近~未到入住時間我地係附近行下超市先....驚見...我細個好鐘意食既viennetta有薄!荷!朱!古!力!味!!!!!!!!!!!!!!!!!!!!!澳門得雲呢拿同埋朱古力味~(仲要停左好耐最近先再有番供應)




好~搵下下午茶先~街景都好好拍~唔知點解黎左北愛之後...市區景我覺得好似去左澳洲咁~






然後大比搵到附近有間cafe~叫Town Square...地址：45 Botanic Avenue







不過有d失望~佢過左午餐時段下午茶得d甜點呀..牛角哥d...想食下蛋料都無~野飲我地叫左呢d...我就叫左杯筋勞...£2.7=28.1hkd....大比同毛寶我唔記得佢地叫乜啡同乜茶(係無講過野一樣)...但杯啡個拉花好靚~




叫左舊Salted Caramel Brownie黎送啡~£2.7=28.1hkd....甜到糖尿~





嘆完啡慢慢行番民宿攞房~





今晚民宿住呢度~~~




用密碼鎖~平時哥d用鎖匙盒攞完鎖匙再開門~呢個直頭用電子密碼鎖~好先進~






入到去見到佢以為佢好智能家居~以為可以用呢舊野調唔到~呢度勁熱~又開唔到窗~~~~~~





呢間民宿其實裝修到幾靚既~叫Malone Place Apartment...一晚£109=1,133.6hkd....每人283.4hkd..都抵住既~....不過你留心下d相先~..........................一間係二人房...一間係單人房....我地有四個人喎~~~~~~~~~~~張梳化係梳化床...但佢無俾寢具喎~~~~~~~~~~~~~~~~~~~~~~~~~~~~~~(最後辛苦阿sam做廳長)








安頓好又出去行下~日落ing~教堂+日落天色好靚~




呢頭好似幾多塗鴉~





毛寶叫我扮截的士~~~我勁老尷~~~~(因為對面有成車麻甩佬望住我做戲~~~~~~)




然後我地行到黎號稱全北愛爾蘭第三大既商場Castle Court...地址：Royal Avenue, Belfast, BT1 1DD.....但....入面賣既野...真係無一樣野岩我睇~~~~~~~~~~~~~~~~~~~~~~~~





假行一圈走人~黎到今日既重頭戲~~~~~~~就係食晚飯喇~~~~大比揀左呢間Mourne Seafood Bar....地址：34- 36 BANK STREET, Belfast.......大比超醒目呀~一早係佢網頁online reserve左~~





我地好似訂左6點....但目測成間餐廳已經坐左一半人係度~佢安排好我地坐之後我見後面再有人入黎話無訂位已經無位~餐廳不大..如果要食真係要訂位~




餐牌就得一版~




毛寶叫左杯意大利既Sparkling Wine....£6.75=70.2hkd....我就叫左杯羅馬尼亞既白酒....£5.5=57.2hkd




我從來都無諗過自己會去到北愛爾蘭架~~所以~~飲勝~~~喂~~做咩有人用辣椒醬做代表XXD




唔好講咁多先黎"每人"半打Natural Oysters~~~£9.5=98.8hkd...每隻16.5hkd......wow~~~~~~





用圓碟好家庭feel~~~~~~~~~~~~~~好似我屋企蒸魚d碟~~~XXD




華!!!!!!!!!!!!!!!!!好爽脆好海水味好好味呀!!!!!!!!!!!!!!!!!!!!!!!!!!!!!!!!(我無乜實用既形容詞)....16.5hkd一隻未算係最抵...但係就係好食!!!!!係Belfast既生蠔~~~~天團又發癲XXD





然後再黎半打Japanese Style既生蠔~~~£9.75=101.4hkd.....每隻16.9hkd......佢加左少少酸酸地既日式汁...酸薑同埋青瓜...又真係幾好味幾日式既~





Salt and Chili Squid....£7.5=78hkd......其實係幾好食既..不過少左d囉~得面哥少少....下面全部係炸粉粒




Piri Piri Prawns......£8=83.2hkd.....查實我到家陣都唔知點解叫piri piri~~其實呢個幾好味既~汁同蝦都ok~點麵包食一流~




Pan Fried Crab Claws....£8.5=88.4hkd.....肉質很死實~







Mourne Mussels & Crusty Roll(Main).....£12.5=130hkd.....好味~難怪見隔離枱阿伯一人一煲!!!!




Chargrilled Ribeye....£25=260hkd.....真係不敢恭維....叫5成熟都柴到可以打死人.....又無牛味.......難食之最....哥幾條菜心伴碟先礙眼!!!!!醜!!!!





叫左個Truffle Fries做side....£4.25=44.2hkd.....個薯條炸得好食..但沒有松露味~(又記起了新加坡那間cafe做得真出色~)




老實講...個牛扒係有d殺風景既..........但係生蠔同青口真心唔錯~推!.....呢餐食左£123.95=1,289.1hkd....每人322.3hkd





我地去超市買左佢番民宿做甜品呀~~~~~~~~超!級!勁!爆!好!食!!!!!!!!!!!!!!!!!!!!!!!!!!!!!!!點解澳門無呢隻味呀!!!!我真係好鐘意薄荷朱古力味既雪糕!!!!!!!!!!!!!!!!!!!!!!!!!!!!!!!!!!!!呢個仲要係千層的!!!世界級!!!








2019/02/28的開心事：
我發現我有好嚴重既選擇困難症..
因為我頭先為左揀兩支沐浴露..
而係屈銀寺企左勁耐~~~~~~
到我諗好去俾錢時...
無啦啦有個人......
行埋黎放低兩張劵然後話：我用唔到呀俾你丫....
然後極快行走左...
個收銀姐姐問我用唔用....
我：好呀~
就係咁....減左10蚊~
好開心~~~XXD



報時：距離六公子峴港嘆世界之旅2019仲有---34日~
報時：距離北非摩洛哥之旅2019仲有---55日~
報時：距離狂歡三寶台北快閃瘋食之旅仲有---97日~