Diana生日會2018@喜粵8號(Canton 8)

星期五....開心因為食左個麥叔叔早餐~我覺得今年8月既工作量好反常....我好驚咁樣係有風暴靠近.....放左工去左睇職業特工隊：叛逆之謎(Mission:Impossible-Fallout)...查實個中文名真係唔知點譯既呢~~反正長拍長有~就咁M:I 6咁咪得囉~呢d戲無咩好無睇既~睇開就睇~今集幾抵睇..成兩個半鐘~坐到腰骨都痛~星期六.....期待左好耐既麥公子生日會去左Don Alfonso.....幾唔錯~~不枉我期待左咁耐~~~~但勁飽~~~下午搵下台北之旅食咩~~到夜晚...我仲係飽到咩都食唔落~~~~~但去左新開既摩珀斯走走~........星期日.....中午食左北海道既中午set…但很一般.......下午又執下野咁....(呢個組合已經loop左好幾個星期).....又執左啲經典野出黎XXD…夜晚去左食老上海~仲有龍蝦食…星期一........今朝杯長黑好似唔同左味咁既?....華...星期五先講完....今日風暴就靠近.....多~人~到~癲~又唔夠人做野喎~全日既氛圍持續係低氣壓~所以我獎我自己~食一包我最愛既muji魷魚~我自己食~一整包~~精神健康好緊要~我今日低氣壓要關注左先~減肥呢d先放下~~~所以呢刻我好開心~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



哈哈~之前Diana生日我地約左去食新開無耐既喜粵8號~地址：澳門利澳酒店3樓.....利澳酒店個網站連呢間餐廳既資訊都無~~~訂座電話：8989 1282......係上海開過黎既米芝蓮2星餐廳.....利澳酒店個停車場成個廢墟咁~




我打去訂位問：請問你地有無生日蛋糕可以訂埋?....接線服務：無喎~....我：咁....有無得叫甜品然後幫我係碟邊寫字架~.....接線服務：無喎~...................................0我~好囉~



一入去....發現裝修都幾靚~而且坐位都很不錯~好似幾有自己私人空間咁~





餐牌入面個logo都幾有趣~有哂中英文既喜粵8號~~





陳醋黃瓜海蜇...$68.......覺得在上層的海蜇不夠入味....要狂沾底下既醋黎食




椒鹽七味豆腐...$38....極平....但佢比出面哥d整得大粒....但我覺得細細粒咁好食d....因為我食呢個餸係鐘意食佢個炸既面...但呢個太大粒...一入口係成口豆腐....哥個椒鹽七味既炸炸表面並不突出!





星級叉燒...$88...不錯丫!重蜜味!係有舊超硬...咬唔開咁...但淨係得哥舊係咁!其他都肥瘦適中~






薑米金沙脆蝦球....$168....一入口真係有薑同米既味~~開始咬時咸蛋黃味就湧出黎~唔錯~咸蛋黃包滿成隻蝦~





花雕蛋白蒸波士頓龍蝦鉗....$108.....坊間好少蒸龍蝦鉗...多數係蟹鉗~




我終於知道點解係蒸蟹鉗既多...因為龍蝦鉗係完!全!唔!入!味!!!!




蛋白就真係蒸得幾好味既~(即係$108最好食係蛋白...龍蝦鉗就.............................)




金黃釀焗蟹蓋....$98.....入面有d洋蔥一齊焗~都幾多蟹肉既~但個汁一般~





上湯浸有機蔬苗...$58......正常菜味




簡師傅魔鬼炒飯...$98....有d蝦呀..菜粒呀..叉燒呀......我覺得炒得ok既...仲辣辣地咁幾開胃~(第二次同其他人去食佢地話覺得油左d...一般)




生日快樂~~~我既小學同學~




哥次食左$938~我覺得....佢唔算好食唔算唔好食~一般~服務就d人可能新~但幾有禮貌既~環境ok~




隔多個禮拜...我再同毛寶同我媽同朗公子同神秘團友食....有d餸之前講左就唔再講喇....沙薑花生豬手....$68.......一般般....佢地話食豬手就係想lung骨...但呢個係無骨......同埋好似得d豬皮咁




脆皮燒肉....$88.......唔錯!肥瘦適中~下圖影哥舊食落又唔怕肥喎~





糖心皮蛋酸薑...$38....正常野




海皇酸辣羹....$48........勁怪...因為好甜!




香酥炸美國生蠔(4只)....$138.......勁大隻...我獲得豁免唔使食...因為我哥期耳背痛嘛........同埋咁大舊炸野我厚驚架~




鮮蝦鍋貼小棠菜....$108......er....無咩感覺






時令鮮果咕嚕肉....$68.....毛寶吃後一臉自信跟我說：我覺得佢做得唔錯喎幾好食.......我：下..我覺得一般咋喎.....毛寶：妖!!!




薑汁炒芥蘭...$??.....餐牌唔見有..唔知我班飯友點叫出黎....但我覺得呢次最好食係呢碟菜........................食完呢次評語同上次一樣.....環境唔錯....食兩次食物都係一般.......如果你話我知呢間有米芝蓮二星會嚇親我~~~~~~

開唔開心呀~下一篇就係和歌山篇喇~








哎呀~
你地真係好有我心!
有blog友特地send fb message話俾我知..
supper上903有節目...
又有blog友特地影supper演唱會海報send俾我睇..
我好感動呀!!!!嗚嗚嗚!!!!!!
你地對我真係好~~~~~~~~



2018/08/06的開心事：
唔......今日做到狗屎屁咁
下午都可以準時收到工喎~
我真係好感激~
今日既低氣壓~我去台北要食番夠本!!!!!!走著瞧!
(錯重點...我去台北係為左睇仕燊的)



報時：距離Supper Moment[Dal Segno]專輯巡迴台北站2018仲有---17日~
報時：距離與毛寶慶生泰國食揼嘆之旅2018仲有---52日~
報時：距離天團蘇格蘭高地之旅2018仲有---68日~
報時：距離鳥取自駕遊之旅2018仲有---116日~
點算呀!!!!
我仲未諗到送咩生日禮物俾仕燊呀~~~~~~