2018年8月13日 星期一

和歌山嘆溫泉自駕遊之旅2018-06-18第一天Part 1(晴天及後轉雨)

星期二....今日真係多野做到好難過……所以晏覺訓醒一起身……我就食少少咸蛋薯片安慰下自己!噚晚叫毛寶幫我諗個藉口…今日唔跑步XXD…佢幫我諗左話天氣太熱了XXD…但最後我今日都係有跑……因為我諗…放棄很易…可以諗到一萬個藉口…要堅持…唯一既可能係…我要挑戰我既惰性!而係呢日…我贏左!我情緒好高漲呀!跑左3.49km!(講左一堆狗屎屁其實我只係怕聽日落雨如果今日唔跑就成個禮拜無跑XXD)…星期三…好攰呀!放左工跑步…跑左3.55km…大家跑步時個腦會唔會諗野食架?我會XXD…噚日跑時我好想食濃湯牛肉米!今日…我好想食油雞脾飯XXD(可能我聽完你話買隻燒雞脾接我放工有關XXD)…我相信我呢一生都會俾食物牽引…星期四…咪又係咁多野做…放工有人約女仔睇戲…乾脆甩稿XXD…又估唔到套抱抱我的初戀幾好睇喎…星期五…又有少少反高潮…下午過得幾好…放工去左食自助餐慶祝婆婆生日…之後去左睇與神同行:終極審判…唔知仲有無第三集呢?依家d戲咁抵睇既...成兩個半鐘~~星期六....中午食左我盼左成個禮拜既仰光小館魚湯粉....佢個豬扒都好好味~...下午寫blog....夜晚約衰公衰婆去左微辣個美食展~但.....根本無野岩食..仲俾左每人廿蚊入場費添......蝕......最後去左食利苑...但也很難食~仲要食唔飽...最最後我地買左家和番衰婆屋企食~星期日.....中午諗住去試間未試過既Cafe..點知無位...去番communal table算了~食完又番屋企執屋~~我感覺得呢個夏天都在執屋...我好攰~之後又去毛寶家痴餐~星期一...我想飲長黑!!但間cafe唔聽我電話~~嗚嗚~~迫我食左法國佬....好多野做呀今日~~~~我要出blog慶祝下呀~~(失常mode)



2018/06/18
Day 1---Part 1(澳門 Macau->日本,和歌山縣,和歌山市 Japan,Wakayama Ken,Wakayama Shi)

登櫈~~係咪好期待呢~~(你話無我又嬲架喇)....yoyoyo~~~~日本和歌山之旅~~~~~出發~~~~~~~哥日我地叫左電召的士去機場~~~~團友們~say個hi先~~~~~~~(睇下我個樣幾精靈~~)...有我啦~~毛寶啦~~毛寶爸啦~~毛寶媽啦~~~個組合好新鮮呀下~~~gogogo~~~~~~~~~




但我想用少少篇幅講講我今次出發前至出發當天既心路歷程先!...首先..有無見到我地個標題?係嘆溫泉!!!!而女仔去浸溫泉最怕係咩?係黎m呀!!!!!!本身計落好似無事既...但唔知點解之前d期亂q哂....搞到計計下係出發當日黎....心灰之下....我決定自救!!!黎完對上一次之後....我決定要保持自己行氣活血既身體!!!令自己提早黎m!!!務求出發前黎完....於是我哥個月淨係飲過兩杯凍飲...(連同公子燒烤我都係飲常溫水咋!)....仲有保持跑步促進新陳代謝....同周不時清下熱氣...哥個月我不停咁問衰婆同朗公子:你估我會唔會提早黎m呀?(人地點會知呀?XXD....如果你同我做同事係真係會俾我煩死架XXD)....但佢地又真係鼓勵我喎:你咁勤力梗係會啦!!!........之後feel到自己好像想來時我又加多樣穴位按摩法(按三陰交穴同制污穴...有興趣自己上網搵下XXD....懷孕千祈唔好試呀!!!!!!!!!)......衰婆自稱自己識氣功幫我推推佢(XXD梗係吹水啦...但對心理有幫助).....然後...我咪有一次係Blog度寫話我對自己用左個偏方又成功左既?就係....我一路笑一路同衰婆講:等我大力跳4下等d m快d行到落黎先....之下......................我當日真係黎左XXXD.........係我旅行前已經黎完~~~~~~貞覺得呢件事好神奇..話呢件事我要出本書....書名我自己作左叫"我戰勝了我的月經!"....有無人買?XXD......成段野都好無聊XXD



好喇...講完月經..又講第樣野....就係.......我好擔心天氣...其一係......因為我6月先有假所以咪揀6月去囉~但一望....喂....原來和歌山既梅雨季就係6月至7月中.....係戇居架我..但無計呀....5月我又搶唔到放假




跟住臨出發前一個禮拜我咪狂留意天氣囉.....每日都狂check住5個日本天氣網!!!分別係專for遊客既JNTO...日本YAHOO...日本氣象廳...日本氣象協會...Weahter News.....仲要一得閒就check.....check到我覺得自己有點病態




其二最驚係咩????係打風呀...你知依家d風好癲架啦..好早就開始......係出發前一個禮拜..有個風吹左唔知去(海南島?)...忘了....我又係超緊張....打完之後靜左一陣....臨出發前3日......頂!!!!!!!!!!!有個風超近台灣生成!!!!!!!好似哥日生成第二日已經話登陸台灣再過幾日衝緊去日本!!!!!我心臟就黎頂唔順要發瘋喇!!!!!!





無喇無喇!!!!做定心理準備先得喇!!




出發前又去澳門國際機場網站睇下d機有無delay!!!




然後再去日本yahoo睇下日本機場有無delay!!..又無喎~





終於...係出發前一日!!!!個風變左做溫帶氣旋~~~~無風球喇~~~~可喜可賀~~~~可賀可喜~~~~




出發當天~咩風都無~感謝~




好喇~出發當天都要睇睇天氣既~er...................我去咁多日...一係密雲...一係落雨...........係好過打風既~算啦~我個人幾推介係日本yahoo睇天氣既~仔細到每3個鐘既天氣都有~





而且仲有其他防災情報可以睇到!




嚇我唔到既......睇埋另外d天氣網先~er.....哥幾日都係落雨................嗚嗚~~~





你話我出發前個心係咪已經好攰????.......好喇.....都算啦...落雨je~冰島夠成日落雨啦~嚇我唔到既~.....雖然我前一日已經網上check左in...但都要排隊drop off行李既...就係排隊期間收到消息...................大阪發生6級地震!!!!!!!!!!!!!!!!!!!!!!和歌山就係正大阪下方(用左兔公仔做標示地理位置)




連好多鐵路都有影響...........................................




我已經唔知講咩好..........不過我好感恩...因為我地本身係諗住早兩日出發既!但plan行程時發現一間我地好想住既溫泉旅館休息..為左就佢...我地決定遲兩日出發!....就係因為呢間旅館...我地避過左地震當時已經到左日本兩日!!(即本來事發時會在當地)......一定會擔心死我阿媽....我超感恩!!!!!!!!!(多謝好多朋友仔在fb關心我)



咁佢又無delay又無剩...無事卦?!?!!?....帶住8.6kg的行李出發~食個Lounge早餐定定驚先.......我地出發哥日係端午節正日呀!!!竟然有應節野食~~~講講匯率先....今次我又有朋友去完日本唔再去換哂d錢俾我....匯率係6.15...(唔好問我點解佢對我咁好)......即100円=6.2hkd~~~~~好平~由於咁平~我地所有係當地俾錢既野都俾現金~無碌過卡~(當時出發匯率是7.13)......




我地係搭澳門航空既NX856航班係09:45由澳門直飛去日本大阪關西國際機場~由於澳航係3-3坐法....為左等佢兩老唔好咁徬徨...我安排左毛寶佢地3人一齊坐~我自己坐另一邊~我真係乖~(但我想講呢...澳航網上check in真係唔掂囉...佢最多只可以俾我3個人同時check in喎!!但佢明明俾我一次過買4人機票呀!)




好野~~~有飯食~~~好野~~~仲要係我最鐘意哥隻好好味牛粒飯!!!!!!!真係好好味~就係派飯時...派到我前面哥排時個空姐失手成個飯飛左黎後面我哥排....跌左落坐我隔離既情侶座位地下.......由於前面有位...空姐幫佢兩個調左前面d乾淨既位坐~我一人由食飯開始獨霸3個位~~~~~~~




點知我頭頂部電視畫面反白...呢日機上上映朝偉的捉妖記2.....咁我唯有幫大家填下入境表~




我地4個人...買左兩張電話卡....一張我既一張毛寶媽咁分配既...點知我出發前屎忽痕走去安裝電話卡軟件試完之後又卸除....搞到正式用就裝唔到....(我係咪好低能?有咩好試?)....家陣電話卡係屬於毛寶同毛寶媽的~




I know above the clouds the sun is shining~~3個位任我走動~~走去同毛寶傾計又得~無啦啦去去影相又得~





咦~開始見到陸地喇~~~到喇到喇~~~(知喇知喇天氣預報會落雨嘛...嗚嗚)





降落地面後竟然有!陽!光!喎!!!!!!!14:30到達~比原定時間遲左15分鐘~少可會遲到~通常都有早~





搭無人駕駛列車去過海關~~毛寶爸個樣好似小學生出發去旅行咁架XXD...可惜你地睇唔到~~




依家佢打指模影相...同吸印步驟分開...係快左好多~我發現我同毛寶過關無再要影相打指模(因之前分流做左).....毛寶爸同毛寶媽就有係吸印其間做多次!(可能佢地係第一次入景日本)........我終於得到張新既入境貼紙喇!!!!!有櫻花有富士山~~~~~~




出左禁區....機場大致正常!




首先去Telecom Square攞左wifi蛋先!其實我去旅行一次wifi蛋都無租過..因為覺得好煩(釜山那次由麥公子負責)....咁點解今次會租???其實因為租車哥時包埋wifi蛋唔使錢~咁就要囉~而且都收得幾好~而且無我想像中咁耗電~






而且還機好方便~直接放入返卻口就好了~手續都唔使搞~




攞完wifi我地就去攞車啦~攞車地點同上次一樣~係Aeroplaza有租車counter~先經過關西空港駅...行過見到超多人.....見到JR原來仲未開番!




穿過關西空港駅之後就會見到Aeroplaza.....搭扶手電梯去1樓(記得搭扶手電梯..因為搭lip勁細勁慢有排等個個推住行李)




今次我地都係TOCOO!度租車......租左Nippon~




租車費用60,264円=3,706.2hkd....上網租哥時已經揀埋要保險(TAS)....但係現場佢問我地再加唔加購NOC...係租車公司如因你撞車而令到車輛不能營業既補償方案...咁梗係買啦~~又唔算貴~432円=16.6hkd/日...有咩事上黎碼唔使轉嫁落我度~...同埋另外再買多左個648円=39.9hkd既保險.....咁6日租車+所有保險係63,504円=3,905.5hkd......每日即係650.9hkd...每人每日即係162.7hkd...好抵!




我地4個人就係租左呢隻假7人車~諗住等兩老坐得舒服d~hi~呢幾日靠你喇~




好~出發~~~~你放晴我好開心呀~





為大家介紹下我地呢6日既帥氣司機大哥!!!估唔估到佢係邊個~好難估呀好難估呀~到底係邊個係司機大哥呀~




又講講GPS先~老規矩...唔再靠輸入電話去搵...都係之前上定Mapion搵定Mapcode最實際!.....車上既GPS今次好過上一次哥個既...都幾清淅...但都自己發神經左一次......突然失靈....好彩我之前係mapsme呢個電話app搵哂所以要去既地址~老規矩~我搵到哥d就寫哂出黎俾大家~




好咯~上高速公路咯~和歌山方向~~~~





我地今次無要到ETC吃到飽方案呀~(因為覺得得一個縣收費公路有限~)...亦無租ETC卡~(因為我地呢次俾現金最實際~6.15嘛~)....所以今次無得威威狗行紫色ETC通道~要行綠色一般通道~記得要攞飛仔~






今次揀黎和歌山司機大哥一定好開心~因為係關西空港落黎只需30多分鐘已到~~~~~勁夠近~~~





出口有收費站啦~無租ETC卡就記得係"一般"度出~有d收費站係人手收費既...有d就好似呢種自助機~都唔難用~係1字哥度入飛...係3號入紙幣~(記得找錢~)....司機大哥泊得太開唔夠手長俾錢~~~~~~~~~成個身飛左出去入錢~~~呢程高速公路係920円=56.6hkd





hi~~~和歌山市(わかやまし)~~~~感覺上好似熱鬧過上次四國~





我地到左和歌山市就去左酒店先啦~呢晚我地訂左Granvia Hotel Wakayama.....地址:和歌山縣和歌山市友田町5丁目18番地......Mapcode:35 218 486*27(*後數字通常不用打)....係JR和歌山駅附近~幾方便~每房每晚1,052.7hkd...每人526.4hkd.....房間在日本黎講我覺得算幾大下~而且也乾淨~我成日都好奇點解Granvia呢間酒店成日可以起係車站隔離...原來同鐵路公司係同集團!




廁所都ok~其實睇廁所相都好好睇架~因為你會見到鏡中既我係幾咁趣~呢張算成功~因為影唔到我~~哈哈~








2018/08/13的開心事:
番到屋企見到d雜物少左d~



報時:距離Supper Moment[Dal Segno]專輯巡迴台北站2018仲有---10日~
報時:距離與毛寶慶生泰國食揼嘆之旅2018仲有---45日~
報時:距離天團蘇格蘭高地之旅2018仲有---61日~
報時:距離鳥取自駕遊之旅2018仲有---109日~

仲係未諗到送咩生日禮物~

26 則留言:

  1. 仲有10日炸!!巧快!!
    見到屋企嘅雜物少左d!!嘩!勁丫!!!

    回覆刪除
    回覆
    1. 我好想快D見到仕燊呀~~~興奮與緊張~~~~
      你又唔上黎幫我攞走咁D哭物~~~XXD

      刪除
  2. 話咁快又一天過╠╣aΡpy週二
    💫✾☾*。๑好友🌜晚安喇喂🌛
    ╭───────╮✬
    │瞓覺豬呢🌟│
    ╰───────╯★
    ╭───────╮
    │甜夢安睡✨│
    ╰───────╯º°¨⊹
      ❉
       *
     .∧_∧・。゚☆
     ( ・ω・ )
     |⊃/(___♫♪
    /└-(____/♩♬
    ۩۞۩ღೋგஜഐ

    回覆刪除
    回覆
    1. 好開心終於到周末了~~~~開心心~

      刪除
  3. 要挑戰惰性<====你意志力好勁,讚^^
    以前聽聞過參加奧運的女運動員會有方法自我調節,原來你都已到奧運級數了,好犀利XXD
    出發好彩天氣不錯呢!!!

    回覆刪除
    回覆
    1. 哈哈~但懶左哥時又唔出聲~
      原來我已是世界級了~我也佩服我自己XXD
      係得哥日XXD

      刪除
  4. 其實你有幾多日個軀殼係留係MACAU架 XD
    HAPPY TRIP!!!

    回覆刪除
  5. 回覆
    1. 無事無事~~~8號風球只掛了5小時~

      刪除
  6. Hi T, 我係妳個匿名讀者 XD...想話妳知其實各大信用卡都會有租車保險,最高保幾萬美金㗎,即係好多時係一架新車。講緊係VISA自己本身有呢樣嘢。我以前都唔知,係有次唔好嘅經驗,信用卡公司話我地知。跟住我地打電話去VISA問係咪真,佢話係有咁嘅事。當然我個單唔需要出動大boss,但係知道吓都好。

    回覆刪除
    回覆
    1. HI~
      下~~~~~~好多謝你打咁多字袋錢入我袋呀~~~~~~
      真係唔知有D咁既野!但我想問下係咪要用VISA卡黎租車先有呢個保障????
      幾好喎又!

      刪除
    2. 係呀,要用VISA卡租車啊,個VISA卡要係司機個名先有用啊。唔好客氣啊,妳D旅遊blog都成日袋錢入我袋啊!

      刪除
    3. 好~~明白明白~~等我打去問下先~~~多謝提點~

      刪除
  7. 真搞笑
    妳個偏方+意志力=可以控制生理
    青春真喺可愛
    和歌山之前去過兩次,不過喺N年前,
    好想睇下近年景點有乜開變

    回覆刪除
    回覆
    1. 哈哈~唔好笑我啦~我只係想為個旅行盡下力~
      景點都無咩點變既~因為都係睇景多~

      刪除
  8. 妳好似馮盈盈係後生仔傾下計咩到講喎.......連M都可以控制....勁呀妳
    提早祝妳睇Show愉快.......

    回覆刪除
    回覆
    1. 我邊有馮盈盈咁敢講呀~~XXD
      多謝~~~

      刪除
  9. 月經都被你吹谷得到,無咩難到你
    出發前幾天我都會日日日日CHECK住個天氣,落雨就...
    重點是天氣報告得非常準確

    回覆刪除
    回覆
    1. 因為我已到達世界級了!XXD
      係呀CHECK到手提爛!!
      YAHOO都幾準~

      刪除
  10. 呢篇嘅焦點唔會唔係你戰勝m記囉
    你將你嘅焦慮,忐忑,囉囉攣寫得淋漓盡致,去慣去熟去旅行都會咁?
    仲有十日癡女追星記就去到最高潮,連出埠睇蘇都做埋驚唔驚之後返唔到轉頭?

    回覆刪除
    回覆
    1. 哈哈~係咪好唔知醜呀咁都攞出黎講~
      梗會....因為真係無得浸喎!!!
      梗係唔會....因為我對佢既愛已經係覆水難收左好耐~

      刪除
  11. 你咁搞法會唔會有後遺症架...
    軟件拆完冇得裝返咩?
    而家得返一個禮拜...有冇諗過送小飾物?

    回覆刪除
    回覆
    1. 唔~會~.....卦~哈哈~
      我估佢條LINK只可用一次~
      最弊佢咩都有....都唔知送咩好...要用心思取勝~

      刪除
  12. 係出發前打風真係好頭痕, 好彩你如期出發, 呢排日本都不停打風呢!!

    回覆刪除
    回覆
    1. 今年真係超多風!出發前擔心了很久

      刪除