和歌山嘆溫泉自駕遊之旅2018-06-19第二天Part 1(陰天及後轉雨)

星期五.......第1735次過左隔離學野~今日仍然係觀摩....仲未實戰~(佢地哥邊既客同我地哥邊既客係兩個世界既人....之前已早有過招)...有壓力唔緊要既...最緊要有老闆肯出錢請我去解壓~~~放左工媽媽請我同毛寶去MGM既寶雅座去解解壓~~~野食服務環境都好唔錯呀~~~而且我仲飲到微熏狀態收場~~好開心~~好舒壓~~多謝媽媽~~~......星期六.......臭左毛寶放工中午去左食八分目...中午真係正常過夜晚好多~食飽又回家執野~~(但係假執..因為我一起身頭好痛)...夜晚約左阿sam大比食天福台式鐵板燒~~~~~~星期日...去左拜爸爸~跟住去左食Toff....下午終於訂左泰國酒店~.....夜晚在毛寶家痴餐~今天毛寶媽哥味浸雞...配上蠔油..真係真係好好味...一解我上星期同油雞脾既相思之苦XXD……星期一…今朝無啦啦係另外哥邊自己開counter....無人睇住就坐機了....我向毛寶形容個情況好似揸大膽車咁XXD.....好彩無車毀人亡~~~~~為自己鼓一鼓掌先~如果無今個禮拜抱抱29歲陳仕燊活動...我相信我頂唔順~



2018/06/19
Day 2---Part 1(日本,和歌山縣,和歌山市 Japan,Wakayama Ken,Wakayama Shi->白濱町 Shirahama chō)
早晨呀~check out之後就出發去食早餐先~~~(噚晚酒店停車場泊一晚係1,000円=61.5hkd...任你出出入入都係一晚61.5hkd)......天氣好像麻麻~~




沿路見到Lawson就急剎停~~因為呢日係Lawson crossover 史忽甩皮精品既日子~~~衝呀~~~~~見到喇~~~~~我最想買既買啫喱送碗碗系列~~~~~~好~可~愛~呀~~~~~你地話係咪喇~每個498円(稅拔)=30.6hkd




仲話買過唔知幾錢有獎抽~~抽中左包餅~~~~~~





上車送個近鏡俾你呀~~~~係咪好靚呢~~~梗係兩隻都買哂啦~~~~~~~~~~~白桃啫喱~~~~~好少女~~~~





仲要買一買咖啡醒醒神先~~~Lawson自家出既無糖咖啡~~不錯~佢自家出哥d野飲都不錯的~果汁都好味~




繼續出發~~~係酒店揸過黎大約30分鐘度~~~摩天輪哥邊就係我地既目的地~~~~~~~~~




無錯!今日既第一站早餐係黑潮市場~~~~~~~~地址：和歌山縣和歌山市毛見1527.....停車場Mapcode：146 846 134*57....停車場費都幾貴....一個鐘要600円=36.9hkd...我地留左係度兩個幾鐘要成1,800円=110.7hkd~~~~~~~(但好像係哥度消費有免費泊車..但我呢次無留意到~~哈哈~)





指定動作點都要佢地影下搞怪相啦~~~~~~毛寶爸做壽司司傅可以話係零違和感~~~~~~~~





黎到第一件事就係要霸位睇吞拿魚解體show~~~~~就係入口處...都幾吸晴~~~係一間叫大海屋專賣吞拿魚既鋪頭黎既~




送上吞拿魚show時間俾大家~~一日有3場~我地睇第一場~~




離開場前仲有10分鐘先黎到既我地...咁都企到第二行....企我前面既人又無啦啦行開左唔睇~~我就企左係第一行睇喇~~





準時開始~~~~講解係日文既~~我梗係唔識啦~~~(點解條魚隻眼咁逗趣既?)....老實講....個講解員勁似坐我隔離counter既之仔~~






切完魚尾之後就到魚頭...魚鲛位







跟住到魚肉~~~~再起埋條魚骨出黎








佢好似最後有整到赤身既魚蓉俾大家試食既~但我望唔到試食點在那~




大約10-15分鐘就會睇完~好啦~正式開始行下個市場~勁乾淨的~放心~有新鮮野賣~亦有熟食賣~而且室外有自助燒烤區..你可以買d海鮮係出面自己燒~~~~~慢慢行下先~





都幾多魚揀~但呢d似係魚乾~再望下先~





呢間叫活政商店有魚缸呀~~~但其實吸引我既..只有一樣!




佢兩個都望到好實呀~~~望唔望到係咩~~~~




無錯喇!!!就係佢~~~原個北海道產既海膽~~~~~~~




如果想買新鮮海鮮好似呢間吸引d!叫岩波~佢個魚缸多d種類揀~多過頭先間活政商店~






揀得好開心~




有一兜兜蜆計好哂價錢俾你揀...望下都幾大隻幾抵!




但我地要既係咩呀?氣勢呀!...出面哥d一碟800円=49.2hkd 5隻...我地要買魚缸入面新鮮哥d.......700円=43.1(隻)!!!大到!!!!!同我每人黎一隻~~~~





再來4隻車海老~~~1,800円=110.7hkd(4隻)...每隻27.7hkd....佢每樣海鮮都有寫可以點整~呢隻蝦可以做刺身亦可以BBQ..我地揀左後者~




點都要叫條魚燒下啦~邊條好呢邊條好呢~~~~





開頭心水係呢條既~~咁大條既才800円=49.2hkd....平到!!!




但最後決定揀呢條和歌山縣既唔知咩魚~呢條細條d既~但一條500円=30.8hkd都係好平




開頭想買呢個墨魚BBQ架...但後來忘了order..好無記性XXD




唉呀~佢又有一板板哥d海膽買喎...咁.....好啦好啦試埋佢啦~~~






咁我地揀好哂d海鮮要咩之後..仲佢講完我地想點食(刺身或BBQ)...咁佢就會幫我地處理好~烤魚仲會俾埋鹽你調味~





買左成堆野...才11,100円(稅込)=682.7hkd......好抵呀!!!!重點係咩呀??有老闆呀!!!!!!!!!毛寶話要請佢爹娘食餐正既海鮮餐......我就lam下lam下請埋我~~~~~好開心~~~




好~去番對面頭先做吞拿魚show既大海屋望下先~




佢有吞拿魚壽司啦~中拖羅7件賣1,500円=92.3hkd...大拖羅就賣2,000円=123hkd.....望落都唔錯~




但我唔想食飯~~~~所以將注意力集中在刺身度~~~d女仔好靚呀~~~~~~




最後揀左個最靚最粉嫩既女仔~(睇字覺得好咸濕...我當時應該流緊口水)...d紋好靚~~3,810円=234.3hkd......買左會幫你切~




買齊野就出戶外區~本時應該有人安排帶位既~但呢日就話自己隨便坐啦~~咁有BBQ區既利用方法~自己看一下下~同埋最正係咩?使用BBQ區係唔需要額外收錢架!!!!你去買料黎燒就得架喇~






同埋有個位係賣野飲既~~~有海鮮點可以唔買d酒精呀~





仲有現打原個生果汁~~吸睛~





燒烤區~請任坐丫~呢日係星期二~閒日~除左有一團泰國旅行團~無人同我地爭~




我地揀左呢度坐~仲要向海的~醬料同夾已一早放在枱上等你來用~





揀好位之後就會有專人過黎幫你開爐~如果有d咩唔夠用以自助形式自己攞啦~~~~(錫紙都有..好細心)....仲有紙圍巾的~唔怕食污糟件衫~由於係所有既野都好自助~記得食完野係要自己執好d垃圾dum呀~




我地買左呢幾樣野飲~茶都要俾錢架~熱茶100円=6.2hkd(杯).....




我真係估唔到毛寶揀左柚子現打果汁...我以為佢點都揀解渴既西瓜或菠蘿架嘛~呢個偏酸~我一般~300円=18.5hkd





黎和歌山梗係要瘋狂飲梅酒啦~盛產架嘛~我叫左完熟梅酒~400円=24.6hkd....平~幾好飲~




曬下冷先!!





先生夫人~你地滿唔滿意呀~作為痴痴貢既我...我表示十分滿意~~~~~




大~拖~羅~~3,810円=234.3hkd.....好~~好~~味~~呀~~~~~魚油肥美~~~~~跟我一樣的好吃可口~~~早知買多盒中拖羅啦~~~~(毛寶心入面一定諗：我有話請多盒你食咩?)




愛知縣產既象拔蚌刺身~~一條2,000円=123hkd!!!!!好平呀!!!好好味呀!!!!澳門食要398mop!!!!!!平一倍有多~




一板2,000円=123hkd.....勁好味!!!!!!又係勁平!!!!!!




我對呢個原個海膽期望超高!!1,000円=61.5hkd.....都好味既~但佢個味係比起一板板哥隻淡味~我比較鐘意一板哥隻~




花竹蝦(個人目測估計)....1,800円=110.7hkd(4隻)...每隻27.7hkd....都幾貴!但烤黎食超好食!!!!!





勁爆大隻既唔知咩貝....幾似之前係澳門食過既貴妃蚌~一隻700円=43.1(隻)......佢幫我地切開.....所以每人有兩邊食~




呢條唔知咩魚呀~500円=30.8hkd.....好平....




好開心好開心~我好鐘意食海鮮~




烤魚呢d野都係交俾d阿媽~





落鹽哥隻衰手衰到~~~~~條魚好好味呀!!!!烤到乾身d時連d魚皮都脆卜卜~~~~正呀~~~




d蚌勁新鮮勁爆厚肉!!!!!睇番都好想再食!





食完海鮮發現無菜食~去買個綜合生菜盤先~600円=36.9hkd....同埋買左兩串菇....150円=9.2hkd.....個蔬菜盤仲貴過條魚~咩道理~





但又幾鮮甜既~




呢次食左15,560円=963.1hkd....每人240.8hkd.....好抵~點解今次我地揀黎大路遊客野黑潮市場唔揀地道d既Toretoreとれとれ市場?...因為我未黎過和歌山囉~梗係去左大路野先~下次再黎就會試Toretoreとれとれ市場~(同埋我唔想一個旅程食兩個相同類型既漁市場~)...點解既?點解最大頭個女仔咁靚既?那是誰?







好開心Jason Mraz出左新碟~~對上一隻碟我都好鐘意聽~最鐘意聽Quiet~呢隻新碟叫"Know"~我鐘意入面一首叫"Let's see what the night can do".......某一日...我同你靠窗對坐係某Cafe.....還有少許陽光微微灑入黎....一人戴一邊air pods.....然後一路聽住呢首歌.....食住同一份早餐......成個世界得我同你聽到呢首歌~浪漫到暈~~~~~(好怕醜呀~~但我想要既其實係呢d就夠~希望你永遠會記得哥日個畫面~<3)~~~~~~~~~~我平時好憎d歌不停咁重覆同一句歌詞....呢首都有不停咁重覆呢一句....但我覺得勁好聽....重要覺得勁甜~~~~~~~~~~~~~~~~~~~~~

And get dressed up in clothes we don't mind getting messed up

Where no one will know how to get us
We don't need the map we'll just drive, drive, drive

I wanna get lost with you
And hideout out under the light of the moon
I wanna get lost with you
And see what it's like to spend the whole night
With you, just you
You, just you
(好衰架想同人一齊迷路..迷路都迷到你咁甜死人!!!!!!!!!)

We can head north over the oceans of turquoise
Where after a while there'll be no noise
Except for the sound of our heartbeats beating on
And we'll stand in a canyon alone
Singing our favorite songs
And wait for the words to return in the echo, echo, echo, echo, echo
(勁有畫面.......浪漫到痴哂線...點解瑪耶茲你可以咁有才~d詞寫得勁靚......少女投入自己的幻想世界.......我想講....文人即係文人....你會點演繹Let's see what the night can do?....我淨係諗到中文係今晚有乜X可以做XXXD...點解佢可以唱到咁甜咁治癒?<3.....世界上有Jason Mraz真好~)



2018/08/20的開心事：
七公子天大既喜訊呀~~~~~~
就係~~~~~~~~
之前無係度提過~~~
麥公子有左bb~~~~~~~~~
而係上個周末呢個中韓寶寶就出生了~~~~~~~
佢爹娘幫佢改左個乳名叫"八寶"
八寶少爺令七公子有一個開心既周末~~~~~~~~~~
恭喜朴先生朴太太朴八寶~~~~~~~~~~~~~



報時：距離Supper Moment[Dal Segno]專輯巡迴台北站2018仲有---3日~
報時：距離與毛寶慶生泰國食揼嘆之旅2018仲有---38日~
報時：距離天團蘇格蘭高地之旅2018仲有---54日~
報時：距離鳥取自駕遊之旅2018仲有---102日~
呀!!!!!!!!!!!!!!!!!!!!!!!!!!!
好開心呀!!!!!!
今個禮拜去睇仕燊喇~~~~~~~~~~~~~~
其實.....我心底入面...
好想...............
好想同29歲的仕燊來個最後的合照.............(因為佢係第二日就生日~變成30歲既佢~)
唔知老爺會唔會成全我呢?
(大膽假設小心求證)
係喎~我要執行李呀~~
星期四不上來了~下周一準時見~(咋咋帝)
唔係呀....今篇好長呀~
俾多少少時間大家慢慢睇呀~
同埋聽下Jason Mraz首歌呀~~~~~