毛里求斯渡假+馬達加斯加麵包樹之旅2017-06-04&5第十六及十七天(陰天及後天晴)

星期五.....悶悶的上班天~放工先知...下禮拜仍要番早~(下星期番凍....嗚嗚.....)....放左工去左同我既唯三大學同學食飯~去左食權昌打邊爐同小炒~食完都好乖~番屋企做下無氧運動~星期六一早起身去左跑步~第一次唔係健身室跑~好凍~快行+慢跑5.1km~但都幾好~因為有景睇~無咁悶~之後番屋企沖個靚涼後去左食有間咖啡室~都幾抵食既~夜晚同左以羅菓子軒去食天潮~發現佢又大粒了不少~小孩真係大得快~星期日...天氣凍早上仍然早起去跑步~真係要比個叻我自己~都係快行+慢跑5.1km~跑完暖笠笠~沖完涼去左食一間未食過既麵~不過麻麻~仲同貞公子一齊食添~丫~貞公子仲請我食麵~你人真好~下午毛寶幫我剪頭毛~夜痴痴貢痴毛寶屋企做冬~(我娘去左旅行~)......星期一...番工順利~放工又去左跑步~但今日跑左4km咋~~因為我太肚仔餓~~跑完去買左個酸辣粉食~正!!!!!!聽晚就係我最期待既公子聖誕哭福派對!!!!!我個哭袋重到要用起重機~~~~好緊張呀~好驚笑到氣咳~~~然後星期三又放假喎~~~回歸嘛~



2017-06-04~2017-06-05
Day 16&17(毛里求斯 Mauritius->香港 Hong Kong->澳門 Macau)
華~好正~噚晚返回文明訓得好舒服~~起身食早餐~咦~原來我地間房對住泳池架喎~~不過天陰陰咁既~




好喇~食毛里求斯最後一餐早餐喇~~~不過不失啦~都算多野食既~但食完之後佢叫我地埋單.......最後發現原來呢晚個酒店價係無包早餐的~擺烏龍~每位RS600=136.3hkd....算囉~以酒店早餐黎講又唔算貴既~橫掂用淨d毛里求斯錢~用咁d~




之後衰公衰婆食飽早餐去同番reception講噚晚話我地無俾錢哥單野.....好快人地已經話ok架喇~仲有再問埋有無得late check out...佢又好爽快咁話可以最遲6點check out~~~~~好野~~~~~~~~可以留到飛哥時先走~我同毛寶食飽早餐番房第一件事就係....再訓過~~~~~~~~~~~~~~~~~訓咁上下點幾兩點...衰婆打過黎問我地出唔出去行下(酒店有免費車去藍灣(Blue Bay))....我同毛寶都睡昏了~所以不去了~訓多一陣起身~食中午飯~其實已經3點幾~食埋最後一個帶過黎既杯麵~(好正).....之後去沖涼執野~6點左右~我同毛寶就check out自己去機場先喇~~~~又係坐佢既free shuttle去機場~呢間酒店真係唔錯~性價比幾高~沖好涼舒舒服服到機場~




我同毛寶先行check in入左禁區...諗住行下d duty free同紀念品店散埋哥少少毛里錢~點知.....行行下佢成個機場停電....好多都無燈....好幾分鐘之後又有電....如是者......重覆左4次.......................................................好彩最後都用哂d錢~(因為太少...兌黎都蝕匯率~)




走哥時諗住試埋另一個Lounge~叫Salon Nenuphar...佢係Gate 19對面.....我地一入去...佢見我地飛Air Mauritius....佢就同我地講：其實......另外哥邊個Lounge好d架~........於是我地就thank you然後急急腳咁走~




又走番去Amedee Maingard Lounge~穿過Duty Free轉右直行就到~




咁呢度環境上次對比過係好d既~又開揚又光猛~(我上次由毛里出發去馬達時咋咋帝睇哂兩個Lounge既環境先決定入邊間~哥時已經覺得呢個好d~)




呢個Lounge算係幾多野食架喇~重點係....佢有香檳飲!!!!!我開頭見隔離枱飲....我走去問職員可唔可以俾杯Sparkling Wine我....點知佢話：我地係無Sparkling Wine...我地淨係得Champagne~.....wow~人地點估到je~個唔使錢入既Lounge有香檳飲~好衰架~.....唉...下年無左呢個信用卡優惠...我會好失落........嗚嗚.....塊吉列扒幾好味~




頭先係紀念品店買左包茶葉同埋買左包咖啡俾媽媽~買呢個茶葉純想要佢隻木匙~哈哈~回程行李重15.9kg.....輕過去程(17.12kg)...好似無去過旅行咁....少野買得可憐~




好喇~係Lounge食飽嘆完又上機喇~我地搭Air Mauritius既MK640係20:45由毛里求斯直飛回香港~知你地成篇blog無見過我個樣一定會心癢癢~我真係貼心~又係最愛2-4-2坐法~




又有過夜包~仲要同黎哥時唔同色個袋仔~




乖到!!!Welcome Drink飲蘋果汁~




一上機既晚餐....我記得我求其掂兩下就無食....好似係魚...幾難食下......飛機餐控係咪要長大了呀?




由於出發時係5月...走既時候係6月....岩岩換哂新戲~好彩咋...因為佢都無咩戲睇~睇左套鄧麗欣同張繼聰做既失戀日....又係好彩係飛機上睇咋既戲~睇完訓訓訓唔知幾多個鐘~~~~~訓醒就開套由Jennifer Lawrence同Chris Pratt主演既太空潛航者(Passenger).....雖然無中文字幕..但都明既~呢套唔錯喎!點解上畫時我無去戲院睇既?...睇睇下就派早餐了~我淨係食左生果和蛋~其他無食~個果汁幾好飲~




飛左9小時45分就番到香港喇~~~~~~我地到達時間係第二日..即係6月5日~早上10:30就到左喇~


諗住到左之後就點呀...做大小姐去搭尊豪番澳門架嘛...點知尊豪去到成下午3..4點先有....下...家陣才11點咋喎...算喇...搭番機場船番澳門喇....好攰呀~~~~~又要搭完船自己折的士回家~~~~~~~~第二日仲要番工~~~我真的好強~~~



總結：
1.使費：8,694hkd(香港來回毛里求斯及毛里求斯來回馬達加斯加首都機票)+9,541hkd(9晚毛里求斯酒店)+485mop(保險)+1,970mop(毛里求斯租車)+615mop(毛里求斯追海豚)+2,783mop(毛里求斯直升機)+11,153hkd(馬達加斯加8天Local Tour)+3,890hkd(毛里求斯使費)+1,477mop(毛里求斯信用卡使費)+1,716hkd(馬達加斯加使費)=42,543.9hkd(港幣加澳門幣約數)....華~都唔平架喎~退場~
2.計番原來每日使費仲貴過上次去冰島加格陵蘭(日使費係2,3XXhkd)...亦貴過去南美(日使費係2,0XXhkd)...今次日使費係25XXhkd!!!!!但老實講....叫做都住左幾間貴酒店...又係唔同既!
3.多謝衰婆計劃哂成個行程~其實到出發我都唔知自己要做咩咁~衰婆已經事前做左超多功課~仲要幫我準備好多用品~好貼心的一個女子~多謝衰公毛里揸足咁多日車~出發之前仲不停e-mail各大酒店同埋馬達加斯加幾間旅行社問價~多謝毛寶照顧虛脫既我~多謝阿sam出發哥時車我地去碼頭~咦.....我今次又係耍廢~真開心~
4.毛里求斯真係純hea~渡假哥種.....但渡假feel得黎佢d野真係好難食....最好食係Nando's燒雞...同埋每間靚酒店d早餐~
5.我最鐘意毛里求斯既景點係自然橋同埋直升機睇海底瀑布~
6.馬達加斯加一到達時就感受到同毛里求斯的差異...就係比較落後d...但講真....呢度既野食好食過毛里求斯10倍!
7.雖然馬達加斯加同毛里求斯入境無強制要求打預防針(我講係從香港出發咋..如果你係從肯雅出發既話係要求出示針薄架!)...但記得.....帶蚊怕水.....我仲帶左兩大支!...每日周身噴....番到酒店都係蚊帳狂噴~好彩無一晚係俾蚊嘈住我訓唔到~
8.馬達加斯加最好買樽裝礦泉水飲啦..反正d樽裝水唔算貴
9.馬達加斯加最開心係見到肥肥的麵包樹~仲有有臭狐既King Julian~
10.最難忘係爬完尖石林哥種虛脫......
11.呢兩個地方初訪都算係幾好玩...但要我再訪既機會極低...
12.衰婆某日同我講：如果我地100歲仲未死.....不如再番去馬達加斯加個麵包樹大道哥度..睇下d麵包樹變大未咯?................諗起都浪漫...不過.....我係唔會應承你~~~~我既回覆係：如果我地100歲都仲未死...可唔可以唔好咁辛苦仲番去睇哥幾棵麵包樹呀?!?!?!!?!

~The End~

~多謝收看~

無啦啦的起心肝星期六晚拆左今年d利是~
收左113封~多謝大家~
有成$5060!!!!!!!!!!!!!!!!!好勁呀!!!!!
多謝哂~~~
我會儲起佢....然後搵個機會一炮過用左佢~~~~



2017/12/18的開心事：
我今日收到聖!誕!禮!物!呀!
由一個意想不到既人送既~
係我一個好友既男友...佢既化名叫"後生仔"所捐贈~
我同毛寶都有~係一支我好想要既潤唇膏~~~野~~~
多謝後生仔~~~禮物既野我同毛寶多多都唔驅架~~
不過依家要俾洗底膏我地既.....其實係你女友多d~~~~
好開心~~~~~~~~
聽晚係哭福派對~~跟住又放回歸假~~好開心~~~



報時：距離新加坡熱辣辣聖誕節之旅2017仲有---3日~
胡椒蟹呀辣椒蟹呀藥材蝦呀麥皮蝦呀海南雞飯呀~~
我咁努力做運動為咩呀~就係為左你地咋!!!!
真係好喇~我去新加坡之前~今年年尾之前~
終於出完毛里求斯加馬達加斯加遊記~
算係咁~~~~哈哈~~~~~
係度預祝大家聖誕快樂呀~~~冬至團圓~~~
我應該聖誕過後去埋旅行先再番黎出blog呀~
唔準唔掛我~*3*
望望個統計...12月原來我暫時出左3篇blog咋...
離哂譜~~~~~
等我去埋旅行聖誕過後年尾前再出多篇先~~
wakakakkakkaka~等我呀~~~~