2017年12月14日 星期四

毛里求斯渡假+馬達加斯加麵包樹之旅2017-06-03第十五天Part 3(天晴後陰天有微雨)

我去完旅行喇~有無掛我先(你有入黎睇我代表你有掛住我架喇~~)......上星期二...我地最後一日去哥間健身室跑步~最後一日跑左5.09km~係呀哥時淨係續左4個月~不經不覺跑左4個月步~我無話到左期唔跑~依家天氣凍凍地出街跑je~上星期三...工作量還好~唔會太迫人~同埋...抽左假喇突然之間~~~由於我放我自己假唔使去跑步...所以呢晚開始執gip~估唔到一晚就已經執到七七八八~.....上星期四...好多野做~可能聽日係公眾假期d人衝哂黎~唔緊要啦~~人地聽日都去旅行咯~~~hehehehehehe~~~~......不過依家去完旅行勁攰到抽筋......我覺得我好老~~~~成日都好眼訓~好野~~番埋聽日工~~又到周末~



2017-06-03
Day 15---Part 3(馬達加斯加,安達西貝 Madagascar,Andasibe,->安塔那那利佛 Antananarivo->毛里求斯 Mauritius)

會合番Sundi~~佢話我地玩左好耐~~搞到時間有少少緊~~所以食飯要食快d喇~~~~佢放低我地係一間外表up up dup dup既餐廳.....唔緊要啦~求其食啦....點知....我地食到我地呢10幾日行程最好食既一餐!!!!!!!!!!!!超水準既雜菜湯!!Ar.8,000=20.1hkd...終於唔係哥d打爛哂既菜蓉豆蓉湯...而且味道極佳(有點點芫茜味...芫茜控必飲!)....毛寶叫左個雞湯(無影低)....雞湯仲要有公仔麵...好好味!!即刻好似番左澳門d茶餐廳咁!!衰公都話好食!





我仲叫左個炸雞!Ar.12,000=30.1hkd....外脆內肉嫩...汁也很好吃!!!毛寶叫左肉醬意粉.....佢竟然好食到成個食哂!!(最奇係佢竟然會叫肉醬意粉)........呢餐簡直係超班水準!!個個讚好!




呢餐食左Ar.75,000=188.1hkd....每人47hkd....叫你地唔好以貌取人架啦~呢間好食個酒店哥d呀~(我覺得好食過毛里求斯St.Regis晚餐添喎)




食飽飽之後就去Reserve Peyrieras Madagascar Exotic參觀~




類似動物園咁既...乜都有d...又係有個導遊帶住你睇呀介紹呀(Local Tour已包入場...只需心意心意俾tips導遊)....咁就...第一樣就係睇我好驚既野(我其實無咩唔驚)....就係蜥蝪....影蜥蝪呢d咁恐怖既野梗係交俾毛寶啦~~我唔行近架~~~







呢隻個樣又幾過癮既~不過我都唔會掂架!(其實蜥蝪寶寶可能都唔想我掂佢~個屎八婆懶有寶咁)




勇敢的人呀!!!我估佢本身應該係想用赤條條既手臂同佢黎個肌膚之親既~但好似聽完我同事講話佢個fd以前黎過馬達加斯加俾蜥蝪爬過上手臂之後...就生足咁耐皮膚病之說後....毛寶就戴番手袖喇~




好似話有其中一種係全馬達加斯加最大體型既品種..但以我既記憶.....算吧啦~





跟住就參觀細粒蛙!!!!好得意呀!!!!真係好細粒仔!!!!!





有幾細粒?毛寶話你知!....但常識都有教啦...但凡d色越鮮艷既野都越有毒既!....問導遊有無毒...佢話無喎.......我覺得呢個人相當有嫌疑!張相好難得先影到架!!!因為佢地好快跳走~~~勁高跳落地唔驚撻屎架喎!




華~~~~仲有bb蜥蝪呀!!!係幾得意既~但都係唔好上我手喇~




呢隻仲得意!!!!!!





呢個已經係我可接受既距離~~~~~XXD.....好可愛呀你地兩個~~~~我講我同毛寶~





然後佢地3個都話呢兩隻野好有型喎!!話佢隻眼勁有型.....我完全不能認同囉...我打左好多個冷震....





毛寶話佢隻手掂落黎個質感好得意...叫我俾佢掂下....我心入面想講既只有:行開啦好無?XXD...點得意我都唔會上手!!!!!!




仲有呢隻馬達加斯加先有既蕃茄蛙(Tomato Frog)!!!又真係幾似一個蕃茄喎~好可愛~但走得勁快~好難影得好~





呢度仲有一樣重要野參觀...就係人頭咁大既飛蛾!!!!!!!




就咁睇你唔知有幾大隻既...我地有請衰婆為我地示範!!




突然覺得你大無畏........平時細細隻飛蛾我都會跑走....何況依家咁x大隻?!?!?!!?!?!?在我世界佢係異型.....睇我企係後面個樣雖然矇哂...但都睇到....我係處於惶恐同埋小心翼翼既狀態(心諗:你咪行埋黎呀...揸實d唔好令佢飛起呀...)




好喇好喇...驚完喇....同導遊合照一張~




好喇~我地係馬達加斯加既行程已經完滿結束喇~依家直踩車番首都喇~之前黎既時候由於夜晚無咩燈..都睇唔到周圍景色(其實係自己訓著左)...依家日光日白又好天望落幾靚~毛寶影路軌哥張好靚!





仲有一路上見到好多一大包一大包咁既野....Sundi話我地知呢d係大麻........咦..咁好明顯係合法喎下嘛?我見哥頭家家戶戶都好多袋.....唔合法唔會咁張揚卦?





馬達加斯加真的很好拍~比毛里求斯更好拍~






由於一路上都無見過郵局...所以我地就弱弱的問Sundi可唔可以幫我地攞postcard去郵局寄....佢話可以~好野~了左件馬達加斯加既心事喇~唔該哂~~~~~~



到左首都Sundi見仲有時間車我地去睇埋山上哥個皇宮~睇完就車我地去機場lu~去到機場我地換番d錢做歐羅先.....我d錢換番有成€50=429hkd~不過要留意下.....零錢同埋大紙換番既錢係唔同匯率既(大紙換多d)....




之前到既時候就見國際線呢邊有間紀念品店有d刺繡野好靚!但諗住出面可能有更平更好的....所以睇定d先....點知市面無咩刺繡野賣...就算有係酒店入面既要成千蚊hkd....所以又諗住唔緊要啦...衰極都仲可以係機場買....點知.....8點未夠佢收左........................................依家只可影張相留念




好喇...入到禁區....衰公衰婆諗住換淨少少馬達錢入黎買支水呀...或少少野食咁....點知....入到黎賣野食既地方佢唔收馬達錢...淨係收歐羅...................................佢地唯有去d紀念品店買野用左佢~我地呢晚搭番Air Mauritius既MK287係22:10由馬達加斯加首都安塔那那利佛直飛回毛里求斯~我記得回程飛機餐好似食麵...但唔知點解我無影到既?




搭左1小時45分鐘機...到達既時候已經係00:55......我地醒呀~訂左機場附近既Holiday Inn~仲要有免費shuttle接送~威威~我又老點毛寶落車幫我影相~(我仲坐係車上面懶郁~)




check in時哥個野話我地未俾錢...叫我地俾.....好彩衰婆有記低.....同佢講我地俾左錢....佢話顯示係未俾....即刻出示番訂酒店張紙俾佢睇...寫明已付款...佢仲係唔信...佢叫我地聽日再同朝早既reception講.....大家要留意呀!!!!!記得自己有無俾到錢呀!!!我地再要求聽日可以有late check out...因為我地聽晚機...太早check out又無地方可去~佢都係叫我地同聽朝個reception講~



一入房~wow~我回到文明了~~~~又大又靚!!!!!!!!!一晚房價864.9hkd...每人每晚432.5hkd......個價ok喎~









今年抽大假既情況仍然相當激烈!!!!!!
好彩!!我出年個大假係好多日都要抽既情形下!!
全中!!!!!!!!!!!!!!!!!!!!!!!!!!!!!!!!!!!!!!!!
係有一段散假有其中3日抽唔中..
有個同事好好咁讓左俾我~
好野~~~~~~~~~~~~
咁我又可以幸福忙喇~~~~~~~~~
快d諗下出年去邊先~~~~~~~~~~~~~~~~~



2017/12/14的開心事:
我終於食到馬慶康個煎肉餅煎蛋飯~~~
又幾好味喎~



報時:距離新加坡熱辣辣聖誕節之旅2017仲有---7日~
原來番到黎10日度....又再出發~~~
好緊張~~~又去食野~~~
希望體重唔好升得咁多~~~~~~

20 則留言:

  1. 回覆
    1. 你去新加坡玩仲有...7曰
      12月26-27-28曰...我都去大陸玩3曰兩夜

      刪除
    2. ♦・゚☁好友🌜甜夢安睡🌛💤
      ╔══╗────╔╗╔═╦╦╗─╔╗╔╗✨
      ║╔═╬═╦═╦╝║║║║╠╬═╣╚╣╚╗
      ║╚╗║╬║╬║╬║║║║║║╬║║║╔╣
      ╚══╩═╩═╩═╝╚╩═╩╬╗╠╩╩═╝
      ──────────────╚═╝晚安🌟
      眨吓眼時間過得好快╠╣aΡpy週五👀
      💕齊齊時刻笑笑🎀享受天天美好💞

      刪除
    3. 好開心呀~~~就黎又去旅行喇~~但我仲未執野~

      刪除
    4. 依家凍冰冰~最好就係訓覺~

      刪除
  2. 我又入左黎睇喇 ... 今次可能去得太密先咁攰,好好休息下啦~~好快又再飛~~
    其實睇住D蜥蜴同飛蛾都未係最驚,反而D細隻青蛙突然跳起又唔知跳左去邊先得人驚
    D刺繡圖案又幾靚幾得意,有時去旅行就係冇機會格價,見到都唔知好唔好即刻買 ... 不過你都學緊刺繡啦~~

    回覆刪除
    回覆
    1. 乖喇乖喇~~~我都覺得飛得太近真係有d攰....我老了~
      下!!!我最唔驚係小青蛙~~~~~~我好驚飛蛾~~
      哈哈~~~我學哥d真係小學雞~~~我學完哥堂都無再練過~

      刪除
  3. 掛你好掛你!隻蛾係異型,好得人驚

    回覆刪除
    回覆
    1. 野~算你啦~
      係囉!!!我堅驚...驚到就要賴屎~

      刪除
  4. 蜥蜴好Q好可愛喎.......
    妳又去旅行小心飲食、天氣凍小心呀.唔好帶病去旅行呀。
    提早祝妳旅遊愉快、食野暢快、買野爽快。

    回覆刪除
    回覆
    1. 我超驚唔敢睇~
      知道知道~~~但我依家開始有粒暗瘡生緊~
      多謝多謝多謝~

      刪除
    2. 唔使咁耐~~~番黎呀~~~年尾再見多次~~

      刪除
  5. 毛寶比小t大膽得多!
    祝您冬至、聖誕加新年快樂,旅途愉快!

    回覆刪除
    回覆
    1. 哈哈~~不嬲都係~~~
      多謝多謝~~大家咁話~

      刪除
  6. 我近來都開始跑步,因為唔想個肚。。。
    以貌取人<--🤣 有時越up dup嘅餐廳會仲好食架~
    咦!你早前講完我杜拜果間Holiday Inn,而家到你住馬達加斯加果間噃~

    回覆刪除
  7. 隻飛蛾大到成隻紙鳶咁@@

    回覆刪除