2017年8月21日 星期一

毛里求斯渡假+馬達加斯加麵包樹之旅2017-05-21第二天Part 2(天晴及間中有雨)

星期五放左工無去做運動~俾肌肉一個休息的機會~同左媽媽去食龍王煲~但好失望呀.....個煲無論湯底定係龍蝦...都退步了!我諗我唔會再去食lu~(因為其實我已經食左4次;目~~)..飯後去左食聰少~星期六一早起身就去做運動啦~快行+慢跑4.96km...雖然距離係短左...但係跑既時間拉長左~同埋快左~都唔錯丫~之後再踩14.18km單車~.....做完之後去左The Grey Green..以為佢有野食~點知原來齋賣花花草草~但有茶同埋Rocca既餅乾同你分享~真不錯~所以餓住肚番屋企..烚左隻雞蛋同埋食左個奇異果~夜晚去左The Apron同麥公子慶生~同公子說說笑笑真好~星期日朝早又快行+慢跑5.09km...但呢日跑得好少~單車6.98km~由於佢就黎加價~所以我地就的起心肝...再續期3個月~~~勤力到呀~~中午食左路環輝記~又同人搭枱時聽到好多野...(其實我真係好八~~)...之後周圍行下路環睇下有咩影相既好位~但實在太熱~~番左屋企訓下午美容覺~~~夜晚用澳覓叫左燒烤食~又過左一個周末~乜過得咁快既...星期一..多野做d人又煩....夜晚阿婆生日~陣間要去食生日飯~睇我幾乖~一放工就跑回家出blog~因為有個人話好掛住我個blog~今晚運動暫停一天~



2017-05-21
Day 2---Part 2(毛里求斯 Mauritius)

好~出發去食中午飯~呢條路我記得好易令人行錯線...變逆線行駛~(記埋d無聊野)




經過聖水湖範圍先去到我地午餐地點~神像維修中?




我地今日既午餐地點係Bois Cheri茶園(Bois Cheri Tea Factory and Tea Museum)~我地開頭泊左係博物館個停車場(即入口)....諗住行入去...但衰婆記起話d人話要行好遠...所以上車再行前....有個閘有人欄住既...但我地話我地訂左食飯...佢就放行了~記得要揸車入去..因為原來好遠下....而且是爛路.....車行都要6-8分鐘.......人行可能要45分鐘.....茶園個餐廳~




餐廳門口係對住呢個湖~幾靚~仲有人踩鴨仔船架~




都幾多人黎食飯~我地話酒店幫我地打左黎訂枱~但佢話hilton無打俾佢地~唔該哂呀hilton....咩都無做到~...好彩早少少黎咋...之後越黎越多人黎~





我地靠窗坐~對住印度洋吃飯~(雖說有點遠~)




先上麵包~~d麵包極度好食!!!!!!!熱辣辣又脆~~~~加上牛油更是一絕~~~~~~~唯一搞笑既係大大小小個個不同~我忍唔住食左好多.....




左邊既係毛寶叫既Sunset...右邊哥杯係我既Virgin Colada......各Rs140=31.8hkd.......杯Virgin Colada幾正~衰婆都話好飲~




Coconut Tea...Rs70=15.9hkd.....幾香喎~~仲係呢個茶園出既添~





Crispy Fried Chicken....Rs225=51.1hkd~好食!




Octopus Salad....Rs325=73.8hkd....簡直出色~~~食得出新鮮~而且與欖油撈埋一齊好好食呀~




Calamari with Green Tea...Rs635=144.2hkd....魷魚整得好好味呀~~~個汁又好味~不過我又唔係好食到茶味喎~魷魚新鮮~而且幾大舊下~




Smoked Marlin Spaghetti....Rs405=92hkd....佢地應該幾鐘意食呢種馬林魚~酒店早餐有煙燻的~呢度又有意粉係同馬林魚一齊整~不過咁樣整其實有d硬硬地~但個意粉味道其實幾好~又夠大個~




Chicken in Bois Cheri Green Tea Sauce Rice, Lentils and a Variety of Chutneys.....Rs445=101.1hkd....汁好味~佢地d米都係瘦瘦長長乾乾咁的~




我地唔信邪呀..又叫蝦....Big Prawns with Exotic Tea Served with Spicy Rice....Rs865=196.5hkd.....咦...又係"木"既d肉質.........................到底...係真係唔新鮮...定...毛里求斯d蝦肉質就係咁??




普遍呢間餐廳d主菜都係唔錯既~我地食哥d主菜都特登揀d以茶入饌既菜式~汁係唔錯既..但我又食唔到茶味喎~(唔通咁先係最高境界?




甜品叫左Creme Brulee made with Vanilla from Saint Aubin....Rs160=36.3hkd....同埋Bois Cheri's Tea Sorbet...Rs145=32.9hkd...本身想叫tea jelly既..但佢話無...Creme Brulee就一般啦~(對我黎講)....我覺得tea sorbet好正~好茶味~




呢餐食左Rs3,465.01=787.1hkd....每人196.8hkd....以又飲野又前菜又主菜又甜品咁....呢個價都好ok啦~~加上同噚晚餐Hilton做對比....呢餐好吃多了~(也平多了~)




好喇~下一站~無啦啦涼涼地~呢個孩童又唔帶衫落車....本住幼吾幼以及人之幼既精神....我好心借俾佢著...我有無咁大隻呀..你著左之後好似變成無著褲咁~~~~~我地係後面仲笑你似露體狂d變態佬~(張相無啦啦消失左既話我應該俾該名孩童滅左口)




我地依家去參觀格朗池(Grand Bassin,梵語名Ganga Talao)..又稱為聖水湖...




呢張係行緊落樓梯時影...但個聖水湖好大...影極都影唔哂~




原來佢係一個由火山噴發而成既天然湖泊....係印度教既朝聖地...當日都有好多家庭做緊祭祀...所以唔方便左拍拍右拍拍了~番去攞車途中...曬左陣大雨~~~~好彩已上車~





又黎到下一個景點黑河谷國家公園(Black River Gorges National Park)....我見佢地圖有好多個入口既~




行到觀景位...華~好靚~呀~~~~~~~~~但...想行多d...以為有步行徑可以慢行下..點知又無喎~淨係得呢個觀景位~可能其他入口先有卦~算啦~(仲好啦~你明明就唔鐘意行咁多架喇~)...覺得有少少似澳洲個藍山~





臨走時見到呢架好old school既小食雪糕車~~~仲有翻版米老奇~




之後我地走啦~但一整天沿路都見一家大細係路邊矮樹叢擇野....好想知你地擇咩呀....個心想知到好痕呀~~~~(勁八)...去到今日最後一個景點~本身係睇瀑布~點知要行一大段路入去.....但天色好像漸漸黑....路又爛又多樹叢...怕行到去睇要摸黑出番黎...加上無咩路牌指示...就此撤退....(圖文不符照...去睇瀑布條路見有隻蝙蝠倒吊...最後驚覺佢已經乾哂.........阿門)




同埋發現毛里求斯d路既兩旁好多呢d似芒草既植物~(但又唔係平時見既芒草喎)....在陽光下金光閃閃好靚~




一路上也是這種舊式巴士站~




好彩無行去瀑布咋~你睇....天都差唔多黑齊喇~呢段路我記得個日落天色好靚~




番酒店唔知做d咩一陣再出去食飯~(因為已經唔想食酒店餐廳)...去呢間~因為番酒店路上經過見到好似好多人食~試試~係食印度野既~有Trip Advisor加持既Zub Express~地址:286, Coastal Road, Flic en Flac, Mauritius.....好似是周四休息的~




我地都等左10分鐘位架~幾熱門呀~不過入面黑黑焗焗的~一坐低就放低醬醬先~




叫左我細個好鐘意飲既Orangina....Rs50=11.4hkd.....但唔知點解...好似細個飲玻璃樽既好飲d咁既?;[




Mixed Salad....Rs160=36.3hkd.....都幾多下~~食菜啦食菜啦~~~




Crispy Squid...Rs180=40.9hkd...樣子不討喜~但味道不錯~吃得出魷魚新鮮~




叫左兩個湯...一個Sweet Corn Soup..一個Vegetable Soup.....各Rs100=22.7hkd.......兩個都不是你想像的味道~我覺得好似d跟團去外國食哥d中國團餐飲哥d"獻"汁湯咁~





由於我地不算太餓..(中午哥餐仲係個肚度而我地呢晚又早食飯)...所以主菜都叫唔多~怕食唔哂~叫左個Plain Naan印度薄餅...Rs35=8hkd...抵!.......Chicken Nihari...Rs215=48.8hkd...仲叫左呢個咖哩雞點個薄餅食~唔錯~仲叫左個炒米粉Special Fried Meefoon...Rs150=30.1....又幾唔錯喎.....3樣都好抵~~




呢餐食左Rs1,075=244.2hkd...每人才61.1hkd....又平又唔錯的選擇呢~幾鐘意呢d家庭式的餐廳~食飽飽就早d番去訓喇~聽日有活動要早起身~








岩岩番屋企時...我媽就同我講..
媽:我下午呀~share左你Sunny bb哥首說再見了吧俾我係內地d朋友聽呀~佢地話好好聽呀~
我:華~好多謝你幫佢地開拓國內市場呀~
拿~唔止我有出力架~
連我阿媽都有幫Supper Moment做推廣架~~
野~~~~~~~



2017/08/21的開心事:
陣間去大吃特吃~~~
最多聽日做多d運動啦~~~



報時:距離與毛寶慶生快閃台北之旅2017仲有---37日~
報時:距離日本四國自駕遊之旅2017仲有---53日~
報時:距離日本大阪自由行之旅2017仲有---108日~
報時:距離新加坡熱辣辣聖誕節之旅2017仲有---122日~

28 則留言:

  1. 休息下都要既,做得太密都未必好
    今次餐飯望落唔錯,賣相都唔差

    回覆刪除
    回覆
    1. 今日澳門都掛10號風球,有d地方連水電供應都受影響,你哥區冇事嗎?

      刪除
    2. 今個禮拜真係夠哂休息...
      ok呀!幾好食添~

      刪除
    3. 我屋企噚日停左兩個鐘電...但持續有水...今日就無水了..........但我有d朋友無左水兩日了

      刪除
  2. 見到你同毛寶係ig既相 果間cafe好靚呀
    我好無志氣地非常想吃餐廳的包包 我發現我係個包怪 哈哈
    餐廳環境真係十分優美 好想係果度hea返個下午

    回覆刪除
    回覆
    1. 其實我都係..麵包+牛油已經係好味既一餐(尤其今晚食會覺得食物既可貴)

      刪除
  3. 好友☁¨♦晚安囉🌜甜夢安睡嚟🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ❉•ೋஜ๑۩۞۩✾ഐ¨*♪♫♩♬
    🌟話咁快又╠╣aΡpy週二✨

    回覆刪除
  4. 隻星形沙律碟幾靚....
    之後仲有冇補去返個瀑布?
    之後仲有冇叫蝦?

    回覆刪除
  5. 嘩!點解前人無揸車入去。。。
    D包太好食怕食包包食飽飽🤤
    每人$6x幾抵食噃~

    回覆刪除
    回覆
    1. 唔知呀..好彩無跟行咋!
      哈哈..我真係食左好多
      抵呀不過我地叫得唔算多野食

      刪除
  6. 啲湖景真係好靚。祝妳婆婆生日快樂,身體健康。

    回覆刪除
  7. 美食靚影,仲要價錢好ok!! 每人有成三個麵包喎,一d都唔孤寒!!
    果個山景好靚呀!!!!!!!!!
    嘩,隻蝙蝠咁恐怖。
    今日打風呀,10號,我屋企对面起緊新樓盘,用嚟覆蓋座樓的網吹到爛晒,其實最驚係d天枰吊臂><
    澳門都好勁喎,水浸得好高,有d大厦吹到爆窗,你無受影响吖嘛?
    自然界d殺傷力真係好恐怖!!

    回覆刪除
    回覆
    1. 我應該食左唔止3個!
      幾似澳洲哥個真係!
      佢應該乾左!唔好怪佢
      真係好驚...我噚日望出窗都好驚
      全澳無電...我屋企停左兩個鐘電有番..
      今日無水....番左日工..我聞到自己陣臭味
      真係好恐怖

      刪除
  8. 祝妳婆婆生日快樂、身體健康、天天開心、孫女聽了話乘乘、心想事成。
    第一餐好正喎....
    妳偶像今個星期日係台灣做表演嘉賓喎、可惜妳仲有一個月多先去台灣、妳走寶啦。

    回覆刪除
    回覆
    1. 多謝!
      無啦...我本身都諗住去但係我唔諗住請假...而去高雄既航班又好差..放棄了!

      刪除
  9. 聽聞今次澳門掛十號風球破壞力好強,希望大家吉人天相🙏

    回覆刪除
  10. 這次10號風很強勁
    看到很多片可以說是災難般
    小t妳沒受影響嗎

    回覆刪除
    回覆
    1. 全澳無電...我屋企停左兩個鐘電有番..
      今日無水....
      但....人無事就好了..其他不重要

      刪除
  11. 小T小T,澳門在今次風暴好重創,快些報個平安啦﹗

    回覆刪除
  12. 祝願澳門……一切安好,盡快回復!!

    回覆刪除
  13. 而家先睇返你之前既BLOG呀
    比個讚你先, 咁勤力做運動!!
    繼續加油呀!

    回覆刪除
    回覆
    1. 但係颱風關係有一個禮拜無跑步了~
      我自覺得肥番不少~

      刪除